ᐱᔪᒥᓇᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ!
ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑎᒥᖁᑖ ᐱᓕᕆᐊᒃᓴᖃᖅᐳᑦ ᐊᑦᑕᕐᓇᙱᑦᑐᒥᒃ ᐊᑐᕈᓐᓇᑦᑎᐊᖅᑐᒥᒡᓗ ᐆᒻᒪᖁᑎᖃᖅᑎᑦᑎᕙᒡᓗᑎᒃ ᐊᑭᓕᖅᓱᐃᔨᓄᑦ ᓄᓇᕘᓕᒫᒥᑦ. ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᐆᒻᒪᖁᑎᖃᖅᑎᑎᔨᐅᕗᑦ ᓄᓇᕗᒻᒥ ᐊᐅᓚᑦᑎᓪᓗᑎᒡᓗ 25-ᓂᒃ ᐃᒻᒥᒃᑰᖅᑐᓂᒃ ᐅᖅᓱᐊᓗᖕᒧᑦ ᐊᐅᓚᐅᑎᕐᔪᐊᓂᒃ ᐊᒻᒪᓗ ᐆᒻᒪᖁᑎᖃᖅᑎᑦᑎᔨᐅᓪᓗᑎᒃ ᓄᓇᕗᓕᒫᒥᑦ.
ᓄᓇᕗᒻᒥ ᐱᓕᕆᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᖃᐅᔨᒪᔭᐅᕗᖅ ᑲᔾᔮᕐᓇᖅᑐᒥᒃ ᑕᐅᑦᑐᖃᕐᒪᑦ ᓄᓇᖓ ᓂᕆᐅᓇᙱᑦᑐᓂᓪᓗ ᐱᕕᒃᓴᑦᑎᐊᕆᒃᖢᑎᒃ. ᐃᓚᐅᖃᑕᐅᒋᑦ ᐱᓕᕆᖃᑎᒋᔭᑦᑎᓐᓂ ᐊᒻᒪᓗ ᖃᐅᔨᕙᓪᓕᐊᓗᒋᑦ ᐅᑭᐅᒃᑯᑦ ᑲᔾᔮᕐᓇᕐᓂᖓ ᓯᑭᑑᒃᑯᑦ, ᐅᒥᐊᖅᑐᕐᕕᐅᕙᓚᐅᖅᑐᑦ ᖃᔭᒃᑯᑦ, ᐱᓱᔪᒡᓗᓂ ᓄᓇᖓᓂ ᐆᒪᔪᖃᐅᖅᑐᒥᑦ, ᐅᕝᕙᓘᓐᓃᑦ ᖃᐅᔨᓗᒋᑦ ᐃᓕᖅᑯᓯᕆᔭᐅᔪᑦ ᐃᓕᓴᕆᔭᐅᓯᒪᔪᑦ ᓴᓇᙳᐊᖅᑎᓂᒃ, ᓂᔾᔭᐅᓯᔭᖅᑎᓂᒃ, ᓂᕆᔭᐅᓲᓂᓪᓗ. ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᑦᑎᐊᖏᓐᓇᕈᓐᓇᖅᑐᒥᒃ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕘᓕᒫᒥ.
ᐅᖁᒪᐃᑦᑐᓕᕆᔾᔪᑎᓄᑦ ᐱᓕᕆᔨ (QEC-23-008)
ᐃᖃᓗᒃ`ᑐᑦᑎᐊᖅᒥ
ᓱᕋᒃᓯᒪᔪᓕᕆᔨᑦ ᐊᖓᔪᖅᑳᖓᓄᑦ ᐅᓂᒃᑳᖅᐸᒡᓗᓂ, ᐅᖁᒪᐃᑦᑐᓕᕆᔾᔪᑎᓄᑦ ᐱᓕᕆᔨ ᐱᓕᕆᐊᒃᓴᖃᖅᐳᖅ ᐊᔪᓕᖅᓯᒪᔪᓂᒃ ᖃᐅᔨᓇᓱᒃᐸᒡᓗᓂ, ᐋᖅᑭᒋᐊᖅᓯᕙᒡᓗᓂ, ᐋᖅᑭᑦᑎᐊᖅᓯᒪᑎᑦᑎᕙᒡᓗᓂᓗ ᑎᒥᖁᑎᒋᔭᐅᔪᑦ ᐅᖅᓱᐊᓗᖕᒨᖅᑐᑦ ᐊᐅᓚᐅᑎᕐᔪᐊᖏᓐᓂᒃ ᐊᒃᑐᐊᓂᓕᖕᓂᓪᓗ ᐃᑲᔪᖅᑐᐃᔾᔪᑎᑦ ᐱᖁᑎᖏᓐᓂᒃ ᐅᑯᓂᖓᓗ ᐊᐅᓚᐅᑎᖏᑦ, ᒥᓪᓗᐊᕈᑎᖏᑦ, ᐳᓪᓚᓕᐅᕈᑎᖏᑦ, ᐅᖅᑰᓴᐅᑎᖏᑦ, ᐆᓇᖅᑐᖃᐅᑦ ᐊᓯᔾᔨᖅᑕᖅᑐᖅ, ᐊᐅᓚᐅᑎᓄᑦ ᐅᖅᓱᖅᑎᕈᑎᑦ, ᐅᖅᓲᓯᕝᕕᖕᒥᒃ, ᓂᒡᓕᓴᐅᑎᒥᒃ, ᐊᓯᖏᓐᓂᒡᓗ ᐊᒃᑐᐊᓂᓕᖕᓂᒃ ᓱᓇᒃᑯᑖᖏᓐᓂᒃ. ᑖᔅᓱᒥᖓ ᐃᖅᑲᓇᐃᔮᓕᒃ ᐱᓕᕆᖃᑎᖃᖃᑦᑕᕐᓂᐊᖅᐳᖅ ᐊᓯᖏᓐᓂᒃ ᐃᖅᑲᓇᐃᔮᓂᒃ ᐊᐅᓪᓚᒐᔪᖕᓂᐊᖅᖢᓂᓗ ᐅᖓᓯᒃᑐᓄᑦ ᓄᓇᓕᖕᓄᑦ ᐊᕕᒃᑐᖅᓯᒪᔪᓂ ᐊᐅᓚᐅᑎᓕᕆᔾᔪᑎᑦ ᐃᖏᕐᕋᑦᑎᐊᖁᓪᓗᒋᑦ.
ᐱᓕᕆᐊᒃᓴᖏᑦ ᑲᒪᒋᔭᒃᓴᖏᓪᓗ:
- ᖃᐅᔨᓴᖅᐸᒡᓗᓂ, ᐊᔪᓕᖅᓯᒪᔪᓂᒃ ᖃᐅᔨᓇᓱᒃᐸᒡᓗᓂ, ᓴᓇᔭᐅᒃᑲᓐᓂᕆᐊᓕᖕᓂᒃ ᐊᐅᓚᐅᑎᕐᔪᐊᓕᕆᔾᔪᑎᓂᒃ, ᓱᓇᒃᑯᑖᖏᓐᓂᒃ, ᐊᒻᒪ ᐱᖁᑎᖏᓐᓂᒃ ᐱᕙᓪᓕᐊᑦᑎᐊᖁᓪᓗᒋᑦ ᐊᒻᒪ ᐱᐅᓗᑎᒃ.
- ᖃᐅᔨᓴᖅᐸᒡᓗᓂ, ᐊᔪᓕᖅᓯᒪᔪᓂᒃ ᖃᐅᔨᓇᓱᒃᐸᒡᓗᓂ, ᓴᓇᔭᐅᔭᕆᐊᓕᖕᓂᓪᓗ ᑐᐊᕕᕐᓇᖅᑐᓂᒃ ᐊᐅᓚᐅᓯᕆᔾᔪᑎᖏᓐᓂᒃ, ᓱᓇᒃᑯᑖᖏᓐᓂᒃ, ᐊᒻᒪ ᐱᖁᑎᖏᑦ ᐊᓯᔾᔨᖅᐸᒡᓗᒋᑦ ᐱᔭᕆᐊᖃᖅᐸᑦ.
- ᓄᓇᓕᖕᓄᑦ ᐊᐅᓪᓚᖃᑦᑕᕐᓗᓂ ᖃᐅᔨᓴᕆᐊᕐᓗᓂ, ᐋᖅᑭᒃᓱᕆᐊᓕᖕᓂᒃ ᓴᓇᔭᖅᑐᕐᓗᓂ, ᐱᖁᑎᓂᒃ ᐃᓕᐅᖅᑲᐃᓗᓂ, ᐊᒻᒪ ᑭᓱᑐᐃᓐᓇᓂᒃ ᓱᕋᒃᓯᒪᔪᓂᒃ ᐋᖅᑭᒃᓱᐃᓗᓂ ᐊᐅᓚᐅᑎᖃᕐᕕᓕᕆᔾᔪᑎᖏᓐᓂᒃ.
- ᐱᓕᕆᖃᑎᖃᖅᐸᒡᓗᓂ ᐊᐅᓚᐅᑎᓕᕆᔨᑦ ᐱᓕᕆᕝᕕᖓᓂᒃ ᐋᖅᑭᒃᓯᒪᓂᒃᓴᖓᓂᒃ ᕿᒥᕐᕈᓗᑎᒃ ᐱᖁᑎᖏᓐᓂᒡᓗ ᓇᓗᓇᐃᔭᑦᑎᐊᖅᐸᒡᓗᓂ ᐱᓕᕆᐊᖑᔪᑦ ᒪᓕᒋᐊᖃᖅᑐᓕᒫᓂᒃ ᒪᓕᑦᑎᐊᖁᓪᓗᒋᑦ ᐊᒻᒪ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᒪᓕᒃᑕᐅᔭᕆᐊᓕᖕᓂᒃ.
- ᐱᓕᕆᖃᑎᖃᖅᐸᒡᓗᓂ ᑕᐃᒪᐃᑦᑐᓕᕆᔨᓂᑦ ᓴᓇᔨᓂᑦ ᐃᖅᑲᓇᐃᔭᖅᑎᓂᓪᓗ ᓈᒻᒪᖅᑯᑦᑎᓗᑎᒃ ᑮᓇᐅᔭᖅᑑᑎᖏᓪᓗ ᐊᑐᕐᓗᒋᑦ ᐱᐊᓂᒍᓐᓇᑦᑎᐊᖁᓪᓗᒋᑦ ᐊᑭᑐᔫᑎᑦ ᐊᒻᒪ ᐊᐅᓚᔾᔪᑎᑦ ᐋᖅᑭᐅᒪᐃᓐᓇᕈᑎᓪᓗ ᐱᓕᕆᐊᒃᓴᖏᑦ.
- ᓴᓇᔭᐅᔾᔪᑎᖏᑦ ᑎᑎᕋᖅᐸᓪᓕᐊᕙᒡᓗᒋᑦ ᐋᖅᑭᒃᓱᐃᖃᑎᖃᖅᐸᒡᓗᓂᓗ ᐊᐅᓚᐅᓯᕆᔨᓂᒃ, ᐊᐅᓚᑦᑎᔨᓂᒃ, ᓱᕋᒃᓯᒪᔪᓕᕆᔨᓂᒃ, ᑎᑎᕋᖅᑕᐅᓯᒪᔪᑦ ᐋᖅᑭᒋᐊᖅᑕᐅᓕᕌᖓᒥᒃ.
- ᐱᓕᕆᖃᑎᖃᖅᐸᒡᓗᓂ ᑕᐃᒪᐃᑦᑐᓕᕆᔨᓂᑦ ᓴᓇᔨᓂᑦ ᐃᖅᑲᓇᐃᔭᖅᑎᓂᓪᓗ ᓈᒻᒪᖅᑯᑦᑎᓗᑎᒃ ᑮᓇᐅᔭᖅᑑᑎᖏᓪᓗ ᐊᑐᕐᓗᒋᑦ ᐱᐊᓂᒍᓐᓇᑦᑎᐊᖁᓪᓗᒋᑦ ᐊᑭᑐᔫᑎᑦ ᐊᒻᒪ ᐊᐅᓚᔾᔪᑎᑦ ᐋᖅᑭᐅᒪᐃᓐᓇᕈᑎᓪᓗ ᐱᓕᕆᐊᒃᓴᖏᑦ.
- ᓴᓇᔭᐅᔾᔪᑎᖏᑦ ᑎᑎᕋᖅᐸᓪᓕᐊᕙᒡᓗᒋᑦ ᐋᖅᑭᒃᓱᐃᖃᑎᖃᖅᐸᒡᓗᓂᓗ ᐊᐅᓚᐅᓯᕆᔨᓂᒃ, ᐊᐅᓚᑦᑎᔨᓂᒃ, ᓱᕋᒃᓯᒪᔪᓕᕆᔨᓂᒃ, ᑎᑎᕋᖅᑕᐅᓯᒪᔪᑦ ᐋᖅᑭᒋᐊᖅᑕᐅᓕᕌᖓᒥᒃ.
- ᑐᑦᑕᕐᕕᖃᕐᓂᖅ ᓯᓚᑖᓂᙶᖅᑐᓂ ᑐᑦᑕᕐᕕᖕᓂ, ᐱᖃᓯᐅᑎᓗᒋᑦ ᑕᒻᒪᖅᓯᒪᔪᖅᓯᐅᖅᑎᐅᑉ ᑎᑎᕋᕐᕕᖓ, ᑮᓇᐅᔭᓕᕆᕝᕖᑦ, ᐊᒻᒪᓗ ᐱᖃᖅᑎᐅᖃᑕᐅᔪᑦ.
- ᓇᔪᖅᑕᐅᔪᒥᑦ ᐋᖅᑭᒋᐊᕈᑎᒃᓴᓂᒃ ᐊᑐᐃᓐᓇᐅᑎᑦᑎᕙᒡᓗᓂ ᐊᖅᑭᒋᐊᕈᑎᒃᓴᓂᓪᓘᓐᓃᑦ ᐱᓕᕆᔾᔪᑎᑦ ᖃᕆᑕᐅᔭᒃᑯᑦ ᐅᑎᖅᑎᑕᐅᑲᐅᑎᒋᖃᑦᑕᖁᓪᓗᒋᑦ ᖃᒥᙶᖅᑎᓪᓗᒋᑦ ᐱᖁᑎᖏᓪᓗ ᐊᑦᑕᕐᓇᖅᑐᒦᓗᐊᖅᑕᐃᓕᑎᓪᓗᒋᑦ.
- ᓴᓗᒪᔪᒥᑦ ᐊᑦᑕᕐᓇᙱᑦᑐᒥᑦ ᐱᓕᕆᕝᕕᖃᖅᑎᑦᑎᕙᒡᓗᓂ ᖃᖓᓕᒫᑦᑎᐊᖅ ᐊᒻᒪ ᐱᒋᐊᖅᑳᖅᐸᒡᓗᓂ, ᓈᒻᒪᒃᓯᔭᕌᖓᑦ ᐊᑐᓕᖁᔨᔾᔪᑎᓕᐅᖅᐸᒡᓗᓂ ᐋᖅᑭᒋᐊᖅᑕᐅᖏᓐᓇᕆᐊᓕᖕᓄᑦ ᑎᒥᒋᔭᐅᔪᑦ ᐊᐅᓚᓂᕆᔭᖏᓐᓂᒃ ᐊᒻᒪ ᐱᖁᑎᖏᓐᓂᒃ.
- ᐋᖅᑭᒃᓱᐃᖃᑎᖃᖅᐸᒡᓗᓂ ᓂᐅᕕᕐᕕᖕᓂᑦ ᐊᐅᓚᐅᑎᖏᑦ ᖃᐅᔨᓴᖅᑕᐅᑦᑎᐊᖃᑦᑕᖁᓪᓗᒋᑦ ᐃᓚᒃᓴᖏᓪᓗ ᓯᕗᓂᐊᒍᑦ ᑎᑭᓴᖅᑕᐅᕙᒡᓗᑎᒃ ᐊᕐᕌᒍᑕᒫ ᐅᒥᐊᕐᔪᐊᒃᑰᕐᓇᖅᓯᔭᕌᖓᑦ.
- ᓇᔪᖅᑕᐅᔪᒥᑦ ᐋᖅᑭᒋᐊᕈᑎᒃᓴᓂᒃ ᐊᑐᐃᓐᓇᐅᑎᑦᑎᕙᒡᓗᓂ ᐊᖅᑭᒋᐊᕈᑎᒃᓴᓂᓪᓘᓐᓃᑦ ᐱᓕᕆᔾᔪᑎᑦ ᖃᕆᑕᐅᔭᒃᑯᑦ ᐅᑎᖅᑎᑕᐅᑲᐅᑎᒋᖃᑦᑕᖁᓪᓗᒋᑦ ᖃᒥᙶᖅᑎᓪᓗᒋᑦ ᐱᖁᑎᖏᓪᓗ ᐊᑦᑕᕐᓇᖅᑐᒦᓗᐊᖅᑕᐃᓕᒪᑎᓪᓗᒋᑦ.
- ᓴᓗᒪᔪᒥᑦ ᐊᑦᑕᕐᓇᙱᑦᑐᒥᑦ ᐱᓕᕆᕝᕕᖃᖅᑎᑦᑎᕙᒡᓗᓂ ᖃᖓᓕᒫᑦᑎᐊᖅ ᐊᒻᒪ ᐱᒋᐊᖅᑳᖅᐸᒡᓗᓂ, ᓈᒻᒪᒃᓯᔭᕌᖓᑦ ᐊᑐᓕᖁᔨᔾᔪᑎᓕᐅᖅᐸᒡᓗᓂ ᐋᖅᑭᒋᐊᖅᑕᐅᖏᓐᓇᕆᐊᓕᖕᓄᑦ ᑎᒥᒋᔭᐅᔪᑦ ᐊᐅᓚᓂᕆᔭᖏᓐᓂᒃ ᐊᒻᒪ ᐱᖁᑎᖏᓐᓂᒃ.
- ᐋᖅᑭᒃᓱᐃᖃᑎᖃᖅᐸᒡᓗᓂ ᓂᐅᕕᕐᕕᖕᓂᑦ ᐊᐅᓚᐅᑎᖏᑦ ᖃᐅᔨᓴᖅᑕᐅᑦᑎᐊᖃᑦᑕᖁᓪᓗᒋᑦ ᐃᓚᒃᓴᖏᓪᓗ ᓯᕗᓂᐊᒍᑦ ᑎᑭᓴᖅᑕᐅᕙᒡᓗᑎᒃ ᐊᕐᕌᒍᑕᒫ ᐅᒥᐊᕐᔪᐊᒃᑰᕐᓇᖅᓯᔭᕌᖓᑦ.
- ᐱᓕᕆᐊᖑᔪᑦ ᒪᓕᑦᑎᐊᖅᑎᑕᐅᕙᒡᓗᑎᒃ ᐆᒻᒪᖅᑯᑎᓕᕆᔨᑦ ᐊᑐᐊᒐᓕᒫᖏᓐᓂᒃ ᐊᒻᒪ ᐱᓕᕆᔾᔪᓯᖏᓐᓂᒃ; ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᒥ, ᑲᓇᑕᒥ ᐊᕕᒃᑐᖅᓯᒪᔪᒥ, ᐊᒻᒪ ᑲᓇᑕᒥ ᒪᓕᒐᖏᓐᓂᒃ; ᒪᓕᑦᑎᐊᕐᓗᑎᒡᓗ ᑕᒪᐃᓐᓂᒃ ᐋᓐᓂᐊᖅᑐᓕᕆᓂᕐᒧᑦ, ᐊᑦᑕᕐᓇᖅᑕᐃᓕᒪᓂᕐᒧᑦ, ᐊᒻᒪ ᐊᕙᑎᓕᕆᓂᕐᒧᑦ ᒪᓕᒐᖏᓐᓂᒃ.
- ᓄᓇᓕᖕᓂ ᐊᒻᒪ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᑦ ᒐᕙᒪᖓᓂᒃ ᑐᓴᐅᒪᖃᑎᖃᖅᐸᒡᓗᓂ ᖃᒥᑦᑐᖃᕌᖓᑦ ᐅᖃᐅᑎᕙᓪᓕᐊᕙᒡᓗᒋᑦ ᓄᓇᓕᖕᓂ ᐊᒃᑐᐃᓕᖅᐸᒃᑐᓂᒃ, ᐱᔭᕆᐊᖃᕌᖓᑦ.
ᐅᑯᐊ ᐊᔪᙱᑦᑕᕆᐊᓖᑦ:
- ᐊᕕᒃᑐᖅᓯᒪᔪᓂᑦ ᑲᓇᑕᒥ ᐃᓕᓴᕆᔭᐅᔾᔪᑎᖃᕐᓗᓂᑦ ᐅᖁᒪᐃᑦᑐᓕᕆᔨᐅᓂᕐᒧᑦ ᐅᕝᕙᓘᓐᓃᑦ ᐊᔾᔨᐸᓗᖓᓂ.
- ᐊᐅᐸᖅᑐᒥᒃ ᓇᕿᑕᐅᓯᒪᔪᒥᒃ ᐃᓕᓴᕆᔭᐅᔾᔪᑎᖃᖅᐸᑦ ᐃᑲᔫᑎᖃᑦᑎᐊᕋᔭᖅᐳᖅ.
ᐃᑲᔪᕐᓂᖃᕋᔭᖅᑐᑦ:
- ᐊᑐᖃᑦᑕᖅᓯᒪᓗᓂ ᐅᖅᓱᐊᓗᖕᒨᖅᑐᒥᒃ ᐊᐅᓚᐅᑎᖃᕐᕕᖕᒥ ᐃᑲᔪᕐᓂᖃᕋᔭᖅᑐᖅ.
ᑮᓇᐅᔾᔭᒃᓴᑦᑎᐊᕋᔭᖅᑐᖅ ᐱᒋᐊᕐᓗᓂ $97,745.64−ᒥ $113,373.57-ᒧ ᐅᑭᐅᖅᑕᖅᑐᒥᐅᑕᓂᕐᒧᓪᓗ ᐃᑲᔫᓯᐊᖅᑖᖅᐸᒡᓗᓂ $20.891.00−ᒥ ᐊᕐᕌᒍᒧᑦ. ᓈᒻᒪᑦᑎᐊᖅᑐᓂᒃ ᐃᑲᔫᓯᐊᖅᑖᖅᑎᑦᑎᕙᒃᑭᕗᒍᑦ ᑲᑎᖅᓱᖅᓯᒪᔪᒥᒃ, ᐅᑯᓂᖓᓗ ᓇᓗᓇᐃᔭᖅᓯᒪᔪᑦ−ᐃᑲᔫᑎᓄᑦ ᐃᓐᓇᖅᓯᐅᑎᑖᕈᑎᑦ. ᓱᓕᒃᑲᓐᓂᖅ, ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᖃᖅᑐᖅ ᐃᖅᑲᓇᐃᔮᒧᑦ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᓕᐅᔾᔭᐅᓯᒪᕗᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ.
ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.
ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᑦ ᐃᕐᖐᓐᓈᖅᑕᐅᒃᑯᑦ ᐅᕗᖓ careers@qec.nu.ca.
ᐅᒃᑯᐃᖓᓂᐊᖅᑐᖅ ᐃᓐᓄᒐᓱᖕᓂᖓᓂ.
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᑦ.
ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓄᑦ; ᑭᓯᐊᓂᑦᑕᐅᖅ, ᓂᕈᐊᖅᑕᐅᔪᑐᐊᑦ ᑐᓴᖅᑎᑕᐅᓇᔭᖅᑐᑦ.