ᐃᖃᓗᐃᑦ ᓯᓚᑖᓃᖦᖢᓂ, ᐊᒻᒪ ᐊᐅᓚᐅᓯᕆᔨᑦ ᑐᑭᒧᐊᒃᑎᑦᑎᔨᖓᓄᑦ ᑐᓴᖅᑎᑦᑎᕙᒡᓗᓂ, ᑖᔅᓱᒥᖓ ᐃᖅᑲᓇᐃᔮᓕᒃ ᐊᐅᓚᑦᑎᖃᑦᑕᕐᓂᐊᖅᐳᖅ ᐊᐅᓚᐅᓯᕆᔨᓕᒫᑦ ᐱᓕᕆᕝᕕᖓᓂ ᐅᑯᓂᖓᓗ ᐊᐅᓚᑦᑎᕙᒡᓗᓂ ᐊᑭᑐᔫᑎᓂᑦ ᐱᓕᕆᐊᒃᓴᓂᑦ, ᐊᐅᓚᔾᔪᑎᓄᑦ ᐃᑲᔪᖅᑐᐃᔾᔪᑎᓂᑦ, ᐊᐅᓚᐅᑎᓕᕆᔾᔪᑎᓂᑦ ᖃᐅᔨᓴᖅᐸᒡᓗᓂ ᐊᒻᒪ ᐋᖅᑭᒃᓱᖅᑕᐅᓯᒪᔪᓂ ᐱᓕᕆᖃᑦᑕᕐᓗᓂ. ᑖᓐᓇ ᐃᖃᓇᐃᔮᒃᓴᖅ ᑲᒪᒋᔭᖃᖅᑐᖅ ᐱᓕᕆᐊᒃᓴᓄᑦ ᐊᐅᓚᑦᑎᓂᕐᒥᒃ, ᑮᓇᐅᔭᑦ ᐊᑐᖅᑐᒃᓴᓂ, ᐱᕙᓪᓕᐊᑎᑦᑎᓂᕐᒥᓗ ᐃᓕᔭᐅᕙᓪᓕᐊᔭᕆᐊᖃᕐᒥᔪᐃᓪᓗ ᐊᐅᓚᐅᑎᓕᕆᓂᕐᒥ ᒪᓕᒃᑕᐅᒋᐊᖃᖅᑐᑦ ᖃᐅᔨᓴᖅᑐᓕᕆᓂᙶᖅᑐᓂᒃ ᐊᑐᖅᑎᑦᑎᔪᓐᓇᖅᑐᓂ. ᐊᐅᓚᑦᑎᔨᐅ ᐱᕚᓪᓕᖅᑎᑦᑐᓐᓇᖅᑕᖏᑦ ᑐᕌᕆᔭᖃᖅᑐᖅ ᓴᓇᔭᐅᓂᖓ ᑲᔪᓯᑦᑎᑦᑐᓐᓇᕐᓂᖓᓗ ᐊᐅᓚᐅᑎᖃᕐᕕᖏᑦ 25 ᓄᓇᓕᐅᔪᓂ ᐅᖅᓱᐊᓗᑐᐃᓐᓇᕐᒧᑦ ᐊᐅᓚᔪᓐᓇᐅᑏᑦ.
(ᓴᖅᑭᔮᖅᑎᑕᐅᒃᑲᓐᓂᖅᑐᖅ)
ᑖᓐᓇ ᖁᕕᐊᓇᖅᑐᓪᓚᕆᒃ ᑎᓕᓯᔾᔪᑕᐅᓯᒪᔪᖅ ᐃᑲᔪᖅᓯᓂᖃᖅᓱᓂ ᐱᓇᓱᐊᕐᕕᒻᒥ ᐃᖅᑲᓇᐃᔭᖅᑎᒻᒪᕆᒃ, ᐅᐸᓗᖓᐃᔭᑦᓯᐊᕐᓗᓂ ᐃᓱᒪᑦᓴᖅᓯᐅᕈᓐᓇᖅᑐᖅ ᑕᑯᑦᓴᐅᑎᑦᓯᒍᓐᓇᕐᓗᓂ ᐊᐅᓚᔾᔭᒋᐊᕈᑕᐅᓯᒪᔪᓂᒃ ᓴᙱᔫᓗᓂ ᐃᓱᒻᒪᓯᖓ, ᕿᒥᕐᕈᑦᓯᐊᕐᓗᓂ ᐸᕐᓇᒍᓐᓇᕐᓗᓂ, ᑲᒪᒍᓐᓇᕐᓗᓂ ᑮᓇᐅᔭᓅᖓᔪᓂᒃ ᐊᐅᓚᓂᕐᒧᓪᓗ ᐃᓱᒫᓘᑕᐅᔪᓂᒃ ᐃᑲᔪᖅᑐᐃᑦᓯᐊᕐᓗᓂ ᖃᓄᖅᑑᑦᓯᐊᕐᓂᕐᒥᒃ.
ᐱᔪᓐᓇᕈᕕᑦ ᐅᐊᔭᓕᕆᔨᐅᓗᑎᑦ ᖁᕕᐊᒋᔭᖃᕐᓗᑎᓗ ᓇᒻᒥᓂᖅ ᑲᒪᒍᓐᓇᕐᓗᑎᑦ ᐊᒻᒪᓗ ᐱᓕᕆᖃᑎᖃᕐᓗᑎᑦ, ᐊᐅᓚᑦᑎᒍᓐᓇᕐᓗᑎᑦ ᓇᒻᒥᓂᖅ ᐱᕇᕈᓐᓇᕐᓗᒋᑦ ᓯᕗᓪᓕᖅᐸᐅᑎᔭᕆᐊᓖᑦ ᐆᒻᒪᖅᑯᑎᓕᕆᓂᕐᒥᑦ, ᐊᒻᒪᓗ ᐱᓕᕆᐊᓂᑦ ᒪᓕᒍᓐᓇᕐᓗᑎᑦ ᐃᓱᓕᑦᑕᕐᕕᖏᑦ ᒪᓕᓪᓗᒋᑦ ᐊᒻᒪᓗ ᑮᓇᐅᔭᖅᑐᔅᓴᓕᕆᔪᓐᓇᕐᓗᑎᑦ, ᐊᑏ ᐅᖃᖃᑎᒌᓚᐅᕐᓗ.
ᐊᖏᔪᖅᑳᖃᕋᔭᖅᑐᖅ ᑲᒪᒋᔭᕆᐊᓕᓄᑦ ᐊᖏᔪᖅᑳᕐᒥᑦ, ᐋᖅᑭᔅᓱᐃᖃᑦᑕᕋᔭᖅᑐᑎᑦ, ᑲᒪᒋᖃᑦᑕᕐᓗᒋᑦ ᓴᓇᖃᑦᑕᕐᓗᒋᓪᓗ ᐆᒻᒪᖅᑯᑎᓕᕆᓂᕐᒧᑦ ᐅᐊᔭᐃᑦ, ᓇᓂᖃᑦᑕᕐᓗᒋᑦ ᐋᖅᑭᔅᓯᕕᒋᓗᒋᓪᓗᓄᑖᕐᓂᑦ ᐊᒻᒪᓗ ᖃᐅᓴᐅᑎᓂᑦ ᐆᒻᒪᖅᑯᑎᑐᖅᑐᓄᑦ ᐅᖃᓕᒫᖃᑦᑕᕐᓗᒋᑦ, ᖃᖓᓕᒫᕐᓗ ᐊᑦᑕᓇᖅᑕᐃᓕᒪᔪᓕᕇᓐᓇᕐᓗᑎᑦ, ᐅᐊᔭᓂᑦ ᓯᖏᓂᓪᓗ ᓇᓗᓇᐃᒃᑯᑎᖏᓐᓂ ᖃᐅᔨᒪᓗᑎᑦ ᒪᓕᒐᖏᓐᓂᓪᓗ, ᐊᒻᒪᓗ ᑎᒥᐅᔪᑦ ᐱᖁᔭᖏᓐᓂ ᐊᑐᐊᒐᖏᓐᓂᓪᓗ. ᐅᐊᔭᓕᕆᔨᐅᓗᑎᑦ,
ᓇᒻᒥᓂᖅ-ᑐᑭᒧᐊᑦᑎᑦᓯᒍᓐᓇᕈᕕᑦ, ᐃᓱᒋᔭᖏᓐᓂᑦ, ᑲᔪᖏᖅᓯᒪᑦᓯᐊᕐᓂᖅ, ᐱᓕᕆᖃᑦᑕᖅᓯᒪᓂᕐᒥᓪᓗ ᐆᒻᒪᖅᑯᓯᐅᕆᓂᕐᒥᑦ ᑐᓂᐅᖅᑲᐃᓂᕐᒥᓪᓗ, ᑖᓐᓇ ᓯᕗᓕᖅᑎᐅᓂᕐᒧᑦ ᐱᓕᕆᐊᖅ ᐃᖅᑲᓇᐃᔮᕐᑲᕐᓂᕐᒧᑦ ᐱᕕᖃᕐᓂᐅᔪᖅ ᐃᓕᓐᓄᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᔪᒪᕗᑦ ᐃᖃᓗᖕᒥᐅᓂᒃ ᓄᓇᓕᖕᓂᑦ ᖃᒥᓛᕐᓂᖏᓐᓂᒃ ᐃᓚᐃᓐᓇᖏᑦ ᓈᑦᑏᖑᔭᒥ, ᒫᔾᔨ 24, 7−ᒥ 10−ᒧᐊᖅᓴᓂᖓᓄᑦ ᐅᓪᓛᒃᑯᑦ. ᖃᒥᙶᓛᖅᑐᑦ, ᐅᑮᕕᓕᐊᕆᐊᒥ ᒥᑦᑕᕐᕕᐅᑉ ᖃᓂᒋᔮᓂ, ᓇᓗᓇᐃᖅᓯᒪᔪᑦ ᖁᖅᓱᖅᑕᒥᒃ ᓄᓇᙳᐊᒥᒃ.
ᖃᒥᙶᕆᐊᖃᓛᖅᑐᑦ ᓅᑕᐅᔭᕆᐊᖃᕐᓂᖓᓄᑦ ᐆᒻᒪᖅᑯᑎᒧᑦ ᐊᖅᑯᑖ ᐆᒻᒪᖅᑯᑎᓕᕆᔾᔪᑎᓂᒃ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖁᔭᓕᔪᒪᔪᑦ ᐃᖃᓗᖕᒥᐅᓂᒃ ᑐᑭᓯᔪᓐᓇᕐᒪᑕ, ᒪᒥᐊᑉᐳᓪᓗ ᖃᓄᑐᐃᓐᓇᖅ ᓈᒻᒪᙱᓪᓕᐅᖅᑎᑦᑎᓐᓂᖅᐸᑕ ᖃᒥᙶᖅᑎᓪᓗᒋᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑳᑦᕆᓐ ᕕᑎᑯ
ᐃᖃᓗᖕᓂ ᓄᓇᕗᒻᒥ ᐃᓂᖃᖅᖢᓂ, ᐅᖃᕐᕕᖃᖅᐸᒃᖢᓂᓗ ᐊᐅᓚᑦᑎᔨᒋᔭᐅᔪᒧᑦ, ᐆᒻᒪᖅᑯᒻᒥᒃ ᓇᒧᙵᐅᑎᑦᑎᕙᓪᓕᐊᕙᖕᓂᕐᒧᑦ, ᑖᓐᓇ ᐃᓂᒋᔭᐅᔪᖅ ᑲᒪᒋᔭᒃᓴᖃᖅᐳᖅ ᐱᑎᑦᑎᕙᖕᓂᕐᒥᒃ ᐱᓕᕆᔾᔪᑕᐅᕙᒃᑐᓂᒃ ᐆᒻᒪᖅᑯᒻᒧᓪᓗ ᐊᑐᖅᑕᐅᕙᒃᑐᒧᑦ ᑕᐅᑦᑐᒃᓴᖓᓄᑦ ᐱᔨᑦᑎᕋᕐᓂᕆᔭᐅᔪᓂᒃ ᑕᒪᐃᒃᑯᓕᒫᖅ ᐱᓕᕆᐊᖑᔫᑉ ᐊᑐᖅᑕᐅᕙᓪᓕᐊᓂᖓᓄᑦ ᐆᒻᒪᖅᑯᒻᒥᒃ ᑐᓂᐅᖅᑲᐃᕙᖕᓂᕐᒧᑦ ᐱᓕᕆᐊᖑᔪᓂ ᑕᐅᑦᑐᒃᓴᓕᐅᕐᓂᕐᒥᑦ ᐱᓕᕆᐊᖑᓂᐊᓕᕐᓂᖓᓄᑦ. ᑖᓐᓇ ᐃᓂ ᐱᔭᒃᓴᖃᖅᑎᑕᐅᕗᖅ ᓂᕈᐊᕆᔭᖃᕐᓂᕐᒥᒃ ᐊᑐᖅᑕᐅᓂᐊᖅᑐᓂᒃ ᑕᐅᒃᑐᒃᓴᓕᐅᖅᑕᐅᕙᓪᓕᐊᑎᓪᓗᒍ, ᓇᓗᓇᐃᔭᐃᓂᕐᒥᒃ ᑕᐅᑦᑐᒃᓴᖓᓄᑦ ᖃᓄᐃᓕᐅᖅᑐᖃᕆᐊᖃᕐᓂᖓᓂᒃ ᖃᓄᕐᓗ ᐆᒃᑐᕋᖅᑕᐅᓯᒪᓂᐊᕐᒪᖔᑕ, ᓇᓗᓇᕈᓐᓃᖅᑎᑦᑎᓗᓂ ᐱᑐᐃᓐᓇᐅᙱᑦᑐᓂᒃ ᐱᓕᕆᓂᕐᒧᑦ ᐃᓗᓕᖏᓐᓂᒃ ᑕᐅᑦᑐᒃᓴᖓᓄᑦ, ᓇᓗᓇᐃᒃᑯᑦᑎᖅᓯᓂᕐᒥᒡᓗ ᓇᕿᑦᑎᓗᓂ ᑎᑎᕋᐅᔭᖅᓯᒪᔪᓂᒃ ᑎᑎᕋᖅᑕᐅᓯᒪᔪᓂᒡᓗ.
ᖃᒪᓂᑦᑐᐊᕐᒦᑦᓱᓂ, ᓄᓇᕗᒻᒥ ᐊᖓᔪᖅᑳᖃᖅᓱᓂᓗ ᐊᖓᔪᖅᑳᒥᒃ, ᓯᒃᑭᓕᕆᔨᓂ, ᓴᓂᕐᕚᔭᐅᔪᓂ ᐃᑲᔫᓯᐊᕐᓂᓪᓗ, ᓯᒃᑭᓕᕆᔨ ᑐᑭᒧᐊᑦᑎᑦᓯᕙᓐᓂᐊᖅᑐᖅ ᐸᕐᓇᑕᐅᐃᓂᖏᓐᓂᒃ ᐋᖅᑭᓱᖅᑕᐅᓂᖏᓐᓄᓪᓗ ᖃᐅᑕᒫᑦ ᐃᖅᑲᓇᐃᔮᖑᒋᐊᓖᑦ ᐃᓗᐊᓐᓂ ᓯᒃᑭᓕᕆᔩᑦ. ᐃᖅᑲᓇᐃᔭᖅᑐᖅ ᑭᐅᒍᓐᓇᕆᐊᖃᕐᒥᔪᖅ ᑲᑐᔾᔨᖃᑎᖃᕐᓗᓂ ᐊᖓᔪᖅᑳᒥᒃ, ᓯᒃᑭᓕᕆᔨᓂ, ᓴᓂᕐᕚᔭᐅᔪᓂ ᐃᑲᔫᓯᐊᕐᓂᓪᓗ ᖃᐅᔨᓴᑦᓯᐊᕐᓗᓂ ᐃᖅᑲᓇᐃᔭᖅᑎᓕᒫᑦ ᐊᑭᓕᖅᑕᐅᖃᑦᑕᕋᓗᐊᕐᒪᖔᑕ ᑭᖑᕙᐅᖅᑲᖏᑦᑐᓂᒃ ᑕᒻᒪᐅᖅᑲᖏᑦᑐᓂᓪᓗ ᑮᓇᐅᔭᓕᐊᓅᖓᔪᓪᓗ ᐊᐱᖅᑯᑏᑦ ᑭᐅᔭᐅᑦᓴᐅᑎᒋᕙᓪᓗᑎᒃ ᑲᒪᒋᔭᐅᑦᓯᐊᕐᓗᑎᒃ ᑲᓲᒪᖃᑎᖃᕐᓂᐅᔪᓪᓗ ᓯᓚᑖᓂ ᐱᔨᑦᓯᕋᖅᑎᓂᒃ ᒐᕙᒪᒃᑯᓪᓗ ᑎᒥᖁᑎᖏᓐᓂᒃ ᑲᔪᓯᑎᑕᐅᓗᑎᒃ.
(ᐊᕐᕌᒍᐃᑦ ᐱᖓᓱᑦ (3)
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑐᙵᓱᒃᑎᑦᑎᕗᑦ ᑭᙵᕐᒥᐅᓂᒃ ᖁᕕᐊᓲᑕᐅᑎᓪᓗᒍ ᐆᒻᒪᖅᑯᑎᓄᑦ ᐊᐅᓚᐅᑎᖃᕐᕕᒃᑖᓵᖅ ᕿᑎᖅᑰᑦ ᒫᔾᔨ 14 ᐅᓐᓄᒃᓴᒃᑯᑦ 4:00−ᒥ ᐱᒋᐊᕐᓗᒍ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐆᒻᒪᖅᑯᑎᓄᑦ ᐊᐅᓚᐅᑎᖃᕐᕕᒃᑖᓵᒥᒃ ᓴᓇᓯᒋᐊᓚᐅᖅᓯᒪᕗᑦ ᑎᓯᐱᕆᐅᑎᓪᓗᒍ ᖁᔭᓕᔪᒪᕗᓪᓗ ᑭᙵᕐᒥᐅᓂᒃ ᐃᑲᔪᖅᑐᐃᑦᑎᐊᖏᓐᓇᓚᐅᕐᓂᖏᓐᓄᑦ.
ᒪᒃᐱᖅᑕᐅᓂᐊᖅᑐᖅ ᐆᒻᒪᖅᑯᑎᓄᑦ ᐊᐅᓚᐅᑎᖃᕐᕕᒃᑖᓵᖅ 4:00-ᒥ ᐅᓐᓄᒃᓴᒃᑯᑦ. ᐊᔾᔨᓕᐅᖅᓯᒪᔪᒥᒃ ᓂᕈᐊᕈᓐᓇᓛᖅᑐᑦ ᐅᐸᒍᑎᓯᒪᔪᑦ. ᑭᖑᓂᐊᒍᑦ 5:00-ᒥ 7:00-ᒧᑦ ᐅᓐᓄᒃᑯᑦ ᖁᕕᐊᓲᑎᖃᓛᖅᑐᑦ ᓂᕆᕕᒡᔪᐊᕐᓗᑎᒡᓗ ᓵᒻ ᐳᓪᓚᑦ ᐃᓕᓐᓂᐊᕐᕕᖕᒥ.
ᑭᒃᑯᓕᒫᑦ ᑐᙵᓱᒃᑎᑕᐅᓂᖅᑐᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᓇ ᖃᐅᔨᒋᐊᕐᕕᐅᔪᓐᓇᖅᑐᖅ:
ᑳᑦᕆᓐ ᕕᑎᑯ
ᑐᓴᐅᒪᔪᓕᕆᔨ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
(867) 979-7513
communications@qec.nu.ca
ᐃᖃᓗᓐᓃᑦᓱᓂ, ᓄᓇᕗᒻᒥ ᐊᖓᔪᖅᑳᖃᖅᓱᓂᓗ ᐊᐅᓚᑦᓯᔨᒥᒃ, ᐊᐅᓚᓂᕐᓅᖓᔪᓄᑦ, ᑖᓐᓇ ᐃᖅᑲᓇᐃᔮᑦᓴᖅ ᑎᒍᒥᐊᖅᑐᖅ ᖃᐅᔨᕐᓴᕐᓂᕐᒥᒃ ᖃᐅᑕᒫᑦ ᐊᐅᓚᓂᖏᓐᓂᒃ 25 ᐅᖅᓱᐊᓗᑐᐃᓐᓇᑐᖅᑐᑦ ᐊᐅᓚᐅᑎᖃᕐᕕᐊᓗᐃᑦ ᓄᓇᕗᒻᒥ. ᑖᓐᓇ ᐃᖅᑲᓇᐃᔮᖅ ᐱᓕᕆᖃᑎᖃᕋᔭᖅᑐᖅ ᐊᐅᓚᓂᓕᕆᔨᓂᒃ ᓄᓇᕗᒻᒥ ᖃᐅᔨᑦᓴᓯᐊᕐᓗᑎᒃ ᐊᑦᑕᓇᑦᑕᐃᓕᒪᓂᕐᒥᒃ, ᓱᖏᖅᑑᑎᑦᓴᐅ;ᓂᕐᒥᒃ, ᑲᔪᓯᑦᓯᐊᕈᓐᓇᕐᓂᖏᓐᓂᓪᓗ ᐊᑐᓂᑦ ᐊᐅᓚᐅᑎᐊᓗᐃᑦ. ᑖᓐᓇ ᐃᖅᑲᓇᐃᔭᔮᖅ ᐃᑕᔪᖅᑐᐃᔪᖅ ᑲᔪᓯᑎᑦᓯᓂᕐᒥᒃ ᐊᑦᑕᓇᖏᑦᑐᒃᑯᑦ ᓱᖏᖅᑑᑎᑦᓴᖃᕐᓂᒃᑯᓪᓗ ᐅᐊᔭᒨᖅᑐᓂᒃ ᖁᓪᓕᖅ ᐆᒻᒪᖅᑯᑎᓕᕆᓂᕐᒧᑦ ᑎᒥᖁᑎᖓᑦᑕ ᓂᐅᕕᖅᑎᖏᓐᓂᒃ, ᑲᔪᓯᑎᑦᓯᓯᒪᐃᓐᓇᖅᓱᑎᒃ ᓴᓐᓇᕕᒻᒥ ᐊᐅᓚᓂᑦᓯᐊᕙᐅᒋᐊᓕᓐᓂᒃ.
ᐃᖃᓗᓐᓃᑦᓱᓂ ᓄᓇᕗᒻᒥ, ᐊᖓᔪᖅᑳᖃᖅᓱᓂ ᐊᐅᓚᑦᓯᔨᒥᒃ, ᐊᐅᓚᓂᐅᔪᓄᑦ, ᑖᓐᓇ ᐃᖅᑲᓇᐃᔮᖅ ᑭᐅᔾᔪᑎᖃᕈᓐᓇᕆᐊᓕᒃ ᐸᕐᓇᑕᐅᓂᖏᓐᓄᑦ ᐊᐅᓚᑕᐅᓂᖏᓐᓄᓪᓗ ᓴᐳᔾᔨᒍᑕᐅᔪᑦ, ᐋᖅᑭᒋᐊᕆᒍᑏᑦ ᑐᐊᕕᕐᓇᖅᑐᒥᓗ ᓴᓇᒋᐊᓖᑦ ᑎᒥᐅᔪᑦ ᐅᖅᓱᐊᓗᑐᐃᓐᓇᖅᑐᖅᑐᖁᑎᖏᑦ ᐃᓪᓗᐃᑦ. ᑖᓐᓇ ᐃᖅᑲᓇᐃᔮᖅ ᓯᕗᓕᕐᓂᐊᖅᑐᖅ ᐊᐅᓚᐅᓯᕆᓂᐅᒋᐊᓕᓕᒫᓄᑦ ᐅᐊᔭᓕᕆᔭᐅᒋᐊᓕᓐᓄᓪᓗ ᓴᓇᔭᐅᓂᖏᓐᓄᑦ ᐊᐅᓚᓂᐅᔪᓄᑦ ᖃᐅᔨᓴᕐᓗᓂᓗ ᓴᓇᔭᐅᔪᓕᒫᑦ ᑎᑭᐅᑎᓱᒪᑦᓯᐊᕋᓗᐊᕐᒪᖔᑕ ᐊᑑᑎᒋᐊᓕᓐᓄᑦ ᑎᑭᐅᒪᒋᐊᓕᓐᓄᑦ.