ᓄᒃᑭᒃᓴᕈᒃ ᐃᖅᑲᓇᐃᔮᕆᔪᓐᓇᖅᑕᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐱᓕᕆᐊᒃᓴᑦᑎᐊᕙᒃ ᐃᓕᖕᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᑎᒍᑦ ᐆᒻᒪᕆᒃᑎᐊᖅᑐᑦ ᐱᓕᕆᖃᑦᑕᖅᓯᒪᓂᑰᑦᑎᐊᖅᑐᑦ ᐱᓕᕆᕝᕕᖕᒥ ᐱᓕᕆᔨᒻᒪᕇᑦ ᐊᑐᐃᓐᓇᐅᑎᑦᑎᑎᓪᓗᑕ ᐊᑦᑕᕐᓇᙱᑦᑐᒥ, ᐊᑐᕈᓐᓇᑦᑎᐊᖅᑐᒥ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᓂᒃ ᓄᓇᕗᓕᒫᒥ.
ᐱᓕᕆᖃᑎᒌᓐᓂᖅ ᓄᓇᕗᒻᒥ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᕐᒥᒡᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒍᓱᑦᑎᐊᕐᓂᐊᖅᐳᑎᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᕕᒃᓴᖃᑦᑎᐊᖅᑎᓪᓗᑎᓪᓗ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᑲᑕᒡᓗᑎᑦ, ᐃᖃᓗᑲᑕᒡᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᒨᖓᑦᑎᐊᖅᑐᓂ ᓴᓇᙳᐊᖅᑕᐅᔪᓂ ᓂᔾᔭᐅᓯᔭᖅᑕᐅᔪᓂᒡᓗ, ᓄᓇᕗᑦ ᐃᓂᐅᕗᖅ ᐃᓕᓐᓄᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᖏᑦᑐᒥᑦ, ᑕᑎᒋᔭᒃᓴᐅᔪᓐᓇᖅᑐᒥ ᐆᒻᒪᖁᑎᒥ ᑕᒪᐃᓐᓄᑦ ᐊᑭᓕᖅᓱᐃᕙᒃᑐᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᒻᒪᓗ ᐊᐅᓚᑕᐅᓪᓗᓂ ᓄᓇᕗᒻᒥ ᐱᖁᔭᖅᑎᒍᑦ ᑎᒥᕈᖅᑎᑕᐅᓯᒪᔪᓄᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᑕᐅᑐᒃᖢᒋᑦ ᐊᓯᖏᑦ ᐃᒡᓗᓄᑦ ᐊᑐᖅᑕᐅᕙᒃᑐᑦ ᑲᓇᑕᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᓵᑦᑎᐊᕐᒥᐅᑕᖃᖅᐸᒃᐳᖅ ᐊᔾᔨᖃᙱᑦᑐᓂᒃ ᐊᓂᒍᖅᑎᓐᓇᓱᒋᐊᓕᖕᓂᒃ ᐊᐅᓚᑦᑎᕙᖕᓂᕐᒥᓄᑦ 25−ᓂᒃ ᐃᓛᒃᑰᖅᑐᓂᒃ ᐃᒐᓯᐅᑎᒨᖅᑐᓂᒃ ᐆᒻᒪᖅᑯᓯᐅᕐᕕᖕᓂᒃ ᓇᒧᙵᖅᑎᑦᑎᕙᓪᓕᐊᓂᕐᒧᓪᓗ ᐊᑐᖅᑕᐅᕙᒃᑐᓂᒃ ᐃᓂᓕᖕᓂᒃ ᑕᒪᐃᓐᓂ ᐊᑐᓂᑦ ᐊᕕᒃᓯᒪᓂᕆᔭᐅᔫᑉ ᐅᑭᐅᖅᑕᖅᑐᒥ ᓄᓇᓕᖏᓐᓂ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ-24-002 ᐆᒻᒪᖅᑯᑎᖃᕐᕕᖕᒥ ᐊᖓᔪᖅᑳᒻᒪᕆᒃ
(ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥᐅᓄᑦ ᐃᓄᖕᓄᑦ ᐱᓇᔪᒃᑐᓄᑦ ᑐᕌᖓᔪᑐᐊᖅ)
ᐃᓂᖃᖅᑐᖅ ᐊᐅᓱᐃᑦᑐᖅ, ᓄᓇᕗᒻᒥ, ᐆᒻᒪᖅᑯᑎᖃᕐᕕᒻᒥ ᐊᖓᔪᖅᑳᒻᒪᕆᒃ ᑲᒪᒋᔭᖃᕐᓂᐊᖅᑐᖅ ᐋᖅᑭᒃᓯᒪᑎᑦᑎᓂᕐᓂ ᐊᑦᑕᕐᓇᖏᑦᑐᒥᑦ ᐆᒻᒪᖅᑯᑎᖃᖅᑎᑦᓯᖏᓐᓇᕐᓂᕐᒥᓪᓗ ᑐᓂᐅᖅᑲᐃᓂᕐᒥᓪᓗ, ᐊᒻᒪ ᑲᒪᒋᔭᖃᕐᓂᕐᒥ ᐃᓘᓐᓇᖏᓐᓂᑦ ᐊᐅᓚᐅᑏᑦ ᐆᒻᒪᖅᑯᑏᓪᓗ ᐱᔭᕆᐊᖃᖅᑐᑦ ᐆᒻᒪᖅᑯᑎᖃᕐᕕᒻᒥᑦ. ᐃᖅᑲᓇᐃᔮᒃᓴᖅ ᑲᒪᒋᔭᖃᕐᓂᐊᕐᒥᔪᖅ ᐊᐅᓚᓂᓕᕆᓂᕐᓂᑦ ᖃᐅᔨᓴᐃᓐᓇᕐᐸᖕᓂᕐᒥᒃᓗ ᐅᖅᓱᐊᓗᖕᒥ ᐊᐅᓚᐅᑎᖃᕐᕕᖕᒥ ᐊᒃᑐᓂᓕᖕᓂᒃᓗ ᐱᓕᕆᔾᔪᑕᐅᓲᓂᒃ ᐊᑦᑕᕐᓇᖅᑐᒦᖁᔨᓇᓂ, ᑕᑎᒋᔭᒃᓴᓂᒃ ᐆᒻᒪᖅᑯᑎᓄᑦ ᐱᔨᑦᑎᕋᐅᑎᓂᒃ ᖁᓪᓕᒃᑯᓐᓂ ᐊᑐᖅᑎᓄᑦ ᓄᓇᓕᖕᒥ ᐊᑭᑐᓗᐊᙱᑦᑐᓂᒃ ᐊᑐᕐᓗᓂ.
ᐱᓕᕆᐊᒃᓴᐃᑦ ᑲᒪᒋᔭᒃᓴᐃᓪᓗ:
- ᐱᓕᕆᔨᐅᓗᓂ ᓯᕗᓪᓕᖅᐸᐅᓪᓗᓂ ᖃᐅᔨᒃᑲᖅᑕᐅᖃᑦᑕᕐᓂᐊᖅᑐᖅ ᐊᑭᓕᖅᑐᐃᔨᓄᑦ ᑲᒪᒋᔭᖃᕐᓂᐊᕐᒥᔪᕐᓗ ᐱᖃᑦᑕᕐᓂᕐᒥᑦ ᐊᑭᓕᖅᑐᐃᖃᑦᑕᖅᑐᑦ ᑎᑭᓵᖏᓐᓂᑦ ᓄᑖᒧᑦ ᐱᔨᑦᓯᕋᖅᑕᐅᓂᕐᒧᑦ, ᐆᒻᒪᖅᑯᑏᑦ ᓇᑲᑕᐅᒋᐊᓕᓐᓄ ᐊᓯᔾᔨᕐᓕᐅᔪᓄᓪᓗ ᓇᒻᒥᓂᖃᖅᑎᐅᔪᓂᑦ, ᑭᐅᖃᑦᑕᕐᓗᓂ ᐊᑭᓕᖅᑐᐃᔪᑦ ᐅᓐᓂᕐᓘᑎᖏᓐᓂᑦ ᐊᐱᖅᑯᑎᖏᓐᓂᓪᓗ, ᐊᑭᓕᐅᑎᓕᕆᖃᑦᑕᕐᓗᓂ, ᐱᒋᐊᖅᑎᑦᓯᓂᕐᒥᓪᓗ ᓄᐊᑦᓯᖃᖅᑕᕐᓂᕐᒧᑦ ᐱᓕᕆᔾᔪᓯᕐᒥᑦ ᑎᒥᐅᔪᒧᑦ ᑲᒪᒋᔭᖃᕐᓂᕐᒥᓪᓗ ᐱᓕᕆᖃᑎᖃᕐᓂᕐᒥᑦ ᓄᓇᓕᓐᓂᑦ ᓄᓇᓕᓐᓂᓪᓗ ᓇᒻᒥᓂᖃᖅᑎᓄᑦ ᑭᒡᒐᖅᑐᐃᔨᓂᑦ.
- ᐊᐅᓚᐅᑎᖃᕐᕕᒃ ᐊᐅᓚᑉᐸᒡᓗᓂᐅᒃ ᓈᒻᒪᓛᓂᒃ ᐊᐅᓚᑦᑕᕆᐊᓕᖕᓂᒃ ᐊᐅᓚᑏᓐᓇᕐᓗᓂ.
- ᐃᑲᔪᖃᑦᑕᕐᓗᓂ ᖃᐅᔨᓴᕐᓂᕐᒧᑦ, ᓴᓇᒋᐊᖅᑕᐅᒐᓛᒋᐊᓕᓐᓂᑦ, ᒥᑭᔪᓂᒃ ᓱᕋᒃᑎᑦᑎᑦᑕᐃᓕᒪᓂᕐᒧᑦ ᐋᖅᑭᒃᓱᐃᕙᓪᓗᓂᑦ ᓇᓗᓇᐃᖅᓯᓂᕐᒥᓪᓗ ᐆᒻᒪᖅᑯᑎᓄᑦ ᐱᖁᑎᓂᑦ ᓯᕿᕐᖑᔭᐅᔭᕐᓂᓪᓗ.
- ᑐᑦᓯᕋᕐᓂᕐᒥᑦ ᐋᖅᑭᒋᐊᖅᑕᐅᒋᐊᓕᓐᓂᑦ, ᐊᓯᔾᔨᕆᐊᓕᓐᓄᓪᓗ ᐊᒻᒪᓗ/ᐅᕝᕙᓘᓐᓃᑦ ᑐᐊᕕᕐᓇᖅᑐᒃᑯᑦ ᐋᖅᑭᒋᐊᖅᑕᐅᒋᐊᓕᓐᓄᑦ, ᑕᐃᒪᐃᒋᐊᖃᕋᐃᑉᐸᑦ;
- ᑲᑎᖅᓱᐃᖃᑦᑕᕐᓗᓂ ᐅᓂᒃᑳᓕᐅᖃᑦᑕᕐᓗᓂ ᓯᕿᕐᖑᔭᐅᔭᐃᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᓂᑦ, ᐊᑐᐃᓐᓇᐅᑎᑦᓯᓂᕐᒥᑦ ᐊᑦᑐᐊᓂᖃᖅᑐᓂᑦ ᑎᑎᕋᖅᓯᒪᔪᓂᑦ ᑮᓇᐅᔭᓕᕆᔨᖏᑦᑕ ᐱᓕᕆᕝᕕᖓᓄᑦ.
- ᑐᑭᓯᐅᒪᔾᔪᑎᓂᒃ ᐊᑐᐃᓐᓇᐅᑎᑦᓯᖃᑦᑕᕐᓗᓂ ᐊᖓᔪᖅᑳᖓᓄᑦ ᓴᖅᑭᖅᑕᐅᕙᓪᓕᐊᔪᓄᑦ ᐊᑐᐃᓐᓇᕈᖅᑎᕆᓂᕐᒧᑦ ᑐᓐᓂᖅᑯᑎᖃᕐᓂᕐᒧᓪᓗ ᑮᓇᐅᔭᖅᑑᑎᒃᓴᓂᑦ, ᐊᔾᔨᒌᙱᑦᑐᓂᒃ ᐊᒻᒪ ᐊᓯᖏᓐᓂᒃ ᐃᖏᕐᕋᓂᕐᒧᑦ ᖃᐅᔨᓴᖅᑕᐅᓯᒪᔪᓂᒃ.
- ᐊᐅᓚᑦᑎᕙᒡᓗᓂᑦ ᐆᒻᒪᖅᑯᑎᖃᕐᕕᒻᒥ ᐱᖁᑎᐅᔪᓂᑦ, ᐱᖃᓯᐅᑎᓗᓂᑦ ᐊᐅᓪᓚᖅᑎᑦᑎᓂᖅ, ᑎᑭᑕᐅᓂᖅ ᐊᒻᒪ ᓇᐅᑦᑎᖅᓱᕐᓂᕐᒥᑦ.
- ᐃᖅᑲᓇᐃᔭᕐᓇᐅᒍᓐᓃᑎᓪᓗᒍ ᖃᐃᖁᔭᐅᒍᓂ ᐱᔭᕆᐊᖃᕐᒥᔪᖅ ᐃᖅᑲᓇᐃᔮᒧᑦ ᑲᒪᒋᔭᖃᕐᓂᕐᒧᑦ ᐆᒻᒪᖅᑯᑎᖃᕐᕕᒻᒥ ᖃᐅᔨᒋᐊᕐᓂᕐᒥᑦ ᐱᔭᕆᐊᖃᖅᑐᓂᑦ (ᐅᓐᓄᒃᑯᑦ ᐱᓇᓱᐊᕈᐅᓯᓪᓗ ᓄᙳᐊᓂᑦ) ᓇᓗᓇᐃᖅᓯᓂᕐᒥᑦ ᐊᑲᐅᙱᓪᓕᐅᕈᑎᖃᖏᒃᑲᓗᐊᕐᒪᖔᑦ ᑲᒪᒋᔭᐅᑦᓴᐅᑎᒋᒋᐊᓕᒻᒥ.
ᐊᔪᙱᑕᕆᐊᖃᕐᒥᔭᖏᑦ ᐅᑯᐊᖑᒋᕗᑦ:
- ᓇᓗᓇᐃᒃᑯᑕᖃᕐᓗᓂ ᐊᐅᓚᐅᑎᓄᑦ ᐊᑐᖃᑦᑕᖅᑐᓂ ᖃᐅᔨᓴᖅᑐᓕᕆᓂᙶᖅᑐᓂᒃ ᐊᑐᖅᑎᑦᑎᔪᓐᓇᖅᑐᖅ (ᑎᓴᒪᒐᓃᑦᑐᒥᒃ), ᐅᕝᕙᓘᓐᓃᑦ ᓄᓇᓕᕐᔪᐊᖑᔪᓂ ᓇᓗᓇᐃᒃᑯᑕᓕᒃ ᐅᐊᔭᓕᕆᔨᐅᓂᕐᒧᑦ, ᐅᖁᒪᐃᑦᑐᓕᕆᔾᔪᑎᓄᑦ ᐱᓕᕆᔨ, ᐅᕝᕙᓘᓐᓃᑦ ᐆᒻᒪᖅᑯᑎᒋᔭᐅᕙᒃᑐᓄᑦ ᐱᓕᕆᔨ.
- ᐆᒻᒪᖅᑯᑎᖃᖅᑎᑦᑎᓂᕐᒥᑦ ᐊᒻᒪ ᐊᑐᖅᑕᔪᓐᓇᖅᓯᓗᓂ ᖃᐅᔨᒪᓄᑦ ᐱᓕᕆᖃᑦᑕᖅᓯᒪᓗᓂ;
- ᐊᑐᕈᓐᓇᖅᑐᒥᒃ ᐊᖁᑦᑐᓐᓇᐅᑎᖃᕐᓗᓂ ᓈᓴᐅᑎᓕᖕᒥᑦ 5−ᒥᑦ ᓈᒻᒪᒋᔭᐅᔪᒥᓪᓗ ᐊᖁᑦᑐᓐᓇᕐᓗᓂ.
ᐃᑲᔪᕐᓂᖃᕋᔭᖅᑐᑦ:
- ᖃᐅᔨᒪᓗᓂ ᓄᓇᕗᒻᒥᒃ, ᓄᓇᖓᓂᒃ, ᐅᖃᐅᓯᖏᓐᓂᒃ ᐊᒻᒪ ᐱᖅᑯᓯᖏᓐᓂᒃ.
- ᐃᓄᒃᑐ/ᐃᓄᐃᓐᓇᖅᑐᓐ ᐅᖃᕈᓐᓇᕐᓗᓂ ᐊᒻᒪ/ᐅᕝᕙᓘᓐᓃᑦ ᐅᐃᕖᑎᑐᑦ.
ᐊᔾᔨᖏᓐᓂᑦ ᓈᒻᒪᒋᔭᐅᔪᑦ ᒪᑯᐊᖑᔪᓐᓇᖅᑐᑦ ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᖃᐅᔨᒪᓂᖓ, ᐊᔪᙱᓐᓂᖓ ᐊᒻᒪ ᐱᔪᓐᓇᕐᓂᖓ ᐃᓱᒪᒋᔭᐅᑐᐃᓐᓇᕆᐊᖃᕐᒥᔪᑦ.
ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $108,724.97−ᒥᑦ $127,001.13−ᒧᑦ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᒃᖢᑕ $43,588.00−ᓂᒃ ᐊᕐᕌᒍᒧᑦ, ᐃᖅᑲᓇᐃᔭᕐᓇᐅᙱᑦᑐᒃᑯᑦ ᐃᑲᕐᕋᓕᐅᕈᓐᓇᖅᑎᑕᐅᓪᓗᓂ, ᓈᒻᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᒥᑦ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᓕᐅᔾᔭᐅᓯᒪᕗᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ.
ᐃᕐᙲᓐᓈᖅᑕᐅᒃᑯᑦ ᐱᓇᔪᒍᓐᓇᖅᑐᑦ ᐅᕗᖓ: https://qeccareers.prevueaps.ca/jobs/
ᑎᑎᖅᑲᑦᑯᑦ ᐱᓇᓱᐊᕐᓗᑎ, ᔮᓄᐊᕆ 26, 2024 ᑐᖔᓂ.
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ.