ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐱᓕᕆᐊᒃᓴᑦᑎᐊᕙᒃ ᐃᓕᖕᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᕈᓐᓇᑦᑎᐊᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.
ᐱᓕᕆᖃᑎᒌᖕᓂᖅ ᓄᓇᕗᒻᒥ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᕐᒥᒡᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒍᓱᑦᑎᐊᕐᓂᐊᖅᐳᑎᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑕᐅᔪᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᖏᑦᑐᒥᑦ, ᑕᑎᒋᔭᒃᓴᐅᔪᓐᓇᖅᑐᒥ ᐆᒻᒪᖁᑎᒥ ᑕᒪᐃᓐᓄᑦ ᐊᑭᓕᖅᓱᐃᕙᒃᑐᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᓯᖏᑦ ᐆᒻᒪᖅᑯᑎᓕᕆᔾᔪᑎᐅᔪᑦ ᑲᓇᑕᒥ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐆᒻᒪᖅᑯᑎᓕᕆᔨᒃᑯᑦ ᐊᔾᔨᐅᖏᑦᑐᒥᑦ ᐊᒃᓱᕉᑎᖃᕆᐊᖃᓲᖑᕗᑦ ᐊᐅᓚᑎᑦᑎᖕᒪᑕ ᐆᒻᒪᖅᑯᑎᓂᑦ 25−ᓂᑦ ᐅᖅᓱᐊᓗᖕᒨᖅᑐᓂᑦ ᐊᒻᒪ ᐊᑐᓂᑦ ᓄᓇᓕᖕᓃᑦᑐᒡᒍᑕᐅᓪᓗᑎᑦ ᐆᒻᒪᖅᑯᑎᖃᕐᕕᖏᑦ ᓄᓇᕗᒻᒥ ᓄᓇᓕᖕᓂᑦ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ - 22-005 ᑐᓴᐅᒪᔪᓕᕆᔨ
ᑐᓴᐅᒪᔪᓕᕆᔨ ᑲᒪᒋᔭᖃᕐᑐᖅ ᐃᑲᔪᖅᑐᐃᓂᕐᒥᑦ ᐊᐅᓚᑦᑎᔨᒧᑦ, ᐆᒻᒪᖁᑎᓕᕆᔨᒃᑯᑦ ᑐᓴᒐᒃᓴᓕᕆᔨᖓ ᐅᓗᐊᓂᖔᕐᑐᓂ ᓯᓚᑖᓂᖔᕐᑐᓂᓗ ᑲᒪᒋᔭᖃᕐᑐᑦ ᑐᓴᐅᔭᔪᓕᕆᓂᕐᒧᑦ, ᐱᖃᓯᐅᑎᓗᒋᑦ ᑭᓯᐊᓂ ᑭᒡᓕᖃᖏᑦᑐᖅ ᐸᕐᓇᐅᑎᓄᑦ ᐱᓕᕆᐊᖑᕙᓪᓕᐊᔪᒪᔪᓂᑦ, ᑎᑎᕋᖅᑕᐅᒋᐊᕐᖓᖅᑐᑦ ᐊᒻᒪᓗ ᐅᓂᑳᓕᐊᖑᓂᐊᕐᑐᓂ ᐱᓕᕆᐊᒃᓴᓂᒃ. ᐃᖃᓇᐃᔮᖑᔪᖅ ᓇᓗᓇᐅᔭᕐᓯᒪᕗᖅ ᑐᓴᐅᒪᔪᓕᕆᔨᒃᑯᑦ ᐊᖁᑎᖃᕐᓂᖓᓄᑦ ᐊᒻᒪᓗ ᐃᓕᖁᓯᑦᑎᓐᓄᑦ ᐊᔾᔨᖃᕐᓂᖏᓐᓄᑦ ᐊᒻᒪᓗ ᑲᒪᒋᔭᖃᕐᓂᖓᓄᓪᓗ ᐱᔨᑦᑎᕋᑐᓕᕆᓂᕐᒧᑦ ᑐᐊᕕᕐᓇᖅᑐᓂ ᑐᓴᐅᒪᔪᓕᕆᓂᕐᒧᑦ.
ᐱᓕᕆᐊᒃᓴᐃᑦ ᑲᒪᒋᔭᒃᓴᐃᓪᓗ:
- ᐱᕙᒌᔭᐃᓂᖅ ᐊᒻᒪᓗ ᑐᓂᐅᖃᐅᓂᖅ ᑐᓴᒐᒃᓴᓂ ᓲᕐᓗ ᐱᕙᓪᓕᐊᔪᓂ ᐊᒻᒪᓗ ᒐᕙᒪᒃᑯᑦ ᑐᓴᒐᒃᓴᓂᒃ.
- ᐃᑲᔪᖅᐸᒡᓗᓂ ᑎᑎᕋᖅᑕᐅᒋᐊᕐᖓᖅᑐᓂ ᐊᕐᕌᒍᑕᒫᖅᓯᐅᑎᓄ ᐅᓂᒃᑳᓂ.
- ᑎᑎᕋᖅᑕᐅᒋᐊᕐᖓᖅᑐᖅ ᐊᒻᒪᓗ ᐋᕿᒋᐊᖅᑕᐅᓗᑎᒃ ᒥᓂᔅᑕᐅ ᐅᖃᐅᓯᖏᑦ, ᐅᓂᑳᖏᑦ, ᐊᒻᒪᓗ ᓯᕗᓕᖅᑎᐅ ᐃᓕᕙᓪᓕᐊᔭᖏᑦ.
- ᐃᑲᔪᕐᓗᓂ ᐱᕙᓪᓕᐊᑎᑦᑎᓂᕐᒧᑦ ᐊᒻᒪᓗ ᑲᒪᒋᑦᑎᐊᕐᓂᕐᒥᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᖃᕋᓴᐅᔭᒃᑯᑦ ᐅᐸᒃᓯᒪᓂᖕᓐᓂᒃ ᐊᒻᒪᓗ ᐃᖃᓇᐃᔭᕐᕕᖕᒥᑦ ᐃᑭᐊᕿᕕᖓᓂ.
- ᐊᐅᓚᑦᑎᓂᖅ ᐆᒻᒪᖁᑎᓕᕆᔨᓂ ᑐᑭᓕᐅᖅᑕᐅᔪᓂ ᒐᕙᒪᒃᑯᑦ ᐆᖃᐅᓯᓕᕆᔨᒃᑯᓐᓄᑦ ᐊᒻᒪᓗ ᓯᓚᑖᓂᖔᕐᑐᓂ.
- ᐱᕙᒌᔭᐃᓂᖅ ᑎᓴᒻᒥᕆᔭᐅᔪᒧᑦ ᐊᒻᒪᓗ ᐊᕐᕌᒍᑕᒫᖅᓯᐅᑎᓄᑦ ᐅᓂᑳᓕᐊᓂ ᐅᖃᐅᓯᓕᕆᓂᕐᒧᑦ ᑐᕌᖓᔪᓂ ᐃᓕᖁᓯᓕᕆᔨᒃᑯᓐᓄᑦ.
- ᐱᕙᒌᔭᐃᓂᖅ ᐊᒃᑐᐊᓂᓕᖕᓂ ᐊᒻᒪᓗ ᑐᓴᒐᒃᓴᑦᑎᐊᕙᖕᓂ ᐊᐅᓚᑦᑎᔨᒻᒪᕆᖕᓄᑦ ᐊᒻᒪᓗ ᓯᕗᓕᖅᑎᐅ ᑎᑎᕋᕐᕕᐊᓄᑦ.
- ᐊᐅᓚᑦᑎᕙᒡᓗᑎᒃ ᐊᖏᕈᑎᓂᒃ ᐊᒻᒪᓗ ᓴᕿᑎᔪᓐᓇᑦᑎᐊᕐᑐᓂ ᐱᒍᔾᔨᔨᔪᓂᑦ ᐱᕙᓪᓕᐊᑎᑦᑎᓗᑎ ᐱᔪᒥᓇᖅᑐᓂ, ᐱᓕᕆᐊᒃᓴᓂ, ᐊᒻᒪᓗ ᐱᔪᒥᓇᖅᓯᐅᑎᔪ ᐱᖃᑕᐅᔪᓄᑦ ᐊᐅᓚᑦᑎᕕᖕᒥᑦ ᓇᓗᓇᐃᒃᑯᑦᑎᕐᓂᕐᒧᑦ.
- ᐱᕈᖅᑎᑦᑎᓂᖅ ᐊᒻᒪᓗ ᐱᔪᒥᓴᐃᓂᖅ ᐱᐅᔪᒥ ᓄᓇᓕᖕᓂᑦ ᐃᓚᒌᖕᓂᕐᒥ ᑭᒡᒐᖅᑐᕐᓗᒋᑦ ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑎᒥᖁᑖ ᑲᑎᒪᕕᒡᔪᐊᓕᕌᖓᒥ, ᐱᓕᕆᖃᑎᒌᓕᕌᖓᑎ, ᐊᒻᒪᓗ ᐱᓕᕆᕝᕕᖕᓂ ᑕᑯᒃᓴᐅᑎᑦᑎᓕᕌᖓᒥ.
- ᐃᑲᔪᖃᑦᑕᕐᓂᖅ ᐊᐅᓚᑦᑎᓂᕐᒥᑦ ᐊᒻᒪᓗ ᐱᔪᒥᓴᐃᓂᕐᒧᑦ ᐃᓕᓐᓂᐊᕐᑦᑎᐊᕈᓯᐊᕐᒧᑦ ᐃᑲᔫᓯᐅᓂ ᐊᒻᒪᓗ ᑎᒥᐅᔪᓂ ᑐᓐᓂᕐᕈᓯᐊᓂᒃ.
- ᐊᐅᓚᑦᑎᓂᖅ ᐊᒻᒪᓗ ᐋᕿᒃᓱᐃᓂᖅ ᓄᓇᓕᖕᓂᑦ, ᐊᒻᒪᓗ ᑎᒥᐅᔪᓂ ᐊᒻᒪᓗ ᑮᓇᐅᔭᖅᑖᕈᓯᐊᔪᓕᕆᔪᓂ.
- ᐊᐅᓚᑦᑎᓂᖅ ᑐᓴᐅᒪᔪᓕᕆᓂᕐᓂᑦ ᑎᑎᕋᖅᑎᐅᓂᕐᒧᑦ ᐱᓕᕆᐊᒃᓴᓂᑦ.
ᐅᑯᐊ ᐊᔪᙱᑦᑕᕆᐊᓕᖏᑦ:
- ᓯᓚᑦᑐᖅᓴᕐᕕᖕᒥᑦ ᐃᓱᓕᑦᑎᓯᒪᓗᑎᑦ ᐊᒻᒪ ᒪᕐᕉᒡᓗᓂ ᐊᕐᕌᒍᓂ ᐃᖅᑲᓇᐃᔭᓕᒪᓗᑎᑦ ᑐᓴᒐᒃᓴᓕᕆᓂᕐᒧᑦ, ᐃᓄᓕᕆᓂᕐᒧᑦ ᐅᕝᕙᓘᓐᓃᑦ ᐱᔪᒥᓴᐃᓂᕐᒧᑦ;
- ᐅᑭᐅᓄᑦ ᒪᕐᕈᖕᓂᑦ ᐱᓕᕆᓯᒪᓂᑰᔭᕆᐊᓕᒃ ᐋᕿᒃᓱᐃᓂᕐᒧᑦ ᐊᒻᒪᓗ ᑎᑎᕋᕐᓂᕐᒥᑦ ᑎᒥᐅᔪᓄᑦ ᑐᓴᐅᔭᔪᓕᕆᓂᕐᒥᑦ ᓲᕐᓗ ᐱᕙᓪᓕᐊᔪᓂ ᐱᕙᒌᔭᐃᓂᖅ, ᑐᓴᐅᒪᖃᑦᑕᐅᑎᓂᖅ, ᖃᕋᓴᐅᔭᓕᕆᓂᖅ, ᐊᒻᒪᓗ ᑮᓇᐅᔭᓕᕆᓂᖅ.
ᐃᑲᔪᕐᓂᖃᕋᔭᖅᑐᑦ:
- ᐃᖅᑲᓇᐃᔭᕐᓂᑰᓗᓂᑦ ᐆᒻᒪᖅᑯᓯᕆᔨᓂᑦ ᐃᑲᔫᑎᖃᕐᓂᐊᖅᑐᖅ.
- ᖃᐅᔨᒪᓗᓂ ᓄᓇᕗᒻᒥᒃ, ᓄᓇᖓᓂᒃ, ᐅᖃᐅᓯᖏᓐᓂᒃ ᐊᒻᒪ ᐱᖅᑯᓯᖏᓐᓂᒃ.
- ᐃᓄᒃᑐ/ᐃᓄᐃᓐᓇᖅᑐᓐ ᐅᖃᕈᓐᓇᕐᓗᓂ ᐊᒻᒪ/ᐅᕝᕙᓘᓐᓃᑦ ᐅᐃᕖᑎᑐᑦ.
ᐊᔾᔨᖏᓪᓗ ᐊᒻᒪ ᑲᑎᓪᓗᒋᑦ ᐃᓕᓐᓂᐊᖅᓯᒪᔭᖏᑦ ᐃᖅᑲᓇᐃᔭᖃᑦᑕᖅᓯᒪᓂᖏᓪᓗ ᐃᓱᒪᒋᔭᐅᓂᐊᖅᑐᑦ.
ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $81,568.50−ᒥᑦ $100,074.00−ᒧᑦ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᒃᖢᑕ $15,016−ᓂᒃ ᐊᕐᕌᒍᒧᑦ, ᐃᖅᑲᓇᐃᔭᕐᓇᐅᙱᑦᑐᒃᑯᑦ ᐃᑲᕐᕋᓕᐅᕈᓐᓇᖅᑎᑕᐅᓪᓗᓂ, ᓈᒻᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᒥᑦ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᑕᖃᖅᖢᓂ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᓕᐅᔾᔭᐅᓯᒪᕗᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ.
ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ. ᐱᑕᖃᙱᑉᐸᑦ ᓄᓇᕗᒻᒦᙶᖅᑐᒥ ᐃᓄᒻᒥᒃ, ᑖᓐᓇ ᐃᓂᐅᔪᖅ ᐃᖅᑲᓇᐃᔮᒧᑦ ᐊᑐᐃᓐᓇᐅᑎᑕᐅᓂᐊᖅᑐᖅ ᐊᕐᕌᒎᓐᓄᑦ ᐱᖓᓱᓄᑦ ᐃᖅᑲᓇᐃᔭᓚᐅᑲᓐᓂᕐᒧᑦ.
ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᐃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ careers@qec.nu.ca ᑎᑎᖅᑲᑎᒍᓪᓘᓐᓃᑦ ᐅᕗᖓ: ᐃᖅᑲᓇᐃᔭᖅᑐᓕᕆᔨᒃᑯᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ, ᑎᑎᖅᑲᒃᑯᕕᒃ. Box 420, Baker Lake, NU X0C 0A0
ᑎᑎᖅᑲᑦᑯᑦ ᐱᓇᓱᐊᕐᓗᑎ, ᐄᐳᕈ1, 2022
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ.
ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.