ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖃᒪᓂ'ᑐᐊᕐᒥᐅᑕᓂᒃ ᐅᔾᔨᖅᓱᑦᑎᐊᖁᔨᕗᑦ ᐊᖓᔪᖅᑳᖃᕐᕕᐅᑉ ᑎᑎᕋᕐᕕᒃᓴᖓᑕ ᖃᓂᒋᔮᓂ ᐱᓕᕆᐊᖑᓕᖅᐸᑦ ᑭᒃᑯᑐᐃᓐᓇᓂᒃ ᐊᑦᑕᕐᓇᖅᑕᐃᓕᒪᑎᑦᑎᓗᑎᒃ. 

ᒫᓐᓇ ᑐᙵᕕᒃᓴᖓᓂ ᐱᓕᕆᓕᖅᐳᑦ 7−ᒥ ᐅᓪᓛᒃᑯᑦ ᐱᒋᐊᖅᐸᒃᖢᑎᒃ 7−ᒧᑦ ᐅᓐᓄᒃᑯᑦ ᑎᑭᖦᖢᒍ ᐱᓇᓱᐊᕈᓯᓕᒫᑦᑎᐊᖅ, ᑲᔪᓯᓂᐊᖅᖢᑎᒡᓗ ᔫᓂ 25−ᒧᑦ ᑎᑭᓪᓗᒍ. ᐱᕙᒌᔭᕐᓗᑎᒃ ᒪᓂᖅᑲᒥ ᐱᓕᕆᓂᐊᖅᑐᑦ ᑐᙵᕕᖏᑦ ᐃᓕᐅᖅᑲᖅᑕᐅᓚᐅᕐᓗᑎᒃ ᐱᓕᕆᐊᖑᕙᒡᓗᓂ ᓇᒡᒐᔾᔭᒥ ᐅᓪᓗᑐᐃᓐᓇᒧᑦ 7−ᒥ ᐅᓪᓛᒃᑯᑦ 6−ᒧᐊᕋᓱᖕᓂᖓᓄᑦ ᐅᓐᓄᒃᑯᑦ. ᑲᔪᓯᓂᐊᖅᖢᑎᒃ ᑭᓯᐊᓂ ᓱᓇᒃᑯᑖᒃᓴᖏᑦ ᐅᒥᐊᕐᔪᐊᒃᑯᑦ ᑎᑭᑉᐸᑕ ᓴᓇᔭᐅᓯᒋᐊᕐᕕᒃᓴᖃᖅᖢᓂ ᐋᒌᓯᐅᑉ ᐱᒋᐊᕐᓂᖓᓂ.

ᖃᒪᓂ'ᑐᐊᕐᒥᐅᑦ ᐅᔾᔨᖅᓱᑦᑎᐊᕆᐊᖃᕐᓂᐊᖅᐳᑦ ᐱᓕᕆᕝᕕᐅᔫᑉ ᐊᕙᑖᓂ ᐱᕙᒌᔭᖅᐸᓪᓕᐊᔪᑦ ᐊᒻᒪ ᓴᓇᓂᐊᖅᑐᑦ ᐱᓕᕆᐊᖑᔪᓐᓇᖁᓪᓗᒋᑦ ᐊᑦᑕᕐᓇᙱᑦᑐᒃᑯᑦ. 

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᖁᕐᓗᖅᑑᕐᒥᐅᓂᒃ ᖃᐅᔨᒃᑲᐃᔪᒪᔪᑦ ᐸᕐᓇᒃᑕᐅᓯᒪᓗᓂ ᖃᒥᙶᕐᓂᐊᕐᒪᑕ ᖁᕐᓗᖅᑑᕐᒥᐅᑦ ᓯᕙᑖᕐᕕᖕᒥ, ᔫᓂ 12 (ᓄᓇᙳᐊᖅ A), ᐊᒻᒪ ᓴᓇᑦᑕᐃᓕᒥ, ᔫᓂ 13 (ᓄᓇᙳᐊᖅ B), 7−ᒥ ᐅᓪᓛᒃᑯᑦ ᐱᒋᐊᕐᓗᓂ 11−ᒧᐊᕋᓱᖕᓂᖓᓄᑦ ᐅᓪᓗᒃᑯᑦ. ᖃᒥᙶᕐᓂᐊᖅᑐᑦ ᖁᖅᓱᖅᑕᒥᑦ ᓇᓗᓇᐃᖅᓯᒪᕗᑦ. ᑐᖑᔪᕈᔪᒃᑐᒥᑦ ᑕᖅᓴᓖᑦ ᖃᒥᔾᔮᙱᑦᑐᑦ.

ᖃᒥᙶᖅᑎᑕᐅᔭᕆᐊᖃᖅᐳᑦ ᓄᑖᙳᕆᐊᖅᑕᐅᔪᖅ ᐱᐊᓂᒃᑕᐅᖁᓪᓗᒍ ᐆᒻᒪᖅᑯᑎᖃᖅᑎᑦᑎᔾᔪᑎᑦ ᐊᑐᕈᓐᓇᑦᑎᐊᓕᒃᑲᓐᓂᖁᓪᓗᒋᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᖁᔭᓕᕗᑦ ᓄᓇᓕᖕᒥᐅᑦ ᑐᑭᓯᐅᒪᔪᓐᓇᕐᒪᑕ, ᒪᒥᐊᑉᐳᓪᓗ ᐊᑲᐅᙱᓕᐅᕈᑕᐅᓐᓂᖅᐸᑦ ᖃᒥᙶᖅᑎᓪᓗᒋᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᕈᓃ ᐴᓱ

ᐊᐅᓚᑦᓯᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ

(867) 979-7524

rboucher@qec.nu.ca

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖃᐅᔨᒃᑲᐃᔪᒪᖕᒪᑕ ᑭᙵᕐᒥᐅᓂᒃ ᐊᐅᓚᐅᑎᖃᕐᕕᑐᖃᖓ ᐃᒍᑦᑎᖅᑕᐅᕙᓪᓕᐊᓛᓕᕐᒪᑦ ᔫᓂ 10−ᒥ ᔪᓚᐃ 22-ᒧᑦ, 2021. ᐊᒃᑐᖅᑕᐅᓕᒑᔪᑦ ᓇᓗᓇᐃᖅᓯᒪᕗᑦ ᐊᐅᐸᖅᑐᒥᒃ ᓄᓇᙳᐊᒃᑯᑦ.

ᐃᒍᑦᑎᖅᑕᐅᑎᓪᓗᒍ ᐊᐅᓚᐅᑎᖃᕐᕕᑐᖃᖓᑕ ᐊᑐᕆᐊᖃᕐᓂᐊᕐᒪᑕ ᓄᓇᒃᑰᕈᑎᕐᔪᐊᓂᒃ ᐲᔭᐃᔾᔪᑎᒋᓗᒋᑦ ᑭᓱᕐᔪᐊᓂᒃ ᐃᒋᑕᒃᓴᓂᒃ. ᐊᑦᑕᕐᓇᖅᑕᐃᓕᒪᔪᓕᕆᔨᓂᒃ ᖃᐅᔨᓴᖅᑕᐅᑦᑎᐊᕐᓂᐊᖅᑐᖅ ᐃᓂᖓ, ᓄᓇᓕᖕᒥᐅᑕᓪᓗ ᐅᔾᔨᖅᓱᑦᑎᐊᖁᔭᐅᕗᑦ ᑕᐅᕙᓂ ᖃᓂᕝᕕᓯᐅᓕᕌᖓᑕ ᐊᐅᓚᐅᑎᖃᕐᕕᕕᓂᑐᖃᖅ ᐃᒍᑦᑎᖅᑕᐅᕙᓪᓕᐊᓂᖓ ᐱᐊᓂᒃᑕᐅᓇᓱᖕᓂᖓᓂᒃ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᕗᑦ ᓄᓇᓕᖕᒥᐅᑦ ᑐᑭᓯᐅᒪᔪᓐᓇᕐᒪᑕ, ᒪᒥᐊᑉᐳᓪᓗ ᐊᑲᐅᙱᓕᐅᕈᑕᐅᓐᓂᖅᐸᑦ ᖃᒥᙶᖅᑎᓪᓗᒋᑦ.

      ###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᕈᓃ ᐴᓱ

ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ

(867) 979-7524

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᔪᒪᔪᑦ ᖁᕐᓗᖅᑐᖅᒥᐅᑕᓂ ᓄᓇᓕᓕᒫᑦᑎᐊᖅ ᖃᒥᙶᓛᕐᒪᑦ ᓈᑦᓰᖑᔭᕐᒥ, ᔫᓂ 6, 6−ᒥ ᐅᓪᓛᒃᑯᑦ 12-ᒧᓄ ᑎᑭᓪᓗᒍ.

ᖃᒥᙶᖅᑎᑕᐅᔭᕆᐊᖃᕐᒪᑕ ᓄᑖᙳᕆᐊᖅᑎᑦᓯᓂᕐᒧᑦ ᐱᔭᕇᖅᓯᓂᕐᒧᑦ ᐆᒻᒪᖅᑯᑎᑐᕈᓰᑦ ᐱᐅᓯᒋᐊᖅᑎᑦᑎᔪᒪᓂᕐᒧᑦ ᐊᑐᖅᑕᐅᑦᑎᐊᕈᓐᓇᕐᓂᖏᓐᓂᒃ.

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖁᔭᓕᕗᑦ ᓄᓇᓕᖕᒥᐅᑦ ᑐᑭᓯᐅᒪᔪᓐᓇᕐᒪᑕ, ᒪᒥᐊᑉᐳᓪᓗ ᐊᑲᐅᙱᓕᐅᕈᑕᐅᓐᓂᖅᐸᑦ ᖃᒥᙶᖅᑎᓪᓗᒋᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᕈᓃ ᐴᓱ

ᐊᐅᓚᑦᓯᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ

(867) 979-7524

rboucher@qec.nu.ca

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᑎᑎᕋᕐᕕᖓ ᐃᖃᓗᖕᓂ ᒪᒃᐱᒃᑲᓐᓂᕐᓂᐊᓕᖅᑐᑦ ᓇᒡᒐᔾᔭ, ᔫᓂ 7−ᒥ ᐃᖅᑲᓇᐃᔭᕐᓇᒃᑯᑦ (8:30−ᒥ ᐅᓪᓛᒃᑯᑦ − 5:00−ᒧᐊᖅᓴᓂᖓᓄᑦ ᐅᓪᓗᒃᑯᑦ ᑲᓇᖕᓇᒥ). 

ᐃᓱᓕᑦᑕᖅᑐᓂᒃ ᖃᔅᓯᐅᓂᖏᓐᓂᒃ ᐃᓄᖕᓂᒃ ᐊᔪᖅᑎᑕᐅᔪᖃᖃᑦᑕᔾᔮᙱᑦᑐᖅ ᓇᓕᐊᖕᓂᑐᐃᓐᓇᖅ ᐊᑭᓕᖅᓱᐃᕙᒃᑐᓄᑦ ᑲᒪᒋᔭᐅᕝᕕᖕᓂᒃ ᖃᖓᑐᐃᓐᓇᑦᑎᐊᖅ. ᐊᑭᓕᖅᓱᐃᔨᓕᒫᑦ ᒪᓕᑦᑎᐊᖁᔭᐅᒐᓗᐊᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᒪᓕᖁᔭᐅᔪᓂᒃ ᒪᑐᐊᖅᓯᒪᕙᒡᓗᑎᒃ ᐅᖓᓯᒌᒃᑕᑲᑕᒡᓗᑎᒡᓗ ᐃᒻᒪᖄ 2 ᒦᑕᓂᒃ (6 ᐆᒃᑑᑎᑦ ᐃᓯᒃᑲᓂᒃ). ᒪᑐᐃᓕᓵᖅᑎᓪᓗᒍ ᐃᑲᕐᕋᖏᓐᓂ ᐊᐅᓚᓂᕆᔭᐅᓂᐊᖅᑐᖅ ᑐᕌᖓᑎᑕᐅᓂᐊᖅᑐᖅ ᐃᓐᓇᕐᓄᑦ ᐊᓯᖏᓐᓄᓪᓗ ᐊᒃᑐᖅᑕᐅᓴᕋᐃᑦᑐᓄᑦ.