ᐆᒻᒪᖅᑎᒋᐊᒃᑲᓐᓂᕈᒃ ᐃᖃᓇᐃᔮᖅ ᐅᑭᐅᖅᑕᖅᑐᒥᑦ
ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑲᒪᒋᔭᒃᓴᖃᖅᐳᑦ ᐊᑐᐃᓐᓇᐅᑎᑦᑎᓂᕐᒥᑦ ᐊᑦᑕᕐᓇᖏᑦᑐᒥ ᐊᒻᒪᓗ ᐊᑐᕈᓐᓇᑦᑎᐊᖅᑐᒥ ᐆᒻᒪᖁᑎᖃᕐᑎᑦᑎᓂᕐᒥᑦ ᓂᐅᕕᖅᐸᒃᑐᓄᑦ ᓄᓇᕗᒻᒥᑦ. ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᐆᒻᒪᖁᑎᖃᖅᑎᑎᔨᐅᕗᖅ ᓄᓇᕗᒻᒥᑦ ᐊᒻᒪᓗ ᐊᐅᓚᔪᓐᓇᐅᑎᓕᒃ 25 ᒪᑭᒪᔾᔪᑎᒥ ᐅᖅᓱᐊᓗᖕᒧᑦ ᐊᐅᓚᐅᑎᖃᓕᒃ ᐊᒻᒪᓗ ᐅᒻᒪᖁᑎᑖᖅᑎᑦᑎᕙᒃᑐᖅ ᓄᓇᕗᓕᒫᒥᑦ.
ᓄᓇᕗᒻᒥ ᐱᓕᕆᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᖃᐅᔨᒪᔭᐅᕗᖅ ᑲᔾᔮᕐᓇᖅᑐᒥ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ. ᐃᓚᐅᖃᑕᐅᒋᑦ ᐱᓕᕆᖃᑎᒋᔭᑦᑎᓐᓂ ᐊᒻᒪᓗ ᖃᐅᔨᕙᓪᓕᐊᓗᒋᑦ ᐅᑭᐅᒃᑯᑦ ᑲᔾᔮᕐᓇᕐᓂᖓ ᓯᑭᑑᒃᑯᑦ, ᐅᒥᐊᖅᑐᕐᓗᓂ ᐅᒥᐊᖅᑐᕐᕕᐅᖃᑦᑕᖅᑐᑐᖃᕕᓂᕐᓂ ᖃᔭᒃᑯᑦ, ᐱᓱᔪᒡᓗᓂ ᐊᑭᑐᔪᕐᔪᐊᒥᑦ ᓄᓇᖓᓂ ᐆᒪᔪᖃᐅᕐᖢᓂ, ᐅᕝᕙᓗᓐᓃᑦ ᖃᐅᔨᓗᒋᑦ ᐃᓕᖁᓯᕆᔭᐅᔪᖅ ᐃᓕᓴᕆᔭᐅᓯᒪᔪᑦ ᓴᓇᙳᐊᕐᑕᐅᕙᒃᑐᓂ, ᓂᔾᔭᐅᓯᔭᖅᑕᐅᔪᑦ ᐊᒻᒪᓗ ᓂᕿᖏᑦ. ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᑦᑎᐊᖏᓐᓇᕈᓐᓇᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.
ᖃᐅᔨᒪᔨᑕᖅ, ᑮᓇᐅᔭᓕᕆᓂᕐᒧᑦ ᐊᒻᒪ ᒪᓕᒐᓕᕆᓂᕐᒧᑦ (QEC-22-016)
ᐃᖃᓗᐃᑦ, ᓄᓇᕗᑦ
ᐃᖃᓗᐃᑦ, ᓄᓇᕗᒻᒥ ᑲᒪᒋᔭᐅᓪᓗᓂ ᐅᓂᒃᑳᖅᐸᒡᓗᓂᓗ ᑮᓇᐅᔭᓕᕆᔨᒃᑯᑦ ᐊᖓᔪᖅᑳᖓᓐᓄᑦ, ᖃᐅᔨᒪᔨᑕᖅ, ᑮᓇᐅᔭᓕᕆᓂᕐᒧᑦ ᐊᒻᒪ ᒪᓕᒐᓕᕆᓂᕐᒧᑦ ᑲᒪᒋᔭᒃᓴᖃᕐᓂᐊᖅᐳᖅ ᐃᑲᔪᖅᑐᖅᐸᒡᓗᓂ ᑮᓇᐅᔭᓕᕆᔨᒃᑯᑦ ᐊᖓᔪᖅᑳᖓᓐᓄᑦ ᐊᑭᑐᔫᑎᓂᒃ ᐸᕐᓇᐃᑎᓪᓗᒋᑦ ᐊᒻᒪ ᑮᓇᐅᔭᓂᒃ ᐊᐅᓚᑦᑎᑎᓪᓗᒋᑦ ᐆᒻᒪᖅᑯᑎᓕᕆᔨᒃᑯᓐᓂ. ᐃᖅᑲᓇᐃᔮᓕᒃ ᑲᒪᒋᔭᒃᓴᖃᖃᑦᑕᕐᓂᐊᖅᐳᖅ ᐱᕙᓪᓕᐊᑎᑦᑎᕙᒡᓗᓂ ᓇᓚᐅᑦᑖᖅᓯᒪᔪᓂᒃ ᓯᕗᓂᒃᓴᑦᑎᓐᓂ ᐊᑭᑐᔫᑎᓄᑦ ᐱᓕᕆᐊᒃᓴᓄᑦ ᓲᕐᓗ ᐊᐅᓚᐅᑎᐊᓗᖕᓄᑦ ᐊᓯᔾᔨᖅᑕᐅᒋᐊᓕᖕᓄᑦ, ᐊᐅᓚᐅᑎᖃᕐᕕᐊᓗᖕᓄᑦ ᐊᓯᔾᔨᖅᑕᐅᔾᔪᑎᓄᑦ, ᐆᒻᒪᖅᑯᑎᖃᖅᑎᓄᑦ ᐊᐅᓚᔪᓐᓇᐅᑎᓄᑦ, ᐊᓯᖏᓐᓄᓪᓗ ᐱᕐᔪᐊᓄᑦ ᐊᑭᑐᔫᑎᓄᑦ ᐱᓕᕆᐊᓄᑦ. ᐊᒻᒪ ᓱᓕ, ᐃᖅᑲᓇᐃᔮᒃᓴᖅ ᓂᓪᓕᐊᔾᔪᑎᖃᖃᑦᑕᕐᓂᐊᖅᑐᖅ ᒥᒃᓴᐅᑦᑎᓇᓱᒃᐸᒡᓗᓂ ᑮᓇᐅᔭᖅᑖᕆᔭᐅᕙᓪᓕᐊᔪᓂᒃ, ᐅᖅᓱᐊᓗᖕᒧᑦ ᐊᑭᓕᖅᓲᑕᐅᓂᐊᖅᑐᓂᒃ, ᐊᓯᖏᓐᓂᒡᓗ ᐊᑭᖏᓐᓄᑦ ᐱᔾᔪᑕᐅᓲᓄᑦ ᐋᖅᑭᒃᓯᓇᓱᖕᓂᐊᖅᑎᓪᓗᒋᑦ ᐊᑭᒋᓂᐊᖅᑕᖏᓐᓂᒃ ᖃᐅᔨᒪᔾᔪᑕᐅᔪᓐᓇᖅᑐᓂᒃ ᐊᑭᒻᒪᑎᔪᓂᒃ ᓂᐅᕕᐊᒃᓴᖃᖅᑎᓄᑦ ᐊᑭᒋᑎᑕᓄᑦ ᐅᑎᖅᑎᑕᐅᔪᓪᓗ ᒪᑭᒪᔾᔪᑎᓄᑦ ᐊᑭᒋᔭᖏᑦ ᒪᓕᒋᐊᓖᑦ ᐆᒻᒪᖅᑯᑎᓕᕆᔨᒃᑯᑦ ᐱᔨᑦᑎᕋᐅᑎᖏᓐᓂᒃ.
ᐱᓕᕆᐊᒃᓴᖏᑦ ᑲᒪᒋᔭᒃᓴᖏᓪᓗ:
- ᐋᖅᑭᒃᓯᒪᓂᒃᓴᖏᑦ, ᐊᑐᓕᖅᑎᑕᐅᓂᖏᑦ, ᐊᒻᒪ ᖃᐅᔨᓴᕈᑕᐅᓯᒪᔪᑦ ᐆᒻᒪᖅᑯᑎᓕᕆᔨᒃᑯᑦ ᒪᓕᒐᑎᒎᖓᔪᓂᒃ ᐅᓂᒃᑳᓕᐅᕐᓂᕐᒥᒃ, ᒪᓕᑦᑎᐊᕐᓂᕐᒥᒃ, ᑮᓇᐅᔭᑦ ᐊᑐᖅᑐᒃᓴᓂᒃ ᐋᖅᑭᒃᓱᐃᓂᕐᒥᒃ, ᓯᓚᑖᓂᙶᖅᑐᓂᒃ ᑮᓇᐅᔭᖃᖅᑎᑕᐅᓂᕐᒥᒃ, ᓇᓚᐅᑦᑖᖅᐸᒡᓗᒋᓪᓗ ᐋᖅᑭᒃᓯᒪᓂᕆᔭᖏᑦ ᐊᒃᑐᐊᓂᓖᑦ ᐆᒻᒪᖅᑯᑎᓕᕆᔨᑯᓐᓄᑦ ᓵᑕᐅᔪᓐᓇᕐᓂᖏᓐᓄᑦ.
- ᖃᐅᔨᓴᖃᑦᑕᕐᓗᓂ, ᑐᑭᓕᐅᕆᓗᓂ ᐅᖃᐅᓯᖃᖃᑦᑕᕐᓗᓂᓗ ᐆᒻᒪᖅᑯᑎᓕᕆᔨᒃᑯᑦ ᑐᓴᐅᒪᔪᓕᕆᔾᔪᑎᖏᓐᓂᑦ ᐊᒃᑐᐊᓂᖃᖅᑐᓂᒃ ᑮᓇᐅᔭᓕᕆᓂᕐᒧᑦ ᐸᕐᓇᐃᓂᕐᒧᑦ ᐊᑭᑐᔫᑎᓄᓪᓗ ᑮᓇᐅᔭᓂᒃ ᐊᑐᖅᑐᒃᓴᓄᑦ.
- ᓯᕗᓕᖅᑎᒋᔭᐅᕙᒡᓗᓂ ᐆᒻᒪᖅᑯᑎᓕᕆᔨᒃᑯᑦ ᑮᓇᐅᔭᓂᒃ ᖃᐅᔨᓴᖅᑎᓄᑦ ᐅᓂᒃᑳᓕᐅᖅᐸᒡᓗᓂᓗ ᒪᓕᒐᓕᐊᖑᓯᒪᔪᓂᒃ, ᓲᕐᓗ ᐱᕐᔪᐊᓄᑦ ᐱᓕᕆᐊᑦ ᐱᔪᓐᓇᐅᑎᖏᓐᓂᒃ, ᐆᒻᒪᖅᑯᑎᑦ ᐊᑭᖏᓐᓂᒃ ᐊᑭᑦᑐᕆᐊᖁᔨᓂᕐᒧᑦ ᑐᒃᓯᕋᐅᑎᓂᒃ, ᐅᖅᓱᐊᓗᖕᒧᑦ ᐊᑭᖓᓐᓄᑦ ᓱᕐᕋᔾᔭᐃᒃᑯᑎᓄᑦ, ᐊᕕᒃᑐᖅᓯᒪᔪᓂᒃ ᐅᖅᑰᓴᐅᑎᑦ ᐊᑭᒋᖁᔭᐅᔪᓄᑦ, ᐊᓯᖏᓐᓄᓪᓗ ᐱᔪᓐᓇᖅᑎᑕᐅᔪᓄᑦ ᒪᓕᒐᖅᑎᒍᑦ ᑐᖅᑯᖅᑕᐅᒋᐊᓕᖕᓄᑦ.
- ᓇᐅᑦᑎᖅᓱᖅᐸᒡᓗᓂ, ᕿᒥᕐᕈᕙᒡᓗᓂ, ᖃᐅᔨᓴᖅᐸᒡᓗᓂ, ᐅᖃᐅᔾᔪᖅᓱᐃᕙᒡᓗᓂᓗ ᒪᓕᒐᓕᐊᖑᔪᒪᔪᑦ ᐊᓯᔾᔨᖅᑕᐅᒑᖓᑕ, ᒪᓕᒃᑕᐅᔭᕆᐊᓖᑦ, ᐊᒻᒪ ᒪᓕᒐᐃᑦ ᐊᒃᑐᐃᔾᔪᑕᐅᑐᐃᓐᓇᕆᐊᓖᑦ ᐆᒻᒪᖅᑯᑎᓕᕆᔨᒃᑯᑦ ᑮᓇᐅᔭᓕᕆᔾᔪᓯᖏᓐᓄᑦ ᒪᓕᒐᖁᑎᖏᓐᓄᑦ ᐊᐅᓚᑦᑎᔾᔪᑎᖏᓐᓄᑦ.
- ᐊᐅᓚᑉᐸᒡᓗᓂᒋᑦ ᒪᓕᒋᐊᓖᑦ ᓯᓚᑖᓂᙶᖅᑐᓂᒃ ᑮᓇᐅᔭᕆᑎᑕᐅᔪᓄᑦ, ᓲᕐᓗ ᐊᐃᑦᑑᑎᓄᑦ ᐃᑲᔫᑎᓄᓪᓗ ᐊᖏᖃᑎᒌᒍᑎᓄᑦ, ᐱᕙᒌᔭᖅᐸᒡᓗᒋᓪᓗ ᐱᕙᓪᓕᐊᔪᑦ ᐅᓂᒃᑳᓕᐊᕆᔭᕆᐊᓕᑦ ᐊᒻᒪ ᐃᑲᔫᑎᓄᑦ ᐊᑭᓕᐅᑎᓄᑦ ᐅᑎᖅᑎᑕᐅᒋᐊᓕᑦ.
- ᐱᕙᒌᔭᖅᐸᒃᖢᒋᑦ ᑕᒪᕐᒥᒃ ᒪᓕᒐᖅᑎᒍᑦ ᑎᑎᖅᑲᙳᖅᑎᑕᐅᔪᑦ ᖃᐅᔨᒪᕙᒡᓗᒋᓪᓗ ᑐᖅᑯᖅᑕᐅᓯᒪᓕᖅᑐᑦ ᐱᕕᒃᓴᕆᑎᑕᑦ ᐊᑐᕐᓂᖏᓐᓂᒃ.
- ᐊᑐᐃᓐᓇᕈᖅᑎᓪᓗᒋᑦ ᐊᑭᖏᓐᓂᒃ ᐱᔨᑦᑎᕋᐅᑏᑦ ᖃᐅᔨᓴᖅᑕᐅᓂᖏᑦᑕ, ᕿᒥᕐᕈᖃᑦᑕᕐᓂᕐᓗ ᐋᖅᑭᒃᓱᐃᖃᑦᑕᕐᓂᕐᓗ ᐊᑭᒋᔭᐅᔪᓂᒃ, ᐊᑭᓕᖅᑑᑕᐅᔪᓄᑦ ᐋᖅᑭᒋᐊᕈᑎᓂᒃ, ᐊᑭᓕᖅᑑᑕᐅᔪᓄᑦ ᐊᑐᐊᒐᕐᓂᒃ ᐊᒻᒪᓗ ᒪᓕᒐᕐᓂᒃ.
- ᐱᓕᕆᖃᑎᒋᕙᒡᓗᓂᒋᓪᓗ ᐊᐅᓚᑦᑎᔨᒻᒪᕇᑦ ᑲᑎᖅᓱᐃᑎᓪᓗᒋᑦ, ᖃᐅᔨᓴᖅᑎᓪᓗᒋᑦ, ᐊᒻᒪ ᑕᒻᒪᖅᓯᒪᔪᖅᓯᐅᖅᑎᓪᓗᒋᑦ ᑐᑭᓯᒋᐊᒐᒃᓴᓂᒃ ᐋᖅᑭᒃᓯᓂᐊᖅᑎᓪᓗᒋᑦ ᐱᓕᕆᔾᔪᑎᓄᑦ ᐅᓂᒃᑳᓕᐊᓂᒃ ᐊᒻᒪ ᑭᐅᓂᐊᖅᑎᓪᓗᒋᑦ ᑐᑭᓯᒋᐊᒐᒃᓴᓄᑦ ᑐᒃᓯᕋᐅᑕᐅᔪᓄᑦ.
- ᑎᑎᕋᕆᐊᙵᖃᑦᑕᕐᓂᖅ ᑐᓴᖅᑎᑦᑎᔾᔪᑎᓂᒃ ᑎᑎᖅᑲᓂᒡᓗ ᒥᓂᔅᑕᒧᑦ ᑲᒪᒋᔭᓕᖕᒧᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ.
ᐊᔪᙱᑕᕆᐊᖃᕐᒥᔭᖏᑦ ᐅᑯᐊᖑᒋᕗᑦ:
- ᓯᓚᑦᑐᖅᓴᕐᕕᒡᔪᐊᒥᑦ ᐃᓕᓴᕆᔭᐅᔾᔪᑎᑖᖅᓯᒪᓂᑰᓗᓂ ᓇᖕᒥᓂᖃᕐᕕᖕᓂᑦ ᐊᒡᓚᕝᕕᓕᕆᓂᕐᒧᑦ ᐅᕝᕙᓘᓐᓃᑦ ᑎᒥᐅᔪᒥᑦ ᑮᓇᐅᔭᓕᕆᓂᕐᒧᑦ.
- ᐱᓕᕆᔨᒻᒪᕆᐅᓂᕐᒧᑦ ᑐᕌᖅᑎᑦᑎᓂᖅ ᓲᕐᓗ ᐃᓕᓴᕆᔭᐅᔾᔪᑎᑖᖅᓯᒪᓗᓂ ᐱᓕᕆᔨᒻᒪᕆᒃ ᑮᓇᐅᔭᓕᕆᓂᕐᒧᑦ.
- ᐅᑭᐅᓄᑦ 7-ᓄᑦ ᑮᓇᐅᔭᓕᕆᔨᐅᖃᑕᐅᓂᑰᓗᓂ ᐅᕝᕙᓘᓐᓃᑦ ᒪᓕᒐᓕᕆᔨᐅᓂᑰᓗᓂ.
- ᑲᑎᖅᓱᒐᐅᓪᓗᑎᒃ ᖃᐅᔨᖃᑦᑕᖅᓯᒪᓗᓂ ᐱᕙᒌᔭᕐᓂᐊᕐᓗᓂ ᖃᐅᔨᓴᕈᑎᓂᒃ ᐅᓂᒃᑳᓕᐊᓂᒃ, ᑮᓇᐅᔭᓕᕆᔾᔪᑎᓄᑦ ᐱᓕᕆᔾᔪᓯᕐᓂᒃ, ᑮᓇᐅᔭᑦ ᐊᑐᖅᑐᒃᓴᓂᒃ, ᐊᒻᒪᓗ/ᐅᕝᕙᓘᓐᓃᑦ ᒪᓕᒐᕐᓂᒃ ᒪᓕᑦᑎᐊᕐᓗᑎᒃ ᐱᓕᕆᔾᔪᓯᕐᓂᒃ.
ᐃᑲᔫᑎᖃᕋᔭᖅᑐᑦ:
- ᐆᒻᒪᖅᑯᑎᖃᕐᕕᖕᒥ ᐱᓕᕆᖃᑦᑕᖅᓯᒪᑰᒍᓂ ᐊᑲᐅᓇᔭᖅᑐᖅ.
- ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓂᒃ ᐱᓕᕆᖃᑦᑕᖅᓯᒪᑰᒍᓂ ᐊᑲᐅᓇᔭᖅᑐᖅ.
ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $106,587.00−ᒥ $136,227.00−ᒧᑦ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᒃᖢᑕ $15,016−ᓂᒃ ᐊᕐᕌᒍᒧᑦ, ᓈᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᒍᑦ ᐅᑯᓂᖓᓗ ᓇᓗᓇᐃᖅᓯᒪᔪᓂᒃ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᑕᖃᖅᖢᓂ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐃᓚᒋᔭᐅᙱᑦᑐᖅ.
ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.
ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᐃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ careers@qec.nu.ca ᑎᑎᖅᑲᑎᒍᓪᓘᓐᓃᑦ ᐅᕗᖓ: Human Resources, Qulliq Energy Corporation, P.O. Box 420, Baker Lake, NU X0C 0A0
ᑎᑎᖅᑲᒃᑯᑦ ᐱᓇᓱᐊᕐᓗᑎᑦ, ᔪᓚᐃ 8, 2022−ᒧᑦ ᑎᑭᓪᓗᒍ.
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ.
ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.