ᐆᒻᒪᖅᑯᑏᑦ ᓯᕿᓂᕐᒥ ᐆᓇᖅᓯᑎᑦᑎᓲᑦ ᕐᑳᖓᓂ ᓄᓇᕐᔪᐊᑉ ᓇᓕᒧᒌᖏᑦᑐᒃᑯᑦ, ᐱᑎᑦᑎᓪᓗᓂ ᐋᖅᑭᒃᓯᓂᕐᒥ ᐊᓂᕐᓂᖃᕐᓇᐅᑉ ᓴᙱᓂᖓᓂᒃ ᐊᔾᔨᒌᖏᑦᑐᓂᒃ ᐊᑯᓐᓂᖏᓐᓂ ᐃᓂᐅᔪᑦ. ᐆᓇᕐᓂᖅᓴᖅ ᐊᓂᕐᓂᖃᕐᓇᖅ ᖁᕝᕙᕆᐊᕐᖢᓂ ᓂᒡᓕᓇᕐᓂᖅᓴᕐᓗ ᐊᓂᕐᓂᖃᕐᓇᖅ ᐊᑦᑎᒃᓯᒋᐊᕐᖢᓂ, ᐊᒻᒪ ᐆᒻᒪᖅᑯᑎᓄᑦ ᐃᖏᕐᕋᓂᖓ ᐱᑎᑦᑎᓪᓗᓂ ᐊᓄᕆᒥᒃ. ᐊᓄᕆᐅᑉ ᐆᒻᒪᖅᑯᑎᖓ ᐋᖅᑭᒍᑎᔪᓐᓇᖅᑐᖅ ᖃᐅᒻᒪᖅᑯᑎᒧᑦ ᐊᓄᕆᐅᑉ ᐊᐅᓚᓂᖓᒍᑦ.
ᖃᓄᑎᒋᐅᓂᖓ ᖃᐅᒻᒪᖅᑯᑎ ᐊᐅᓚᑕᐅᔪᖅ ᐊᓄᕆᐅᑉ ᐊᐅᓚᓂᖓᒍᑦ ᒪᓕᒃᑐᖅ ᐊᖏᑎᒋᓂᖓᒍᑦ, ᐊᓄᕆᐅᑉ ᓱᒃᑲᓂᖓ ᐊᓄᕆᐅᓪᓗ ᐊᐅᓚᓂᖓᑕ ᑕᑭᓂᖓᒍᑦ. ᓲᖃᐃᒻᒪ ᐊᓄᕆᐅᑉ ᓱᒃᑲᓂᖏᑦ ᐊᔾᔨᒌᖏᒻᒪᑕ, ᐊᒻᒪᑦᑕᐅᖅ ᓴᓇᔭᐅᓂᖓ ᖃᐅᒻᒪᖅᑯᑎ ᐊᓄᕆᐅᑉ ᐊᐅᓚᓂᖓᒍᑦ. ᐊᓄᕆᐅᑉ ᓱᒃᑲᓕᒋᐊᓪᓚᖕᓂᖅᓴᖏᑦ ᐱᑎᑦᑎᒐᔪᒃᑐᑦ ᖁᕝᕙᓯᖕᓂᖅᓴᒥ ᐱᓕᕆᔾᔪᑎᒥᒃ ᖃᐅᒻᒪᖅᑯᑎᒥ, ᐊᓄᕆᐅᑉ ᐊᐅᓚᓂᖏᑦ ᐊᐅᓚᓇᔭᙱᒃᑲᓗᐊᖅᑎᓪᓗᒋᑦ ᐊᓄᕆᐅᑉ ᓱᒃᑲᓂᖓᒍᑦ ᐅᖓᑕᐅᔾᔨᓗᓂ ᐊᖏᓂᖓᓂᒃ.
ᒪᓯ 2016ᒥ, ᖃᐅᔨᓴᖅᑐᖃᓚᐅᕐᒪᑦ ᐊᓄᕆᒧᑦ ᐆᒪᖁᑎᖃᕐᓂᕐᒧᑦ 25ᓂᒃ ᓄᓇᓕᐅᔪᓂᑦ ᓄᓇᕗᒻᒥ. ᖃᐅᔨᔭᐅᓂᕆᓚᐅᖅᑕᖓ ᓇᐃᓈᕐᓗᒍ ᑕᓪᓕᒪᐃᑦ ᓄᓇᓖᑦ ᐱᔪᒥᓇᕐᓂᖅᐹᖑᓚᐅᖅᑐᑦ ᐊᓄᕆᒧᑦ ᐆᒪᖁᑎᖃᕈᓐᓇᕐᓂᖏᓐᓄᑦ ᐊᐅᓚᐅᑎᖃᕐᓂᕐᒧᑦ. ᖃᐅᔨᒋᐊᒃᑲᓐᓂᕈᓐᓇᑦᑐᑎᑦ ᐅᖃᓕᒫᕈᓐᓇᖅᑕᑎᑦ ᐅᕙᓂ ᐊᓄᕆᒧᑦ ᓄᑭᓪᓚᐅᑎᖃᕈᕐᓇᕐᓂᖅ ᓄᓇᕗᒻᒥ ᓄᓇᓕᐅᔪᓂᑦ ᐅᓂᒃᑳᓕᐊᖑᓯᒪᔪᖅ, ᐅᓇ ᓇᕿᓪᓗᒍ.
ᐃᓚᓕᐅᔾᔨᓂᖅ ᐆᒻᒪᖅᑯᑎᓄᑦ ᓴᓇᔭᐅᔪᓄᑦ ᐊᓄᕆᐅᑉ ᐊᐅᓚᓂᖏᓐᓄᑦ ᐱᑕᕐᑳᓂᒃᑐᒧᑦ ᐅᖅᓱᐊᓗᖕᓄᑦ ᐆᒻᒪᖅᑯᑎᓄᑦ ᐊᑐᖃᑦᑕᖅᑐᓂ ᒥᒃᖠᒋᐊᖅᑎᑦᑎᓇᔭᖅᑐᖅ ᐆᖅᓱᐊᓗᖕᓄᑦ ᐊᑑᑎᖃᕐᓂᖅ ᒥᒃᖠᒋᐊᕐᓗᒍᓗ ᐳᔪᕐᓗᐃᑦ ᐃᓯᐊᕿᔭᖏᑦ ᓯᓚᑦᑎᓐᓄᐊᖅᐸᓪᓕᐊᔪᑦ ᓄᓇᕗᒻᒥ.