ᐃᖃᓗᐃᑦ, ᓄᓇᕗᑦ (ᐅᑐᐱᕆ 23, 2020) − ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ (QEC) ᑐᓂᓯᔪᑦ 2020 ᓘᕋ ᐅᓪᓗᕆᐊᖅ ᒎᑎᐊᐃ ᐃᓕᓐᓂᐊᕈᑎᒃᓴᓄᑦ ᐃᑲᔫᓯᐊᕐᒥᒃ ᔨᐊᓇ ᕿᓚᕝᕙᕐᒧᑦ ᐸᖕᓂᖅᑑᕐᒥᐅᑕᒧᑦ. ᔨᐊᓇ ᕿᓚᕝᕙᖅ ᐅᑭᐅᖅ ᐊᐃᑉᐸᖓᓂ ᐃᓕᓐᓂᐊᖃᑕᐅᓕᖅᑐᖅ ᓄᓇᕗᒻᒥ ᐃᓕᓴᐃᔨᙳᕆᐅᖅᓴᔪᓂᒃ ᓄᓇᕗᒻᒥ ᓯᓚᑦᑐᖅᓴᕐᕕᖕᒥ.
"ᐃᓕᓐᓂᐊᖅᑎᕗᑦ ᐱᕚᓪᓕᖅᑎᓐᓇᓱᒡᓗᒋᑦ, ᑐᕌᒐᖃᖅᐳᖅ ᐊᔾᔨᒌᙱᓐᓂᓖᑦ ᑲᑎᑉᐸᓪᓕᐊᔪᒪᓪᓗᒋᑦ ᐅᓪᓗᒥ ᐃᓕᓐᓂᐊᖅᑐᓕᕆᔾᔪᑎᖓ ᐊᒻᒪ ᓄᓇᕗᒻᒥ ᐃᓄᐃᑦ ᖃᐅᔨᒪᔭᑐᖃᖏᑦ," ᐅᖃᓚᐅᖅᐳᖅ ᒪᓕᒐᓕᐅᖅᑎ ᔩᓂ ᐃᕼᐊᓪᓗᐊᖅ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᒥᓂᔅᑕᖓ. "ᐃᓕᓐᓂᐊᑦᑎᐊᖏᓐᓇᖁᒐᓗᐊᖅᐸᕋ ᓯᕗᒻᒧᐊᒃᑎᑦᑎᕙᓪᓕᐊᑎᓪᓗᒍ ᐃᓕᓐᓂᐊᖅᑎᓄᑦ."
ᐆᒻᒪᖅᑯᑎᓕᕆᔨᒃᑯᑦ ᑐᓂᓯᓲᖑᕗᑦ $5000−ᓂᒃ ᐃᓕᓐᓂᐊᕈᑎᓄᑦ ᐃᑲᔫᓯᐊᒥᒃ ᐊᕐᕌᒍᑕᒫᑦ ᓄᓇᕗᒻᒥ ᐃᓕᓐᓂᐊᖅᑎᒧᑦ ᓇᓗᓇᙱᑦᑕᕌᖓᑕ ᐃᓕᓐᓂᐊᕐᓂᖏᓐᓂᒃ ᐱᓕᕆᖃᑕᐅᑦᑎᐊᕌᖓᑕᓗ ᓄᓇᓕᖕᓂ ᐱᓕᕆᐊᖑᔪᓂᒃ ᐃᓚᐅᑦᑎᐊᕌᖓᑕ. ᐃᓕᓐᓂᐊᕈᑎᓄᑦ ᐃᑲᔫᓯᐊᑦ ᐅᐱᒋᔭᖃᓲᖑᕗᑦ ᓘᕋ ᐅᓪᓗᕆᐊᖅ ᒎᑎᐊᐃ ᐃᑲᔪᑦᑎᐊᖅᐸᖕᒪᑦ ᓄᓇᕗᒻᒥ ᐃᓛᒃᑰᖅᑐᑦ ᓇᖕᒥᓂᖅᓱᕈᓐᓇᖅᓯᖁᓪᓗᒋᑦ.
"ᐊᕙᑎᑦ ᐅᑭᐅᑦ ᐊᓂᒍᑲᓴᑦᑎᐊᖅᑐᑦ ᓘᕋ ᐅᓪᓗᕆᐊᖅ ᒎᑎᐊᐃ ᐃᓅᔪᓐᓃᓚᐅᖅᓯᒪᑎᓪᓗᒍ, ᐅᐱᒍᓱᒃᐳᖓ ᐆᒻᒪᖅᑯᑎᓕᕆᔨᒃᑯᑦ ᐅᐱᒋᔭᖃᕐᓂᖏᓐᓂᒃ ᐊᓂᒍᓚᐅᖅᓯᒪᔭᖏᓐᓂᒃ ᑐᓂᕐᕈᓯᐊᖅᑎᑦᑎᓂᒃᑯᑦ 2020−ᒥ ᐃᓕᓐᓂᐊᕈᑎᒃᓴᓄᑦ ᐃᑲᔫᓯᐊᓂᒃ ᐃᓕᓐᓂᐊᖅᑎᒧᑦ ᐱᓇᓱᐊᑦᑎᐊᖅᑐᒧᑦ ᓲᕐᓗ ᔨᐊᓇ ᕿᓚᕝᕙᖅᑐᑦ," ᐅᖃᓚᐅᖅᐳᖅ ᔭᐃᒥ ᕙᓚᐅᕆᑎ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᖓᔪᖅᑳᕆᓚᐅᑲᒃᑕᖓ ᐊᒻᒪ ᐊᐅᓚᑦᑎᔨᒻᒪᕆᖓ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐴᓱ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
(867) 979-7524
rboucher@qec.nu.ca