ᐃᓚᖏᑦ ᐃᓄᐃᑦ ᐃᓱᒪᖃᑦᑕᙱᒻᒪᑕ ᐱᕙᒌᔭᖅᓯᒪᓂᕐᒥᑦ ᖃᒥᓐᓂᕐᒧᑦ ᑭᖑᕙᕌᖓᑕ ᑭᓯᐊᓂ. ᐊᑐᖅᑕᐅᓂᖃᓗᐊᑦᑕᐃᓕᒍᓐᓇᖅᑐᑎᑦ ᖃᒥᓐᓂᕐᒧᑦ ᐊᑐᐃᓐᓇᕈᖅᑎᕆᓂᕐᒥᑦ ᓯᕗᕐᖓᒍᑦ. ᐃᕝᕕᑦ ᖃᑕᙳᑎᑎᓪᓗ ᐊᑐᐃᓐᓇᐅᒋᐊᖃᖅᑐᓯ ᑲᒪᒋᔭᖃᕐᓂᕐᒥᑦ ᓇᒻᒥᓂᖅ ᖃᒥᙵᑎᓪᓗᒍ ᐃᑲᕐᕋᓐᓄᑦ 72-ᓄᑦ. ᐃᓚᒋᒍᓐᓇᖅᑕᖓ ᐊᑐᐃᓐᓇᐅᓂᕐᒧᑦ ᖃᒥᙵᓂᕐᒧᑦ ᓴᖅᑭᑎᑦᓯᓂᕐᒥᑦ ᑐᐊᕕᕐᓇᖅᑐᒧᑦ ᐱᕙᒌᔭᖅᓯᒪᓂᕐᒥᑦ ᖃᑕᙳᑎᑎᓪᓗ ᓴᓇᓂᕐᒥᓪᓗ ᑐᐊᕕᕐᓇᖅᑐᓕᕆᔾᔪᑎᓂᑦ.
ᑐᐊᕕᕐᓇᖅᑐᓕᕆᓂᕐᒧᑦ ᐱᕙᒌᔭᕐᓂᖅ
ᑐᐊᕕᕐᓇᖅᑐᓕᕆᓂᕐᒧᑦ ᐱᕙᒌᔭᕐᓂᖅ ᐃᑲᔪᕐᓂᐊᖅᑐᖅ ᐃᓕᓐᓂᑦ ᖃᑕᙳᑎᓐᓄᓪᓗ ᖃᐅᔨᒪᓂᐊᕐᒪᑕ ᖃᓄᐃᓕᖓᒋᐊᒥᑦ ᑐᐊᕕᕐᓇᖅᑐᖃᖅᐸᑦ. ᑲᑎᒪᖏᑐᐃᓐᓇᕆᐊᖃᖅᑐᓯ ᖃᐅᒻᒪᖅᑯᑏᑦ ᖃᒥᑦᑎᓪᓗᒋᑦ ᐱᒋᐊᖁᑎᖃᕆᑦ ᐅᖃᖃᑎᖃᕐᓂᕐᒥᑦ ᖃᓄᐃᑦᑐᖃᕈᓐᓇᕐᓂᖓᓂᑦ ᖃᓄᐃᒋᐊᖃᕐᒪᖔᖅᐱᓪᓗ ᐊᖏᕐᕋᕐᒥᑦ, ᐃᓕᓐᓂᐊᕐᕕᒻᒥᑦ ᐃᖅᑲᓇᐃᔭᕐᕕᒻᒥᓪᓘᓐᓃᑦᖑ ᑐᐊᕕᕐᓇᖅᑐᖃᓕᖅᑎᓪᓗᒍ.
- ᐊᑐᐃᓐᓇᐅᓕᐊᕐᓗᓂ, ᐋᖅᑭᑦᓱᐃᓗᑎᑦ ᐱᕙᒌᔭᕈᑎᒥᑦ ᖃᑕᙳᑎᑎᓪᓗ ᖃᐅᔨᒪᑎᓪᓗᒋᑦ ᓇᓗᓇᐃᖅᓯᓂᕐᒥᑦ ᖃᐅᔨᒪᔪᐃᓐᓇᐅᓂᐊᕐᓂᖏᓐᓂᑦ ᖃᓄᐃᓕᐅᕆᐊᒥᑦ.
- ᐊᑐᐃᓐᓇᕈᖅᑎᕆᓂᕐᒥᑦ ᖃᐅᒻᒪᖅᑯᑏᑦ ᖃᒥᙵᑎᓪᓗᒋᑦ ᐊᑐᕋᔭᖅᑐᓂᑦ ᑐᖅᑯᖅᓯᒪᓗᒍᓪᓗ ᐱᔭᕆᐊᑭᑦᑐᒥᑦ ᐱᔭᐅᒍᓐᓇᑎᓪᓗᒍ. ᖃᐅᔨᒋᐊᕋᔪᖃᑦᑕᕐᓗᒋᓪᓗ ᐊᑐᕋᔭᖅᑐᑦ ᓇᓗᓇᐃᖅᓯᓂᕐᒥᑦ ᐱᖁᑎᓕᒫᑦ ᐱᔪᓐᓇᖅᑐᐃᓐᓇᐅᒪᖔᑕ.
- ᑎᑎᕋᕐᓗᑎᑦ ᓄᓇᓕᓐᓂᑦ ᑐᐊᕕᕐᓇᖅᑐᓄᑦ ᐅᖄᓚᕕᐅᔪᓐᓇᖅᑐᓂᑦ ᓲᕐᓗ ᖃᑦᑎᕆᔨᒃᑯᑦ, ᐋᓐᓂᐊᕐᕕᒃ, ᑐᐊᕕᕐᓇᖅᑐᓕᕆᔨᒃᑯᑦ ᐱᔨᑦᓯᕋᕐᑎᖏᓐᓄᑦ, ᖁᓪᓕᒃᑯᓪᓗ ᐆᒻᒪᖅᑯᑎᖏᑦᑕ ᑎᒥᖁᑖᓄᑦ 1-800-491-8127.
ᑎᑎᕋᕐᓗᒋᑦ ᐱᓕᒻᒪᑦᓴᕐᓗᒋᓪᓗ ᐱᕙᒌᔭᐅᑎᑎᑦ ᖃᑕᙳᑎᓕᒫᑎᓪᓗ ᐊᑕᐅᓯᐊᕐᓗᓯ ᐊᕐᕌᒍᑕᒫᑦ. ᓇᓗᓇᐃᖅᓯᓂᕐᒥᑦ ᐊᔾᔨᖓᓂᑦ ᐱᓯᒪᔪᐃᓐᓇᐅᒐᓗᐊᕐᒪᖔᑕ ᐊᑐᐃᓐᓇᐅᑏᓐᓇᕐᓗᒍᓪᓗ. ᐅᐸᓗᖓᐃᔭᖅᓯᒪᑦᓯᐊᕐᓗᑎᑦ ᖃᒥᑳᓪᓚᖅᑐᐊᓘᓐᓂᖅᑲᑦ.
ᑐᐊᕕᕐᓇᖅᑐᓕᕆᓂᕐᒧᑦ ᐱᕙᒌᔭᕐᓂᖅ
ᑐᐊᕕᕐᓇᖅᑐᖃᖅᑎᓪᓗᒍ ᐱᖃᕆᐊᖃᓚᖓᔪᑎᑦ ᐱᖁᑎᒋᔭᐅᒐᔪᓲᓂᑦ ᓲᕐᓗ ᖃᐅᒻᒪᖅᑕᔫᖅ, ᕚᑕᓖᖃᓲᒥᑦ-ᓈᓚᐅᑎᒥᑦ, ᓂᖀᑦ ᐃᒥᕐᒥᓪᓗ. ᓇᓗᓇᐃᖅᓯᒋᐊᖃᖅᑐᑎᑦ ᐋᖅᑭᑦᓯᐊᖅᓯᒪᒐᓗᐊᕐᒪᖔᑕ ᐱᔭᕆᐊᑭᓪᓗᑎᓪᓗ ᓇᓂᒋᐊᖏᓐᓂᑦ. ᓇᓂᒍᓐᓇᕋᔭᖅᑭᐅᒃ ᖃᐅᒻᒪᖅᑕᔫᑦ ᑖᖅᑐᒥᑦ.?
ᐊᑐᖅᑕᐅᒐᔪᒃᑯᑦ ᑐᐊᕕᕐᓇᖅᑐᓕᕆᔾᔪᑏᑦ
- ᐊᔾᔭᕆᐊᑭᑦᑐᖅ ᐴᖅ - ᐃᓘᓐᓇᖏᓐᓄᑦ ᑐᐊᕕᕐᓇᖅᑐᓕᕆᓂᕐᒧᑦ ᐱᔭᕆᐊᓖᑦ
- ᐃᒥᖅ –ᐴᖅᓯᖃᓯᐅᑎᓯᒪᓗᑎᒃ ᐃᒥᕐᒥᒃ ᐃᓄᖕᓂᑦ ᐃᒥᖅᑕᐅᖃᑦᑕᕈᓐᓇᖅᑐᓂᒃ 2 ᓖᑕᐅᓗᒋᑦ ᐅᓪᓗᕐᒧᑦ ᐊᑐᕋᔭᖅᑐᑦ (ᐴᖅᓯᖃᓯᐅᑎᓗᑎᑦ ᒥᑭᑐᓂᒃ ᐃᒥᕐᓂᒃ ᐴᖃᖅᐸᒌᖅᑐᓂᒃ ᐊᒡᔭᒐᒃᓴᐅᓗᑎᒃ)
- ᓂᕿᓂᒃ – ᐴᖃᐃᓗᑎᑦ ᓂᕿᓂᒃ ᓱᕈᔭᙱᑦᑐᓂᒃ, ᖃᑦᑖᕐᔪᖕᓃᑐᓂᒃ, ᓄᑭᖃᕐᓇᖅᑐᓂᒃ ᑕᒧᓗᒐᒃᓴᓂᒃ, ᐲᓇᑦᕙᑕᒥᑦ ᐊᒻᒪᓗ ᐸᓂᖅᑎᓯᒪᔪᓂᒃ ᓂᕿᓂᒃ
- ᖃᑦᑖᕐᔪᒻᒥᑦ ᐊᒻᒪᐃᑎᒥᑦ
- ᖃᐅᒻᒪᖅᑕᔫᒥᑦ ᕚᑕᓖᓂᓪᓗ ᐸᑎᐅᔭᕐᓂᓪᓘᓐᓃᑦ ᐃᑯᒻᒪᓂᓪᓗ
- ᕚᑕᓖᑐᖅᑐᖅ ᓄᑭᑦᓴᕆᐊᓕᒻᒥᓪᓘᓐᓃᑦ ᓈᓚᐅᑎᒥᑦ
- ᕚᑕᓖᑲᓐᓂᕐᓂᑦ
- ᐃᓗᐊᖅᓴᐅᑎᓕᕆᔾᔪᑎᓂᑦ
- ᐅᖄᓚᐅᑎᒥᑦ ᐅᐊᔭᓕᒻᒥᑦ ᑲᑉᐳᑎᒍᓐᓇᖅᑐᒥᑦ ᐅᖄᓚᐅᑏᑦ ᑲᑉᐳᔭᕐᕕᖓᓄᑦ
- ᐅᖅᑰᔪᓂᑦ ᐋᓐᓄᕌᑲᓐᓂᕐᓂᑦ ᕿᐱᓐᓂᓪᓗ
- ᐃᑲᔪᖅᑕᐅᑲᓐᓂᕆᐊᓕᓐᓄᑦ ᐱᔭᕆᐊᓕᓐᓂᑦ - ᐄᔭᕋᕐᓂᑦ, ᐱᐊᕋᒧᑦ ᐃᒻᒧᒥᑦ ᐱᖁᑎᓂᓪᓘᓐᓃᑦ ᐃᓄᓐᓄᑦ ᑎᒥᒥᒍᑦ ᐊᔪᕈᑎᓕᓐᓄᑦ
- ᑮᓇᐅᔭᓂᑦ - ᒥᑭᑦᑑᑕᐅᔪᓂᑦ, ᓲᕐᓗ $5 ᐊᒻᒪᓗ $10
- ᑐᐊᕕᕐᓇᖅᑐᓄᑦ ᐱᕙᒌᔭᕐᓂᕐᒥᑦ ᐱᒻᒪᕆᐅᔪᓂᑦ ᐅᖄᓚᐅᑎᖃᐅᕐᓗᓂ
- ᑮᒃᑲᕐᓂᕐᓂᑦ ᓄᓇᓯᐅᑎᓐᓄᑦ ᐃᓪᓗᓄᓪᓗ
- ᐱᓕᕆᔾᔪᑎᒃᑲᓃᑦ ᐱᔭᕆᐊᖃᖅᓚᕆᒃᑐᓄ ᐋᓂᐊᖃᖅᑐᓕᕆᓂᕐᒧᑦ ᐱᖁᑎᓄᑦ
ᒪᑯᐊᑲᓐᓃᓪᓗ ᑐᐊᕕᕐᓇᖅᑐᖅᓯᐅᑏᑦ
- ᐊᓯᖏᓐᓂᑦ ᐊᓐᓄᕌᕋᑦᓴᓂᑦ ᑲᒥᓐᓂᓪᓗ ᐊᑐᓂᑦ ᐃᓪᓗᒥᐅᑕᐅᔪᓄᑦ
- ᕿᐲᓐᓂᒃ ᐅᖅᑯᔫᓐᓂᓪᓘᓐᓃᑦ ᕿᐲᓐᓂᑦ ᐊᑐᓂᑦ ᐃᓪᓗᒥᐅᑕᐅᔪᓄᑦ
- ᐅᕕᓐᓂᐊᕈᑎ
- ᓴᓂᖃᐅᑎᑦᓴᔭᓂᑦ ᓇᒻᒥᓂᖅ ᓴᓗᒪᔭᕆᐊᖃᕐᓂᕐᒨᖓᔪᓂᑦ
- ᐊᓇᕐᕕᑦᓯᐊᑏᑦ - ᐊᒡᒐᒻᒧᑦ ᐆᒪᔪᐃᔭᐅᑎ, ᐃᖂᑎᑦᓴᔭᖅ, ᓇᒻᒥᓂᖅ ᓴᓗᒪᑎᔾᔪᑏᑦ
- ᐊᑦᑕᕐᓇᖅᑕᐃᓕᔾᔪᑏᑦ ᐊᒡᒑᒃ
- ᓂᕆᔾᔪᑏᑦ
- ᓴᓇᕐᕈᑎᓂᑦ (ᐅᔭᕋᑦᓯᐊᖅ, ᑮᓪᓚᔫᒃ, ᕿᑦᔮᖅᓯᑎ, ᑭᑭᐊᑦ, ᓴᕕᒃ, ᐊᓯᖏᓐᓂᓪᓗ.)
- ᒪᕐᕉᓐᓂᑦ ᓖᑕᑲᓐᓂᕐᓂᑦ ᐃᒥᕐᓂᑦ ᐊᑐᓂᑦ ᐃᓄᒻᒧᑦ ᐊᑕᐅᓯᕐᒧᑦ ᖃᐅᑕᒫᑦ - ᓂᕿᓕᐅᕐᓂᕐᒧᑦ ᓴᓗᒻᒪᖅᓴᐃᓂᕐᒧᓪᓗ
- ᐅᖅᓱᐊᓗᓪᓚᑐᒥᑦ -ᓱᐴᔫᕐᒧᑦ ᐅᖅᓱᒃᓴᑲᓐᓂᕐᒥᓪᓗ -ᐊᑐᕆᐊᖃᖏᑦᑐᑎᑦ ᓱᐴᔫᕐᒥᑦ ᐃᒐᓯᐅᑎᒥᓪᓘᓐᓃᑦ ᐃᓪᓘᑉ ᐃᓗᐊᓂᑦ. ᑐᖁᓐᓇᑐᐃᓐᓇᕆᐊᓖᑦ, ᑎᐱᖃᖏᑦᑐᑦ ᐅᖅᓱᐊᓗᒻᒦᖔᖅᑐᑦ ᐱᕙᓪᓕᐊᒍᓐᓇᕐᒪᑕ ᐋᓐᓂᕈᑕᐅᓗᑎᓪᓗ ᑐᖁᔾᔪᑕᐅᓗᓂᓘᓐᓃᑦ
- ᑭᐱᙳᐃᔭᐅᑎᓂᑦ - ᐱᙳᐊᕈᑎᓂᑦ, ᒪᑭᑦᑕᐅᑎᓂᑦ, ᐅᖃᓕᒫᒐᕐᓂᑦ ᐱᙳᐊᕐᓂᓪᓗ