ᐃᖅᑲᓇᐃᔮᕆᔭᑦ ᐅᑭᐅᖅᑕᖅᑐᒥ ᐆᒻᒪᖅᑎᒋᐊᖅᓯᒪᓕᕈᒃ!
ᖁᕕᐊᓇᒻᒪᕆᒃᑐᒥᒃᑕᐅᖅ ᐊᓯᐊᓂᒃ ᐱᓕᕆᕝᕕᒋᔪᓐᓇᖅᑕᕐᓂᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ ᓇᓂᓯᒋᐊᕈᓐᓇᖅᐳᑎᑦ! ᐱᓕᕆᖃᑎᒌᑦᑐᖁᑎᒋᔭᑦᑎᓐᓄᑦ ᐃᖅᑲᓇᐃᓇᕈᒪᑦᑎᐊᖅᑑᓪᓗᑎᒃ ᐊᒻᒪᓗ ᖃᐅᔨᒪᓂᖃᑦᓯᐊᖅᑐᑎᒃ ᓴᓇᕝᕕᖕᒥ ᐱᓕᕆᔨᒻᒪᕆᐅᔪᓄᑦ ᐃᓚᒋᔭᐅᖃᑕᐅᓕᕆᑦᓯ ᐱᔾᔪᑎᒋᓪᓗᒍ ᖃᓄᐃᓐᓇᖖᒋᑦᑐᒥ, ᐅᒃᐱᕐᓇᑦᓯᐊᖅᑑᓪᓗᑎᒃ, ᐊᒻᒪᓗ ᐊᑭᑐᓗᐊᖖᒋᑐᓂᒃ ᐆᒻᒪᖁᑎᖃᖅᑎᑦᓯᔨᐅᕙᒻᒪᑕ ᓄᓇᕗᒻᒥᐅᓕᒫᓄᑦ.
ᓄᓇᕗᒻᒥ ᐃᖅᑲᓇᐃᔭᕐᓂᖅ
ᓄᓇᕗᑦ ᐊᕕᑦᑐᖅᓯᒪᓂᖓ ᑲᓇᑕᐅᑉ ᓄᓇᕐᔪᐊᖓᓂ ᓄᑕᐅᓂᖅᐸᐅᓪᓗᓂ ᐊᒻᒪᓗ ᐊᖏᓂᖅᐸᐅᓪᓗᓂ ᐊᕕᑦᑐᖅᓯᒪᓂᐅᒻᒪᑦ ᐊᒻᒪᓗ ᓱᒃᑲᓕᓂᖅᐸᐅᓪᓗᓂ ᑮᓇᐅᔭᓕᐅᓕᕐᕕᐅᕗᖅ ᓄᓇᕐᔪᐊᑦᑎᓐᓂ. ᐱᐅᓪᓚᕆᒃᑐᓂᒃ ᓄᓇᖓ ᑕᐅᑦᑐᖃᖅᑑᕗᖅ ᐊᒻᒪᓗ ᖁᕕᐊᓇᓪᓚᕆᒃᑐᓂᒃ ᖃᓄᐃᓕᐅᓕᕐᕕᐅᔪᓐᓇᖅᑐᓂᒃ ᐱᑕᖃᐅᖅᑑᓪᓗᓂ, ᖁᕕᐊᓇᕐᓂᖓᓂᒃ ᖃᐅᔨᖃᑦᑕᕋᔭᖅᑐᑎᑦ ᐃᖅᑲᓇᐃᔮᕐᓂᑐᐃᓐᓇᐅᖖᒋᑦᑐᖅ, ᑭᓯᐊᓂᓕᑦᑕᐅᖅ ᐃᖅᑲᓇᐃᔭᕐᓇᖅ ᐃᓱᓕᓯᒪᓕᕌᖓᑦ ᖃᐅᔨᖃᑦᑕᓕᕈᔭᕆᕗᑎᑦ. ᖁᕕᐊᓇᖅᑰᔨᒋᒍᕕᒋᑦ ᕿᒧᒃᓯᒃᑯᑦ ᐃᖏᕐᕋᕙᒋᐊᒥᒃ, ᓯᑭᑑᒃᑯᑦ, ᖁᔭᒃᑯᓪᓗ, ᓯᑯᒥ ᐊᐅᓚᓴᕆᐊᒥᒃ, ᐅᕝᕙᓘᓐᓃᑦ ᖃᐅᔨᓯᒪᓕᕆᐊᕐᓗᒋᑦ ᐱᑕᖃᐅᒻᒪᕆᒃᑐᑎᒃ ᐃᓕᖅᑯᓯᑐᖃᓕᕆᓂᕐᒧᑦ ᑐᕌᖓᔪᓂᒃ ᓇᓗᓇᐃᒻᒪᕆᒃᑐᓂᒃ ᓴᓇᐅᒐᓕᐊᖑᕙᒃᑐᓂᑦ ᐊᒻᒪᓗ ᑎᑕᒍᓯᕐᓂᒃ, ᑕᐃᒪᓕ ᓄᓇᕗᒻᒧᑦ ᑕᑯᔭᖅᑐᐃᓯᒪᓕᕆᐊᖃᖅᑐᑎᑦ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ
ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑎᒥᖁᑎᖓᑦ (QEC) ᑐᓂᔭᐅᓯᒪᒻᒪᑕ ᐱᑕᖃᖅᑎᑦᓯᔨᐅᕙᒋᐊᒥᒃ ᖃᓄᐃᓐᓇᖖᒋᑦᑐᒥᒃ, ᐅᒃᐱᕐᓇᑦᓯᐊᖅᑐᓂᒃ ᐃᑯᒻᒪᖁᑎᒃᓴᖃᖅᑎᐅᒋᐊᒥᒃ ᑕᒪᐃᓐᓄᓕᒫᖅ ᓄᓇᕗᒻᒥᐅᓄᑦ. ᓇᖕᒥᓂᕆᔭᐅᓪᓗᓂ ᓄᓇᕗᑦ ᒐᕙᒪᖓᓐᓂᑦ ᐊᒻᒪᓗ ᐊᐅᓚᑕᐅᓂᖃᖅᑐᓂ ᐊᕕᒃᑐᖅᓯᒪᓂᐅᔪᒥ ᑎᒥᖁᑎᒋᔭᐅᔫᓂᖓᒍᑦ, QEC-ᑯᑦ ᐊᑕᐅᓯᑐᐊᖑᓪᓗᑎᒃ ᐆᒻᒪᖁᑎᖃᖅᑎᑦᓯᔨᐅᕗᑦ ᐊᒻᒪᓗ ᐊᕕᒃᑐᖅᓯᒪᓂᕐᒥ ᐅᖁᖅᓴᐅᑎᖃᖅᑎᑦᓯᔨᒋᔭᐅᓪᓗᑎᒃ ᓄᓇᕗᒻᒥᐅᓄᑦ. ᐃᓱᒪᒋᓗᒋᑦ ᐊᓯᖏᑦ ᓱᓇᖁᑎᖃᖅᑎᑦᓯᔨᐅᒻᒥᔪᑦ ᑲᓇᑕᒥ, QEC-ᑯᑦ ᐊᔾᔨᖃᖖᒋᑦᑐᒥᒃ ᐱᓕᕆᐊᒃᓴᖃᖅᐸᒃᑐᑦ ᐊᐅᓚᑦᓯᓂᖃᕐᓂᕐᒥᓐᓂ 25-ᖑᔪᓂᒃ ᐊᑕᐅᓯᑐᐊᖑᓪᓗᑎᒃ ᐅᖅᓱᐊᓗᒻᒥᒃ ᐊᑐᖅᓱᑎᒃ ᐆᒻᒪᖁᑎᓕᐅᕐᕕᒻᓂᒃ ᐊᒻᒪᓗ ᓯᐊᒻᒪᒃᑎᕆᔾᔪᑎᐅᓪᓗᑎᒃ ᓴᓇᕐᕈᑎᓂᒃ ᐊᑐᓂ ᐊᕕᒃᑐᖅᓯᒪᓂᐅᔪᒥ ᓄᓇᓕᒋᔭᐅᔪᓄᑦ.
QEC-19-068 ᐆᒻᒪᖁᑎᓕᕆᔾᔪᑎᓂᒃ ᓴᕕᒐᐅᔭᓕᕆᔨᒻᒪᕆᒃ
ᐃᖅᑲᓇᐃᔭᕐᓗᓂ ᑲᖏᕐᖠᓂᖅ, ᓄᓇᕗᒻᒥ ᓄᓇᓕᐸᐅᔭᖓᓂ, ᐆᒻᒪᖁᑎᓕᕆᔾᔪᑎᓂᒃ ᓴᕕᒐᐅᔭᓕᕆᔨᒻᒪᕆᒃ ᐱᓕᕆᐊᖃᖅᑎᐅᓇᔭᕐᒪᑦ ᓯᕗᓪᓕᕐᒥᒃ ᐃᓕᐅᖅᑲᐃᔨᐅᕙᓐᓂᕐᒧᑦ, ᐋᖅᑭᐅᒪᑎᑦᑎᕙᓐᓂᕐᓄᑦ, ᐊᒻᒪᓗ ᐋᖅᑭᒃᓱᐃᔨᐅᕙᓐᓂᕐᓄᑦ ᓇᐸᔪᓄᑦ ᐃᓕᐅᖅᑲᒐᐅᓯᒪᔪᓂᒃ ᐊᒻᒪᓗ ᓄᓇᐅᑉ ᐃᓗᐊᒍᑦ ᐃᑯᒻᒪᖁᑎᓕᕆᔾᔪᑎᓂᒃ ᓴᕕᒐᐅᔭᖁᑎᐅᔪᓂᒃ ᐊᒻᒪᓗ ᓴᕕᒐᐅᔭᖁᑎᔅᓴᓂᒃ ᐅᐊᔭᒨᖅᑐᖁᑎᓄᑦ. ᐱᔭᒃᓴᖃᖅᑎᐅᓂᕐᒥᓂ ᐱᓕᕆᐊᒃᓴᓂᒃ ᓴᖅᑮᔪᓐᓇᕆᐊᖃᕐᓂᐊᕐᒥᔪᖅ ᖃᐅᔨᓴᐃᓂᕐᒥ ᐊᒻᒪᓗ ᐋᖅᑭᒃᓱᐃᓂᕐᒥ ᓴᓇᕐᕈᑎᒃᓴᓂᒃ, ᓴᓇᕐᕈᑎᓂᒃ, ᐊᒻᒪᓗ ᓄᓇᓯᐅᑎᓂᒃ ᐊᑐᖅᑕᐅᕙᑦᑐᓂᒃ ᐱᓕᕆᓂᖃᕐᓂᐊᕐᓗᓂ ᓴᕕᒐᐅᔭᖁᑎᐅᔪᓂᒃ, ᐊᑦᑕᑕᖅᓯᒪᓕᖅᑎᑦᓯᕙᓐᓂᕐᒥ ᓄᑖᓂᒃ ᐱᔨᑦᓯᕋᕈᑎᐅᔪᓂᒃ ᐊᒻᒪᓗ ᐃᓚᒋᔭᐅᕙᓪᓗᓂ ᖃᓄᑎᒋ ᐊᑐᖅᑕᐅᓯᒪᔪᓄᑦ ᓇᓗᓇᐃᒃᑯᑕᖁᑎᓂᒃ ᐱᓯᒪᓕᕆᐊᖅᐸᓐᓂᕐᓄᑦ.
ᐱᓕᕆᐊᒃᓴᕆᔭᐃᑦ ᐊᒻᒪᓗ ᐱᓕᕆᐊᖃᖅᑎᐅᓂᖏᑦ:
- ᓴᓇᔨᐅᕙᓪᓗᓂ ᐆᒻᒪᖁᑎᓕᕆᔾᔪᑎᔅᓴᓂᒃ ᓴᕕᒐᐅᔭᓂᒃ ᐃᓕᐅᖅᑲᐃᓂᕐᒥ, ᐱᖃᓯᐅᑎᓗᒋᑦ ᓯᕗᓪᓕᕐᒥᒃ ᐊᒻᒪᓗ ᑐᒡᓕᕆᔭᖓᓂᒃ ᐅᐃᒍᒋᐊᖅᑕᐅᔾᔪᑎᓂᒃ, ᐅᐊᔭᐅᑎᓄᑦ ᐊᐅᓚᔪᓐᓇᐅᑎᖏᓂᒃ, ᐊᖅᑯᑎᒥ ᐃᑯᒪᓂᒃ ᐊᒻᒪᓗ ᐊᑐᖅᑕᐅᓯᒪᓂᕐᓄᑦ ᓇᓗᓇᐃᒃᑯᑕᓂᒃ, ᐊᒻᒪᓗ ᐱᓕᕆᐊᖃᖅᑎᐅᕙᓪᓗᓂ ᐋᖅᑭᐅᒪᑎᑦᓯᒋᐊᖅᐸᓐᓂᕐᓄᑦ ᐊᒻᒪᓗ ᕿᒥᕐᕈᔨᐅᕙᓪᓗᓂ ᐱᓕᕆᐊᕆᔭᐅᖁᓪᓗᒋᑦ ᑎᑭᓴᖅᑕᐅᓯᒪᔪᖁᑎᓂᒃ.
- ᐊᔪᓕᖅᓯᒪᔪᓄᑦ ᐋᖅᑮᒋᐊᕈᑎᓕᕆᔾᔪᑎᓂᒃ ᐱᓕᕆᐊᖃᖅᑎᐅᕙᓪᓗᓂ ᓇᓗᓇᐃᖅᓯᒪᓕᕆᐊᕐᓂᐊᕐᓗᓂᒋᑦ ᐊᒻᒪᓗ ᐋᖅᑭᒃᑕᐅᓯᒪᓕᖁᓪᓗᒋᑦ ᓯᕗᓪᓕᕐᒥᒃ ᐊᒻᒪᓗ ᑐᒡᓕᕆᔭᖓᓂᒃ ᐅᐃᒍᒋᐊᕈᑎᐅᔪᓄᑦ ᐊᒻᒪᓗ ᐃᑲᔪᖅᑎᐅᕙᓪᓗᓂ ᖃᐅᔨᒋᐊᖅᐸᓐᓂᕐᓂ ᓱᓇᑦ ᐱᔾᔪᑎᒋᓪᓗᒋᑦ ᐃᑯᒻᒪᖁᑎᑦ ᕿᒥᓯᒪᓕᖅᐸᓐᓂᖏᓐᓄᑦ.
- ᐊᐅᓚᑦᓯᓂᕐᓂ ᐃᖅᑲᓇᐃᔭᖅᑎᐅᔪᓂᒃ ᑐᓴᐅᒪᖃᑦᑕᐅᑎᓂᖅᑎᒍᑦ ᐱᓕᕆᖃᑎᖃᖅᐸᓪᓗᓂ ᐋᖅᑭᐅᒪᑎᑦᓯᓂᕐᒥ ᐊᒻᒪᓗ ᐱᓕᕆᐊᖑᔪᓄᑦ ᐊᒻᒪᓗ ᑐᒃᓯᕋᖅᐸᓪᓗᓂ ᐃᑲᔪᖅᑎᒋᔭᔅᓴᒥᓂᒃ ᐱᓯᒪᓕᕆᐊᖃᕋᔭᕈᓂ.
- ᐋᖅᑭᒃᓱᐃᔨᐅᕙᓪᓗᓂ ᐊᒻᒪᓗ ᒫᓐᓇᒧᑦ ᑎᑭᓯᒪᓕᖅᑎᑦᓯᒋᐊᖅᐸᓪᓗᓂ ᐱᓕᕆᐊᓄᑦ ᑐᕌᖓᓪᓗᑎᒃ ᑎᑎᕋᖅᓯᒪᔪᖁᑎᓂᒃ ᑐᕌᖓᑎᓪᓗᒋᑦ ᐆᒻᒪᖁᑎᓕᕆᔾᔪᑎᓄᑦ ᓴᓇᕐᕈᑎᓂᒃ. ᑖᓐᓇ ᐃᓚᖃᕐᐳᖅ (ᑭᓯᐊᓂᓗ ᑖᓐᓇᑐᐊᖑᖖᒋᑦᑐᓂ) ᖃᐅᔨᓴᐃᔨᐅᕙᓐᓂᕐᒥᒃ, ᐱᓕᕆᐊᒃᓴᐅᓕᖅᓯᒪᔪᓂᒃ ᐱᒋᐊᖅᑎᑦᓯᔨᐅᕙᓐᓂᕐᒧᑦ, ᐋᖅᑭᐅᒪᑎᑦᓯᓂᕐᒧᑦ ᑎᑎᕋᖅᑕᐅᓯᒪᕙᓐᓄᖏᓐᓄᑦ, ᑲᓕᒋᔭᐅᕙᑦᑐᓄᑦ, ᖃᓄᐃᖖᒋᑦᑎᐊᕆᐊᖃᕐᓂᕐᒧᑦ ᑲᑎᒪᓂᐅᕙᑦᑐᓄᑦ ᐊᒻᒪᓗ ᐃᖅᑲᓇᐃᔭᕐᕕᒻᒥ ᐋᓐᓂᖅᑕᐃᓕᒪᔾᔪᑎᓄᑦ ᓇᓗᓇᐃᒃᑯᑕᓂᒃ.
- ᐊᓯᖏᓐᓂᒃ ᓴᓇᔨᒻᒪᕆᐅᔪᓂᒃ ᐱᓕᕆᖃᑎᖃᖅᐸᓪᓗᓂ ᐱᔭᕇᖅᑕᐅᓯᒪᓕᖁᓪᓗᒋᑦ ᑭᖑᕙᖖᒋᓪᓗᑎᒃ ᓇᓗᓇᐃᖅᑕᐅᓯᒪᓪᓗᑎᒃ ᐱᓕᕆᐊᖑᔪᑦ ᐊᒻᒪᓗ ᑮᓇᐅᔭᖅᑐᓗᐊᖅᑕᐃᓕᒪᓗᑎᒃ ᐊᒻᒪ, ᐱᔭᕆᐊᖃᕌᖓᒥ, ᑕᐅᑦᑐᕆᔭᖏᑕ ᐋᖅᑭᐅᒪᓂᖏᓐᓄᑦ ᓇᓗᓇᐃᒃᑯᑕᕆᔭᐅᔪᓂᒃ ᓇᓗᓇᐃᖅᑕᐅᓯᒪᓪᓗᑎᒃ ᓴᓇᔨᓕᕆᔨᒃᑯᑦ ᐃᖅᑲᓇᐃᔭᕐᕕᖓᓂᑦ.
- ᑲᑐᔾᔨᓂᖃᕐᓗᑎᒃ ᐱᓕᕆᖃᑎᒋᔭᓪᓗᒋᑦ ᓴᓇᔨᓕᕆᔨᒃᑯᑦ ᐃᖅᑲᓇᐃᔭᕐᕕᖓᑦ ᕿᒥᕐᕈᓂᕐᒥ ᐊᒻᒪᓗ ᐃᓱᒪᓕᐅᕈᑎᖃᕐᓂᕐᒥ ᐋᖅᑭᒋᐊᕈᑎᔅᓴᓄᑦ ᐱᕙᓪᓕᐊᔪᓕᕆᓂᕐᓂ ᐊᒃᑐᐃᓂᖃᖅᑐᓂᒃ ᐆᒻᒪᖁᑎᓕᕆᓂᕐᒥ ᓴᓇᒐᐅᔭᓂᒃ ᐊᒻᒪᓗ ᓄᓇᓕᐅᔪᒥ ᐆᒻᒪᖁᑎᔅᓴᓂᒃ ᓯᐊᒻᒪᒃᑎᕆᔾᔪᑎᓄᑦ.
- ᐃᖏᕐᕋᔪᓐᓇᖅᐸᒋᐊᖃᕐᓗᓂ ᐊᒻᒪᓗ ᐱᓕᕆᔨᖃᕆᐊᖃᖅᑐᓄᑦ ᐊᑐᐃᓐᓇᐅᔪᓐᓇᖅᐸᒋᐊᖃᕐᓂᐊᕐᑐᖅ ᑖᔅᓱᒥᖓ ᐃᖅᑲᓇᐃᔭᖅᑎᐅᔪᖅ.
ᐊᔪᖖᒋᓐᓂᕆᔭᕆᐊᖃᖅᑕᖏᑦ ᒪᑯᓂᖓ ᐃᓚᖃᖅᐳᑦ:
- ᐳᕌᕕᓐᓯᐅᔪᓂ ᐊᐅᐸᖅᑐᖅ ᓇᓗᓇᐃᒃᑯᑕᒥᒃ ᐱᓯᒪᔭᕆᐊᖃᕐᑐᖅ ᐆᒻᒪᖁᑎᓕᕆᔾᔪᑎᓂᒃ ᓴᕕᒐᐅᔭᓕᕆᔨᒻᒪᕆᒃ.
- ᐅᑭᐅᓐᓄᑦ ᒪᕐᕉᓐᓄᑦ ᓯᒪᑦᑐᖅᓴᕐᕕᒻᒥ ᐃᓕᓐᓂᐊᕌᓂᒃᓯᒪᐅᑎᖃᕐᓗᓂ ᐱᓕᕆᔨᐅᓯᒪᓗᓂ ᓯᐊᒻᒪᒃᑎᕆᔨᐅᕙᓐᓂᕐᒧᑦ ᐆᒻᒪᖁᑎᔅᓴᓂᒃ, ᐃᓚᖃᖅᑎᓪᓗᒋᑦ ᐱᔨᑦᓯᕋᕈᑎᓂᒃ ᐱᓕᕆᔨᐅᓂᕐᒧᑦ ᐊᒻᒪᓗ ᐋᖅᑮᒋᐊᕈᑎᔅᓴᓕᕆᔨᐅᓂᕐᒧᑦ ᓯᐊᒻᒪᒃᑎᕆᔾᔪᑎᓂᒃ.
- ᓇᓗᓇᐃᒃᑯᑕᖅ 3-ᒥᒃ ᓄᓇᓯᐅᑎᓂᒃ ᐊᖁᔨᐅᔪᓐᓇᕐᓂᕐᒧᑦ ᓚᐃᓴᖃᕆᐊᖃᕐᑐᖅ ᐳᓪᓚᓕᓐᓄᑦ ᓄᖅᑲᖅᑕᐅᑎᓕᓐᓂᒃ, ᐊᒻᒪᓗ ᐱᓯᒪᔪᓐᓇᕐᓗᓂ ᓄᓇᓯᐅᑎᓄᑦ ᓇᓪᓕᐅᒃᑯᒫᓂᒃ ᐱᓯᒪᔭᕆᐊᖃᖅᑎᑕᐅᓂᕐᓄᑦ QEC-ᑯᓐᓄᑦ.
ᐱᓯᒪᒋᐊᓕᖏᑦ:
- ᖃᐅᔨᒪᓂᖃᕆᐊᓕᒃ ᓄᓇᕗᒻᒥ, ᓄᓇᖓᓂ, ᐅᖃᐅᓯᖓᓂ ᐊᒻᒪ ᐃᓕᖅᑯᓯᖓᓂ.
- ᐃᓄᒃᑎᑑᕈᓐᓇᕐᓗᓂ, ᐃᓄᐃᓐᓇᖅᑑᕈᓐᓇᕐᓗᓂ ᐊᒻᒪᓗ/ᐅᕝᕙᓘᓐᓃᑦ ᒍᐃᒍᐃᑎᑑᕈᓐᓇᕐᓗᓂ.
ᑐᑭᓯᐅᒪᓂᖃᕐᓗᓂ ᐊᔾᔨᕐᓚᒋᔭᐅᔪᓂᒃ ᑲᑎᓐᓂᖃᖅᑎᓪᓗᒋᑦ ᑐᕌᖓᔪᓄᑦ ᐃᓕᓐᓂᐊᕐᓂᓕᕆᓂᕐᒧᑦ ᐊᒻᒪᓗ ᐱᓕᕆᓂᖃᖅᓯᒪᓂᖓᓄᑦ ᐃᓱᒪᒃᓴᖅᓯᐅᕈᑎᐅᔪᓐᓇᕐᒥᔪᑦ.
ᐊᑐᐃᓐᓇᐅᑎᑦᑎᕗᒍᑦ ᑮᓇᐅᔭᓕᐅᕐᓂᖏᑦ ᐱᒋᐊᕐᕕᖃᕈᓐᓇᕐᓂᖏᑕ $97,531-ᓂᑦ $113,921-ᓄᑦ ᐅᑭᐅᑕᒫᑦ, ᐅᑭᐅᖅᑕᖅᑐᒥ ᐃᖅᑲᓇᐃᔮᖃᕐᓂᕐᒧᑦ ᐃᑲᔫᓯᐊᖅᑖᖑᕙᑦᑐᓂᒃ $18,517-ᓂᒃ ᐅᑭᐅᑕᒫᑦ, ᐃᖅᑲᓇᐃᔭᕐᓇᖅ ᐃᓱᓕᓯᒪᑎᓪᓗᒍ ᐱᓕᕆᓯᒪᓂᕐᒧᑦ ᑮᓇᐅᔭᓕᐅᕈᑎᖃᕈᓐᓇᕐᓂᕐᓂᒃ, ᐊᒥᓱᐃᓕᖓᓪᓗᑎᒃ ᐃᑲᔫᓯᐊᖅᑖᖑᕙᑦᑐᓂᒃ ᐃᓚᖃᖅᑎᓪᓗᒋᑦ ᓇᓗᓇᐃᔭᖅᑕᐅᓯᒪᓪᓗᑎᒃ ᐃᑲᔫᓯᐊᖅᑖᖑᔪᓐᓇᖅᑐᓂᒃ ᐃᖅᑲᓇᐃᔭᕈᖕᓃᖅᓯᒪᔪᓄᑦ ᐱᓕᕆᐊᒥᒃ ᐊᒻᒪᓗ ᑮᓇᐅᔭᑎᒍᑦ ᐃᑲᔪᖅᑕᐅᓯᒪᓪᓗᑎᒃ ᐃᖅᑲᓇᐃᔭᖅᑎᓄᑦ ᐃᒡᓗᖁᑎᖃᖅᑎᑦᓯᕙᓐᓂᕐᓂᒃ. ᑖᓐᓇ ᐃᖅᑲᓇᐃᔮᖅᑖᖑᔪᓐᓇᕐᑐᖅ ᐃᓚᒋᔭᐅᖃᑕᐅᕗᖅ ᓄᓇᕗᑦ ᐃᖅᑲᓇᐃᔭᖅᑎᐅᔪᑦ ᔫᓂᐊᓐᒋᔭᖏᓐᓄᑦ.
ᓄᓇᕗᒻᒥ ᐃᓄᐃᑦ ᐃᖅᑲᓇᐃᔮᖅᑖᕈᒪᔪᑦ ᓯᕗᓪᓕᖅᐸᐅᑎᑕᐅᓂᐊᖅᐳᑦ.
ᑖᔅᓱᒥᖓ ᐃᖅᑲᓇᐃᔮᖅᑖᕈᒪᔪᑦ ᑐᒃᓯᕋᐅᑎᒥᓐᓂᒃ ᐊᐅᓪᓚᖅᑎᑦᓯᔪᓐᓇᖅᐳᑦ ᖃᕆᑕᐅᔭᑎᒍᑦ ᑐᕌᕈᑎᖓᓐᓄᑦ ᐅᕙᓂ careers@qec.nu.ca ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑎᒍᑦ ᐊᐅᓪᓚᖅᑎᑦᓯᓗᑎᒃ: ᐃᖅᑲᓇᐃᔭᖅᑐᓕᕆᔨᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖓᑦ, ᑎᑎᖅᑲᓂᐊᕐᕕᓐᓂ ᐴᖓ 420, ᖃᒪᓂᑦᑐᐊᖅ, ᓄᓇᕗᒻᒥ X0C 0A0
ᑎᑎᖅᑲᑎᒍᑦ ᑐᒃᓯᕋᐅᑎᒋᔭᐅᒋᐊᓖᑦ ᓯᕗᕐᖓᓂ ᔮᓄᐊᕆ 3, 2020.
ᑐᒃᓯᕋᐅᑎᐅᓯᒪᔪᑦ ᑖᔅᓱᒧᖓ ᐃᖅᑲᓇᐃᔮᖅᑖᖑᔪᓐᓇᖅᑐᒧᑦ ᐃᓱᒪᒃᓴᖅᓯᐅᕈᑎᐅᑐᐃᓐᓇᕆᐊᓖᑦ ᓯᕗᓂᑦᑎᓐᓂ ᐃᖅᑲᓇᐃᔭᓕᕐᕕᐅᔪᓐᓇᕐᓂᐊᖅᑐᓄᑦ ᖁᓪᓕᖅ ᐆᒻᒪᖁᑎᒃᓴᓕᕆᔨᑦ ᑎᒥᖁᑎᖓᓂ (QEC).
ᑕᒪᐃᓐᓂᒃ ᑐᒃᓯᕋᐅᑎᖃᖅᓯᒪᔪᓂᒃ ᐃᖅᑲᓇᐃᔮᖅᑖᕈᒪᓪᓗᑎᒃ ᖁᔭᓐᓇᒦᖅᑐᒍᑦ, ᑭᓯᐊᓂᓗ, ᑕᐃᒃᑯᐊ ᑭᓯᒥᒃ ᓂᕈᐊᖅᑕᐅᓯᒪᔪᑦ ᐃᓱᒪᒃᓴᖅᓯᐅᕈᑎᐅᓂᐊᕐᑐᓂᑦ ᑐᓴᖅᑎᑕᐅᓯᒪᓕᕐᓂᐊᖅᑐᑦ.