ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖃᐅᒻᒪᖁᑎᓂᒃ ᐃᑭᑦᑎᒃᑲᓐᓂᖅᓯᒪᓕᖅᑐᑦ ᖃᐅᒻᒪᖁᑎᓂᒃ ᓴᓂᕋᔭᖕᒥ ᓂᕆᐅᓇᙱᑦᑐᒃᑯᑦ ᖃᒥᔾᔪᔾᔨᓚᐅᖅᑎᓪᓗᒋᑦ ᐅᓪᓗᒥ, ᓄᕕᐱᕆ 3, ᐅᓪᓗᑯᑦ 12:45−ᒧᐊᖅᑎᓪᓗᒍ. ᐊᐅᓚᐅᑎᒥᒃ ᐃᖏᕐᕋᑦᑎᐊᖅᑐᖃᕈᓐᓃᕐᓂᕐᒪᑦ ᑕᐃᒫᒡᓗ ᕿᕐᓂᖅᑐᐊᓗᖕᒥᒃ ᐳᔫᓕᕐᓂᖅᐳᖅ ᑕᐃᑲᙵᑦ ᐊᓂᐊᕝᕕᖓᓂ ᓱᓪᓗᒃᑯᑦ. ᐃᑭᑦᑐᖃᓚᐅᙱᑦᑑᒐᓗᐊᖅ ᐊᐅᓚᐅᓯᕆᕝᕕᖕᒥ. ᑕᒪᓐᓇ ᖃᒥᓐᓂᐅᓵᖅᑐᖅ ᐊᒃᑐᐊᓂᖃᙱᑦᑎᐊᓵᖅᑐᖅ ᐱᓇᓱᐊᕈᓯᐅᓚᐅᖅᑐᒥ ᖃᒥᔾᔪᑕᐅᖃᑦᑕᓚᐅᖅᑐᓂᒃ.
ᓴᓇᔨᒃᑲᓐᓂᕐᓂᒃ ᓴᓂᕋᔭᓕᐊᖅᑐᖃᕐᓂᐊᖅᑐᖅ ᖃᐅᔨᓴᕆᐊᖅᑐᕐᓗᑎᒃ ᓄᑕᐅᔪᓐᓃᓗᐊᖅᓯᒪᓕᖅᑐᑦ ᐊᐅᓚᐅᑎᖃᕐᕕᖏᑦ ᐊᓂᐊᕝᕕᖏᓪᓗ ᕿᒥᕐᕈᔭᐅᓂᐊᕐᒪᑕ. ᐃᒻᒪᖄ ᐱᐅᔪᓐᓃᖅᓯᒪᔪᖃᕐᓂᖅᐸᑦ ᓴᓇᔭᐅᑲᐅᑎᒋᔪᓐᓇᕐᓂᐊᖅᖢᓂ ᓄᓇᓕᖕᒥᐅᑦ ᐆᒻᒪᖁᑎᖃᕈᓐᓇᐃᓐᓇᕐᓂᐊᕐᒪᑕ. ᑐᓴᒐᒃᓴᖃᐃᓐᓇᕐᓂᐊᕐᒥᔪᖅ ᖁᓪᓕᒃᑯᑦ ᐃᑭᐊᖅᑭᕕᖁᑖᒍᑦ ᐅᕝᕙᓘᓃᑦ ᕖᔅᐳᒃᑯᑦᑐᐃᑐᒃᑯᓪᓗᒪᒃᐱᖅᑐᒐᖓᑎᒍᑦ.
ᐆᒻᒪᖁᑎᓂᒃ ᐊᑭᓕᖅᓱᐃᕙᒃᑐᑦ ᖁᓪᓕᒃᑯᓐᓄᑦ ᐅᖄᓚᖁᔭᐅᕗᑦ ᐊᑭᖃᙱᑦᑐᒧᑦ ᖃᐅᑕᒫᖅ ᑭᐅᔭᐅᔪᓐᓇᓲᖑᔪᖅ ᐅᕗᓂ 1-833-313-3030 ᖃᐅᒻᒪᖁᑎᓕᕆᔾᔪᑎᖏᑦ ᐊᑲᐅᔪᓐᓃᖅᓯᒪᒃᐸᑕ ᑐᐊᕕᕐᓇᖅᑑᒋᒍᓂᒋᑦ. ᑕᐃᒫᒃ ᖁᓪᓕᒃᑯᑦ ᑐᓴᐅᒪᕙᒌᕈᑎᒃ ᑲᒪᑦᑎᐊᕈᓐᓇᕐᓂᖅᓴᐅᓂᐊᕐᒪᑕ ᐱᔭᕆᐊᓕᖕᒥᓂᒃ.
ᖁᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᕗᑦ ᑐᑭᓯᐅᒪᑦᑎᐊᕐᒪᑕ ᒪᒥᐊᑉᐳᓪᓗ ᐊᑲᐅᙱᓕᐅᕈᑎᖃᖅᑐᖃᕐᓂᖅᐸᑦ ᖃᒥᙶᖅᑎᓪᓗᒋᑦ.
###
ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:
ᕈᓃ ᐴᓱ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
(867) 979-7524
rboucher@qec.nu.ca