ᐊᔾᔨᐅᖏᑦᑐᒥ ᐱᕕᔅᓴᖃᖅᑐᑎᑦ ᐊᑦᑕᓇᖏᑦᑐᒥ ᐸᕐᓇᐃᓂᕐᒥᑦ ᐊᒻᒪ ᑳᓐᑐᕌᑎᓂ ᐊᑦᑕᓇᐃᖅᓯᒪᓂᕐᒧᑦ ᐊᐅᓚᑦᑎᓂᕐᒧᑦ ᓴᖅᑮᓯᓐᓈᖅᑐᓂ “ᐊᑦᑕᓇᐃᖅᓯᒪᓂᖅ ᓯᕗᓪᓕᖅ” ᐱᖅᑯᓯᒥ ᐊᑐᖅᑕᐅᒐᔪᓐᓂᐊᖅᑐᑦ QEC−ᑯᓐᓂᑦ.
ᐊᖏᔪᖅᑳᖃᖅᑐᓂ ᑐᑭᒧᐊᖅᑎᑦᑎᔨᒥ, ᐋᓐᓂᐊᖅᑐᓕᕆᓂᕐᒧᑦ, ᐊᑦᑕᓇᐃᖅᓯᒪᓂᕐᒧᑦ ᐊᒻᒪ ᐊᕙᑎᓕᕆᓂᕐᒧᑦ (HSE), ᐱᖃᑕᐅᓂᐊᖅᑐᑎᑦ ᑕᒪᒃᑭᓐᓂ ᐊᑭᑐᔪᓄᑦ ᐊᒻᒪ ᐊᐅᓚᓂᖏᓐᓄᑦ ᒪᑭᒪᐅᑎᖏᓐᓄᓪᓗ ᐱᓕᕆᐊᓂᑦ ᐊᒻᒪ ᐃᖅᑲᓇᐃᔭᖃᑎᖃᕐᓗᑎ ᓴᓇᓯᒪᔪᓕᕆᔨᒃᑯᓐᓂᑦ ᐊᒻᒪ ᐊᐅᓚᓂᖏᓐᓄᑦ ᐱᓕᕆᕕᓐᓄᑦ, ᓯᕗᓂᐊᒍᑦ ᐸᕐᓇᐃᓂᕐᒥᑦ ᐃᖅᑲᓇᐃᔮᖑᓂᐊᖅᑐᓄᑦ ᑳᓐᑐᕌᖅᑎᓄᑦ ᑖᒃᑯᓄᖓ ᐱᓕᕆᐊᓄᑦ ᑐᓐᖓᕕᐅᒋᐊᖃᓂᐊᖅᑐᖅ ᑖᔅᓱᒧᖓ ᖃᓄᐃᓘᕆᐊᓕᖏᓐᓄᑦ. HSE ᓴᓇᔭᐅᓂᖏᓐᓄᑦ ᐊᐅᓚᑦᑎᔨᐅᓗᑎᑦ, ᐅᔾᔨᕆᑦᑎᐊᓂᐊᖅᑕᑎᑦ ᖄᓐᑐᕌᖅᑎᐅᔪᑦ ᐱᓯᒪᔭᐃᓐᓇᕆᓗᒋᑦ ᐱᑕᖃᕆᐊᖃᖅᑎᑕᐅᔪᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᐃᖅᓯᒪᓂᕐᒧᑦ ᐊᒻᒪ ᐊᑭᓕᖅᑕᐅᔪᓄᑦ ᑲᒪᔩᑦ (WSCC) ᓯᕗᓂᐊᒍᑦ−ᐱᔪᓐᓇᕐᓂᕆᒋᐊᖃᖅᑕᖏᑦ, ᐃᓕᓐᓂᐊᖅᓯᒪᓂᖏᓐᓄᑦ ᑎᑎᕋᖅᑕᐅᓯᒪᔪᑦ ᐊᒻᒪ ᐊᔪᖏᓐᓂᖃᖅᑐᑦ ᐃᖅᑲᓇᐃᔭᖅᑏᑦ ᐊᑐᐃᓐᓇᐅᓂᖏᓐᓄᑦ, ᐊᒻᒪ ᓴᓇᔭᐅᓂᐊᖅᑐᑦ ᓇᓗᓇᐃᖅᑕᐅᓗᑎᑦ ᓴᓇᕕᐅᓂᐊᖅᑐᒨᓚᐅᖅᑎᓐᓇᒋᑦ. ᐊᖏᔪᑦ ᐱᓕᕆᐊᑦ ᖃᐅᔨᒋᐊᖅᑕᐅᖃᑦᑕᕆᐊᖃᓂᐊᖅᑐᑦ ᐃᖅᑲᓇᐃᔭᕐᕕᐅᔪᑦ ᐊᑦᑕᓇᐃᖅᓯᒪᓂᕐᒧᑦ ᒪᓕᓐᓂᖃᕋᓗᐊᕐᒪᖔᑕ, ᐱᔭᕇᖅᓯᓗᓂ ᐱᓕᕆᐊᖑᔭᕇᖅᑎᓪᓗᒍ ᐊᑦᑕᓇᐃᖅᓯᒪᓂᕐᒧᑦ ᐊᒻᒪ ᐊᕙᑎᓕᕆᓂᕐᒧᑦ ᑐᓂᔭᐅᔪᑦ ᐊᑐᐊᒐᓕᐅᖅᑎᓄᑦ, ᐊᒻᒪ ᐃᖅᑲᓇᐃᔭᖃᑎᖃᕐᓗᓂ ᐱᓕᕆᐊᒥᑦ ᐃᖅᑲᓇᐃᔭᖅᑎᓂᑦ ᖃᓄᖅ ᐱᓕᕆᐊᖑᔪᑦ ᐱᐅᓯᑎᑕᐅᒋᐊᕈᓐᓇᕐᒪᖔᑕ.