ᐱᔪᒥᓇᑦᑎᐊᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᑕᑎᒋᔭᒃᓴᐅᔪᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑕ ᓄᓇᕗᓕᒫᒥ.
ᓄᓇᕗᒻᒥ ᐃᖅᑲᓇᐃᔭᕐᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᖢᓂ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓪᓗᑎᒃ ᐊᑦᑕᕐᓇᙱᑦᑐᒥᑦ, ᑕᑎᒋᔭᒃᓴᐅᔪᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᓪᓗ ᓄᓇᕗᒻᒥ. ᐊᓯᖏᑦ ᐆᒻᒪᖅᑯᑎᖃᕐᕖᑦ ᑲᓇᑕᒥ ᑕᐅᑐᒃᖢᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᔾᔨᒋᔭᐅᙱᑦᑐᒥᒃ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᑎᖃᑦᑕᕐᒪᑕ ᐊᕙᑎᓪᓗ ᑕᓪᓕᒪᓂᒃ ᐃᓛᒃᑰᖅᑐᓂᒃ ᐊᐅᓚᐅᑎᖃᕐᕕᐊᓗᖕᓂᒃ ᐆᒻᒪᖅᑯᑎᖃᖅᑎᑦᑎᓪᓗᑎᓪᓗ ᐊᑐᓂ ᓄᓇᓕᖕᓂ ᓄᓇᕗᒻᒥ.
ᐊᕕᒃᑐᖅᓯᒪᓂᒃᑯᑦ ᐊᑭᓕᖅᓱᐃᔨᓄᑦ ᐱᔨᑦᑎᕋᖅᑎ (QEC 24-053)
ᐃᖃᓗᐃᑦ, ᓄᓇᕗᑦ
ᐅᖃᕐᕕᖃᖅᐸᒡᓗᓂ ᐊᐅᓚᑦᑎᔨᒧᑦ, ᐊᑭᓕᒐᒃᓴᓄᑦ ᐊᒻᒪ ᐊᑭᓕᒃᓴᓄᑦ, ᐊᕕᒃᑐᖅᓯᒪᔪᓂ ᐊᑭᓕᖅᓱᐃᔨᓄᑦ ᐱᔨᑦᑎᕋᖅᑎ ᑲᒪᒋᔭᒃᓴᖃᖅᐳᖅ ᐊᐅᓚᑦᑎᕙᒡᓗᓂ ᐊᕕᒃᑐᖅᓯᒪᔪᓂ ᑎᑎᕋᕐᕕᖏᓐᓂᒃ. ᑖᓐᓇ ᐃᓂᒋᔭᐅᔪᖅ ᓵᑕᐅᓕᕈᓐᓇᖅᐳᖅ ᐋᖅᑭᒃᓱᐃᓂᕐᒥᒃ ᐱᔭᒃᓴᖅᑖᖅᑎᑦᑎᓂᕐᒥᒡᓗ ᐱᓕᕆᐊᒃᓴᓂᒃ ᐃᑲᔪᖅᑐᐃᔪᒪᓂᕐᒧᑦ ᐃᖅᑲᓇᐃᔭᖅᑎᓂᒃ, ᑭᐅᓯᕙᒡᓗᓂ ᐊᑐᖅᑎᐅᕙᒃᑐᑦ ᖃᐅᔨᔪᒪᔭᖏᓐᓂᒃ ᐅᖃᐱᓘᑎᖃᕐᓂᖏᓐᓂᒡᓗ, ᐊᑭᓕᖅᑕᐅᕙᓪᓕᐊᔪᓂᒃ, ᑮᓇᐅᔭᒃᑯᕕᖕᒧᐊᖅᓯᕙᒡᓗᓂ, ᓇᓗᓇᐃᖅᓯᕙᒡᓗᓂ ᑎᑎᕋᖅᓯᒪᔪᓂᒡᓗ ᐃᓕᐅᖅᑲᐃᓂᕐᒥᒃ ᐊᑭᓕᒐᒃᓴᓂᒃ ᖃᐅᔨᓴᐅᑎᙳᐊᓄᓪᓗ ᓇᓕᖅᑲᓂᒃ, ᐱᓕᕆᐊᖃᖅᐸᖕᓂᕐᒥᒡᓗ ᐊᒡᓚᕝᕕᖕᒧᑦ ᑎᑎᖅᑲᕆᔭᐅᓂᐊᖅᑐᓂᒃ.
ᐱᓕᕆᐊᒃᓴᖏᑦ ᑲᒪᒋᔭᕆᐊᓕᖏᓪᓗ:
- ᐱᕙᒌᔭᖅᐸᒡᓗᓂ ᓇᑲᑕᐅᓯᒪᔪᓂᒃ ᑎᑎᖅᑲᓂᒃ, ᐊᑭᓕᐅᑎᓂᒃ ᐋᖅᑭᒃᓱᐃᕙᒃᓗᓂ ᐊᑭᓕᖅᓱᐃᔨᓂᒃ ᐱᕙᒌᔭᖅᐸᒡᓗᓂᓗ ᓈᒻᒪᒃᑐᓂᒃ ᐸᐃᑉᐹᓂᒃ, ᓄᑖᙳᕆᐊᖅᑎᑦᑎᕙᒃᑭᓪᓗᓂ ᐱᓕᕆᔾᔪᓯᕐᒥᒃ, ᑎᓕᓯᕙᒃᖢᓂ ᓇᑲᑕᐅᔪᓂᒃ ᐊᒻᒪ ᐃᓱᖃᖅᑐᓂᒃ ᐃᓕᐅᖅᑲᐃᓂᕐᒥᒃ, ᓇᐅᑦᑎᖅᓱᖅᐸᒃᖢᓂ ᐊᑭᓕᖅᓱᐃᔨᑦ ᐊᑭᓕᐅᑎᖏᓐᓂᒃ ᐊᒻᒪ ᐊᑐᖅᐸᒃᖢᓂ ᓇᑲᑕᐅᓂᕐᒧᑦ ᐊᑭᓕᕆᐊᓕᖕᓂᒃ.
- ᐃᓂᒃᓴᓕᐅᖅᐸᒃᐳᑦ ᐃᖅᑲᓇᐃᔭᖅᑎᑦᑎᓂᕐᒥᒃ ᐱᔭᒃᓴᖅᑖᖅᑎᑦᑎᕙᒃᐳᕐᓗ ᐱᓕᕆᐊᒃᓴᓂᒃ ᐃᑲᔪᖅᑐᐃᔪᒪᓂᕐᒧᑦ ᐃᖅᑲᓇᐃᔭᖅᑎᒋᔭᐅᔪᓂᒃ ᐱᔭᒃᓴᕆᑎᑕᐅᔪᓂ ᐊᕕᒃᓯᒪᓂᕐᓂ ᑎᑎᕋᕐᕕᒋᔭᐅᔪᓂ.
- ᐊᑭᓕᐅᑎᓕᐅᖅᐸᒃᖢᑎᒃ, ᐱᖃᑕᐅᕗᑦ ᐊᑭᓕᖅᑕᐅᓂᖅ ᐊᑭᓖᕝᕕᖕᓂᑦ, ᑮᓇᐅᔭᒃᑯᕕᖕᒧᐊᖅᓯᕙᒡᓗᓂ, ᐊᒻᒪ ᐊᑭᓕᐅᑎᓂ ᑮᓇᐅᔭᐃᔭᖅᐸᓪᓕᐊᓗᓂ.
- ᐃᑲᔪᖃᑦᑕᖅᐳᖅ ᐊᑭᓕᖅᓱᐃᔨᓂᒃ ᐊᑭᓕᒐᒃᓴᓄᑦ ᐊᐱᖅᑯᑎᓂᒃ, ᐊᖏᖅᓯᔪᓂᒃ, ᐊᒻᒪ ᐃᓕᓗᒋᑦ ᐊᑭᓕᐅᑎᑦ.
- ᐱᓕᕆᕙᒃᐳᖅ ᐊᑕᓂᕆᔭᐅᔪᓂᒃ ᓇᑲᑕᐅᓂᕐᒥᒡᓗ.
- ᐱᓕᕆᕙᒡᓗᓂ ᓂᐅᕕᖅᑎᑦᑎᔨᑦ ᐊᑭᓕᒐᒃᓴᖏᓐᓂᒃ, ᐅᑯᓂᖓᓗ ᓇᓗᓇᐃᖅᓯᔾᔪᑎᓂᒃ, ᓇᓗᓇᐃᒃᑯᑦᑎᖅᓱᐃᕙᒡᓗᓂ, ᐊᒻᒪ ᐊᑭᓕᒐᒃᓴᓂᒃ ᑐᓂᓯᕙᒡᓗᓂ ᐊᑭᓕᕆᐊᓕᖕᓄᑦ.
- ᐃᑲᔪᖃᑦᑕᖅᐳᖅ ᑮᓇᐅᔭᓕᐊᖑᔪᓄᑦ ᐊᐅᓚᑦᑎᔨᒥᑦ ᓇᓗᓇᐃᖅᓯᓇᓱᐊᖅᑎᓪᓗᒍ ᐊᑭᓕᖅᓱᐃᔨᑦ ᐋᖅᑭᒋᐊᖅᑕᐅᑎᓪᓗᒋᑦ.
- ᑲᑎᖅᓱᐃᕙᒡᓗᓂ ᓄᓇᓕᖕᓂ ᑕᐃᒪᐃᑦᑕᕆᐊᖃᕌᖓᑦ
ᐅᑯᐊ ᐊᔪᙱᓐᓂᕆᔭᕆᐊᓖᑦ:
- ᖁᑦᑎᖕᓂᖅᓴᒥ ᐃᓕᓐᓂᐊᕐᕕᖕᒥ ᐊᓂᒍᐃᔾᔪᑎᖃᕐᓗᓂ.
- ᐊᕐᕌᒍᒥᒃ ᐊᑕᐅᓯᕐᒥ ᑭᒡᓕᖃᕐᓗᒍ ᑎᑎᕋᕐᕕᖕᒥ ᐱᓕᕆᖃᑦᑕᖅᓯᒪᓂᑰᓗᓂ.
- ᖃᕆᓴᐅᔭᒃᑯᑦ ᐱᓕᕆᔾᔪᑎᓂᑦ ᑎᑎᖅᑲᓕᐅᕈᑎᖏᑦ ᐊᔾᔨᒌᙱᑦᑐᓂᑦ, ᐊᒻᒪ ᑕᑯᔅᓴᐅᑎᑦᑎᔪᓐᓇᐅᑏᑦ ᐃᑭᐊᖅᑭᕕᒃᑯᓪᓗᑦ ᐊᑐᕈᓐᓇᕐᓗᓂᒋᑦ.
ᐃᑲᔪᕐᓂᖃᕋᔭᖅᑐᑦ:
- ᐃᓕᓐᓂᐊᒃᑲᓐᓂᖅᓯᒪᓗᓂ ᑎᑎᕋᕐᕕᖕᒥ ᐅᕝᕙᓘᓐᓃᑦ ᓇᖕᒥᓂᖃᕐᓂᕐᒧᑦ ᐅᕝᕙᓘᓐᓃᑦ ᓇᖕᒥᓂᖃᕐᓂᕐᒥᒃ ᐊᐅᓚᑦᑎᓂᕐᒥᒃ.
ᑲᑎᓯᒪᔪᓂ ᐃᓕᓐᓂᐊᖅᓯᒪᓗᓂ ᐊᔾᔨᐸᓗᖏᓐᓂᓪᓘᓐᓃᑦ ᐱᓕᕆᖃᑦᑕᖅᓯᔪᑦ ᐃᓱᒪᒋᔭᐅᓂᐊᖅᑐᑦ.
ᑮᓇᐅᔾᔭᒃᓴᑦᑎᐊᕋᔭᖅᑐᖅ ᐱᒋᐊᕐᓗᓂ $77,980.50−ᒥ $88,461.22-ᒧᑦ ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᐸᒡᓗᓂ $16,008.00−ᒥ ᐊᕐᕌᒍᒧᑦ. ᓈᒻᒪᑦᑎᐊᖅᑐᓂᒃ ᐃᑲᔫᓯᐊᖅᑖᖅᑎᑦᑎᕙᒃᑭᕗᒍᑦ ᑲᑎᖅᓱᖅᓯᒪᔪᓂᒃ, ᐱᖃᓯᐅᑎᓪᓗᒋᑦ ᓇᓗᓇᐃᔭᖅᓯᒪᔪᑦ−ᐃᑲᔫᑎᓄᑦ ᐃᓐᓇᖅᓯᐅᑎᑖᕈᑎᑦ. ᒫᓐᓇ ᐃᒡᓗᒃᓴᖃᖅᑎᑕᐅᙱᑦᑐᑦ ᐃᓂᒃᓴᖅᑖᖅᑎᑕᐅᓛᖅᖢᑎᒡᓗ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᓕᐅᔾᔭᐅᓯᒪᕗᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ.
ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.
ᐱᓇᔪᖕᓂᐊᕐᓗᓂ, ᐱᓇᔫᑎᓯ ᓇᒃᓯᐅᑎᓗᒋᑦ ᐅᕗᖓ: https://qeccareers.prevueaps.ca/jobs/
ᑎᑎᖅᑲᒃᑯᑦ ᐱᓇᓱᐊᕐᓗᑎ, ᑎᓯᐱᕆ 27, 2024 ᑐᖔᓂ.
ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐱᓇᔪᒃᑐᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ.
ᖁᔭᓕᔭᕗᑦ ᑕᒪᕐᒥᑦᑎᐊᖅ ᐱᓇᔪᓚᐅᖅᑐᑦ. ᑭᓯᐊᓂ, ᐱᓇᔪᒃᑐᓂᑦ ᓂᕈᐊᖅᑕᐅᔪᑐᐊᑦ ᖃᐅᔨᒋᐊᕐᕕᐅᓂᐊᖅᑐᑦ.