ᐆᒻᒪᖅᑎᒋᐊᒃᑲᓐᓂᕈᒃ ᐃᖅᑲᓇᐃᔮᕆᔭᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᐊᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᑕᑎᒋᔭᒃᓴᐅᔪᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.
ᓄᓇᕗᒻᒥ ᐃᖅᑲᓇᐃᔭᕐᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᐊᑐᑦᑎᐊᖏᓐᓇᕈᓐᓇᖅᑐᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᓯᓕᒫᖏᑦ ᐆᒻᒪᖅᑯᑎᖃᕐᕖᑦ ᑲᓇᑕᒥ ᑕᐅᑐᒃᖢᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᑎᓪᓗᑎᒡᓗ ᐊᕙᑎᓪᓗ ᑕᓪᓕᒪᓂᒃ (25) ᐃᓛᒃᑰᖅᑐᓂᒃ ᐊᐅᓚᐅᑎᖃᕐᕕᐊᓗᖕᓂᒃ ᐆᒻᒪᖅᑯᑎᖃᖅᑎᑦᑎᓪᓗᑎᒡᓗ ᓄᓇᓕᓕᒫᓂᒃ ᓄᓇᕗᒻᒥ.
ᐱᓕᕆᐊᒃᓴᓕᕆᓂᕐᒧᑦ ᐊᐅᓚᑦᑎᔨ, ᐊᐅᓚᐅᑎᓕᕆᔨ (ᐃᖅᑲᓇᐃᔭᓚᐅᑲᒃᑐᖅ)
ᐃᖃᓗᐃᑦ, ᓄᓇᕗᑦ
ᐅᖃᕐᕕᖃᖅᐸᒡᓗᓂ ᐊᐅᓚᑦᑎᔨᒧᑦ, ᐆᒻᒪᖅᑯᓯᐅᕈᑎᓄᑦ, ᐱᓕᕆᐊᒃᓴᓄᑦ ᐊᐅᓚᑦᑎᔨ, ᐅᐊᔭᓕᕆᓂᕐᒧᑦ ᑲᒪᒋᔭᖃᕐᓂᐊᖅᑐᖅ ᖃᓄᐃᓕᐅᖁᔨᓂᕐᒥᒃ, ᐊᐅᓚᑦᑎᓂᕐᒥᒃ, ᐊᑐᓕᖅᑎᑦᑎᓂᕐᒥᒃ, ᐊᒻᒪ ᐱᐊᓂᒃᓯᓂᕐᒥᒃ ᐱᓕᕆᐊᒃᓴᕆᑎᑕᐅᔪᓂᒃ ᐱᓕᕆᐊᒃᓴᓂᒃ ᐊᒃᑐᐊᓂᖃᖅᑐᓄᑦ ᐆᒻᒪᖅᑯᑎᓕᕆᔨᑦ ᐊᐅᓚᔾᔪᑎᖏᓐᓄᑦ. ᑖᓐᓇ ᐃᓂᒋᔭᐅᔪᖅ ᐱᓕᕆᖃᑎᖃᑦᑎᐊᖅᐸᒃᐳᖅ ᐱᓕᕆᓯᒋᐊᕐᓂᕐᒧᑦ, ᓂᐅᕕᕐᓂᕐᒥᒃ ᐊᐅᓚᑦᑎᓂᕐᒧᓪᓗ ᐃᖅᑲᓇᐃᔭᖅᑎᒋᔭᐅᔪᓂᒃ ᓴᖅᑭᔮᓕᖅᑎᑦᑎᔪᒪᓪᓗᓂ ᐱᓕᕆᐊᖑᔪᒥ ᑐᕌᕆᔭᐅᔪᓂᒃ.
ᐱᓕᕆᐊᒃᓴᑦ ᑲᒪᒋᔭᒃᓴᓪᓗ:
- ᐱᓕᕆᐊᖃᖅᐸᒃᐳᖅ ᑕᒪᐃᓐᓂᑦᑎᐊᖅ ᐊᐅᓚᓂᕆᔭᐅᔪᓂᒃ ᐱᓕᕆᐊᖑᔪᒥ ᐊᐅᓚᑦᑎᕝᕕᖃᕐᓂᕐᒥᒃ ᐊᐅᓚᑦᑎᕝᕕᖃᕐᓂᕐᒥᒡᓗ, ᐃᓚᒋᔭᐅᓗᓂ ᐱᕙᒌᔭᖅᓯᓂᕐᒥᒃ ᖃᐅᔨᓴᕐᓂᕆᔭᐅᔪᓂᒃ ᐊᔪᕐᓇᙱᑐᐃᓐᓇᕆᐊᓕᖕᓄᓪᓗ ᖃᐅᔨᓴᕐᓂᕆᔭᐅᔪᓂᒃ ᓄᑖᙳᕆᐊᖅᑎᑦᑎᑐᐃᓐᓇᕆᐊᖃᕐᓂᕐᒧᑦ/ᐱᐅᓯᒋᐊᖅᑎᑦᑎᓂᕐᒧᑦ ᐱᓕᕆᐊᖑᔪᓄᑦ ᓴᓇᔭᐅᓂᖏᓐᓄᓪᓗ ᓄᑖᑦ ᐃᓂᒋᔭᐅᔪᑦ.
- ᓯᕗᒃᑲᖅᑕᐃᔪᖅ ᐃᓗᓕᓕᒫᖏᓐᓂᑦ ᐊᒥᓱᓄᑦ ᐱᓕᕆᐊᓄᑦ ᐃᓚᒋᔭᐅᓗᓂ ᐱᕙᒌᔭᕐᓂᖅ, ᐊᑐᓕᖅᑎᑦᓯᓂᕐᒥᓪᓗ ᐱᓕᕆᐊᓂᑦ, ᐊᐅᓚᑦᓯᓂᕐᒥᑦ ᐱᓕᕆᐊᑉ ᑐᕌᒐᖏᓐᓂᑦ, ᐋᖅᑭᑦᓱᐃᓂᕐᒥᑦ, ᑐᕌᒐᕐᓂᑦ, ᑲᔪᓯᑎᑕᐅᒍᓐᓇᖅᑐᓂᓪᓗ.
- ᐱᕙᒌᔭᐃᕙᒃᐳᖅ ᕿᒥᕐᕈᐊᖅᓯᕙᒃᐳᕐᓗ ᐱᓕᕆᐊᖑᔫᑉ ᖃᖓᒃᑰᕋᔭᕐᓂᖏᓐᓂᒃ ᖃᖓᒃᑰᕋᔭᕐᓂᖏᓐᓂᒡᓗ ᓇᓗᙱᑦᑎᐊᕈᒪᓂᕐᒧᑦ ᐱᓕᕆᐊᒃᓴᐃᑦ ᐊᖑᒻᒪᑎᒐᓗᐊᕐᒪᖔᑕ.
- ᐅᓂᒃᑲᐅᓯᖃᖅᐳᖅ ᐅᓂᒃᑲᐅᓯᕐᓂᒃ ᓇᓗᓇᐃᖅᓯᔪᓂᒃ ᐱᓕᕆᐊᖑᔫᑉ ᑲᔪᓯᕙᓪᓕᐊᓂᕆᔭᖓᓂᒃ, ᐳᓴᖓᓂᒃ ᐱᔭᕇᖅᓯᒪᔪᒥᒃ, ᐊᑲᐅᙱᓕᐅᕈᑎᒋᔭᐅᔪᓂᒃ, ᐋᖅᑭᒃᓯᒪᓕᕈᑕᐅᔪᓐᓇᖅᑐᓂᒡᓗ.
- ᐃᓚᐅᕙᒡᓗᓂ ᐊᑭᑦᑐᕋᐅᑎᓂᒃ ᖃᐅᔨᓴᖅᑕᐅᔪᓂᒃ, ᖃᐅᔨᓴᖅᐸᒡᓗᓂ ᑐᓐᓂᖅᑯᑕᐅᔪᓂᒃ, ᐱᖁᔨᕗᖔᓕᐅᖅᐸᒡᓗᓂᓗ ᖃᐅᔨᒃᑲᐃᔨᒥᒃ ᓂᕈᐊᕐᓂᐊᕐᓗᓂ ᐊᒻᒪ ᑳᓐᑐᓛᒃ ᑐᓐᓂᖅᑯᑕᐅᔪᓂᒃ.
- ᐃᑲᔪᖃᑦᑕᕐᓗᓂ ᓇᓗᓇᐃᖅᓯᓂᕐᒥᑦ ᑕᒻᒪᖅᓯᒪᖏᑦᑐᓂᑦ, ᑭᖑᕙᖏᑦᑐᓂᑦ ᓱᓕᑦᓯᐊᕐᓂᕐᒥᓪᓗ ᓴᓇᒻᒪᖏᓐᓂᑦ ᓴᓇᔭᐅᓂᖏᓐᓄᓪᓗ ᐊᒻᒪ ᐊᐅᓚᑦᓯᓂᕐᒥᑦ ᐊᑭᑦᑐᕋᐅᑎᓂᑦ ᐊᑦᑐᐊᓂᓕᓐᓂᓪᓗ ᑐᑭᓯᔾᔪᑎᓂᑦ.
- ᐊᑐᐃᓐᓇᐅᑎᑦᑎᓲᖅ ᐱᓕᕆᔾᔪᑎᓄᑦ ᐃᑲᔪᖅᓱᐃᓂᕐᒥᑦ ᐊᐅᓚᓂᖏᓐᓄᑦ, ᑳᓐᑐᐊᒃᓯᔨᓄᑦ ᐊᒻᒪᓗ ᖃᐅᔨᒃᑲᐃᔨᓄᑦ ᑕᐃᒪᐃᖁᔭᐅᔭᕌᖓᒥ.
ᐊᔪᙱᓐᓂᕆᔭᐅᔭᕆᐊᓖᑦ ᐅᑯᐊᖑᕗᑦ:
- ᐃᓱᓕᑦᑎᓚᐅᓯᒪᒋᐊᓕᒃ ᓯᓚᑦᑐᖅᓴᕐᕕᒡᔪᐊᒥᑦ ᐅᐊᔭᓕᕆᔨᒻᒪᕆᐅᓂᕐᒧᑦ ᑲᓇᑕᒥᑦ ᓯᓚᑦᑐᖅᓴᕐᕕᒡᔪᐊᖓᓂ ᓇᓕᒧᐸᓗᐊᓂᒡᓘᓐᓃᑦ.
ᐱᔪᓐᓇᖅᑕᖏᑦ:
- ᓴᓇᔭᐅᓂᐊᖅᑐᓄᑦ ᐋᖅᑭᒃᓱᐃᔨᒻᒪᕆᐅᓂᕐᒧᑦ (P. Eng.) ᑎᒃᑯᐊᖅᑕᐅᓯᒪᓗᓂ ᐃᑲᔪᕐᓂᖃᕋᔭᖅᐳᖅ.
- ᐱᓕᕆᐊᒃᓴᓂ ᐊᐅᓚᑦᑎᔨᒻᒪᕆᐅᓂᕐᒧᑦ ᐱᓕᕆᔪᓐᓇᖅᓯᑎᑕᐅᓂᖅ ᐃᑲᔫᑎᖃᕐᓂᐊᖅᐳᖅ ᐱᓇᔪᒃᑐᓄᑦ.
ᐊᔾᔨᐸᓗᖏᓐᓂᓪᓘᓐᓃᑦ ᐃᓕᓐᓂᐊᖅᓯᒪᓗᓂ ᐊᔾᔨᒌᙱᑦᑐᓂᑦ ᑖᒃᑯᓂᖓᑦ ᑕᐃᔭᐅᔪᓂᑦ ᐃᓱᒪᒋᔭᐅᓂᐊᖅᑐᑦ.
ᑮᓇᐅᔾᔭᒃᓴᑦᑎᐊᕋᔭᖅᑐᖅ ᐱᒋᐊᕐᕕᖃᕐᓗᓂ $104,750.89−ᒥᑦ $123,274.91-ᒧᑦ ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᐸᓪᓗᓂ $16,008.00−ᒥᑦ ᐊᕐᕌᒍᒧᑦ. ᐱᑎᑦᑎᕙᒃᑭᕗᒍᑦᑕᐅᖅ ᐃᓗᓕᖃᐅᑦᑎᐊᖅᑐᒥᒃ ᐱᕚᓪᓕᕈᑕᐅᕙᒃᑐᓄᑦ ᑲᑎᖅᓱᖅᓯᒪᔪᒥᒃ, ᐃᓚᖃᖅᖢᓂ ᓇᓗᓇᐃᔭᖅᓯᒪᔪᒥᒃ−ᐃᑲᔫᑎᓄᑦ ᐃᓐᓇᖅᓯᐅᑎᑖᕈᑎᓄᑦ ᐱᓕᕆᐊᖅᑎᒍᑦ. ᓱᓕᒃᑲᓐᓂᖅ, ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᖃᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐃᓚᓕᐅᔾᔭᐅᓯᒪᙱᑦᑐᖅ.
ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.
ᒪᑐᐃᖓᓂᐊᖅᑐᖅ ᐃᓐᓄᖏᓐᓂᓕᒫᖓᓂ
ᐱᓇᔪᖕᓂᐊᕐᓗᓂ, ᐱᓇᔪᒍᑎᒋᔭᐃᑦ ᓇᒃᓯᐅᑎᓗᒍ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ: https://qeccareers.prevueaps.ca/jobs/
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ.
ᖁᔭᓕᔭᕗᑦ ᑕᒪᐃᓐᓂᒃ ᐱᓇᔪᖃᑕᐅᔪᒪᔪᓕᒫᓂᒃ. ᑭᓯᐊᓂᑦᑕᐅᖅ, ᐱᓇᔪᒃᑐᑦ ᓂᕈᐊᖅᑕᐅᔪᑐᐊᑦ ᑐᓴᖅᑎᑕᐅᓂᐊᕐᒪᑕ.