ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᑲᑎᒪᔨᒃᓴᓄᑦ ᐱᓇᔫᑎᓂᒃ ᐱᔪᓐᓇᖅᓯᔪᑦ ᐱᒋᐊᕐᕕᖓ: ᐄᐳᕆ 22, 2022 ᐃᓱᓕᕝᕕᖓ: ᒪᐃ 13, 2022 ᓄᓇᕗᒥᐅᓕᒫᓄᑦ 45 ᑎᑦᑕᑯᓗᐃᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᑲᑎᒪᔨᒃᓴᓄᑦ ᐱᓇᔫᑎᓂᒃ ᒫᓐᓇᒃᑯᑦ ᐱᔪᒪᔪᓂᒃ ᐆᒃᑐᕈᓐᓇᖅᓯᓂᕋᐃᔪᑦ. ᑲᑎᒪᔨᙳᖃᑕᐅᔪᑦ ᐊᒃᓱᕉᑎᖃᕐᓂᕐᒥᓂᒃ ᓇᓗᓇᕆᐊᖃᙱᓚᑦ ᑕᐅᑐᙳᐊᒐᙱᑦᑎᒍᑦ, ᐱᔪᒪᓂᖃᕐᓂᒃᑯᑦ, ᓯᕗᓕᖅᑎᐅᔪᓐᓇᖃᑦᑕᕐᓗᑎᒡᓗ ᐱᓕᕆᐊᖑᔭᕆᐊᓕᖕᓄᑦ ᐃᑲᔫᑎᖃᕈᓐᓇᕐᓂᐊᕐᒪᑕ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ.
ᐱᓕᕆᐊᖃᓚᐅᖅᓯᒪᓂᓖᑦ ᖃᐅᔨᒪᓂᖃᑦᑎᐊᖅᑐᓪᓘᓃᑦ ᐃᓱᒪᒃᓴᖅᓯᐊᖑᓪᓚᕆᒐᔭᖅᑐᑦ ᐆᒻᒪᖁᑎᓕᕆᓂᕐᒥᒃ ᐱᓕᕆᐊᖃᖃᑕᐅᓚᐅᖅᓯᒪᒃᐸᑕ. ᖃᐅᔨᒪᓂᖃᕐᓂᖅᑕᐅᖅ ᐃᖅᑲᓇᐃᔭᖅᑐᓕᕆᓂᕐᒥᒃ, ᓴᓇᔪᓕᕆᔨᒻᒪᕆᐅᓂᕐᒥᒃ, ᒪᓕᒐᓕᕆᓂᕐᒥᒡᓘᓐᓃᑦ ᑕᐅᑐᒃᑕᐅᖕᒥᔪᑦ ᐱᐅᔫᓂᖏᓐᓂᒃ ᐃᑲᔫᑎᖃᕈᓐᓇᕐᓂᖏᓐᓂᒡᓗ. ᓂᕈᐊᖅᑕᐅᔪᑦ ᑎᓕᔭᐅᓯᒪᓂᐊᖅᑐᑦ ᐊᕐᕌᒍᓄᑦ ᐱᖓᓱᓄᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐅᑭᐅᖅᑕᖅᑐᒥ ᑎᒥᖁᑎᒋᔭᐅᕗᖅ ᓄᓇᕗᑦ ᒐᕙᒪᒃᑯᖏᓐᓂᑦ. ᐊᐅᓚᐅᑎᖃᖅᑎᑦᑎᔨᑐᐊᖑᓪᓗᑎᒃ ᐆᒻᒪᖅᑯᑎᖃᖅᑎᑦᑎᔨᐅᓪᓗᑎᒡᓗ ᓄᓇᕘᓕᒫᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᐊᖏᖅᓯᒪᔪᑦ ᐊᑦᑕᕐᓇᙱᑦᑐᓂᑦ, ᑕᑎᒋᔭᒃᓴᐅᔪᓂᒃ ᐊᑭᑐᓗᐊᙱᑦᑐᓂᒡᓗ ᐆᒻᒪᖅᑯᑎᖃᖅᑎᑦᑎᔪᒪᓪᓗᑎᒃ.
ᐱᓇᔪᖃᑕᐅᔪᒪᒍᕕᑦ, ᐱᔫᒥᓵᕈᑎᒋᔭᐃᑦ ᑎᑎᕋᖅᓯᒪᔪᒥᒡᓗ ᐃᓚᖃᕐᓗᒍ ᐊᐅᓪᓚᖅᑎᑦᑕᕆᐊᖃᖅᑕᑎᑦ ᒪᐃ 13 2022−ᖑᓚᐅᖏᓐᓂᖓᓂ ᐅᕗᖓ:
ᕈᓃ ᐴᓱ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
rboucher@qec.nu.ca
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐴᓱ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7524
rboucher@qec.nu.ca