ᐃᖃᓗᐃᑦ, ᓄᓇᕗᑦ (ᒫᑦᓯ 5, 2021) ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓴᖅᑭᑦᑎᓚᐅᕐᒪᑕ ᑮᓇᐅᔭᓕᐅᕋᓱᐊᕐᕕᖕᓄᑦ ᐱᓕᕆᕝᕕᐅᔪᓄᓪᓗ ᐆᒻᒪᖅᑯᑎᓕᕆᔨᒃᑯᓐᓂ ᐱᓕᕆᐊᒃᓴᒥᑦ ᐊᒻᒪᓗ ᐱᔪᓐᓇᖅᓯᓪᓗᑎᒃ ᑐᒃᓯᕋᐅᑎᓂᑦ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐅᖃᖅᓯᒪᕗᑦ ᑮᓇᐅᔭᓕᐅᕋᓱᒡᕕᖕᓂ ᐱᓕᕆᕝᕕᖕᓂᓪᓗ ᐆᒻᒪᖅᑯᑎᓕᐅᖅᑎᑦ ᐱᓕᕆᐊᖓᑦ ᑮᓇᐅᔭᓕᐅᕋᓱᒃᑎᓂᑦ ᐱᓕᕆᕝᕕᓕᖕᓂᓪᓗ ᐊᑭᓕᖅᓱᐃᕙᒃᑐᓂᒃ ᐆᒻᒪᖅᑯᑎᓕᐅᕈᓐᓇᖅᑎᑦᑎᓂᐊᖅᐳᑦ ᐊᑐᒃᑲᓐᓂᕈᓐᓇᖅᑐᓂᒃ ᐆᒻᒪᖅᑯᑎᓕᕆᔾᔪᑎᓂᒃ ᐊᒻᒪ ᐊᒥᐊᒃᑯᐊᓂᒃ ᓂᐅᕐᕈᑎᖃᖅᐸᒡᓗᑎᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ. ᑮᓇᐅᔭᓕᐅᕋᓱᐊᕐᕕᖕᓄᑦ ᐱᓕᕆᕝᕕᐅᔪᓄᓪᓗ ᐆᒻᒪᖅᑯᑎᓕᕆᔨᒃᑯᓐᓂ ᐱᓕᕆᐊᒃᓴᓕᕆᔨᒃᑯᓐᓄᑦ ᐃᓚᒋᔭᐅᔪᑦ ᐊᑭᓕᖅᑕᐅᓂᐊᖅᐳᑦ ᐆᒻᒪᖅᑯᑎᑐᕈᓯᕐᒥᓄᑦ ᓂᐅᕐᕈᑎᒋᓗᒋᓪᓗ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᐊᑭᖃᖅᑎᒋᓗᒋᑦ ᓇᓕᒧᑦᑐᒥᒃ ᐆᒻᒪᖅᑯᑎᓕᕆᔨᒃᑯᑦ ᐃᒐᓯᐅᑎᑐᕐᓂᕆᔭᖓᓐᓄᒃ ᐊᑐᓗᐊᙱᔾᔪᑎᓄᑦ.
"ᐅᐱᒍᓱᒃᐳᖓ ᐅᓂᒃᑲᐅᓯᖃᕈᓐᓇᕋᒪ ᓄᓇᕘᒥ ᓄᑖᖑᓪᓗᓂ ᐱᓕᕆᐊᖅ ᑐᕌᖓᑎᑕᐅᔪᖅ ᐆᒻᒪᖅᑯᑎᑐᕈᓯᖅᐳᑦ ᓄᓇᓕᖕᓂ ᓴᓗᒪᓂᖅᓴᐅᓗᑎᒃ," ᐅᖃᓚᐅᖅᐳᖅ ᒪᓕᒐᓕᐅᖅᑎ ᔩᓂ ᐃᕼᐊᓪᓗᐊᖅ, ᒥᓂᔅᑕᕆᔭᐅᔪᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ. "ᐅᓇ ᐱᓕᕆᐊᒃᓴᖅ ᐱᕙᓪᓕᐊᑎᑦᑎᓗᓂᓗ ᐊᑐᒃᑲᓐᓂᒐᒃᓴᓂ, ᐱᓕᕆᐅᔮᕐᔪᒃᓗᑎᒃ ᓄᓇᕗᒻᒥᐅᑦ, ᐊᑭᓖᕙᒃᑐᑦ ᐊᑭᑐᓛᓂ ᐆᖅᒪᖅᑯᑎᓄᑦ ᑲᓇᑕᒥ, ᐊᑭᓖᒃᑲᓐᓂᖃᑦᑕᖁᓇᒋᑦ ᐊᑲᕐᕉᑎᖃᕐᑎᓪᓗᒋᑦ ᓴᓗᒪᔪᒥᑦ ᐆᒻᒪᖅᑯᒻᒥᑦ."
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᒫᓐᓇ ᐱᑎᑕᐅᕙᓪᓕᐊᕗᑦ ᑮᓇᐅᔭᓕᐅᕋᓱᐊᕐᕕᖕᓄᑦ ᐱᓕᕆᕝᕕᐅᔪᓄᓪᓗ ᐆᒻᒪᖅᑯᑎᓕᕆᔨᒃᑯᓐᓂ ᐱᓕᕆᐊᓂᒃ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐆᒻᒪᖅᑯᑎᖃᖅᑎᐅᔪᓂᑦ ᓂᐅᕕᖁᔨᓇᑎᑦ ᐃᒻᒥᒃᑰᖅᑐᒥᑦ ᐊᐅᓚᔪᓐᓇᐅᑎᑦ ᐊᑐᓗᐊᙱᓂᖅᓴᒥᑦ ᐆᒻᒪᖅᑯᑎᒥᑦ ᐱᓇᓱᐊᕈᑎᖏᑦ ᕿᒻᒥᕈᔭᐅᓚᐅᖅᑎᓐᓇᒋᑦ.
"ᐃᓚᓕᐅᔾᔨᓗᑎᒃ ᐊᑐᒃᑲᓐᓂᕈᓐᓇᖅᑐᓂᒃ ᐆᒻᒪᖅᑯᑎᓕᕆᔾᔪᑎᓂᒃ ᐊᕕᒃᑐᖅᓯᒪᔪᑦ ᐆᒻᒪᖅᑯᑎᖃᕐᕕᖏᓐᓂ ᓄᓇᕗᒻᒥ ᐊᑐᑦᑎᐊᒃᑲᓐᓂᕈᓐᓇᖅᓯᓂᐊᖅᐳᑦ ᐅᖅᓱᐊᓗᖕᒥᑦ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᐃᓯᐊᕿᑎᑦᑎᙱᓐᓂᖅᓴᐅᓕᕐᓗᑎᒃ ᐊᒻᒪ ᓴᖅᑭᔮᖅᑎᑦᑎᒃᑲᓐᓂᓕᕐᓗᑎᒃ ᐆᒻᒪᖅᑯᑎᒥᒃ ᓇᒻᒥᓂᖅᓱᕈᓐᓇᕐᓂᕐᒥᒃ," ᐅᖃᓚᐅᖅᐳᖅ ᕆᒃ ᕼᐊᓐᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᖓᔪᖅᑳᖓᑦ ᐊᒻᒪ ᐊᐅᓚᑦᑎᔨᒻᒪᕆᖓᑦ. "ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐱᓇᔪᐃᓐᓇᖃᑦᑕᖅᐳᑦ ᐆᒻᒪᖅᑯᑎᒧᑦ ᐱᓕᕆᐊᖑᕙᓪᓕᐊᔪᒪᔪᓂᒃ ᐃᑲᔫᑕᐅᓂᐊᖅᑐᓂᒃ ᓴᓗᒪᓂᖅᓴᒥᒃ ᐆᒻᒪᖅᑯᑎᑐᕈᓯᕐᒧᑦ ᓄᓇᕗᒥᐅᓄᑦ."
ᑐᑭᓯᒋᐊᒃᑲᓐᓂᕈᒪᒍᕕᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑮᓇᐅᔭᓕᐅᕋᓱᐊᕐᕕᖕᓄᑦ ᐱᓕᕆᕝᕕᐅᔪᓄᓪᓗ ᐆᒻᒪᖅᑯᑎᓕᕆᔨᒃᑯᓐᓂ ᐱᓕᕆᐊᒥᒃ ᖃᓄᕐᓗ ᐱᓇᔪᒍᓐᓇᕐᒪᖔᑦ, ᐅᕗᙵᕈᓐᓇᖅᐳᓯ www.qec.nu.ca.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐴᓱ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
(867) 979-7534