ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᑲᑎᒪᔨᒃᓴᓄᑦ ᐱᓇᔫᑎᓂᒃ ᒫᓐᓇᑯᑦ ᐱᔪᒪᔪᓂᒃ ᐆᒃᑐᕈᓐᓇᖅᓯᓂᕋᐃᔪᑦ. ᑲᑎᒪᔨᙳᖃᑕᐅᔪᑦ ᐊᒃᓱᕉᑎᖃᕐᓂᕐᒥᓂᒃ ᓇᓗᓇᕆᐊᖃᙱᓚᑦ ᑕᐅᑐᙳᐊᒐᙱᑦᑎᒍᑦ, ᐱᔪᒪᓂᖃᕐᓂᒃᑯᑦ, ᓯᕗᓕᖅᑎᐅᔪᓐᓇᖃᑦᑕᕐᓗᑎᒡᓗ ᐱᓕᕆᐊᖑᔭᕆᐊᓕᖕᓄᑦ ᐃᑲᔫᑎᖃᕈᓐᓇᕐᓂᐊᕐᒪᑕ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ.
ᐱᓕᕆᐊᖃᓚᐅᖅᓯᒪᓂᓖᑦ ᖃᐅᔨᒪᓂᖃᑦᑎᐊᖅᑐᓪᓘᓃᑦ ᐃᓱᒪᒃᓴᖅᓯᐊᖑᓪᓚᕆᒐᔭᖅᑐᑦ ᐆᒻᒪᖁᑎᓕᕆᓂᕐᒥᒃ ᐱᓕᕆᐊᖃᖃᑕᐅᓚᐅᖅᓯᒪᒃᐸᑕ. ᖃᐅᔨᒪᓂᖃᕐᓂᖅᑕᐅᖅ ᐃᖅᑲᓇᐃᔭᖅᑐᓕᕆᓂᕐᒥᒃ, ᓴᓇᔪᓕᕆᔨᒻᒪᕆᐅᓂᕐᒥᒃ, ᒪᓕᒐᓕᕆᓂᕐᒥᒡᓘᓃᑦ ᑕᐅᑐᒃᑕᐅᖕᒥᔪᑦ ᐱᐅᔫᓂᖏᓐᓂᒃ ᐃᑲᔫᑎᖃᕈᓐᓇᕐᓂᖏᓐᓂᒡᓗ. ᓂᕈᐊᖅᑕᐅᔪᑦ ᑎᒃᑯᐊᖅᑕᐅᓯᒪᓕᕐᓂᐊᖅᑐᑦ ᐅᑭᐅᓄᑦ ᐱᖓᓱᓄᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐅᑭᐅᖅᑕᖅᑐᒥ ᑎᒥᖁᑎᒋᔭᐅᕗᖅ ᓄᓇᕗᑦ ᒐᕙᒪᒃᑯᖏᓐᓂᑦ. ᐊᐅᓚᐅᑎᖃᖅᑎᑦᑎᔨᑐᐊᖑᓪᓗᑎᒃ ᐆᒻᒪᖅᑯᑎᖃᖅᑎᑦᑎᔨᐅᓪᓗᑎᒡᓗ ᓄᓇᕘᓕᒫᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᐊᖏᖅᓯᒪᔪᑦ ᐊᑦᑕᕐᓇᙱᑦᑐᓂᑦ, ᐊᑐᕈᓐᓇᑦᑎᐊᖅᑐᓂᑦ ᐊᑭᑐᓗᐊᙱᑦᑐᓂᒡᓗ ᐆᒻᒪᖅᑯᑎᖃᖅᑎᑦᑎᔪᒪᓪᓗᑎᒃ.
ᐱᓇᔪᖃᑕᐅᔪᒪᒍᕕᑦ, ᐱᔫᒥᓵᕈᑎᒋᔭᐃᑦ ᑎᑎᕋᖅᓯᒪᔪᒥᒡᓗ ᐃᓚᖃᕐᓗᒍ ᐊᐅᓪᓚᖅᑎᑦᑕᕆᐊᖃᖅᑕᑎᑦ ᐊᐃᕆᓕ 12, 2021 ᐅᕗᖓ:
ᓯᐊᓕ ᒪᒡᓚᐅᑦ
ᐊᖓᔪᖅᑲᐅᑎᖃᕐᕕᖕᒧᑦ ᑲᒪᔨ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
ᐃᕐᙲᓐᓈᖅᑕᐅᒃᑯᑦ: smcleod@qec.nu.ca
###
ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:
ᕈᓃ ᐴᓱ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
(867) 979-7524