ᐆᒻᒪᕆᐊᕈᒃ ᐃᖅᑲᓇᐃᔮᑦ ᐅᑭᐅᖅᑕᖅᑐᒥ!
ᓇᐃᐱᑦᑕᓚᐅᕈᓪᓕ ᖁᕕᐊᓇᖅᑐᒻᒪᕆᒃ ᐃᖏᕐᕋᓂᖅ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᒋᔭᐅᓕᕐᓗᑎᑦ ᑲᑦᓱᖓᐃᑦᑐᒻᒪᕆᐊᓗᓐᓄᑦ ᐱᓕᒻᒪᑦᓯᒪᔪᓄᑦ ᐱᓕᕆᖃᑎᒌᓐᓂᑎᓐᓄᑦ ᓴᓇᔨᒻᒪᕆᐅᑦᓱᑕ ᐊᑐᐃᓐᓇᐅᑎᑦᓯᑦᓱᑕ ᐊᑦᑕᓇᑦᑕᐃᓕᒪᓂᕐᒥᒃ, ᓱᖏᖅᑑᑕᐅᒍᓐᓇᕐᓂᕐᒥᒃ, ᐊᑭᑐᓗᐊᙱᑦᑐᓂᓪᓗ ᐊᐅᒪᓕᐅᕈᑎᓂᒃ ᓄᓇᕗᓕᒫᒥ.
ᐃᖅᑲᓇᐃᔭᕐᓂᖅ ᓄᓇᕗᒻᒥ
ᓄᓇᕗᑦ ᑲᓇᑕᒥ ᓄᑖᖑᓂᖅᐹᖅ ᐊᖏᓂᖅᐸᐅᑦᓱᓂᓗ ᐊᕕᑦᑐᖅᓯᒪᔪᓂ ᓱᑲᓐᓂᖅᐹᒥᓪᓗ ᐱᕈᖅᐸᓪᓕᐊᑦᓱᓂ ᖃᑭᒪᓇᓱᐊᕐᓂᒃᑯᑦ ᑲᓇᑕᓕᒪᒥ. ᑲᔾᔮᓇᖅᑐᓪᓚᕆᓐᓂᒃ ᓄᓇᖃᖅᓱᓂ ᑕᐸᐃᕐᓇᖅᑐᓪᓗ ᐊᑑᑎᒍᓐᓇᑦᑐᖅ, ᖁᕕᐊᒋᓪᓚᕆᒐᔭᖅᑕᐃᑦ ᐃᖅᑲᓇᐃᔮᖅᑎᒍᑐᐃᓐᓇᐅᙱᑦᑐᖅ, ᑭᓯᐊᓂᑦᑕᐅᖅ ᐃᓱᒪᐃᓐᓇᕿᓕᕋᐃᒍᕕᑦ. ᐃᓱᒪᖃᕈᕕᑦ ᕿᒧᑦᓯᓂᕐᒥᒃ, ᖃᒧᑕᐅᔭᕐᓂᕐᒥᒃ, ᖃᔭᖅᑐᓂᕐᒥᒃ, ᓯᑯᒃᑯᑦ ᐃᖃᓗᒐᓱᐊᕐᓂᕐᒥᒃ, ᐅᕝᕙᓗ ᕿᒥᕐᕈᓂᕐᒥᒃ ᐊᑦᓱᐃᑦᑐᒻᒪᕆᒻᒥᒃ ᐱᖅᑯᓯᕐᒥᒃ ᑕᑕᑦᑐᒥᒃ ᐊᔾᔨᐅᖏᑦᓯᐊᖅᑐᓂᒃ ᓴᓇᐅᒐᕐᓂᒃ ᓂᔾᔭᐅᓯᔭᕐᓃᓪᓗ ᑐᓴᕈᒥᓇᖅᑐᑦ, ᓄᓇᕗᑦ ᓇᔪᕋᑦᓴᕆᕙᐃᑦ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ (QEC) ᓱᓕᔪᕐᓇᖅᑐᖁᑎᒋᔭᐅᔪᑦ ᐊᑐᐃᓐᓇᐅᑎᑦᓯᓂᕐᒧᑦ ᐊᑦᑕᓇᙱᑦᑐᓂᒃ, ᓱᖏᖅᑑᑎᑦᓴᐅᔪᓂᒃ ᐊᐅᒪᓕᐅᕈᑎᓂᒃ ᓄᓇᕗᒻᒥ ᓂᐅᕕᖅᑎᓕᒫᓄᑦ. ᓇᒻᒥᓂᕆᔭᐅᑦᓱᓂ ᒐᕙᒪᒃᑯᖏᓐᓄᑦ ᓇᕗᑦ ᐊᐅᓚᑕᐅᑦᓱᓂᓗ ᐃᒻᒥᒃᑯᑦ ᐊᕕᑦᑐᖅᓯᒪᔪᓂ ᑎᒥᐅᔪᒧᑦ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖᑦ ᐊᑐᐃᓐᓇᐅᑎᑦᓯᔨᓪᓗᐊᑕᑑᕗᑦ ᐊᐅᒪᓕᐅᕈᑎᓂᒃ ᓄᓇᕗᒻᒥ ᐅᖅᑰᓴᐅᑎᓅᖓᔪᓄᓪᓗ. ᑕᑯᓐᓈᖅᓱᒋ ᐊᓯᖏᑦ ᐊᐅᓪᓚᔾᔪᑎᓕᕆᔩᑦ ᑲᓇᑕᒥ, ᖁᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᓵᙵᑦᓯᕙᑉᐳᖅ ᐊᑦᓱᕈᕐᓇᖅᑐᓂᒃ ᐊᐅᓚᑦᓯᒐᒥᒃ 25-ᓂᒃ ᐃᒻᒥᒃᑰᖓᔪᓂᒃ ᐅᖅᓱᐊᓗᑐᐃᓐᓇᑐᖅᑐᓂᒃ ᐊᐅᓚᐅᑎᐊᓗᖃᕐᕕᓐᓂᒃ ᐊᑐᓂᑦ ᓄᓇᕗᒻᒥ ᓄᓇᓕᓐᓂ.
QEC-20-024 ᓄᖅᑲᖓᔪᓄᑦ ᐃᖅᑲᓇᐃᔭᕆᐊᖃᑦᑕᕐᓂᕐᒧᓪᓗ ᑐᑭᒧᐊᑦᑎᑦᓯᔨ
ᖃᒪᓂᑦᑐᐊᕐᒦᑦᓱᓂ ᐊᖓᔪᖅᑳᖃᖅᓱᓂᓗ ᐊᖓᔪᖅᑳᒥᒃ, ᑮᓇᐅᔭᓕᕆᔩᑦ, ᓴᓂᕐᕚᔭᐅᔪᑦ ᐱᕙᓪᓕᕈᑎᑦᓴᐃᓪᓗ, ᓄᖅᑲᖓᔪᓄᑦ ᐃᖅᑲᓇᐃᔭᕆᐊᖃᑦᑕᕐᓂᕐᒧᓪᓗ ᑐᑭᓱᐊᑦᑎᓯᔨ ᑎᒍᒥᐊᖅᑐᖅ ᐊᐅᓚᑕᐅᓂᖏᓐᓂᒃ ᓄᖅᑲᖓᓂᐅᔪᑦ ᐃᖅᑲᓇᐃᔭᕆᐊᖃᑦᑕᕐᓂᖏᓐᓂᓪᓗ ᖁᓪᓕᒃᑯᑦ ᐆᒻᒪᖅᑯᑎᓕᔨᖏᑦᑕ ᑎᒥᖁᑖᑕ ᐃᖅᑲᓇᐃᔭᖅᑎᖏᓐᓂᒃ. ᖃᕆᑕᐅᔭᒃᑯᑦ ᐊᒻᒪᓗ ᐸᐃᑉᐹᑎᒍᑦ, ᑖᓐᓇ ᐃᖅᑲᓇᐃᔮᖅ ᖃᐅᔨᓴᓲᖅ ᖃᐅᔨᓴᑦᓯᐊᓲᖑᑦᓱᓂᓗ ᓄᖅᑲᖓᓂᐅᔪᓕᒫᑦ ᐃᖅᑲᓇᐃᔭᖃᑦᑕᕐᓂᐅᔪᓪᓗ ᒪᓕᑦᓯᐊᕋᓗᐊᕐᒪᖔᑕ ᐱᐅᓯᐅᒋᐊᓕᐅᓐᓂᒃ, ᐊᐅᓚᓂᐅᔪᓂᒃ, ᐊᑐᐊᒐᕐᓂᒃ, ᑕᖅᑲᐅᖓ ᐱᔨᑦᓯᕋᕐᓂᕐᒧᑦ ᒪᓕᒐᕐᔪᐊᕐᒥᒃ, ᑕᖅᑲᐅᖓ ᐱᔨᑦᓯᕋᕐᓂᕐᒧᑦ ᒪᓕᒐᕐᓂᒃ, ᐊᒻᒪᓗ ᐃᖅᑲᓇᐃᔭᖅᑎᓄᑦ ᐊᖏᖃᑎᒌᒍᑎᒥᒃ. ᑖᓐᓇ ᐃᖅᑲᓇᐃᔮᖅ ᐅᖃᐅᔾᔨᒋᐊᖃᑦᑕᓲᖅ ᐃᖅᑲᓇᐃᔭᖅᑎᓂᒃ ᐊᖓᔪᖅᑳᕆᔭᐅᔪᓂᓪᓗ ᐊᑑᑎᓂᖓᓂᒃ ᑲᑐᔾᔨᖃᑎᒌᓄᑦ ᐊᖏᕈᑎ, ᓄᖅᑲᖓᓃᑦ ᐃᖅᑲᓇᐃᔭᕆᐊᖃᑦᑕᕐᓃᓪᓗ ᐊᑐᐊᒐᖏᓐᓂᒃ ᐊᓯᖏᓐᓄᓪᓗ ᐊᑦᑐᐊᔪᓄᑦ ᐊᖓᔪᖅᑲᐅᑎᓄᑦ.
ᑲᒪᒋᒋᐊᓖᑦ ᑎᒍᒥᐊᖅᑕᐅᔪᓪᓗ:
- ᑲᒪᒋᔭᖃᓲᖅ ᐃᑲᕐᕋᓂᒃ, ᓄᖅᑲᖓᓂᐅᔪᓂᒃ ᐃᖅᑲᓇᐃᔭᖃᑦᑕᕐᓂᕐᒧᓪᓗ ᑲᑎᖅᓱᖅᓯᒪᔪᓂᒃ ᑎᑭᐅᑎᓯᒪᔪᓄᑦ 300−ᓄᑦ ᑲᑐᔾᔨᖃᑎᒌᓅᖓᔪᓄᑦ ᐃᓚᒋᔭᐅᔪᙱᑦᑐᓄᓪᓗ ᐃᖅᑲᓇᐃᔭᖅᓄᑦ; ᐱᖃᓯᐅᑎᑦᓱᑎᒃ ᐃᑲᕐᕋᓕᐅᕐᕕᓐᓂᒃ ᑕᒻᒪᖅᓯᒪᔪᖅᓯᐅᕐᓂᖅ, ᓇᓗᓇᐃᔭᐃᖃᑦᑕᕐᓂᖅ ᑎᑎᖅᑲᖁᑎᓂᒃ, ᓇᓕᒧᒌᓕᖅᑎᑦᓯᖃᑦᑕᕐᓂᖅ ᐋᖅᑭᒋᐊᕆᖃᑦᑕᕐᓂᕐᓗ ᐃᑖᔭᐅᔪᓂᒃ ᑕᒪᒃᑮᑎᒍᑦ ᐸᐃᑉᐹᑎᒍᑦ ᖃᕆᑕᐅᔭᒃᑯᓪᓗ ᐃᑲᕐᕋᓕᐅᕐᕕᓐᓂᒃ ᐃᖅᑲᓇᐃᔭᕆᐊᖃᑦᑕᕐᓂᐅᔪᓂᓪᓗ.
- ᐸᐸᑦᓯᓲᖅ ᐃᖅᑲᓇᐃᔭᖅᑏᑦ ᓄᖅᑲᖓᓂᕐᒧᑦ ᐸᐃᑉᐹᖁᑎᖏᓐᓂᒃ ᐊᐅᓚᑦᓯᓲᖑᑦᓱᓂ ᐋᖅᑭᒋᐊᕆᐊᓕᓐᓂᒃ ᓄᖅᑲᖓᒍᓐᓇᕐᓂᕐᒨᖔᔪᓂᒃ ᑕᐃᒪᐃᑦᓴᕆᐊᖃᕈᓂ.
- ᑐᓴᖅᑎᑦᓯᓲᖅ ᐃᖅᑲᓇᐃᔭᖅᑎᓂᒃ ᓄᖅᑲᖓᓂᕐᒨᖓᔪᓂᒃ ᐃᖅᑲᓇᐃᔭᖃᑦᑕᕐᓂᕐᒧᓪᓗ ᐋᖅᑭᒋᐊᕈᑕᐅᔪᓂᒃ ᐱᔾᔪᑕᐅᔪᓂᓪᓗ ᖃᐅᔨᓴᖅᑕᐅᓂᖏᓐᓄᑦ ᐃᑲᕐᕋᐃᑦ, ᓄᖅᑲᖓᓃᑦ ᐊᒻᒪᓗ ᐃᖅᑲᓇᐃᔭᖃᑦᑕᕐᓃᑦ ᑕᒻᒪᖅᓯᒪᔪᖅᓯᐅᖅᑕᐅᓂᒃᑯᑦ.
- ᐅᖃᐅᔾᔨᒋᐊᓲᖅ ᐃᖅᑲᓇᐃᔭᖅᑐᓂᒃ ᐊᑑᑎᓂᓐᓂᒃ ᓄᖅᑲᖓᓂᕐᒧᑦ ᐃᖅᑲᓇᐃᔭᕆᐊᖃᑦᑕᕐᓂᕐᒧᓪᓗ ᐊᑦᑐᐊᔪᑦ ᐊᑐᐊᒐᐃᑦ, ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ ᐊᖏᕈᑎᒨᖓᔪᓂᒃ, ᓄᓇᕗᒻᒥ ᑕᖅᑲᐅᖓ ᐱᔨᑦᓯᕐᓂᕐᒧᑦ ᒪᓕᒐᕐᔪᐊᕐᒥᒃ, ᓄᓇᕗᒻᒥ ᑕᖅᑲᐅᖓ ᐱᔨᑦᓯᕐᓂᕐᒧᑦ ᒪᓕᒐᖏᓐᓂᒃ.
- ᕿᒥᕐᕈᓲᖅ ᑲᑎᖅᓱᖅᓯᒪᔪᓂᒃ ᓇᓗᓇᐃᔭᐃᒍᑕᐅᑦᓱᓂ ᐊᐅᓚᓂᐅᔪᓂᒃ ᐊᒻᒪᓗ/ᐅᕝᕙᓗ ᐃᓱᒫᓘᑕᐅᔪᓂᒃ ᐅᓂᒃᑳᓕᐅᓲᖑᑦᓱᓂᓗ ᑕᐃᒪᐃᑦᓴᕆᐊᖃᕈᓂ.
- ᑐᓴᖅᑎᑦᓯᓲᖅ ᐃᖅᑲᓇᐃᔭᖅᑐᓕᕆᔨᓂᒃ ᐃᑲᕐᕋᕐᓅᖓᔪᓂᒃ, ᓄᖅᑲᖓᓂᕐᒧᑦ ᐃᖅᑲᓇᐃᔭᕆᐊᖃᑦᑕᕐᓂᕐᒧᓪᓘᓐᓃᑦ ᓈᒻᒪᓈᖅᓯᒪᙱᑦᑐᓂᒃ.
- ᐊᑐᐃᓐᓇᐅᑎᑦᓯᓲᖅ ᐊᖓᔪᖅᑳᕆᔭᐅᔪᓄᑦ ᐅᓪᓗᒥᒨᖓᔪᓂᒃ ᑐᓴᕋᑦᓴᓂᒃ ᐅᓪᓗᒥ ᐊᒻᒪᓗ ᓯᕗᓂᕐᒥ ᓂᕆᐅᒋᔭᐅᔪᓂᒃ ᓄᖅᑲᖓᓂᕐᒨᖓᔪᓂᒃ ᐊᒥᐊᒃᑯᓂᒃ.
- ᐃᑲᔪᖅᑐᐃᓲᖅ ᓯᑦᑭᓕᐅᖅᑎᓄᑦ ᐱᕚᓪᓕᕈᑎᑦᓴᓄᓪᓗ ᑐᑭᒧᐊᑦᑎᑦᓯᔨᒥᒃ ᐸᕐᓇᑕᐅᑎᓪᓗᒋᑦ ᐊᕐᕌᒍ ᐃᓱᓕᑦᑎᓪᓗᒍ ᐊᐅᓚᓂᐅᔪᑦ ᐱᖃᓯᐅᑎᑦᓱᑎᒃ ᓴᓇᐅᔭᓂᖏᑦ ᑎᑎᕋᖅᑕᐅᓂᖏᓪᓗ ᐊᕐᕌᒍ ᐃᓱᓕᑦᑎᓪᓗᒍ ᑖᒃᓰᔭᐅᑎᓅᖓᔪᑦ ᓇᐃᓪᓕᑎᖅᓯᒪᔪᓪᓗ.
- ᑎᒍᒥᐊᖅᑐᖅ ᑐᖅᑯᖅᑐᐃᓯᒪᓂᕐᒥᒃ ᐸᐸᑦᓯᓂᕐᒥᓪᓗ ᑎᑎᖅᑲᓂᒃ ᐅᐊᔭᒨᖅᑐᒃᑯᑦ ᐃᖅᑲᓇᐃᔭᖅᑎᓅᖓᔪᓄᑦ ᑐᖅᑯᖅᓯᒪᔪᓄᑦ.
ᐱᔪᓐᓇᕐᓂᐅᒋᐊᓕᓐᓄᑦ ᐱᖃᓯᐅᑎᔪᑦ:
- ᓯᓚᑦᑐᓴᕐᕕᒻᒥᒃ ᐃᓕᑕᕆᔭᐅᔾᔪᑎᑖᖅᓯᒪᓗᓂ ᐱᓇᓱᐊᕐᕕᓕᕆᓂᕐᒥᒃ, ᑮᓇᐅᔭᐃᑦ, ᑮᓇᐅᔭᓕᓂᕆᓂᕐᓗ ᐊᔾᔨᒐᓚᖏᓐᓂᓘᓐᓃᑦ.
- ᐊᕐᕌᒎᓐᓂᒃ ᒪᕐᕉᓐᓂᒃ ᐃᖅᑲᓇᐃᔮᖃᖅᓯᒪᓗᓂ ᐋᖅᑭᑦᓱᐃᓂᕐᒥᒃ, ᓄᖅᑲᖓᔾᔪᑏᑦ ᐃᖅᑲᓇᐃᔭᕐᓃᓪᓗ ᐊᐅᓚᔾᔪᑎᖏᓐᓂᒃ ᑎᑭᐅᒪᔪᓄᑦ 300-ᓄᑦ ᐃᖅᑲᓇᐃᔭᖅᑎᓄᑦ.
- ᐱᓕᒻᒪᑦᓯᒪᓗᓂ ᐊᑑᑎᓂᕐᒥᒃ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᑦᑎᒍᑦ ᑮᓇᐅᔾᔭᑦᓵᖏᓐᓂᒃ.
- ᖃᕆᑕᐅᔭᒃᑯᑦ ᐊᑐᕈᓐᓇᑦᓯᐊᕐᓗᓂ Microsoft Excel, Adobe, ᑲᑎᖅᓱᐃᕕᑦ, ᖃᕆᑕᐅᔭᒃᑯᑦ ᐃᑲᕐᕋᓕᕆᓂᖅ ᓯᒃᑭᓕᐅᕈᑎᓂᒃ ᐃᑭᐊᖅᑭᕕᒻᒥᓪᓗ ᐊᑐᖅᑕᐅᔪᓂᒃ.
ᐱᖁᑏᑦ:
- ᖃᐅᔨᒪᓂᖅ ᓄᓇᕗᒻᒥᒃ, ᓄᓇᒥᒃ, ᐅᖃᐅᓯᕐᒥᒃ ᐱᖅᑯᓯᕐᒥᓪᓗ.
- ᑐᓴᐅᒪᖃᑦᑕᐅᑎᒍᓐᓇᕐᓂᖅ ᐃᓄᒃᑎᑐᑦ ᐃᓄᐃᓐᓇᖅᑐᑦ ᐊᒻᒪᓗ/ᐅᕝᕙᓗ ᐅᐃᕕᑎᑐᑦ.
ᐊᔾᔨᒐᓚᖏᑦ ᑲᑎᓯᒪᔪᑦ ᐃᓕᓐᓂᐊᖅᓯᒪᓃᑦ ᐱᓕᒻᒪᑦᓯᒪᓂᕐᓗ ᐃᓱᒪᒋᔭᐅᖃᓯᐅᑎᑐᐃᓐᓇᕆᐊᓖᑦ.
ᒪᓂᒪᑎᑦᓯᔪᒍᑦ ᑮᓇᐅᔾᔭᑦᓵᑦᓯᐊᕙᓐᓂᒃ $81,568.50 ᑎᑭᐅᒪᔪᑦ $93,892.50−ᓄᑦ, ᐅᑭᐅᖅᑕᖅᑐᒦᑦᑐᖅᓯᐅᑦ $24,381 ᐊᕐᕌᒍᑕᒫᑦ, ᐆᕙᑕᐃᕐᕕᑦᓴᐅᓪᓗᓂ ᐃᓗᓕᖅᑐᔪᓪᓗ ᐃᔪᔫᓯᐊᑦᓴᐃᑦ ᐱᖃᓯᐅᑎᑦᓱᓂ ᓇᓗᓇᐃᔭᖅᓯᑦᓯᐊᖅᑐᖅ ᓴᓂᕐᕚᕆᓂᑦᓴᖅ ᐊᒻᒪᓗ ᐃᑲᔫᑎᓕᓐᓂᒃ ᐃᓪᓗᖃᖅᑎᑕᐅᓂᖅ. ᑖᓐᓇ ᐃᖅᑲᓇᐃᔮᖅ ᐃᓚᒋᔭᐅᔪᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ.
ᐃᖅᑲᓇᐃᔮᑕᕋᓱᐊᕈᕕᑦ ᖃᕆᑕᐅᔭᒃᑯᑦ ᐊᐅᓪᓚᑎᓪᓗᒋᑦ ᐅᕗᖓ careers@qec.nu.ca ᑎᑎᖅᑲᑎᒍᓪᓘᓐᓃᑦ: ᐃᖅᑲᓇᐃᔭᖅᑐᓕᕆᔩᑦ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᖁᑎᖓᑦ, ᑎᑎᖅᑲᒃᑯᕕᐊ 420, ᖃᒪᓂᑦᑐᐊᖅ, ᓄᓇᕗᑦ X0C 0A0
ᐃᖅᑲᓇᐃᔮᑖᕋᓱᐊᕆᑦ ᑎᑎᕋᕐᓗᑎᑦ ᐅᕙᓂ ᒥᑦᓯᑎᓐᓂᓘᓐᓃᑦ ᐋᒡᒋᓯ 7, 2020.
ᐃᖅᑲᓇᐃᔮᖅᑖᕋᓱᐊᖅᑐᑦ ᑖᑦᓱᒥᖓ ᐃᓱᒪᒋᔭᐅᖃᓯᐅᑎᑐᐃᓐᓇᕆᐊᓖᑦ ᓯᕗᓂᑦᑎᓐᓂ ᐃᖅᑲᓇᐃᔮᑦᓴᓄᑦᖅ ᖁᓪᓕᒃᑯᓐᓂ. ᖁᔭᓐᓇᒦᒃ ᐃᖅᑲᓇᐃᔮᖅᑖᕋᓱᐊᖅᑐᑦ; ᑭᓯᐊᓂᓕ ᐊᐱᖅᓱᖅᑕᐅᒍᒪᔪᑦ ᑭᓯᐊᓂ ᖃᓄᐃᓕᔭᐅᒋᐊᖅᑐᑑᓛᖅᑐᑦ.