ᐃᖅᑲᓇᐃᔮᕆᔭᐃ ᐆᒻᒪᒃᓴᕈᒃ ᐅᑭᐅᖅᑕᖅᑐᒥ!
ᖁᕕᐊᓇᒻᒪᕆᑦᑐᖅ ᐱᓕᕆᐊᕆᔪᓐᓇᖅᑕᐃ ᓇᓂᒋᐊᕈᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐱᓕᕆᔨᐅᖃᑎᑦᑎᓐᓄᑦ ᐃᓚᓕᐅᑎᒋᑦ ᐱᓕᕆᔪᒪᔪᒻᒪᕆᖕᓂᒃ ᐊᒻᒪ ᐱᓕᕆᓂᑰᔪᒻᒪᕆᖕᓂᒃ ᓴᓇᔪᓕᕆᔨᕐᔪᐊᓂᒃ ᐊᑐᐃᓐᓇᐅᑎᑦᑎᑎᓪᓗᑕ ᐊᑦᑕᕐᓇᙱᑦᑐᒥ, ᐊᑐᑦᑎᐊᖅᑐᒥ, ᐊᒻᒪ ᐊᑭᑭᔾᔫᒥᔪᒥ ᐆᒻᒪᖅᑯᑎᓂ ᓄᓇᕘᓕᒫᒥ.
ᓄᓇᕗᒻᒥ ᐃᖅᑲᓇᐃᔭᕐᓂᖅ
ᓄᓇᕗᑦ ᑲᓇᑕᒥ ᓄᑖᖑᓂᖅᐹᖑᔪᖅ ᐊᒻᒪ ᐊᖏᓂᖅᐹᖑᓪᓗᓂ ᐊᕕᒃᑐᖅᓯᒪᔪᓂ ᐊᒻᒪ ᓱᒃᑲᓂᖅᐹᒥᑦ ᑮᓇᐅᔾᔭᓂᕐᒧᑦ ᐱᕈᖅᐸᓪᓕᐊᔪᖅ ᑲᓇᑕᒥ. ᑲᔾᔮᕐᓇᖅᑐᒻᒪᕆᐊᓗᖕᓂ ᑕᑯᔪᒥᓇᖅᑐᖃᖅᖢᓂ ᐊᒻᒪ ᓯᓚᒥ ᖃᓄᐃᓕᐅᑦᑎᐊᕐᓇᖅᖢᓂ, ᐃᖅᑲᓇᐃᔮᑐᐊᕐᓂ ᖁᕕᐊᒋᔭᖃᔾᔮᙱᓪᓚᑎ, ᑭᓯᐊᓂ ᐃᓱᒪᖅᓱᕐᓇᑎᓪᓗᒍᓗ. ᐃᓱᒪᒋᔭᖃᖅᓯᒪᒍᕕᑦ ᕿᒧᒃᓯᓂᕐᒥᑦ, ᖃᒧᑕᐅᔭᕐᓂᕐᒥᑦ, ᖃᔭᖅᑐᕐᓂᕐᒥᑦ, ᐃᖃᓪᓕᐊᓂᕐᒥᑦ, ᐅᕝᕙᓘᓐᓃᑦ ᖃᐅᔨᓇᓱᓐᓂᕐᒥᑦ ᐃᓕᖅᑯᓯᑦᑎᐊᕙᖕᒥᑦ ᓴᓇᐅᒐᖃᑦᑎᐊᖅᑐᒥ ᐊᒻᒪ ᓂᔾᔭᐅᓯᔭᖅᑐᓂ, ᓄᓇᕗᑦ ᐃᓕᓐᓅᖓᕗᖅ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ (QEC) ᐱᓕᕆᐊᖃᓲᑦ ᐊᑦᑕᕐᓇᙱᑦᑐᒥ, ᐊᑐᑦᑎᐊᖅᑐᒥ ᐆᒻᒪᖅᑯᑎᓂ ᐱᔨᑦᑎᕋᖅᑕᐅᔪᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓄ ᐊᒻᒪ ᐊᐅᓚᑕᐅᓪᓗᓂ ᐊᕕᒃᑐᖅᓯᒪᔪᓂ ᑎᒥᖁᑎᒋᔭᐅᓪᓗᓂ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᐱᔨᑦᑎᕋᖅᑎᓪᓗᐊᑕᐅᔪᑦ ᐆᒻᒪᖅᑯᑎᓂ ᐊᒻᒪ ᐊᑐᓕᖅᑕᖅᑐᓂ ᐅᖅᑰᓴᐃᓂᕐᒧᑦ ᓄᓇᕗᒻᒥ. ᑕᑯᖃᓯᐅᑎᓗᒋᑦ ᐊᓯᖏᑦ ᐆᒻᒪᖅᑯᑎᓕᕆᔨᐅᔪᑦ ᑲᓇᑕᒥ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᐊᔾᔨᐅᙱᑦᑐᓂ ᐊᒃᓱᕈᕐᓂᖃᓲᑦ ᐊᐅᓚᓂᖃᖅᑎᓪᓗᒋᑦ 25-ᓂᒃ ᐃᓛᒃᑰᖓᔪᓂᒃ ᐅᖅᓱᐊᓗᖕᒨᑦᑐᓂ ᐆᒻᒪᖅᑯᑎᖃᕐᕕᖕᓂᒃ ᐊᒻᒪ ᓯᐊᒻᒪᒃᑎᑦᑎᓲᓂᒃ ᐊᑐᓂ ᓄᓇᕘᑉ ᓄᓇᓕᓕᒫᖏᓐᓂᒃ.
QEC-20-010 ᓄᓇᓯᐅᑎᕐᔪᐊᓄᑦ ᓴᓇᔨ
ᐃᖃᓗᑦᑑᑦᑎᐊᖅ, ᓄᓇᕗᒻᒥᑦ ᐊᒻᒪᓗ ᐅᓂᒃᑳᒐᔅᓴᓕᐅᕐᓂᖅ ᑲᔪᓯᑎᑦᑎᓂᕐᒧᑦ ᐊᐅᓚᑦᑎᔨ, ᓄᓇᓯᐅᑎᕐᔪᐊᓄᑦ ᓴᓇᔨ ᑲᒪᓂᐊᖅᑐᖅ ᐊᐅᓚᑦᑎᐊᖅᑎᑦᑎᓂᕐᒧᑦ, ᑲᔪᓯᑎᑦᑎᓂᕐᒧᑦ ᐊᒻᒪᓗ ᖃᐅᔨᓴᑦᑎᐊᓂᕐᒧᑦ ᑎᒥᖁᑕᐅᔪᑦ ᐅᖅᓱᐊᓗᖏᑦ ᐊᐅᓚᔾᔪᑎᖏᓐᓄᑦ ᐊᒻᒪᓗ ᐃᓚᒋᔭᐅᔪᑦ ᐃᑲᔫᓯᐊᑦ ᓴᓇᕐᕈᑎᑦ ᐃᓚᒋᓗᒋᑦ ᐊᐅᓚᐅᑎᑦ, ᐳᓪᓚᔅᓴᐃᑦ, ᒥᑭᓪᓕᕆᐊᕈᑎᑦ, ᓱᓪᓗᓕᕆᓂᖅ ᐆᓇᖅᑐᓂᒃ, ᐆᓇᖅᑐᓂᒃ ᐊᓯᙳᖅᑎᑦᑎᓂᖅ, ᐅᖅᓱᐊᓗᑉ ᖁᐊᔭᕐᓇᕈᑎᖏᑕ ᐋᖅᑭᒃᓯᒪᔪᓂᒃ, ᐆᖅᓱᐊᓗᑉ ᐋᖅᑭᒃᓯᒪᓂᖏᓐᓂᑦ, ᓂᓪᓕᓇᖅᑑᓯᓕᕆᓂᕐᒧᑦ ᐋᖅᑭᒃᓯᒪᔪᓂᒃ, ᐊᒻᒪᓗ ᐊᓯᖏ ᐃᓚᒋᔭᖏᑦ ᐱᓕᕆᕝᕕᒻᒥ. ᐃᖅᑲᓇᐃᔮᔅᓴᖅ ᐃᖅᑲᓇᐃᔭᖃᑎᖃᖅᑐᖅ ᐅᖃᖃᑎᖃᖅᑐᓂ ᐊᓯᖏᓐᓄᑦ ᖃᐅᔨᒪᔨᓄᑦ ᐃᖅᑲᓇᐃᔭᖅᑎᓂᒃ ᐊᒻᒪᓗ ᐃᖏᕐᕋᖃᑦᑕᕐᓗᓂ ᓄᓇᐅᑉ ᐊᓯᐊᓄᑦ ᐅᖓᓯᑦᑐᒧᑦ ᓄᓇᓕᒋᔭᒥ ᓇᓗᓇᐃᔭᑦᑎᐊᕐᓗᓂ ᐊᐅᓚᑕᐅᔪᓂᒃ ᐊᐅᓚᔾᔪᑎᓄᑦ ᐋᖅᑭᒃᓯᒪᔪᓄᑦ.
ᐱᔭᒃᓴᕆᔭᐅᔪᑦ ᐊᒻᒪ ᑲᒪᒋᔭᐅᔭᕆᐊᓖᑦ:
- ᐊᐅᓚᑦᑎᐊᖅᑎᑦᑎᓂᕐᒧᑦ, ᑲᔪᓯᑎᑦᑎᓂᕐᒧᑦ ᐊᒻᒪᓗ ᖃᐅᔨᓴᑦᑎᐊᕐᓗᓂ ᐅᖅᓱᐊᓗᓐᓄᑦ ᐊᐅᓚᔾᔪᑎᖏᓐᓄᑦ ᐊᔾᔨᒌᙱᑦᑐᓂᒃ ᐃᓚᒋᓗᒋᑦ ᐃᓚᒋᔭᓗᒃᑖᖏᑦ ᓴᓇᕐᕈᑎᑦ ᐊᒻᒪᓗ ᐃᓚᒋᔭᖏᑦ ᐱᓕᕆᕝᕕᒻᒥ.
- ᐃᖏᕐᕋᖃᑦᑕᕐᓗᓂ ᓄᓇᐅᑉ ᐊᓯᐊᓄᑦ ᐅᖓᓯᑦᑐᒧᑦ ᓄᓇᓕᒋᔭᒥ ᖃᐅᔨᓴᖃᑦᑕᕐᓂᐊᕐᓗᓂ, ᑲᒪᓗᓂ ᐊᑲᐅᙱᓕᐅᕈᑕᐅᔪᔅᓴᓂᒃ ᑲᔪᓯᑎᑦᑎᓂᕐᒧᑦ, ᐃᓕᓯᓗᓂ ᓴᓇᕐᕈᑎᓂᒃ, ᐊᒻᒪᓗ ᑲᒪᓗᓂ ᐋᖅᑭᒃᓱᐃᓂᕐᒧᑦ ᐅᐊᔭᒨᖅᑐᓂᒃ ᐊᐅᓚᔾᔪᑎᓂᒃ.
- ᐅᖃᖃᑎᖃᖃᑦᑕᕐᓗᓂ ᑎᑎᖅᑐᒐᖅᑎᓄᑦ ᐊᓪᓚᕝᕕᒋᔭᒥ ᖃᐅᔨᓴᕐᓂᐊᕐᓗᑎᒃ ᑎᑎᖅᑐᒐᕐᓂᒃ ᐊᒻᒪᓗ ᓴᓇᕐᕈᑎᓄᑦ ᓇᓗᓇᐃᔭᑦᑎᐊᖅᓯᒪᔪᒃ ᓇᓗᓇᐃᔭᕐᓂᐊᕐᓗᑎᒃ ᐱᓕᕆᐊᔅᓴᐃᑦ ᒪᓕᓐᓂᖏᑦ ᒪᓕᒐᓄᑦ ᐊᒻᒪᓗ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ (QEC) ᒪᓕᒐᖏᓐᓂᒃ.
- ᑲᔪᓯᑎᑦᑎᑦᓗᓂ ᑲᔪᓯᔭᕆᐊᖃᖅᑐᓂᒃ ᑎᑎᕋᖅᓯᒪᔪᓂᒃ ᐊᒻᒪᓗ ᐃᑲᔪᕐᓗᓂ ᑎᑎᖅᑐᒐᕐᓂᕐᒧᑦ, ᐊᐅᓚᑦᑎᔨᓄᑦ, ᑲᔪᓯᑎᑦᑎᓕᕆᔨᒃᑯᓐᓄᑦ, ᐊᒻᒪᓗ ᓂᐅᕕᖃᑦᑕᕐᓗᓂ ᑲᔪᓯᑎᑦᑎᔾᔪᑎᔅᓴᓄᑦ ᐊᒻᒪᓗ ᐋᖅᑭᒃᓱᐃᓂᕐᒧᑦ.
- ᐃᑲᔪᕐᓗᓂ ᓇᔪᕐᕕᒻᒥ−ᐃᓱᒪᒃᓴᖅᓯᐅᕐᓂᕐᒧᑦ ᐅᕝᕙᓘᓐᓃᑦ ᐋᖅᑭᒃᓱᐃᓗᓂ ᐅᑎᖅᑎᓐᓂᐊᕐᓗᒋᑦ ᐋᖅᑭᒃᓯᒪᔪᑦ ᖃᕋᓴᐅᔭᒃᑯᑦ ᓱᒃᑲᓂᒃᑯᑦ ᐊᑦᑕᕐᓇᖅᑕᐃᓕᒋᐊᕐᓂᕐᒧᑦ ᓴᓇᕐᕈᑎᓄᑦ.
- ᑲᒪᓗᓂ ᓴᓗᒪᔪᒃᑯᑦ ᐊᒻᒪᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᖅᑲᓇᐃᔮᕐᕕᒻᒥ ᖃᖓᓕᒫᖅ ᐊᒻᒪᓗ ᐱᓕᕇᓐᓇᕐᓗᓂ ᐊᑲᐅᓈᖅᑐᒃᑯᑦ ᑲᔪᓯᓂᐊᕐᓗᑎᒃ ᐱᕚᓪᓕᕈᑕᐅᓂᕐᒧᑦ ᐊᐅᓚᑕᐅᔪᓄᑦ ᐊᒻᒪᓗ ᓴᓇᕐᕈᑎᓄᑦ.
ᐊᔪᙱᔾᔪᑕᐅᔭᕆᐊᓖᑦ ᒪᑯᐊᖑᔪᑦ:
- ᑲᓇᑕᒥ ᐊᐅᓚᐅᑎᖃᖅᑐᓂᒃ ᐊᐅᐸᖅᑐᒥᒃ ᓇᓗᓇᐃᒃᑯᑕᖃᖅᑐᖅ ᐸᐃᑉᐹᓂᒃ ᓄᓇᓯᐅᑎᕐᔪᐊᓄᑦ ᓴᓇᕐᕕᑎᖏᓐᓄᑦ ᓴᓇᔨ.
- ᒪᕐᕉᓐᓂᒃ ᐅᑭᐅᓂᒃ (2) ᖁᑦᑎᑦᑐᒃᑯᑦ−ᐃᓕᓐᓂᐊᖅᓯᒪᔪᑦ ᖃᐅᔨᒪᔪᖅ ᐊᔾᔨᑲᓯᐊᑐᑦ ᐃᖅᑲᓇᐃᔮᕐᕕᒻᒥ.
- ᐊᖁᑎᖃᕐᓗᓂ 5 ᓚᐃᓴᓂᒃ, ᐃᓚᒋᓗᒍ ᐱᔪᓐᓇᕐᓂᖅ ᓇᓪᓕᐅᒃᑯᒫᓄᑦ ᐊᑐᐃᓐᓇᐅᔪᑦ.
ᐱᓯᒪᒋᐊᓕᖏᑦ:
- ᖃᐅᔨᒪᓂᖃᕆᐊᓕᒃ ᓄᓇᕗᒻᒥ, ᓄᓇᖓᓂ, ᐅᖃᐅᓯᖓᓂ ᐊᒻᒪ ᐃᓕᖅᑯᓯᖓᓂ.
- ᐅᖃᕈᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑎᑐᑦ.
ᐊᔾᔨᒌᒐᓚᒃᑐᒃᑯᑦ ᐊᔾᔨᒐᒌᙱᑦᑐᓂᒃ ᐃᓚᒋᔭᐅᔪᑦ ᐃᓕᓐᓂᐊᕐᓂᕐᒧᑦ ᐊᒻᒪᓗ ᐃᓕᓯᒪᓂᕐᒧᑦ ᐃᓱᒪᒋᔭᐅᑐᐃᓐᓇᕆᐊᖃᖅᑐᑦ.
ᒪᓂᒪᑎᑦᑎᓲᖑᔪᒍᑦ ᑮᓇᐅᔾᔭᑦᑎᐊᕐᓂᕐᒥᑦ ᐊᑯᓐᓂᖓᓂ $93,017-ᓂᒃ $107,889-ᓄᑦ, ᐅᑭᐅᖅᑕᖅᑐᕐᒥᐅᑕᐅᓂᕐᒧᑦ ᐃᑲᔫᑎᒥ $19,716-ᓂᒃ ᐊᕐᕌᒍᑕᒫᑦ, ᐃᑲᕐᕋᖏᑕ ᐅᖓᑖᓄᑦ, ᐱᕚᓪᓕᕈᑎᒃᓴᓂᑦ ᐃᓚᖃᕐᓗᓂ ᓄᖅᑲᖓᓕᖅᑐᖅᓯᐅᑎᓂᒃ ᐊᒻᒪ ᐃᖅᑲᓇᐃᔭᖅᑎᓄᑦ ᐃᒡᓗᖃᖅᑎᑦᑎᓂᕐᒥᑦ. ᐃᖅᑲᓇᐃᔮᔅᓴᖅ ᐃᓚᖃᖅᑐᑦ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᒃᑐᓄᑦ.
ᐱᓇᔫᑎᓯ ᓇᒃᓯᐅᑎᓗᒍ ᐃᕐᖐᓐᓈᖅᑕᐅᑎᒃᑯᑦ ᐅᕗᖓ careers@qec.nu.ca ᐅᕝᕙᓘᓐᓃᑦ ᑎᑎᖅᑲᑎᒍᑦ ᐅᕗᖓ: ᐃᓄᓕᕆᓂᕐᒧᑦ ᐊᑐᐃᓐᓇᐅᔪᔅᓴᐃᑦ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ, ᑎᑎᖅᑲᓂᐊᕐᕕᒃ 420, ᖃᒪᓂᑦᑐᐊᖅ, ᓄᓇᕗᑦ X0C 0A0
ᐆᑦᑐᕋᓱᐊᕆᑦ ᑎᑎᕋᖅᓯᒪᔪᒃᑯᑦ ᒫᑦᓯ 20, 2020-ᖑᖅᑳᖅᑎᓐᓇᒍ.
ᐱᓇᔪᖃᑕᐅᔪᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔮᒃᓴᓄᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖᓂ.
ᐱᓇᔪᖃᑕᐅᔪᓕᒫᑦ ᖁᔭᓐᓇᒦᖅᑕᕗᑦ; ᑭᓯᐊᓂ, ᑕᐃᒃᑯᐊᑐᐊᖅ ᐃᓱᒪᒋᔭᐅᔪᑦ ᑐᓴᖅᑎᑕᐅᒐᔭᖅᑐᑦ.