ᓄᒃᑯᔅᓴᓚᐅᕈᒃ ᐃᖅᑲᓇᐃᔮᑦ ᐅᑭᐅᖅᑕᖅᑐᒥ!
ᑲᓇᑕᐅᑉ ᐅᑭᐅᖅᑕᖅᑐᖓᓐᓂ ᐱᓇᓱᐊᕈᓘᔭᓚᐅᕆᑦ ᖁᕕᐊᓇᖅᑐᐊᓗᒃ! ᐃᓚᒋᔭᐅᓚᐅᕆᑦ ᐱᓕᕆᔪᒪᑦᑎᐊᖅᑐᓂᑦ ᑕᐃᒪᑦᑐᓂᑦ ᐊᑦᑕᓇᓐᖏᑦᑐᖅ, ᑕᑎᒋᔭᔅᓴᐅᓪᓗᓂ ᐊᑭᑐᓗᐊᕋᑎᓪᓗ ᐆᒻᒪᖅᑯᑎᓕᕆᓂᖅ ᓄᓇᕗᒻᒥ.
ᓄᓇᕗᒻᒥ ᐃᖅᑲᓇᐃᔭᕐᓂᖅ
ᓄᓇᕗᒻᒥᑦ ᑲᓇᑕᒥ ᓄᑖᖑᓂᖅᐸᖑᔪᖅ ᐊᖏᔪᖅᐹᖑᓪᓗᓂᓗ ᓱᒃᑲᓕᓂᖅᐹᒥᓪᓗ ᐱᕈᖅᐸᓪᓕᐊᖏᓐᓇᖅᑐᓂᑦ ᑲᓇᑕᒥ. ᓄᓇᐃᑦ ᐊᔾᔨᐅᓐᖏᑦᑐᑦ ᐱᕕᖃᑦᑎᐊᖅᑐᑦ ᖃᓄᐃᑦᑐᕈᓘᔮᓗᓐᓄᑦ, ᐃᖅᑲᓇᐃᔮᕐᓂᑐᐃᓐᓇᐅᓐᖏᑦᑐᖅ, ᑭᓯᐊᓂᓕ ᓄᖅᑲᖓᑲᐃᓐᓇᑎᓪᓗᒋᑦ. ᖁᒧᔅᓯᒃᑰᕈᒪᓚᐅᖅᓯᒪᑦ, ᓯᑭᑑᕐᓗᑎᓪᓗᓐᓂᑦ, ᖃᔭᖅᑐᕐᓗᑎᓪᓗᓐᓂᑦ, ᑕᓯᕐᒥᓪᓘᓐᓃᑦ ᐊᐅᓚᓴᕐᓗᑎᑦ, ᐅᕝᕙᓘᓐᓃᑦ ᐱᖅᑯᓯᖏᓐᓂ ᐊᔾᔨᐅᖏᑦᑐᓂᑦ ᑕᑯᔪᒪᕕᑦ ᓴᓇᐅᒐᕐᓂᑦ ᐊᒻᒪᓗ ᓂᔾᔭᐅᓯᔭᖅᑐᓂᑦ. ᐊᓱᐃᓪᓛᓪᓕ ᓄᓇᕗᒻᒥᐅᑕᐅᒋᐊᖃᓕᖅᑯᑎᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐅᑉᐱᕆᔭᐅᑦᑎᐊᖅᑐᑦ ᐊᑦᑕᓇᓐᖏᓐᓂᖏᓐᓂ, ᑕᑎᒋᔭᔅᓴᐅᓪᓗᑎᑦ ᑭᒃᑯᓕᒫᓄᑦ ᓄᓇᕗᒻᒥ. ᓇᒻᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᖏᓐᓄ ᐊᐅᓚᑕᐅᓪᓗᓂᓗ ᑎᒥᐅᔪᒧᑦ. ᖁᓪᓕᒃᑯᑦ ᐆᒻᒪᖅᑯᑎᓕᕆᔨᓪᓗᐊᑕᐃᑦ ᐅᖅᑰᓴᖅᑎᑦᑎᕙᑦᑐᑎᓪᓗ ᓄᓇᕗᒻᒥ. ᐊᓯᖏᓪᓕ ᑲᓇᑕᒥ ᐆᒻᒪᖅᑯᑎᓕᕆᔩᑦ ᐊᔾᔨᒋᓐᖏᒻᒪᒋᑦ, ᖁᓪᓕᒃᑯᑦ ᐊᔾᔨᐅᖏᑦᑐᓂᑦᑕᐅ ᐊᔅᓱᕉᑎᖃᖃᑦᑕᕐᒥᔪᑦ ᐊᐅᓚᑦᑎᔪᑦ 25−ᓂ ᓄᓇᓕᓐᓂ ᐅᖅᓱᐊᓗᖅᑐᖅᑐᓂ ᐆᒻᒪᖅᑯᑎᓕᕆᓂᕐᒥᑦ ᐊᒻᒪᓗ ᐊᑐᓂ ᓄᓇᓕᓐᓂ ᓄᓇᕗᒻᒥ ᑕᐃᒪᐃᑦᑑᓪᓗᑎᑦ ᐊᐅᓚᐅᓯᕆᕕᖃᖅᑐᑎᑦ.
QEC-20-005 ᑮᓇᐅᔭᕆᓕᓂᕐᒧᑦ ᐃᑲᔪᖅᑎ
ᖃᒪᓂᑦᑐᐊᕐᒦᑦᑐᖅ, ᓄᓇᕗᒻᒥ ᐊᖏᔪᖅᑳᖃᖅᑐᓂᓗ ᐊᖏᔪᖅᑳᕆᔭᐅᔪᓄᑦ ᑮᓇᐅᔭᓕᕆᓂᕐᒧᑦ, ᐊᒻᒪᓗ ᑮᓇᐅᔭᓕᕆᔨᐅᑉ ᐃᑲᔪᖅᑎᖓ ᑲᒪᖃᑦᑕᖅᑐᑦ ᖃᐅᑕᒫᑦ ᑳᓯᓂᑦ ᓄᐊᑦᑎᖃᑦᑕᕐᓗᓂ, ᑕᖅᑭᑕᒫᓪᓗ ᑮᓇᐅᔭᒃᑯᕕᓐᓂ ᐸᐃᑉᐹᓂ ᓄᐊᑦᑎᖃᑦᑕᕐᓗᓂ, ᑕᒪᒃᑯᐊᓗ ᐊᑭᓕᖅᑕᐅᒋᐊᓖᑦ ᓄᐊᓪᓗᒋᑦ ᑐᖅᑯᖅᑎᐊᖃᑦᑕᕐᓗᒋᓪᓗ ᐸᐃᑉᐹᑦ ᒪᓕᒋᐊᖃᕐᒥᔪᖅ ᐊᖏᖅᑕᐅᓯᒪᔪᓂᑦ ᑮᓇᐅᔭᓕᕆᔾᔪᓯᕐᒥᑦ ᒪᓕᒐᕐᓂᑦ (GAAP) ᖃᐅᔨᓴᖅᑎ ᐱᓕᕆᐊᓂᑦ ᐊᒻᒪᓗ ᐊᔾᔨᐅᖏᑦᑐᓂᑦ ᑮᓇᐅᔭᓕᕆᓂᕐᒧᑦ ᑲᒪᖃᑦᑕᕐᓗᓂ. ᑖᓐᓇ ᑲᒪᖃᑦᑕᕐᒥᔪᖅ ᑮᓇᐅᔭᓕᕆᓂᕐᒥᑦ ᐸᐃᑉᐹᓕᕆᓂᕐᒥᓪᓗ ᐊᖏᔪᖅᑲᕐᒧᑦ, ᐃᖅᑲᓇᐃᔭᐃᓐᓇᖅᑐᒥᑦ ᐊᒻᒪᓗ ᐱᓕᕆᐊᓄᑦ ᑮᓇᐅᔭᓕᕆᓂᕐᒥᑦ.
ᐱᓕᕆᐊᖏᑦ ᑲᒪᒋᔭᕆᐊᓕᖏᓪᓗ:
- ᖃᐅᔨᒋᐊᖃᑦᑕᕐᓗᓂᓗ ᑮᓇᐅᔭᒃᑯᕕᒻᒦᓐᖔᖅᓯᒪᔪᑦ ᐸᐃᑉᐹᑦ ᐅᓂᒃᑳᓕᐊᖑᓯᒪᔪᓄᑦ ᑖᒃᑯᓂᖓ (Great Plains (GP)) ᓄᐊᑕᐅᓯᓗᑎᑦ.
- ᓇᕿᑦᑕᖃᑦᑕᕐᓗᓂ ᖃᕋᐅᓴᔭᕐᒧᑦ ᑲᑎᖅᓱᕐᓗᒋᓪᓗ ᑮᓇᐅᔭᓕᕆᔨᔾᔪᓰᑦ.
- ᑮᓇᐅᔭᒃᑯᕕᒻᒨᖅᓯᒋᐊᖅᑐᖃᑦᑕᕐᓗᓂ, ᑮᓇᐅᔭᒃᕕᓐᓂ ᐊᑭᓕᕆᐊᓖᓪᓗ ᐊᓕᖃᑦᑕᕐᓗᓂᒋᑦ, ᓯᒃᑯᓕᐅᖃᑦᑕᕐᓗᓂ, ᐊᑐᖅᑐᐊᓂᕐᒧᑦ ᐊᑭᓕᐅᑎᓂᑦ ᐊᑭᓖᖃᑦᑕᕐᓗᓂ ᐊᓯᖏᓐᓂᓪᓗ ᑲᓰᑦ ᑕᐃᒪᐃᓪᓗᐊᕋᓗᐊᕐᒪᖔᑕ ᖃᐅᔨᓴᖃᑦᑕᕐᓗᓂᒋᑦ ᓇᕿᑦᑕᖅᓯᒪᔪᓂᑦ.
- ᑕᖅᑭᑕᒫᑦ ᑮᓇᐅᔾᔭᔅᓵᑦ ᓇᕿᑦᑕᕐᓗᒋᑦ, ᐊᑐᖅᑐᐊᖅᑕᐅᓯᒪᔪᑦ ᐊᑭᓕᕐᓗᒋᑦ, ᕿᑐᕐᖏᐅᕈᑏᑦ ᐊᑭᓕᕐᓗᒋᑦ, ᑮᓇᐅᔭᒃᑯᕕᓐᓂ ᐊᑭᓕᖃᑦᑕᕐᓗᒋᑦ ᑖᒃᓰᔭᕆᐊᓕᓐᓄᓪᓗ ᐊᑭᓕᖅᓱᐃᖃᑦᑕᕐᓗᓂ.
- ᓯᕗᓂᖓᓐᓂ ᑕᖅᑭᐅᑉ ᓄᓐᖑᐊᓂ ᑲᑎᓯᒪᔪᑦ ᐋᖅᑭᒋᐊᖃᑦᑕᕐᓗᓂᒋᑦ ᐊᑭᓕᕆᐊᓕᑦ.
- ᐃᑲᔪᖃᑦᑕᕐᓗᓂ ᒥᔅᓴᐅᓴᑦᑕᐅᓯᒪᔪᑦ ᑮᓇᐅᔭᖅᑐᕈᑏᑦ ᖃᐅᔨᒋᐊᕐᓗᓂ ᑕᐃᒃᓄᖓ ᐊᑭᓖᒋᐊᓕᓐᓄᑦ, ᓇᓕᖅᑲᓂᑦ ᓄᐊᑦᑎᖃᑦᑕᕐᓗᓂ ᐃᑲᔪᖃᑦᑕᕐᓗᓂᓗ ᑕᒪᒃᑯᓂᖓ ᐊᑭᓕᖅᑕᐅᒋᐊᓕᓐᓂᑦ, ᓇᓕᖅᑲᓂᓪᓗ ᑲᒪᖃᑦᑕᕐᓗᓂ ᖃᐅᔨᓴᖅᑕᐅᒋᐊᓕᓐᓂᓪᓗ ᐊᐱᖅᓱᖃᑦᑕᕐᓗᓂ, ᐊᐅᓚᑦᑎᓂᕐᒧᓪᓗ ᐊᐱᕆᖃᑦᑕᕐᓗᓂ ᐱᓕᕆᐊᑦ ᐱᔾᔪᑎᒋᓪᓗᒋᑦ.
ᐱᔪᓐᓇᕐᓂᕆᔭᕆᐊᖃᖅᑕᖏᑦ ᐅᑯᐊᖑᓪᓗᑎᑦ:
- ᐃᓕᓐᓂᐊᕕᔾᔪᐊᕐᒥ ᐸᐃᑉᐹᖃᕐᓗᓂ
- ᒪᕐᕉᓐᓂᒃ ᐊᕐᕌᒎᓐᓂᒃ ᐊᓪᓚᑦᑎᐅᖃᑦᑕᖅᓯᒪᓗᓂ.
- ᐱᔪᓐᓇᕐᓂᒥᓂ ᓴᖅᑭᔮᖅᑎᑦᑎᓗᓂ ᑲᒪᒍᓐᓇᑦᑎᐊᕐᓗᓂᓗ ᐃᖅᑲᓇᐃᔭᖃᑎᖃᕈᓐᓇᕐᓗᓂ ᐃᖅᑲᓇᐃᔭᖅᑎᓂᑦ ᐊᒻᒪᓗ ᖃᓄᐃᑦᑐᑐᐃᓐᓇᕐᓂᑦ ᑲᑐᔾᔨᖃᑎᒌᓐᓂᒃ, ᓯᓚᑖᓂᑦᑐᓂᓪᓗ, ᐃᓄᓕᒫᓂᑦ ᐊᒻᒪᓗ ᐱᓕᕆᔨᓂᑦ ᐃᖅᑲᓇᐃᔭᖃᑎᖏᓐᓂ ᐊᖏᔪᖅᑳᓂᓪᓗ.
ᖃᐅᓕᒪᒋᐊᓕᖏᑦ:
- ᐃᓕᓐᓂᐊᑲᓐᓂᖅᓯᒪᓗᓂ ᐊᓪᓚᕕᓕᕆᓂᕐᒥᑦ ᓇᒻᒥᓂᖃᕐᓂᒥᓪᓘᓐᓃᑦ ᖃᐅᔨᒪᔭᕆᐊᓕᒃ.
- ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓐᓂ, ᐅᖃᐅᓯᖏᓐᓂ ᐱᖅᑯᓯᖏᓐᓂᓪᓗ.
- ᐃᓄᑦᑎᑑᕈᓐᓇᕐᓗᓂ, ᐃᓄᐃᓐᓇᖅᑐᑦ ᐊᒻᒪᓘᓐᓃᑦ ᐅᐃᕕᑎᑐᑦ.
ᐊᔾᔨᐸᓗᖓᓐᓂ ᐃᓱᒪᒋᔭᐅᒐᔭᖅᑐᑦ ᐃᓕᓐᓂᐊᖅᓯᒪᔭᖏᓐᓂ ᐃᖅᑲᓇᐃᔮᕆᓯᒪᔭᖏᓐᓂᓪᓗ.
ᑮᓇᐅᔾᔭᔅᓴᔪᑦ $62,380−ᒥᑦ $69,771−ᒧᑦ, ᐅᑭᐅᖅᑕᖅᑐᒦᒍᓯᐊᖏᓪᓗ $24,381 ᐊᕐᕌᒍᑕᒫᑦ, ᐃᖅᑲᓇᐃᔭᕐᓇᐅᖏᑦᑐᒥᓪᓗ ᐃᖅᑲᓇᐃᔭᕈᓐᓇᖅᑐᑎᑦ, ᐃᑲᔫᓯᐊᔅᓴᖅᑖᖅᐸᑦᑐᑎᓪᓗ ᐱᖃᓯᐅᑎᓪᓗᒋᓪᓗ ᐃᓐᓇᑐᖃᐅᓯᐊᕈᑎᔅᓴᓂᑦ. ᑖᓐᓇᓗ ᐃᖅᑲᓇᐃᔮᖅ ᐱᖃᓯᐅᔾᔭᐅᔪᖅ ᓄᓇᕗᑦ ᐃᖅᑲᓇᐃᔭᖅᑎᓄᑦ ᑲᑐᔾᔨᔨᖏᓐᓄᑦ.
ᑖᓐᓇ ᓄᓇᕗᑦ ᐃᓄᓐᓅᖓᔪᖅ ᑭᓯᐊᓂ.
ᐃᖅᑲᓇᐃᔮᖅᑖᕋᓱᐊᕈᒪᒍᕕᑦ ᖃᕋᓴᐅᔭᒃᑯᑦ ᑐᔪᐃᔪᓐᓇᖅᑐᑎᑦ ᐅᕗᖓ careers@qec.nu.ca ᑎᑎᖅᑲᓂᕐᕕᒃᑯᓪᓘᓐᓃᑦ ᐅᕗᖓ: Human Resources, Qulliq Energy Corporation, P.O. Box 420, Baker Lake, NU X0C 0A0
ᑎᑎᕋᕐᓗᑎᑦ ᐱᓇᓱᐊᕈᓐᓇᖅᑐᑎ, ᑎᑭᓚᐅᓐᖏᓐᓂᖓᓐᓂ ᒫᔾᔨ 13, 2020
ᐱᓇᓲᑏᑦ ᐃᓱᒪᒋᔭᐅᒐᔭᕐᒥᔪᖅ ᓯᕗᓂᑦᑎᓐᓂ ᐃᖅᑲᓇᐃᔮᔅᓴᐅᒐᔭᖅᑐᓄᑦ ᖁᓪᓕᑯᓐᓄᑦ.
ᖁᔭᓐᓇᒦᒃ ᐱᓇᓱᐊᕋᕕᑦ: ᑭᓯᐊᓂᓕ, ᑕᐃᒃᑯᐊ ᓂᕈᐊᖅᑕᑦ ᑭᓯᐊᓂ ᐊᐱᖅᓱᖅᑕᐅᓂᐊᖅᑐᓂᑦ ᖃᐅᔨᒃᑲᖅᑕᐅᒐᔭᖅᑐᑦ.