ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᑕᑎᒋᔭᒃᓴᐅᔪᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑕ ᓄᓇᕗᓕᒫᒥ.
ᓄᓇᕗᒻᒥ ᐃᖅᑲᓇᐃᔭᕐᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᖢᓂ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓪᓗᑎᒃ ᐊᑦᑕᕐᓇᙱᑦᑐᒥᑦ, ᑕᑎᒋᔭᒃᓴᐅᔪᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᓪᓗ ᓄᓇᕗᒻᒥ. ᐊᓯᖏᑦ ᐆᒻᒪᖅᑯᑎᖃᕐᕖᑦ ᑲᓇᑕᒥ ᑕᐅᑐᒃᖢᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᔾᔨᒋᔭᐅᙱᑦᑐᒥᒃ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᑎᖃᑦᑕᕐᒪᑕ ᐊᕙᑎᓪᓗ ᑕᓪᓕᒪᓂᒃ ᐃᓛᒃᑰᖅᑐᓂᒃ ᐊᐅᓚᐅᑎᖃᕐᕕᐊᓗᖕᓂᒃ ᐆᒻᒪᖅᑯᑎᖃᖅᑎᑦᑎᓪᓗᑎᓪᓗ ᓄᓇᓕᓕᒫᓂᒃ ᓄᓇᕗᒻᒥ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ-25-019 ᑐᑭᒧᐊᑦᑎᑦᑎᔨ, ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ
ᖃᒪᓂ'ᑐᐊᖅ, ᓄᓇᕗᑦ
ᖃᒪᓂ'ᑐᐊᕐᒦᓐᓇᔭᖅᑐᖅ, ᓄᓇᕗᒻᒥ ᖃᐅᔨᒃᑲᐃᕙᒡᓗᓂᓗ ᐊᖓᔪᖅᑳᖓᓐᓄᑦ ᐊᐅᓚᑦᑎᔨᒻᒪᕆᖓᓄᓪᓗ, ᑐᑭᒧᐊᑦᑎᑦᑎᔨ, ᐃᖅᑲᓇᐃᔭᖅᑐᓕᕆᔨᓄᑦ ᖃᓄᖅᑑᕈᑎᓄᑦ ᓯᕗᓕᖅᑎᐅᖃᑦᑕᕐᓂᐊᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᖅᑲᓇᐃᔭᖅᑐᓕᕆᔨᒃᑯᖏᓐᓂ. ᐃᖅᑲᓇᐃᔮᓕᒃ ᑲᒪᒋᔭᖃᕐᓂᐊᖅᑐᖅ ᓇᓗᓇᐃᖅᐸᒡᓗᒋᑦ ᐱᕙᓪᓕᐊᑎᑦᑎᔪᑦ, ᐊᑐᓕᖅᑎᑦᑎᔪᑦ ᖃᐅᔨᓴᖅᑕᐅᔪᓪᓗ ᑕᒪᕐᒥᒃ ᐃᖅᑲᓇᐃᔭᖅᑐᓕᕆᔨᒃᑯᑦ ᐊᐅᓚᓂᖏᑦ ᐅᑯᐊᓗ, ᑖᒃᑯᐊᑐᐊᖑᙱᖦᖢᑎᒡᓗ ᐱᓕᒻᒪᒃᓴᖅᑎᑦᑎᓂᖅ ᐱᕙᓪᓕᐊᑎᑦᑎᓂᕐᓗ, ᐃᖃᓇᐃᔭᖅᑎᒃᓴᖅᓯᐅᕐᓂᖅ ᐃᖃᓇᐃᔭᖅᑎᑖᕋᓱᖕᓂᕐᓗ, ᐃᖅᑲᓇᐃᔭᖅᑎᓂᑦ ᐊᒻᒪᓗ ᐃᖅᑲᓇᐃᔭᖅᑐᓕᕆᓂᖅ, ᐃᓄᖕᓂᑦ ᐃᖅᑲᓇᐃᔮᖃᖅᑎᑦᑎᕙᓪᓕᐊᔪᒪᔪᑦ, ᐃᑲᔫᓯᐊᓂᓪᓗ.
ᐃᖅᑲᓇᐃᔭᖅᑎ ᐃᓚᒋᔭᐅᓂᐊᖅᑐᖅ ᐊᐅᓚᑦᑎᔨᒻᒪᕇᑦ ᑲᑎᒪᔨᖏᓐᓂᒃ, ᐋᖅᑭᒃᓱᐃᕙᒡᓗᑎᒃ ᐱᓕᕆᕝᕕᐅᑉ ᑮᓇᐅᔭᖅᑑᑎᒃᓴᖏᓐᓂᒃ, ᑲᒪᒋᕙᒡᓗᒋᓪᓗ ᖃᐅᑕᒫᑦ ᐱᓕᕆᕝᕕᖕᒥ ᐊᐅᓚᓂᕆᔭᐅᔪᑦ, ᐱᐅᓯᒋᐊᖅᑕᐅᑎᑦᑏᓐᓇᖅᐸᒡᓗᓂ ᐊᑐᐊᒐᕐᒥᒃ ᐱᓕᕆᔾᔪᓯᖏᓐᓂᒡᓗ, ᐊᐅᓚᑦᑎᔨᐅᕙᒡᓗᓂᓗ ᑕᒪᐃᓐᓂᒃ ᐱᓕᕆᕝᕖᑦ ᐱᓕᕆᐊᒃᓴᖏᓐᓂᒃ.
ᐱᔭᒃᓴᐃᑦ ᑲᒪᒋᔭᒃᓴᐃᓪᓗ:
- ᑲᔪᓯᑎᑦᑎᕙᒡᓗᓂ ᖃᓄᖅᑑᕈᑎᓂᑦ ᐃᖅᑲᓇᐃᔭᖅᑐᓕᕆᔨᒃᑯᑦ ᓯᕗᓕᖅᑎᖏᓐᓂᒃ ᑲᒪᒋᔭᖃᖅᐸᒡᓗᓂᓗ ᖃᓄᓕᒫᖅ ᐃᖅᑲᓇᐃᔭᖅᑐᓕᕆᔨᒃᑯᑦ ᐊᐅᓚᓂᕆᕙᒃᑕᖏᓐᓂᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂ ᐱᖃᓯᐅᑎᓪᓗᒋᑦ ᑲᑐᔾᔨᖃᑎᒌᑦ ᐋᖅᑭᒃᓱᖅᓯᒪᓂᖏᑦ, ᐊᔪᙱᓐᓂᓕᖕᓂᑦ ᓇᓗᓇᐃᖅᓯᖃᑦᑕᕐᓂᖅ, ᐃᖅᑲᓇᐃᔭᓕᓵᖅᑐᑦ ᐃᖅᑲᓇᐃᔭᕈᓐᓃᓕᖅᑐᓪᓗ, ᐃᖅᑲᓇᐃᔭᖅᑎᑦ ᐃᖅᑲᓇᐃᔭᖅᑐᓕᕆᓂᕐᓗ, ᐃᖅᑲᓇᐃᔭᖅᑏᑦ ᖃᓄᐃᙱᑦᑎᐊᖁᓪᓗᒋᑦ, ᐃᖅᑲᓇᐃᔭᕐᕕᒋᔭᒥᓄᑦ ᐅᑎᖅᑐᑦ, ᐃᖅᑲᓇᐃᔭᕐᕕᒋᔭᐅᔪᓂ ᐱᕙᒌᔭᕐᓂᕐᒥᒃ, ᑕᒪᕐᒥᒃ ᐊᑭᓕᐅᑕᐅᕙᒃᑐᑦ ᐊᐅᓚᑕᐅᓂᖏᑦ, ᐊᓯᔾᔩᓂᕐᒧᓪᓗ ᐊᐅᓚᑦᑎᔾᔪᑕᐅᕙᓪᓕᐊᔪᒪᔪᓂᑦ.
- ᑲᔪᖏᖅᓴᐃᕙᒡᓗᓂ ᓯᕗᓕᖅᑎᐅᕙᒡᓗᓂᓗ ᐃᖅᑲᓇᐃᔭᖅᑐᓕᕆᔨᒻᒪᕆᖕᓂᒃ ᐸᕐᓇᐃᑎᓪᓗᒋᑦ, ᑐᕌᒐᖏᓐᓂᒃ ᐋᖅᑭᒃᓱᐃᑎᓪᓗᒋᑦ, ᖃᐅᔨᓴᖅᐸᓪᓕᐊᑎᓪᓗᒋᑦ ᐊᒻᒪ ᖃᐅᔨᓴᖅᑎᓪᓗᒋᑦ ᑐᕌᒐᖏᓐᓂᒃ; ᑲᔪᓯᑎᑦᑎᕙᒃᐳᖅ ᑲᒪᒋᔭᖃᖅᐸᒃᖢᓂᓗ ᐱᓕᕆᖃᑎᒌᓂᑦ ᓴᖅᑭᑦᑎᕙᓪᓕᐊᔪᓂᑦ, ᐊᔾᔨᒌᒃᑎᑦᑎᔪᒥᑦ, ᑎᓕᐅᕆᕙᒃᖢᓂᓗ ᐃᓕᓐᓂᐊᖅᐸᓪᓕᐊᖏᓐᓇᖁᔨᓪᓗᓂ. ᐊᒻᒪᓗᑦᑕᐅᖅ, ᐱᕙᓪᓕᐊᑎᑦᑎᓪᓗᓂ ᑲᒪᒋᕙᒡᓗᒋᓪᓗ ᐃᖅᑲᓇᐃᔭᖅᑐᓕᕆᔨᒃᑯᑦ ᐊᕐᕌᒍᑕᒫᑦ ᑮᓇᐅᔭᖅᑑᑎᒃᓴᖏᑦ ᐅᑯᐊᓗ ᑕᖅᑭᑕᒫᖅᓯᐅᑦ ᐊᔾᔨᒌᙱᓐᓂᖓᓂ ᖃᐅᔨᓴᖃᑦᑕᕐᓗᓂ ᐊᒻᒪ ᐅᑎᕐᕕᐅᓂᐊᕐᓂᖓ ᑮᓇᐅᔭᓕᐅᕈᑎᒃᓴᓂᑦ ᐃᑲᔫᑎᒃᓴᓂ ᓴᓂᕐᕙᒃᑕᐅᔪᓂᑦ.
- ᖃᐅᑕᒫᑦ ᐃᓕᓐᓂᐊᖅᑎᑦᑎᕙᒡᓗᓂ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᖅᑲᓇᐃᔭᖅᑎᖏᓐᓂ ᐊᒻᒪ ᓯᕗᓕᖅᑎᓂᑦ ᓲᕐᓗ ᐅᑯᓂᖓ ᑖᒃᑯᐊᑐᐊᖑᙱᖦᖢᑎᒡᓗ ᐃᖅᑲᓇᐃᔭᖅᑎᓄᑦ ᑭᒡᒐᖅᑐᐃᔨᓂᑦ, ᐊᑐᐊᒐᕐᓂᒃ ᑐᑭᓕᐅᖅᑕᐅᔪᓂᑦ ᐊᒻᒪ ᐱᓇᔫᑎᓂᑦ; ᐊᔪᙱᓐᓂᖏᓐᓂ ᐊᐅᓚᑦᑎᓂᖅ ᐱᕙᓪᓕᐊᑎᑦᑎᓂᕐᓗ; ᐊᒻᒪ ᑲᑐᔾᔨᖃᑎᒌᑦ ᐋᖅᑭᒃᓯᒪᓂᖏᑦ.
- ᐃᑲᔪᖅᑐᐃᔨ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑎᒥ ᐃᖅᑲᓇᐃᔭᕐᓂᕐᒧᑦ ᐱᓕᕆᐊᒃᓴᓂᑦ ᐱᔾᔪᑎᓕᖕᓂᑦ ᐃᓚᒋᔭᐅᓪᓗᑎᒃ ᐃᖅᑲᓇᐃᔮᕆᔭᐅᔪᒪᔪᓕᕆᓂᕐᒧᑦ ᐸᕐᓇᐅᑎᑦ, ᐃᓄᐃᑦ ᓯᕗᓕᖅᑎᙳᖅᐸᓪᓕᐊᓂᕐᒧᑦ ᐱᓕᕆᐊᒃᓴᑦ, ᐃᓕᓐᓂᐊᖅᐸᓪᓕᐊᓗᓂ ᐃᖅᑲᓇᐃᔮᖅᑖᕐᓂᕐᒧᑦ ᐃᓕᓐᓂᐊᕐᓂᖅ, ᑭᓱᓕᕆᔨᙳᕆᐅᖅᓴᔪᓂᒃ ᐃᓕᓐᓂᐊᕐᓂᖅ, ᐊᐅᔭᒃᑯᑦ ᐃᓕᓐᓂᐊᖅᑎᓂᑦ ᐱᓕᕆᐊᑦ, ᐊᔾᔨᒌᙱᑦᑐᓪᓗ ᑲᑎᒪᔨᕋᓛᑦ.
- ᑲᒪᒋᔭᒃᓴᖃᕐᓗᓂ ᐃᖅᑲᓇᐃᔮᒃᓴᑦ ᐋᖅᑭᒃᓯᒪᓂᒃᓴᖓᓂ, ᐃᓂᒃᓴᓂᑦ ᐊᐅᓚᑦᑎᔾᔪᑎᑦ, ᑮᓇᐅᔾᔭᒃᓵᓪᓗ ᐋᖅᑭᒃᓯᒪᓂᖏᑦ, ᐊᒻᒪ ᐃᑲᔫᓯᐊᓄᑦ ᐊᑐᐊᒐᑦ ᒪᓕᑦᑎᐊᖁᓪᓗᒋᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᖅᑲᓇᐃᔮᒃᓴᓄᑦ ᖃᐅᔨᓴᕈᑎᖓᓂ, ᒐᕙᒪᒃᑯᑦ ᐃᖅᑲᓇᐃᔭᖅᑎᓄᑦ ᐱᖁᔭᖅ, ᒐᕙᒪᒃᑯᑦ ᐃᖅᑲᓇᐃᔭᖅᑎᓄᑦ ᒪᓕᒋᐊᓕᑦ, ᓄᓇᕗᒻᒥ ᑲᑐᔾᔨᖃᑎᒌᒃᖢᑎᒃ ᐊᖏᖃᑎᒌᒍᑎ, ᐊᓯᓕᒫᖏᓪᓗ ᐊᒃᑐᐊᓂᓖᑦ ᐱᔪᓐᓇᐅᑎᓖᑦ.
- ᒪᓕᒃᑕᐅᑦᑎᐊᕐᓗᑎᒃ ᑕᒪᕐᒥᒃ ᐃᖅᑲᓇᐃᔭᖅᑎᓅᖓᔪᑦ ᐊᑐᐊᒐᑦ, ᐱᓕᕆᔾᔪᓯᖏᑦ, ᐅᑯᐊᓗ ᓯᕗᓪᓕᐅᑎᔭᕆᐊᓕᑦ ᐃᖅᑲᓇᐃᔭᖅᑎᑖᕐᓂᕐᒧᑦ ᐊᑐᐊᒐᖅ, ᐊᒻᒪ ᓄᓇᕗᒻᒥ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᑎᓕᓯᔾᔪᑎᑦ ᐊᐅᓚᔾᔪᑎᒃᓴᑦ ᐃᖅᑲᓇᐃᔭᖅᑎᑖᖅᐸᓪᓕᐊᓂᕐᒧᑦ ᐊᒻᒪ ᓂᕈᐊᕐᓂᕐᒧᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᖅᑲᓇᐃᔭᖅᑎᖏᓐᓂᒃ.
- ᑲᒪᒋᓗᒋᑦ ᐊᐅᓚᑦᑎᕕᑦ ᑲᔪᓯᑎᑕᐅᓂᖏᑦ ᖃᓄᖅᑑᕈᑎᒃᓴᓄᓪᓗ ᑐᓴᕋᓱᒃᑎᑦᑎᕙᒡᓗᓂ ᐊᒃᑐᐊᓂᖃᖅᑐᓂᑦ ᐃᖅᑲᓇᐃᔭᖅᑎᓄ ᐃᖅᑲᓇᐃᔭᖅᑐᓕᕆᓂᕐᓗ; ᐱᖃᓯᐅᑎᓪᓗᒋᑦ ᑖᒃᑯᐊᑐᐊᖑᙱᖦᖢᑎᒡᓗ, ᑲᑐᔾᔨᖃᑎᒌᓂᑦ ᐱᓕᕆᖃᑎᒌᒃᐸᒃᑐᑦ, ᑲᑐᔾᔨᖃᑎᒌᑦ ᐊᖏᖃᑎᒌᒍᑎᖏᑦ ᐃᖅᑲᓇᐃᔭᕐᓂᕐᒧᑦ ᐊᖏᖃᑎᒌᒍᑎᒃᑯᑦ ᐊᐅᓚᑦᑎᓂᖅ, ᑲᑐᔾᔨᖃᑎᒌᑦ ᐋᔩᖃᑎᒌᖕᓂᒃᑯᑦ, ᖃᐅᔨᓴᕐᓂᕐᒧᑦ, ᐱᕙᓪᓕᐊᓂᖏᓄᓪᓗ ᐃᓂᖅᑎᕆᖃᑦᑕᕐᓂᕐᒧᑦ ᐃᓚᒋᔭᐅᓗᓂᓗ ᐊᓂᑦᑎᖃᑦᑕᕐᓂᖅ ᐃᖅᑲᓇᐃᔭᖅᑎᒥᒃ.
- ᐱᓕᕆᖃᑎᖃᓲᑦ ᓯᓚᑖᓂᑦ ᐱᖃᖃᑕᐅᔪᓂᑦ ᓲᕐᓗ ᓄᓇᕗᑦ ᒐᕙᒪᒃᑯᖏᓐᓂᑦ, ᐆᒻᒪᖅᑯᑎᓕᕆᔨᒃᑯᑦ ᑲᑎᒪᔨᖏᓐᓂᑦ, ᐊᓯᖏᓐᓂᒡᓗ ᐱᔪᓐᓇᕐᓂᓕᖕᓂᑦ ᓵᑕᒃᓴᐅᓂᐊᕐᓗᑎᒃ ᑎᑎᖅᑲᓂᑦ−ᐊᐅᓚᑕᐅᔪᓂᑦ (ᓯᓚᑖᓂᑦ ᐃᓗᐊᓂᓪᓗ) ᐅᓂᒃᑳᓕᐅᖃᑦᑕᖅᐳᑦ ᑐᓴᖅᑎᑦᑎᓂᐊᕐᓗᑎᒃ ᐃᓱᒪᓕᐅᕆᓂᕐᒥᑦ.
- ᐊᐅᓚᑦᑎᔨᐅᓪᓗᓂ ᖃᒪᓂ'ᑐᐊᕐᒥ ᑐᑦᑕᕐᕕᖓᑕ ᑎᑎᕋᕐᕕᐊᓂ ᑮᖃᖅᑎᒋᔭᐅᓗᓂ ᐃᑲᔪᖅᐸᒃᖢᓂᓗ ᐃᒡᓗᕐᔪᐊᒧᑦ−ᐊᒃᑐᐊᓂᓕᖕᓂᑦ ᐃᓱᒪᒋᔭᒃᓴᓂᑦ ᐱᖁᔭᐅᔭᕌᖓᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᐃᒡᓗᖁᑎᖏᓐᓂ ᐱᓕᕆᕝᕕᒋᔭᖓᓄᑦ ᐱᔭᕆᐊᖃᕌᖓᓪᓘᓐᓃᑦ.
ᐅᑯᐊ ᐊᔪᙱᓐᓂᕆᔭᕆᐊᓖᑦ:
- ᓯᓚᑦᑐᖅᓴᕐᕕᖕᒥ ᐃᓕᑕᕆᔭᐅᔾᔪᑎᑖᖅᓯᒪᓗᓂ ᐃᖅᑲᓇᐃᔭᖅᑐᓕᕆᓂᕐᒥᒃ, ᓴᓇᕝᕕᐊᓗᖕᓂ/ᓴᓇᔨᓂᒃ, ᐅᕝᕙᓘᓐᓃᑦ ᐊᒃᑐᐊᓂᓕᖕᓂᒃ ᐅᖃᐅᔾᔪᐃᓂᕐᒥᒃ.
- ᐃᓕᓐᓂᐊᕌᓂᖕᓂᑰᓗᓂ ᓇᓗᓇᐃᒃᑯᑕᖃᕐᓗᓂ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᐅᓚᑦᑎᓂᕐᒥᒃ.
- 7−ᓂᒃ ᑭᒡᓕᖃᕐᓗᓂ ᐊᕐᕌᒍᓂᒃ ᐱᓕᕆᖃᑦᑕᖅᓯᒪᓗᓂ ᖁᑦᑎᒃᑐᒦᓐᓂᖅᓴᒥᒃ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᓕᕆᔨᒋᔭᐅᓂᕐᒥᒃ, ᐊᕐᕌᒍᓂᓪᓗ ᑕᓪᓕᒪᓂᒃ ᑭᒡᓕᖃᕐᓗᓂ ᑲᒪᔨᐅᖃᑦᑕᖅᓯᒪᓗᓂ ᐃᓄᖕᓂᒡᓘᓐᓃᑦ ᓯᕗᓕᖅᑎᐅᖃᑦᑕᖅᓯᒪᓗᓂ.
- ᐃᖅᑲᓇᐃᔭᕈᓐᓇᑦᑎᐊᕐᓗᓂ ᐊᒻᒪ ᒫᓐᓇᕋᑖᖅ ᐱᓕᕆᓯᒪᓂᑰᓗᓂ ᐊᓯᐊᒍᑦ ᐊᑲᐅᙱᓕᐅᕈᑕᐅᔪᓂᑦ ᐋᖅᑭᒋᐊᕈᑎᓂᑦ, ᐃᖅᑲᓇᐃᔭᖅᑎᓄᑦ ᐋᔩᖃᑎᒌᖕᓂᕐᒧᑦ, ᐱᓕᕆᐊᖏᓐᓂᑦ ᐊᐅᓚᑦᑎᓂᕐᒥᑦ, ᐱᓕᕆᔾᔪᓯᕐᒥ ᐊᐅᓚᑦᑎᓂᖅ, ᐊᒻᒪ ᐊᔾᔨᒌᖏᑦᑐᓂᑦ ᐃᖅᑲᓇᐃᔭᖅᑐᓕᕆᔨᒃᑯᑦ ᑐᑭᓯᒋᐊᕈᑎᖏᓐᓂᒃ ᐊᑐᖃᑦᑕᕐᓗᓂ.
- ᐱᓕᕆᖃᑕᐅᓂᑰᓗᓂ ᑲᑐᔾᔨᖃᑎᒌᒃᑐᓂᒃ.
ᐃᑲᔪᕐᓂᖃᕋᔭᖅᑐᑦ:
- ᓇᓗᓇᐃᖅᑕᐅᓯᒪᓪᓚᑦᑖᕐᓗᓂ ᐃᖅᑲᓇᐃᔭᖅᑐᓕᕆᔨᒃᑯᓐᓂ.
- ᐱᓕᕆᖃᑦᑕᕐᓂᑰᓗᓂ ᒐᕙᒪᒃᑯᑦ ᐃᖅᑲᓇᐃᔭᕐᕕᖓᓂ ᐊᒻᒪ/ᐅᕝᕙᓘᓐᓃᑦ ᐆᒻᒪᖅᑯᑎᓕᕆᔨᓂᑦ ᐃᑲᔫᑎᖃᕋᔭᖅᐳᖅ.
- ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂ, ᐅᖃᐅᓯᖏᓐᓂᑦ ᐊᒻᒪ ᐱᖅᑯᓯᖏᓐᓂᑦ.
- ᐅᖃᕈᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ.
ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $194,572.92−ᒥ $241,330.57−ᒧ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᒃᖢᑕ $24,281−ᓂᒃ ᐊᕐᕌᒍᒧᑦ, ᓈᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᒍᑦ ᐅᑯᓂᖓᓗ ᓇᓗᓇᐃᖅᓯᒪᔪᓂᒃ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᓪᓗᒃᓴᖓᓄᑦ ᐃᑲᔪᖅᑕᐅᔾᔪᑎᖃᖅᖢᓂ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐃᓚᓕᐅᔾᔭᐅᓯᒪᙱᑦᑐᖅ.
ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ.
ᐱᓇᔪᒍᒪᒍᕕᑦ:https://qeccareers.prevueaps.ca/jobs/
ᑎᑎᖅᑲᒃᑯᑦ ᐱᓇᓱᐊᕐᓗᑎ, ᒫᔾᔨ 7, 2025 ᑐᖔᓂ.
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓚᓕᐅᔾᔭᐅᑐᐃᓐᓇᕆᐊᓕᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ.
ᖁᔭᓕᔭᕗᑦ ᑕᒪᕐᒥᑦᑎᐊᖅ ᐱᓇᔪᓚᐅᖅᑐᓕᒫᑦ. ᑭᓯᐊᓂᑦᑕᐅᖅ, ᐱᓇᔪᒃᑐᓂᑦ ᓂᕈᐊᖅᑕᐅᔪᑐᐊᑦ ᖃᐅᔨᒋᐊᕐᕕᐅᓂᐊᖅᑐᑦ.