ᐃᖃᓗᐃᑦ, ᓄᓇᕗᑦ (ᐊᑦᑑᕝᕙ 30, 2018) − ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ (QEC) ᑐᓂᓯᔪᑦ 2018 ᓘᕋ ᐅᓪᓗᕆᐊᖅ ᒎᑎᐊᐃ ᐃᓕᓐᓂᐊᕈᑎᔅᓴᓄᑦ ᐃᑲᔫᓯᐊᕐᒥᑦ ᔮᔅᒥᓐ ᕋᑦᐴᓐᒧᑦ ᐃᖃᓪᓗᒻᒥᐅᑕᖅ. ᑕᕝᕙᓂ ᐊᕐᕌᒍᒥᑦ ᐃᑲᔫᓯᐊᖅᑐᖅ ᐃᓕᓐᓂᐊᖅᑎᐅᖃᑕᐅᔪᖅ ᓄᓇᕗᒻᒥ ᒪᓕᒐᓕᕆᔨᐅᓂᕐᒧᑦ ᐃᓕᓐᓂᐊᖅᑐᕈᑎᒥᑦ ᐃᖅᑲᓇᐃᔭᖅᑎᐅᓛᕈᒪᓪᓗᓂ ᒪᕐᕉᓐᓂᒃ ᐅᖃᐅᓰᓐᓂᒃ ᐅᖃᕈᓐᓇᕐᓗᓂ ᐃᓄᒃᑎᑐᑦ ᖃᓪᓗᓈᑎᑐᓪᓗ ᒪᓕᒐᓕᕆᔨᐅᓗᓂ.
"ᕈᑦᐴᓐ ᓯᕗᓕᖅᑎᐅᓯᒪᔪᖅ ᑭᒡᒐᖅᑐᐃᔨᐅᖃᑦᑕᖅᑐᓂᓗ ᓄᓇᖃᖅᑳᖅᓯᒪᔪᓂᑦ ᒪᒃᑯᑦᑐᓂᑦ ᓄᓇᕗᒻᒥ ᑲᓇᑕᒥᓪᓗ" ᐅᖃᖅᑐᖅ ᒪᓕᒐᓕᐅᖅᑎ ᔩᓂᑯᓗᒃ ᐃᕼᐊᓪᓗᐊᖅ, ᒥᓂᔅᑕ ᑲᒪᒋᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂ. "ᑖᔅᓱᒪ ᓯᕗᓕᖅᑎᐅᓂᕆᔭᖓ ᐊᔾᔨᐸᓗᖏᓐᓂᑦ ᐱᖅᑯᓯᖃᖅᑐ ᓘᕋ ᐅᓪᓗᕆᐊᖅ ᒎᑎᐊᐃᒥᑦ, ᑖᓐᓇ ᐃᑲᔫᓯᐊᖅ ᐊᑎᖅᑕᐅᓯᒪᔪᑎᒋᔭᖓᓂ."
ᑖᒃᑯᐊ ᐃᑲᔫᓯᐊᖑᖃᑦᑕᖅᑐᑦ ᐃᖅᑲᐅᒪᓪᓗᒍ ᐃᓕᓴᖅᓯᔾᔪᑕᐅᔪᖅ ᒎᑎᐊᐃ ᐱᓇᓱᐊᕐᓂᕆᓚᐅᖅᓯᒪᔭᖏᑦ ᐃᖅᑲᓇᐃᔮᕆᓪᓗᒍ ᑖᒃᑯᐊ ᓴᖅᑭᖅᑕᐅᔪᓐᓇᖁᓪᓗᒋᑦ ᐃᒻᒥᒃᑰᖓᓗᑎᑦ ᐆᒻᒪᖅᑯᑎᓕᕆᔩᑦ ᑎᒥᖓ ᓄᓇᕗᒻᒥ ᐃᓅᔪᓐᓃᑲᓪᓚᐅᖅᑎᓐᓇᒍ 2000ᖑᑎᓪᓗᒍ. ᐱᒋᐊᖅᑎᑕᐅᓯᒪᔪᖅ 2001ᖑᑎᓪᓗᒍ, $5000 ᑮᓇᐅᔭᑦ ᐃᑲᔫᑏᑦ ᐊᕐᕌᒍᑕᒫᖅ ᑐᓂᔭᐅᖃᑦᑕᖅᑐᑦ ᐃᓕᓐᓂᐊᖅᑎᒧᑦ ᐱᓇᓱᐊᓂᖃᑦᑎᐊᖅᑐᒧᑦ ᓯᓚᑦᑐᓴᕐᕕᓐᓂᑦ ᐃᓕᓐᓂᐊᕈᑎᖏᓐᓂᑦ.
"ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓ ᐅᐱᒍᓱᑉᐳᑦ ᕋᕐᐴᓐ ᐱᓕᕆᐊᕆᔭᖏᓐᓂᑦ ᑖᒃᑯᐊ ᐱᓕᕆᐊᕆᕙᓪᓕᐊᔪᒪᔭᖏᑦ ᓯᕗᒃᑲᑕᖅᑐᓂ ᓄᓇᕗᑦ ᓄᓇᓕᖏᓐᓂᑦ ᐊᑑᑎᖃᕐᓂᐊᖅᑐᓂᑦ," ᐅᖃᖅᑐᖅ ᐳᕉᓅ ᐱᕆᐅᕆᔭ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᖓᔪᖅᑳᖓ ᐊᒻᒪ ᐊᐅᓚᑦᑎᔨᒻᒪᕆᖓ. "ᑲᔪᓯᒪᑦᑎᐊᖁᕙᕗᑦ ᐃᓕᓐᓂᐊᕈᑎᒋᔭᖏᑎᒍᑦ ᑐᕌᖅᑕᖏᓐᓂᑦ."
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ: ᕆᓂ ᐳᓲ
ᐊᐅᓚᑦᑎᔨᐅᑲᐃᓐᓇᖅᑐᖅ, ᐊᖓᔪᖅᑲᐅᑎᓄᑦ ᑐᓴᐅᒪᖃᑦᑕᐅᑎᓕᕆᔨ
ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ
(867) 979-7524
rboucher@qec.nu.ca