ᐱᔪᒥᓇᒃᑲᓐᓂᖅᑐᒥᒃ ᐃᖃᓇᐃᔮᖃᕆᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᑦᑎᐊᖏᓐᓇᕈᓐᓇᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.
ᓄᓇᕗᒻᒥ ᐱᓕᕆᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᐊᑐᑦᑎᐊᖏᓐᓇᕈᓐᓇᖅᑐᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᓯᓕᒫᖏᑦ ᐆᒻᒪᖅᑯᑎᖃᕐᕖᑦ ᑲᓇᑕᒥ ᑕᐅᑐᒃᖢᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᑎᓪᓗᑎᒡᓗ ᐊᕙᑎᓪᓗ ᑕᓪᓕᒪᓂᒃ ᐃᓛᒃᑰᖅᑐᓂᒃ ᐊᐅᓚᐅᑎᖃᕐᕕᐊᓗᖕᓂᒃ ᐆᒻᒪᖅᑯᑎᖃᖅᑎᑦᑎᓪᓗᑎᒡᓗ ᓄᓇᓕᓕᒫᓂᒃ ᓄᓇᕗᒻᒥ.
ᓴᓇᔨ − ᐃᒡᓗᕐᔪᐊᓄᑦ (ᐃᖅᑲᓇᐃᔮᑲᐃᓐᓇᖅ)
ᖃᒪᓂᕐᑐᐊᒥ
ᐊᖓᔪᖅᑳᓕᒃ ᐃᒡᓗᕐᔪᐊᓄᑦ ᐊᐅᓚᑦᑎᔨᒥᒃ, ᓴᓇᔨ − ᐃᒡᓗᕐᔪᐊᓄᑦ ᑲᒪᒋᔭᖃᕐᓂᐊᖅᑐᖅ ᖃᓄᑯᓘᔭᖅ ᐱᓕᕆᐊᕆᔭᕆᐊᓕᖕᓄᑦ ᐃᒡᓗᕐᔪᐊᓕᕆᔨᓂᑦ. ᐃᖅᑲᓇᐃᔮᓕᒃ ᐃᑲᔪᖃᑦᑕᖅᑐᖅ ᐃᖅᑲᓇᐃᔭᖅᑎᓂᒃ ᐱᓕᕆᐊᕆᔭᕆᐊᓕᖕᓄᑦ ᑯᐊᐳᕇᓴᐅᑉ ᐃᒡᓗᖁᑎᖏᓐᓂᑦ, ᐃᒡᓗᕐᔪᐊᖁᑎᖏᓐᓂᑦ, ᓴᓇᕝᕕᖏᓐᓂᒡᓗ ᐊᑐᖅᑐᐊᖅᑕᒥᖕᓂᑦ ᓇᖕᒥᓂᖁᑎᓂᓪᓘᓐᓃᑦ, ᓲᕐᓗ: ᐃᒡᓗᒋᔭᐅᔪᑦ, ᐃᒡᓗᖁᑎᒋᔭᐅᓚᐅᑲᒃᑐᑦ, ᐊᒡᓚᒡᕖᑦ, ᑐᖅᑯᐃᕝᕖᑦ, ᓯᕐᓗᐊᑦ, ᓄᓇᓯᐅᑎᓕᐅᕐᕖᑦ, ᐊᔾᔨᐸᓗᖏᓪᓗ ᐱᖁᑏᑦ.
ᐱᓕᕆᐊᒃᓴᖏᑦ ᑲᒪᒋᔭᒃᓴᖏᓪᓗ:
- ᐃᓚᐅᖃᑕᐅᕙᒃᖢᓂᑦ ᐱᖁᑎᓂᒃ ᓅᑦᑎᑎᓪᓗᒋᑦ, ᐅᖁᒪᐃᑦᑐᓕᕆᑎᓪᓗᒋᑦ, ᐊᕕᒃᑐᐃᑎᓪᓗᒋᑦ, ᓴᓗᒻᒪᖅᓴᐃᑎᓪᓗᒋᑦ, ᐋᖅᑭᒃᓱᐃᑎᓪᓗᒋᑦ, ᒥᖑᐊᖅᑎᓪᓗᒋᑦ, ᐊᓯᖏᓪᓗ.
- ᐋᖅᑭᐅᒪᑎᑦᑎᕙᒃᖢᓂᑦ ᐃᒡᓗᕐᔪᐊᓂᑦ ᐊᓯᖏᓐᓂᒡᓗ ᓇᖕᒥᓂᖁᑎᖏᓐᓂᑦ.
- ᐊᐃᒃᓯᖅᐸᒃᖢᓂᑦ, ᐋᖅᑭᒃᓱᐃᕙᒃᖢᓂᑦ, ᐊᐅᓪᓚᖅᑎᑦᑎᕙᒃᖢᓂᑦ, ᐋᑦᑎᕙᒃᖢᓂᑦ, ᐃᓕᐅᖅᑲᐃᕙᒃᖢᓂᑦ, ᐲᔭᐃᕙᒃᖢᓂᓗ ᑭᓱᑯᓘᔭᕐᓂᑦ ᐱᖁᑎᓂᒃ ᐱᖃᓯᐅᑎᓪᓗᒋᑦ ᓴᓇᔭᒃᓴᑦ, ᐃᒡᓗᒥᓯᐅᑎᑦ, ᐊᑐᒐᒃᓴᑦ, ᐊᓯᖏᓪᓗ ᐃᖏᕐᕋᑎᑦᑏᓐᓇᕈᑏᑦ ᐃᒡᓗᕐᔪᐊᓕᕆᔨᓄᑦ.
- ᐅᖁᒪᐃᑦᑐᓂᒃ ᓅᑦᑎᕙᒃᖢᓂᑦ ᓲᕐᓗ ᐃᒡᓗᒥᓯᐅᑏᑦ, ᑲᑉᐳᔾᔭᖅᑐᒨᖅᑐᑦ, ᐃᒡᓗᒃᓴᑦ, ᐊᓯᖏᓪᓗ.
- ᐋᖅᑭᒃᓱᐃᕙᒃᖢᓂᑦ ᓴᓗᒻᒪᖅᓴᐃᕙᒃᖢᓂᓗ ᓇᓂᑯᓘᔭᖅ ᐃᒡᓗᕐᔪᐊᓕᕆᔨᒃᑯᓐᓄᑦ.
- ᐃᒡᓗᕐᔪᐊᓂᑦ ᖃᐅᔨᓴᖅᐸᒃᖢᓂᑦ ᑯᐊᐳᕇᓴᐅᑉ ᓇᖕᒥᓂᖁᑎᖏᓐᓂᑦ.
- ᐊᐳᑏᔭᐃᕙᒃᖢᓂᑦ ᓯᐅᕋᓕᖅᓱᐃᕙᒃᖢᓂᓗ ᑯᐊᐳᕇᓴᐅᑉ ᓇᖕᒥᓂᖁᑎᖏᓐᓂᑦ.
- ᓴᓗᒻᒪᖅᓴᐃᕙᒃᖢᓂᑦ ᐋᖅᑭᒃᓱᐃᕙᒃᖢᓂᓗ ᖁᓪᓕᒃᑯᑦ ᓯᕐᓗᐊᖏᓐᓂᑦ ᕿᔪᓕᕆᕝᕕᖏᓐᓂᒡᓗ, ᐊᓯᖏᓪᓗ ᖁᓪᓕᒃᑯᑦ ᐃᒡᓗᕐᔪᐊᖁᑎᖏᓐᓂᑦ ᐅᖃᐅᔾᔭᐅᔭᕌᖓᑦ.
- ᓴᓇᔨᐅᓂᕐᒧᑦ ᐃᑲᔪᖅᑐᐃᕙᒃᖢᓂᑦ ᐃᖅᑲᓇᐃᔭᕐᕕᖕᒥᑦ, ᑕᐃᒪᐃᑦᑕᕆᐊᖃᕌᖓᑦ.
ᐱᔭᐅᓯᒪᔭᕆᐊᓖᑦ ᐊᔪᙱᓐᓂᕆᔭᐅᔪᑦ ᐅᑯᓂᖓ ᐃᓚᖃᖅᐳᑦ:
- ᐊᑦᑎᓛᒥᑦ ᐃᓕᓐᓂᐊᕈᑎᓄᑦ ᖁᕝᕙᓯᖕᓂᓕᖕᓄᑦ 10ᒥᑦ ᐱᔭᕇᖅᓯᓯᒪᓗᓂ.
- ᐊᖁᑦᑐᓐᓇᐅᑎᖃᕆᐊᓕᒃ ᓇᓗᓇᐃᒃᑯᑕᓕᒃ 5−ᒥᑦ.
- ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂ, ᐅᖃᐅᓯᖓᓂ ᐊᒻᒪ ᐃᓕᖅᑯᓯᖓᓂᒃ.
- ᐅᖃᕈᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪᓗ/ᐅᕝᕙᓗᓃᑦ ᐅᐃᕖᑎᑦᑐᑦ.
ᐊᔾᔨᐸᓗᖏᓐᓂᓪᓘᓐᓃᑦ ᐃᓕᓐᓂᐊᖅᓯᒪᓗᓂ ᐊᔾᔨᒌᙱᑦᑐᓂᑦ ᑖᒃᑯᓂᖓ ᑕᐃᔭᐅᔪᓂᑦ ᐃᓱᒪᒋᔭᐅᓂᐊᖅᑐᑦ.
ᐅᓇ ᐃᖅᑲᓇᐃᔮᒃᓴᖅ ᖃᒪᓂᕐᑐᐊᒥᐅᑐᐊᓄᑦ ᒪᑐᐃᖓᔪᖅ.
ᐃᖅᑲᓇᐃᔮᖅ ᐅᒃᐱᕆᔭᐅᔪᓐᓇᕆᐊᓕᒃ ᑕᑎᒋᔭᐅᓗᓂᑦ. ᑕᐃᒪᐃᒻᒪᑦ, ᐱᕋᔭᖕᓂᑰᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ ᐃᖅᑲᓇᐃᔭᓯᒋᐊᓚᐅᙱᓐᓂᖓᓂᑦ.
ᑮᓇᐅᔾᔭᒃᓴᑦᑎᐊᕋᔭᖅᑐᖅ ᐱᒋᐊᕐᕕᖃᕐᓗᓂ $66,539.20−ᒥ $74,722.40-ᒧ ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᐸᓪᓗᓂ $24,281.00−ᒥ ᐊᕐᕌᒍᒧᑦ. ᐊᑐᐃᓐᓇᐅᑎᑦᓯᖕᒥᔪᒍᑦ ᓈᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᓂᒃ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ.
ᐃᖅᑲᓇᐃᔭᖅᑎᐅᓂᕐᒧᑦ ᐃᑲᔪᖅᑕᐅᓗᓂ ᐃᓪᓗᖃᖅᑎᑕᐅᙱᑦᑐᖅ ᑖᑦᓱᒧᖓ ᐃᖅᑲᓇᐃᔮᖅᒧᑦ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᓕᐅᔾᔭᐅᓯᒪᕗᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ.
ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.
ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᐃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ careers@qec.nu.ca.
ᑎᑎᖅᑲᑦᑯᑦ ᐱᓇᓱᐊᕐᓗᑎ ᑎᓯᐱᕆ 23, 2022 ᑐᖔᓂ.
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ.
ᖁᔭᓕᔭᕗᑦ ᑕᒪᐃᓐᓂᒃ ᐱᓇᓱᖃᑕᐅᔪᒪᔪᓕᒫᑦ. ᑭᓯᐊᓂᑦᑕᐅᖅ, ᐱᓇᔪᒃᑐᑦ ᓂᕈᐊᖅᑕᐅᔪᑐᐊᑦ ᑐᓴᖅᑎᑕᐅᓂᐊᕐᒪᑕ.