ᐱᐅᓯᑎᒃᑲᓐᓂᕆᐊᕈ ᐃᖅᑲᓇᐃᔮᕆᔭᐃᑦ ᐅᑭᐅᑕᖅᑐᒥ!
ᓇᓂᓂᐊᖅᑲᐃᑦ ᐅᕕᐊᒋᔭᖃᕐᓂᕆᔭᐃᑦ ᑲᓇᑕᒥ ᐅᑭᐅᑕᖅᑐ! ᐃᓚᒋᔭᐅᓕᕆᑦ ᐃᖅᑲᓇᐃᓄᑦ ᑲᔪᖑᖅᓯᒪᑦᑎᐊᖅᑐᑦ ᐊᒻᒪ ᐃᖅᑲᓇᐃᔭᖃᑦᑕᖅᓯᒪᔪᑦ ᐊᔪᖏᓐᓂᓖᑦ ᐱᑕᖃᖅᑎᑦᑎᒐᑦᑕ ᐊᑦᑕᓇᖏᑦᑐᒥ, ᑐᓐᖓᕕᒋᔅᓴᐅᔪᓂᑦ, ᐊᒻᒪ ᑮᓇᐅᔭᖅᑐᓗᐊᖏᑦᑐᓂᑦ ᐆᒻᒪᖅᑯᑎᓂᑦ ᓄᓇᕗᒻᒥᑦ.
ᐃᖅᑲᓇᐃᔭᕐᓂᖅ ᓄᓇᕗᒻᒥ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᒻᒪ ᐊᖏᓛᖑᓪᓗᓂ ᐅᑭᐅᑕᖅᑐᒥ ᐊᕕᑦᑐᖅᓯᒪᔪᓂᑦ ᐊᒻᒪ ᓱᑲᓐᓂᖅᐹᖑᖃᑕᐅᔪᖅ ᐱᕈᖅᐸᓪᓕᐊᓂᖓ ᑮᓇᐅᔭᓕᕆᓂᕐᒧ ᑲᓇᑕᒥ. ᑕᑯᒥᓇᖅᑐᑕᖃᒻᒪᕆᑦᑐᑎᑦ ᓄᓇᖏᓐᓂᑦ ᐊᒻᒪ ᐊᐅᓚᕕᔅᓴᐅᓂᕐᒧᑦ, ᓇᓂᓯᓂᐊᖅᑐᑎᑦ ᖁᕕᐊᒋᔭᖃᓂᕐᒥᑦ ᐃᕝᕕᑦ ᐃᖅᑲᓇᐃᔮᑐᐊᕆᖏᑕᖓᓂᑦ, ᑭᓯᐊᓂ ᐃᕝᕕᑦ ᐱᕕᔅᓴᖃᕐᓂᖓᓂᑦᑕᐅᖅ. ᐃᓱᒪᒋᔭᖃᕐᓂᕈᕕᑦ ᕿᒧᔅᓯᓂᕐᒥᑦ, ᖃᒧᑕᐅᔭᓂᕐᒥᑦ, ᖃᔭᖅᑐᓂᕐᒥᑦ, ᓯᑯᒃᑯᑦ ᐃᖃᓗᒐᓱᐊᓂᕐᒥᑦ, ᐅᕝᕙᓘᓐᓃᑦ ᕿᒥᕐᕈᓂᕐᒧᑦ ᐱᖅᑯᓯᓂᑦ ᓴᓇᐅᒐᖃᐅᖅᑐᓂᑦ ᐊᒻᒪ ᓂᔾᔭᐅᓯᔭᕐᓂᖅ ᑐᓴᖅᓴᐅᓂᖏᑦ, ᓄᓇᕗᑦ ᐃᓕᓐᓅᕗᖅ.
ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ (QEC) ᐅᑉᐱᕆᔭᐅᔪᑦ ᐱᑕᖃᖅᑎᑦᑎᓗᑎ ᐊᑦᑕᓇᖏᑦᑐᓂᑦ, ᑐᓐᖓᕕᒋᔭᔅᓴᐅᔪᓂᑦ ᐆᒻᒪᖅᑯᑎᓂ ᓂᐅᕕᖃᑦᑕᖅᑐᓕᒫᓄᑦ ᓄᓇᕗᒻᒥ. ᓇᒻᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓄᑦ ᐊᒻᒪ ᐊᐅᓚᑕᐅᓪᓗᓂ ᑎᒥᖁᑎᒋᔭᐅᓪᓗᓂ ᓄᓇᕗᒻᒧᑦ ᑯᐊᐳᕇᓴᓐi, QEC ᐊᑕᐅᓯᐅᓪᓗᓂ ᐆᒻᒪᖅᑯᑎᖃᖅᑎᑦᑎᔪᖅ ᐊᒻᒪ ᐊᕕᑦᑐᖅᓯᒪᔪᒧᑦ ᐅᖅᑰᑎᑦᑎᓂᕐᒧᑦ ᓄᓇᕗᒻᒥ. ᐊᔾᔨᒋᑎᓐᖑᐊᖅᑐᒍ ᐊᓯᖏᓐᓄᑦ ᐆᒻᒪᖅᑯᑎᖃᖅᑎᑦᑎᔪᓄᑦ ᑲᓇᑕᒥ, QEC ᓵᖓᑦᑎᔪᑦ ᐊᔾᔨᐅᖏᑦᑐᓂᑦ ᐊᔅᓱᕈᕈᑕᐅᔪᓂᑦ ᐊᐅᓚᑦᑎᖃᑦᑕᕐᓂᖏᓐᓄᑦ 25 ᐃᒻᒥᑰᖅᑐᑦ ᐅᖅᓱᐊᓄᑦᑐᖅᑐᑦ ᐆᒻᒪᖅᑯᑎᓕᐅᕈᑏᑦ ᐊᒻᒪ ᑐᓂᐅᖅᑲᐃᖃᑦᑕᕐᓂᖓ ᐊᑐᖅᑕᐅᔪᑦ ᐊᑐᓂ ᓄᓇᕗᒻᒥ ᓄᓇᓕᓐᓃᑦᑐᑦ.
QEC 20-012 ᐊᖏᔪᖅᑲᖅ ERP ᖃᕋᓴᐅᔭᓕᕆᔾᔪᑎᓄᑦ ᐃᑲᔪᓂᕐᒧᑦ ᖃᐅᔨᓴᖅᑎ
ᖃᒪᓂᑦᑐᐊᒦᑦᑐᓂ, ᓄᓇᕗᑦ ᐊᒻᒪ ᐊᖏᔪᖅᑳᖃᖅᑐᓂ ᑐᑭᒧᐊᖅᑎᑦᑎᔨ, ᖃᕋᓴᐅᔭᓕᕆᓂᕐᒧᑦ, ᐊᖏᔪᖅᑲᖅ ERP ᖃᕋᓴᐅᔭᓕᕆᔾᔪᑎᓄᑦ ᐃᑲᔪᓂᕐᒧᑦ ᖃᐅᔨᓴᖅᑎ ᑲᒪᒋᔭᖃᖅᑐᖅ ᑐᑭᒧᐊᖅᑎᑦᑎᓂᕐᒥᑦ, ᖃᐅᔨᓴᐃᓂᕐᒥᑦᖅ, ᒪᑭᒪᑎᑦᑎᓂᕐᒥᑦ, ᕿᒥᕐᕈᓂᕐᒥᑦ ᐊᒻᒪ ᐊᐅᓚᑦᑎᓂᕐᒥᑦ ᑎᒥᐅᔪᒧᑦ ᑭᓱᓕᕆᔾᔪᑎᓄᑦ ᐸᕐᓇᐃᓂᕐᒧᑦ (ERP) ᖃᕋᓴᐅᔭᓄᑦ ᑭᓱᓕᕆᔾᔪᑎᓄᑦ ᐊᒻᒪ ᐱᔨᑦᑎᖅᑕᓄᑦ ᑲᑐᔾᔨᖃᑎᒌᓕᒫᒥᑦ. ᖃᐅᔨᒪᑎᑕᖅ ᓴᓇᓯᒪᔪᓕᐅᖅᑐᖅ, ᐋᖅᑭᔅᓯᔪᖅ, ᖃᐅᔨᓴᖃᑦᑕᖅᑐᖅ, ᒪᑭᒪᑎᑦᑎᔪᖅ, ᐊᒻᒪ ᐋᖅᑭᒋᐊᖅᓯᖅᑎᐊᕆᐊᖅᐸᑦᑐᖅ ᖃᓄᐃᓘᖃᑦᑕᕐᓂᖓᓄᑦ ᐱᓕᕆᕕᒻᒧᑦ ᖃᕋᓴᐅᔭᓕᕆᔾᔪᑏᑦ ᒪᑭᒪᑎᑦᑎᓪᓗᓂ ᐊᑐᖅᑕᐅᔪᓄᑦ ᑐᑭᓯᒋᐊᕈᑎᖏᑦ ᐊᐅᓚᓂᖃᑦᑎᐊᖁᓪᓗᒋᑦ ᐊᒻᒪ ᑲᔪᓰᓐᓇᕐᓂᖓᓄᑦ ᖁᓪᓗᖅ ᐆᒻᒪᖅᑯᑎᓕᕆᔨᒃᑯᑦᑦ ᑎᒥᖁᑖ (QEC) ᖃᐅᑕᒫᑦ ᐱᓕᕆᔾᔪᑎᖏᓐᓄᑦ. ᑖᓐᓇ ᐃᖅᑲᓇᐃᔮᔅᓴᖅ ᓴᖅᑭᑎᑦᑎᒻᒥᔪᖅ, ᐊᑐᓕᖅᑎᑎᓪᓗᓂ, ᐊᒻᒪ ᑲᒪᒋᔭᖃᖅᑐᓂ ERP ᐊᑐᐊᒐᖏᓐᓂ ᐊᒻᒪ ᐊᑐᖅᑕᐅᔭᕆᐊᓖᑦ ᒪᑭᒪᑦᑎᐊᖁᓪᓗᒍ ᑯᐊᐳᕇᓴᒧᑦ ᑐᑭᓯᒋᐊᕈᑎᖏᑦ ᐊᒻᒪ ᐃᓚᒋᔭᖏᑦ ᖃᕋᓴᐅᔭᓕᕆᔾᔪᑏᑦ.
ᐱᓕᕆᒋᐊᓕᖏᑦ ᐊᒻᒪ ᑲᒪᒋᔭᕆᐊᓕᖏᑦ:
- ᓴᖅᑭᑎᑦᑎᔪᖅ, ᐊᑐᓕᖅᑎᑦᑎᔪᖅ, ᐊᒻᒪ ᑲᒪᒋᔭᖃᖅᑐᓂ ERP ᐊᑐᐊᒐᖏᓐᓂ ᐊᒻᒪ ᐊᑐᖅᑕᐅᔭᕆᐊᓖᑦ ᒪᑭᒪᑦᑎᐊᖁᓪᓗᒍ ᑯᐊᐳᕇᓴᒧᑦ ᑐᑭᓯᒋᐊᕈᑎᖏᑦ ᐊᒻᒪ ᐃᓚᒋᔭᖏᑦ ᖃᕋᓴᐅᔭᓕᕆᔾᔪᑏ, ᓇᓗᓇᐃᖅᓯᓪᓗᓂ ERP ᐊᑐᖅᑕᐅᔪᖅ ᐱᓕᕆᔭᐅᓂᖏᑦ ᐱᓕᕆᐊᖑᓗᑎ ᒪᓕᓪᓗᑎ ᑎᒥᐅᑉ ᐃᓗᐊᓂ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ QEC ᐊᑐᐊᒐᐃᑦ, ᒪᓕᑦᑕᐅᔭᕆᐊᓖᑦ ᐱᑕᖃᕆᐊᖃᖅᑎᑕᐅᔪᑦ ᐊᒻᒪ ᖃᕋᓴᐅᔭᓕᕆᔾᔪᑎᓄᑦ ᓚᐃᓴᓐᓯᖃᓂᕐᒧᑦ ᒪᓕᒐᐃᑦ.
- ᖃᕋᓴᐅᔭᓄᑦ ᐊᑐᖅᑕᐅᔪᒧᑦ ᐊᐅᓚᑦᑎᔨᓪᓗᐊᑕᐅᓪᓗᓂ ᐆᒧᖓ Microsoft Dynamics Great Plains.
- ᓴᒻᑭᑎᑦᑎᔪᖅ ᑕᑯᓐᓇᖅᑕᐅᔪᓂᑦ, ᐅᓂᒃᑳᓂᑦ ᐊᒻᒪ ᑐᑭᓯᒋᐊᕐᕕᓂᑦ ᐊᑐᖅᑕᐅᓂᐊᖅᑐᑦ ᐊᑐᖃᑦᑕᖅᑐᓄᑦ ᐊᒻᒪ ᐊᐅᓚᑦᑎᓂᕐᒧᑦ ᐱᐅᓯᑎᑦᑎᒋᐊᓂᕐᒧᑦ ᐊᐅᓚᓂᖓᓄᑦ.
- ᖃᐅᑕᒫᑦ ᐃᑲᔪᖃᑦᑕᖅᑐᖅ ᑎᒥᐅᑉ ᐃᓗᐊᓂ ᐊᑐᖃᑦᑕᖅᑐᓂᑦ ᐅᑯᓂᖓ ᐊᑕᖏᖅᑐᒋᑦ ERP ᐊᑐᖅᑕᐅᔪᑦ.
- ᓇᓗᓇᐃᖅᓯᔪᖅ ᐊᑦᑕᓇᐃᖅᓯᒪᓂᖓᓄᑦ, ᒪᑭᑕᑦᑎᐊᕐᓂᖓᓄᑦ ᐊᒻᒪ ᑐᓐᖓᕕᐅᔪᓐᓇᕐᓂᐊᓄᑦ ᑐᑭᓯᒋᐊᕈᑏᑦ ᐱᔭᔅᓴᐅᓂᖏᓐᓄᑦ ᐊᒻᒪ ᐱᐅᓂᖏᓐᓄᑦ ᑲᑐᔾᔨᖃᑎᒌᓕᒫᒥᑦ ᐃᑲᔪᐃᓐᓇᓂᒃᑯᑦ ᐊᒻᒪ ᒪᑭᒪᑎᑦᑎᓂᒃᑯᑦ.
- ᓴᖅᑭᑎᑦᑎᔪᖅ, ᐊᑐᓕᖅᑎᑦᑎᔪᖅ ᐊᒻᒪ ᒪᑭᒪᑎᑦᑎᔪᖅ ᐊᓯᔾᔨᕈᑎᖏᓐᓂ ᖃᐅᓚᔾᔪᑎᖏᑦ ᐊᖅᓴ ᖃᐅᔨᓴᕐᓂᖅ ᐱᕙᓪᓕᐊᓂᖏᑦ ᐋᖅᑭᒋᐊᖅᑕᐅᓂᖏᓐᓄᑦ ᐊᑕᖏᖅᑐᒋᑦ ERP ᐊᑐᖅᑕᐅᔪᓂᑦ.
- ᓴᓇᓯᓴᒪᔪᓂᓕᐅᖅᑐᖅ ᐊᒻᒪ ᐊᑐᓕᖅᑎᑦᑎᔪᖅ ᐊᑐᖅᑕᐅᔪᓂᑦ ᐊᔾᔨᒌᖑᖃᑦᑕᖅᑐᓂᑦ, ᐊᑐᐊᒐᐃᑦ ᐊᒻᒪ ᐊᑐᖅᑕᐅᔭᕆᐊᓖᑦ ᐱᓂᕐᓗᑦᑐᖃᖅᑐᓂᑦ ᐅᑎᖅᑎᑦᑎᓂᕐᒧᑦ ᐊᒻᒪ ᑐᑭᓯᒋᐊᕈᑏᑦ ᑐᖅᑯᖅᑕᐅᓂᖏᓐᓄᑦ ᓴᐳᒻᒥᔭᐅᑦᑎᐊᖁᓪᓗᒋᑦ ᐊᒻᒪ ᐊᑕᐅᓯᐅᓂᖏᓐᓄᑦ ᑐᑭᓯᒋᐊᕈᑏᑦ ᐱᖁᑏᑦ.
- ᑐᑭᓯᒋᐊᕐᕕᐅᓗᓂ ᐱᓕᕆᓂᕐᒧᑦ ᐱᓕᕆᖃᑎᖏᓐᓂᑦ ᐊᒻᒪ ᐊᓯᖏᓐᓂᑦ ᑎᒥᐅᔪᓂᑦ ᓂᐅᕕᐊᔅᓴᖃᖅᑐᓂᑦ ᐃᑲᖅᑕᐅᓂᕐᒧᑦ ᐊᒻᒪ/ᐅᕝᕙᓘᓐᓃᑦ ᐊᐅᓚᑦᑎᓗᓂ ᐊᑐᓕᖅᑎᑕᐅᓂᖓ ᓄᑖᖅ ᐊᑐᖅᑕᐅᔪᖅ ᐊᐅᓚᓂᖓ.
ᐱᑕᖃᕆᐊᖃᖅᑎᑕᐅᔪᑦ ᐱᔪᓐᓇᕐᓂᕆᒋᐊᓕᖏᑦ:
- ᓯᓚᑦᑐᓴᕐᕕᒃᔪᐊᒥᑦ ᓇᓗᓇᐃᒃᑯᑕᖅ ᖃᕋᓴᐅᔭᓕᕆᓂᕐᒧᑦ, ᑐᑭᓯᒋᐊᕈᑎᓂᑦ ᐊᐅᓚᑦᑎᓂᕐᒧᑦ, ᐅᕝᕙᓘᓐᓃᑦ ᐊᑦᑐᐊᓂᓖᑦ ᐃᖅᑲᓇᐃᔮᒧᑦ ᖃᐅᔨᓴᓂᕐᒧᑦ.
- ᐊᕐᕕᓂᓖᑦ (6) ᐊᕐᕌᒍᓂᑦ ᐃᖅᑲᓇᐃᔭᖃᑦᑕᖅᓯᒪᓗᓂ ᖃᕋᓴᐅᔭᓕᕆᔾᔪᑎᓂᑦ ᖃᐅᔨᒪᑎᑕᐅᓪᓗᓂ, ᐊᐅᓚᑦᑎᔨ, ᖃᐅᔨᓴᖅᑎ, ᐅᕝᕙᓘᓐᓃᑦ ᐊᔾᔨᐸᓗᖓᓂ ᐃᖅᑲᓇᐃᔮᒥᑦ.
- ᖃᐅᔨᒪᓂᖃᑦᑎᐊᕐᓗᓂ ERP ᖃᕋᓴᐅᔭᓕᕆᔾᔪᑎᓂᑦ ᐊᑐᖃᑦᑕᖅᓯᒪᓗᓂ (Microsoft Dynamics Great Plains ᐱᔭᐅᖔᕈᒪᔪᖅ).
ᐱᑕᖃᕆᐊᖃᖅᑐᑦ:
- ᐃᖅᑲᓇᐃᔭᖃᑦᑕᖅᓯᒪᓗᓂ ᐊᐅᓚᑦᑎᔨᐅᓗᓂ ᐃᓗᐊᓂ ᐋᖅᑭᓱᖅᓯᒪᔪᓂᑦ ᐱᑕᖃᕆᐊᖃᖅᑐᑦ.
- ᖃᐅᔨᒪᓂᖃᕐᓗᓂ ᓄᓇᕗᒻᒥ, ᓄᓇᖓᓂ, ᐅᖃᐅᓯᖓᓂ ᐊᒻᒪ ᐱᖅᑯᓯᖓᓂ.
- ᑐᓴᐅᒪᔾᔪᑎᓕᕆᔪᓐᓇᕐᓗᓂ ᐃᓄᑦᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑎᑐᑦ.
ᐊᔾᔨᐸᓗᖏᓐᓂᖏᓐᓂ ᐱᓯᒪᑦᑎᔪᑦ ᑲᑎᓐᖓᔪᓂᑦ ᐊᑦᑐᐊᓂᓖᑦ ᐃᓕᓐᓂᐊᖅᓯᒪᓂᖓ ᐊᒻᒪ ᐃᖅᑲᓇᐃᔭᖃᑦᑕᖅᓯᒪᓂᖓ ᐃᓱᒪᒋᔭᐅᔪᓐᓇᖅᑐᑦ.
ᐱᒋᐊᕐᖃᖅᑐᖅ ᑮᓇᐅᔾᔭᔅᓵᖓ ᐊᑯᓐᓂᖏᓐᓂ $99,684.00 ᑎᑭᑦᑐᒍ $117,312.00, ᐅᑭᐅᑕᖅᑐᒥᐅᑕᐅᓂᕐᒧᑦ ᐃᑲᔫᓯᐊᑦ $24,381 ᐊᑕᐅᓯᕐᒧᑦ ᐊᕐᕌᒍᒧᑦ, ᐱᔪᓐᓇᖅᑎᑕᐅᔪᖅ ᐃᖅᑲᓇᐃᔭᕐᓇᐅᒍᓐᓃᑎᓪᓗᒍ ᐃᖅᑲᓇᐃᔭᓂᕐᒧᑦ,ᐃᑲᔫᓯᐊᑦ ᐱᖃᓯᐅᑎᓪᓗᑎ ᓇᓗᓇᐃᖅᓯᒪᑦᑎᐊᖅᑐᑦ ᐃᑲᔫᓯᐊᑦ ᐱᓕᕆᐊᒧᑦ ᐊᒻᒪ ᐃᖅᑲᓇᐃᔭᖅᑎᓄᑦ ᐃᓪᓗᔅᓴᖃᖅᑎᑕᐅᔪᖅ. ᑖᓐᓇ ᐃᖅᑲᓇᐃᔮᔅᓴᖅ ᐃᓚᒋᔭᐅᔪᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑯᔾᔨᖃᑎᒌᖏᑦ.
ᐃᖅᑲᓇᐃᔮᖅᑖᕆᓇᓱᐊᕐᓗᒍ ᐊᐅᓪᓚᑎᓪᓗᒋᑦ ᐃᖅᑲᓇᐃᔮᖅᑖᕋᓱᐊᕈᑎᑎᑦ ᖃᕋᓴᐅᔭᒃᑯᑦ ᐅᕗᖓ careers@qec.nu.ca ᐅᕝᕙᓘᓐᓃᑦ ᑎᑎᖅᑲᑎᒍᑦ ᐅᕗᖓ ᐃᖅᑲᓇᐃᔭᖅᑐᓕᕆᔨᒃᑯᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ, ᑎᑎᖅᑲᒃᑯᕕᖓ 420, ᖃᒪᓂᑦᑐᐊᖅ, NU X0C 0A0
ᑎᑎᕋᕐᓗᑎᑦ ᑎᑭᓚᐅᖅᑎᓐᓇᒍ ᐋᒡᒋᓯ 7, 2020.
ᐃᖅᑲᓇᐃᔮᖅᑖᕋᓱᐊᕈᑏᑦ ᑖᔅᓱᒧᖓ ᐃᖅᑲᓇᐃᔮᔅᓴᒧᑦ ᐃᓱᒪᒋᔭᐅᔪᓐᓇᖅᑐᑦ ᓯᕗᓂᔅᓴᒥ ᐃᖅᑲᓇᐃᔮᔅᓴᓄᑦ QEC−ᑯᓐᓂᑦ.
ᖁᔭᓐᓇᒦᖅᑕᕗᑦ ᐃᖅᑲᓇᐃᔮᖅᑖᕋᓱᐊᖅᑐᓕᒫᑦ, ᑭᓯᐊᓂᓕ, ᓂᕈᐊᖅᑕᑐᐊᖑᔪᑦ ᐊᐱᖅᓱᖅᑕᐅᓂᐊᖅᑐᖅ ᖃᐅᔨᒋᐊᕐᕕᑐᐊᖑᓂᐊᖅᑐᑦ.