ᐃᖃᓗᐃᑦ, ᓄᓇᕗᑦ (ᔪᓂ 6, 2018) – ᒥᓂᔅᑕ ᑲᒪᔪᖅ ᖁᓪᓕᒃᑯᓐᓂ ᐆᒻᒪᖅᑯᑎᓕᕆᔨᒃᑯᓐᓂ ᖃᐅᔨᒃᑲᐃᒍᒪᕗᖅ ᐅᓪᓗᒥ ᑲᑎᒪᔩᑦ ᑎᓕᔭᐅᓂᖏᓐᓂ ᐴᑦ ᕉᔅᒥᑦ ᐃᔅᓯᕙᐅᑕᐅᓗᓂ ᐊᒻᒪᓗ ᓯᒥᐅᓂ ᐊᑉᐸᓕᐊᓗᒻᒥᑦ ᐃᔅᓯᕙᐅᑕᐅᑉ ᑐᖏᓕᕆᓪᓗᓂᐅᒃ. ᑖᒃᑯᐊ ᑎᓕᔭᑦ ᐱᒋᐊᕐᓂᐊᖅᑐᑦ ᒪᐃ 3−ᒥ, 2018 ᐊᒻᒪᓗ ᐃᓕᓯᒪᐃᓐᓇᕐᓂᐊᖅᑐᑎᒃ ᒪᐃᕈᕋᓱᓐᓂᖓᓐᓂ 9−ᒥ, 2019.
“ᖁᔭᓐᓇᒦᕈᒪᕚᒃᑲ ᕉᔅᑯᒃ ᐊᑉᐸᓕᐊᓗᒃᑯᑦ ᐃᑲᔪᕈᓐᓇᕐᓂᐊᕐᓂᖏᓐᓂ ᖁᓪᓕᑯᓐᓂ ᑲᑎᒪᔨᖏᓐᓂ ᓯᕗᒃᑲᖅᑕᐃᓂᐊᖅᑐᑎᒃ ᐱᓕᕆᐊᖏᓐᓂ,” ᐅᖃᖅᑐᖅ ᒥᓂᔅᑕ ᔩᓂ ᐃᕼᐊᓗᐊᒃ, ᑲᒪᔪᖅ ᖁᓪᓕᑯᓐᓂ, “ᐅᑉᐱᕈᓱᑉᐳᖓ ᓄᑖᑦ ᑎᒃᑯᐊᖅᑕᐅᔪᑦ ᑲᔪᓯᑎᑦᑎᑦᑎᐊᕐᓂᐊᕐᖓᑕ ᖁᓪᓕᒃᑯᑦ ᐸᕐᓇᐅᑎᖏᓐᓂ ᑕᑯᓐᓇᖅᑕᖏᓐᓂᓪᓗ ᑎᒥᐅᔫᑉ.”
ᒥᓂᔅᑕ ᐃᕼᓗᐊᒃ ᐊᖏᖅᓯᓚᐅᕐᒥᔪᖅ ᓄᖅᑲᕈᑎᖓᓐᓂ ᑲᑎᒪᔨᒥᑦ ᐲᑕ ᐃᕐᓂᕐᒥᑦ ᑲᑎᒪᔨᐅᓚᐅᖅᑐᖅ ᒪᐃ 2017−ᒥᓂᑦ. ᓄᖅᑲᕈᑎᖓ ᑎᑎᖅᑲᑎᒍᑦ ᑐᓂᓪᓗᓂᐅᒃ ᐊᐃᐳᓗᒥ, 2018. “ᖁᔭᓐᓇᒦᕈᒪᕙᕋ ᐃᕐᓂᖅ ᑲᑎᒪᔨᐅᓚᐅᕐᓂᖓᓐᓄᑦ ᓯᕗᓂᑦᑎᓂᓪᓗ ᖃᓄᐃᖁᓇᓐᖏᑦᑎᐊᕋᓗᐊᕆᕗᖅ,” ᐅᖃᖅᑐᖅ ᒥᓂᔅᑕ ᐃᕼᐊᓗᐊᒃ.
ᕉᔅ ᐃᔅᓯᕙᐅᑕᐅᑉ ᑐᖏᓕᕆᓚᐅᖅᑕᖓ ᔫᓂᒥᓂᑦ 2017−ᒥ ᐊᒻᒪᓗ ᑲᑎᒪᔨᐅᓯᒪᓪᓗᓂ ᒪᐃᒥᓂᑦ 2014−ᒥᓂᑦ. ᐃᔅᓯᕙᐅᑕᐅᑲᐃᓐᓇᖅᓯᒪᔪᖅ ᕖᕝᕗᐊᕆᒥᓂᑦ 10, 2018, ᐃᔅᓯᕙᐅᑕᖅ ᐃᓅᒍᓐᓃᓚᐅᖅᑎᓪᓗᒍ ᐃᓚᐃᔾᔭ ᐃᕙᓗᐊᕐᔪᒃ. ᑎᓕᔭᐅᓂᖏᑦ ᐃᑲᔪᖅᑐᖅᑕᐅᑦᑎᐊᖅᑐᑦ ᑲᑎᒪᔨᓄᑦ ᒥᓂᔅᑕᒧᓪᓗ ᐃᕼᐊᓗᐊᒧᑦ.
###
ᐱᕙᓪᓕᐊᔪᓕᕆᓂᕐᒧᑦ ᑐᑭᓯᒋᐊᕐᕕᔅᓴᖅ:
ᕋᓇᐃ ᐴᓱ ᐊᖏᔪᖅᑳᖅ, ᑎᒥᐅᔪᒧᑦ ᑐᓴᐅᒪᖃᑦᑕᐅᑎᓕᕆᔨ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ
(867) 979-7524
rboucher@qec.nu.ca