ᐱᔪᒥᓇᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ!
ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑎᒥᖁᑖ (QEC) ᐱᓕᕆᐊᒃᓴᖃᖅᐳᑦ ᐊᑦᑕᕐᓇᙱᑦᑐᒥᒃ ᐊᑐᕈᓐᓇᑦᑎᐊᖅᑐᒥᓪᓗ ᐆᒻᒪᖁᑎᖃᖅᑎᑦᓯᕙᓪᓗᑎᒃ ᐊᑭᓕᖅᓱᐃᔨᓄᑦ ᓄᓇᕘᓕᒫᒥᑦ. ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᐆᒻᒪᖁᑎᖃᖅᑎᑎᔨᐅᕗᑦ ᓄᓇᕗᒻᒥ ᐊᐅᓚᑦᑎᓪᓗᑎᒡᓗ 25-ᓂᒃ ᐃᒻᒥᒃᑰᖅᑐᓂᒃ ᐅᖅᓱᐊᓗᖕᒧᑦ ᐊᐅᓚᐅᑎᕐᔪᐊᓂᒃ ᐊᒻᒪᓗ ᐆᒻᒪᖁᑎᖃᖅᑎᑦᑎᔨᐅᓪᓗᑎᒃ ᓄᓇᕗᓕᒫᒥᑦ.
ᓄᓇᕗᒻᒥ ᐱᓕᕆᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᖃᐅᔨᒪᔭᐅᕗᖅ ᑲᔾᔮᕐᓇᖅᑐᒥᒃ ᑕᐅᑦᑐᖃᕐᒪᑦ ᓄᓇᖓ ᓂᕆᐅᓇᙱᑦᑐᓂᓪᓗ ᐱᕕᒃᓴᑦᑎᐊᕆᒃᖢᑎᒃ. ᐃᓚᐅᖃᑕᐅᒋᑦ ᐱᓕᕆᖃᑎᒋᔭᑦᑎᓐᓂ ᐊᒻᒪᓗ ᖃᐅᔨᕙᓪᓕᐊᓗᒋᑦ ᐅᑭᐅᒃᑯᑦ ᑲᔾᔮᕐᓇᕐᓂᖓ ᓯᑭᑑᒃᑯᑦ, ᐅᒥᐊᖅᑐᕐᕕᐅᕙᓚᐅᖅᑐᑦ ᖃᔭᒃᑯᑦ, ᐱᓱᔪᒡᓗᓂ ᓄᓇᖓᓂ ᐆᒪᔪᖃᐅᖅᑐᒥᑦ, ᐅᕝᕙᓘᓐᓃᑦ ᖃᐅᔨᓗᒋᑦ ᐃᓕᖅᑯᓯᕆᔭᐅᔪᑦ ᐃᓕᓴᕆᔭᐅᓯᒪᔪᑦ ᓴᓇᙳᐊᖅᑎᓂᒃ, ᓂᔾᔭᐅᓯᔭᖅᑎᓂᒃ, ᓂᕆᔭᐅᓲᓂᓪᓗ. ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᑦᑎᐊᖏᓐᓇᕈᓐᓇᖅᑐᒥᒃ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕘᓕᒫᒥ.
ᐆᒻᒪᖅᑯᑎᓕᕆᔨᒃᑯᓐᓂ ᐱᔨᑦᑎᕈᑎᓄᑦ ᖃᐅᔨᒪᔨᑕᖅ (QEC-25-001)
ᑲᖏᖅᖠᓂᖅ, ᓄᓇᕗᑦ
ᐊᖓᔪᖅᑳᓕᒃ ᐊᐅᓚᑦᑎᔨ, ᐆᒻᒪᖅᑯᑎᓄᑦ ᐃᖏᕐᕋᔾᔪᑎᓄᓪᓗ, ᐆᒻᒪᖅᑯᑎᓕᕆᔨᒃᑯᓐᓂ ᐱᔨᑦᑎᕈᑎᓄᑦ ᖃᐅᔨᒪᔨᑕᖅ ᑲᒪᒋᔭᒃᓴᓕᒃ ᓄᓇᓕᖕᓄᐊᖅᑕᖃᑦᑕᕐᓂᕐᒥᑦ ᓄᓇᕗᒻᒥ ᖃᐅᔨᓴᕆᐊᖅᐸᒡᓗᓂᑦ ᐋᖅᑭᒃᓱᐃᕙᒡᓗᓂᓗ ᐆᒻᒪᖅᑯᑎᓕᕆᔨᒃᑯᑦ ᐃᖏᕐᕋᔾᔪᑎᖏᓐᓂᑦ. ᐃᖅᑲᓇᐃᔮᖅ ᑲᒪᒋᔭᒃᓴᖃᕆᕗᖅ ᑎᑎᕋᖃᑦᑕᕐᓂᕐᒥᑦ ᖃᐅᔨᓴᖅᑕᒥᖕᓂᑦ ᐋᖅᑭᐅᒪᑎᑦᑎᓂᕐᒥᒡᓗ, ᓄᐊᑦᑎᓯᒪᑦᑎᐊᕐᓂᕐᒥᑦ ᐊᑐᒐᒃᓴᕐᓂᑦ ᐃᓚᒃᓴᓂᓪᓗ, ᐅᐊᔭᓕᕆᓂᕐᒥᑦ ᖃᐅᔨᓴᖅᐸᖕᓂᕐᒥᑦ, ᓄᑖᙳᕆᐊᖅᓯᓂᕐᒥᑦ ᖃᕆᓴᐅᔭᒃᑯᑦ ᐋᖅᑭᐅᒪᑎᑦᑎᓂᕐᒧᑦ ᐊᐅᓚᑦᑎᔾᔪᑎᒥᑦ, ᐅᖃᐅᔾᔨᒋᐊᖃᑦᑕᕐᓂᕐᒥᒡᓗ ᓄᓇᓯᐅᑎᓂᒃ ᖃᐅᔨᓴᖃᑦᑕᕐᓂᕐᒥᑦ ᐊᑭᑦᑐᕋᐅᑎᔪᖃᖅᑎᓪᓗᒍᑦ.
ᐱᓕᕆᐊᒃᓴᐃᑦ ᑲᒪᒋᔭᒃᓴᐃᓪᓗ:
- ᓄᒃᑕᖅᐸᒃᐳᖅ ᓄᓇᓕᖕᓄᑦ ᓄᓇᕗᒻᒥ ᖃᐅᔨᓴᖅᓯᓂᕐᓂᒃ ᐱᓕᕆᔭᖅᑐᖅᖢᓂᓗ ᐋᖅᑭᒃᓯᒪᓕᖅᑎᑦᑎᓂᕐᒥᒃ ᑲᒪᒋᔭᖃᕐᓂᕐᒥᒃ ᐱᓕᕆᕝᕕᒋᔭᐅᔪᒥ ᐃᖏᕐᕋᔾᔪᑎᓕᒫᓄᑦ.
- ᐃᑲᔪᖅᐸᒃᐳᖅ ᐱᕙᓪᓕᐊᑎᑦᑎᓂᕐᒥᒃ ᐊᑐᓕᖅᑎᑦᑎᓂᕐᒥᒡᓗ ᑕᐃᒪᐃᑎᑦᑎᑦᑕᐃᓕᒪᓂᕐᒧᑦ ᑲᒪᒋᔭᖃᕐᓂᕐᒧᑦ ᐱᓕᕆᐊᖑᕙᒃᑐᓂᒃ ᐱᐅᓯᒋᐊᖅᑎᑦᑎᔪᒪᓪᓗᓂ ᐊᐅᓚᓂᕆᕙᒃᑕᖏᓐᓂᒃ ᑎᒥᐅᔫᑉ ᐃᖏᕐᕋᔾᔪᑎᖏᓐᓂᑦ.
- ᐱᓕᕆᐊᖃᖅᐸᒃᐳᖅ ᐱᑐᐃᓐᓇᐅᙱᑦᑐᓂᒃ ᑲᒪᒋᔭᖃᕐᓂᕐᒥᒃ ᒪᑯᓄᖓ, ᖁᒻᒧᐊᔫᓕᖕᓄᑦ ᓄᓇᓯᐅᑎᓄᑦ ᑲᒪᒋᔭᖃᕐᓂᕐᒥᒡᓗ ᓄᓇᓯᐅᑎᓂᒃ ᐊᒃᑐᐊᓂᓕᖕᓂᒡᓗ ᐱᓕᕆᔾᔪᑎᓂᒃ.
- ᑐᔾᔭᖅᓯᕙᒃᐳᖅ ᐅᓂᒃᑲᐅᓯᖃᖅᐸᒃᐳᕐᓗ ᓄᓇᓯᐅᑎᒐᓚᐃᑦ ᑲᒪᒋᔭᐅᓂᖏᓐᓄᑦ ᐊᑭᖏᓐᓂᒃ ᐱᑎᑦᑎᔪᒪᓪᓗᓂ ᖃᓄᐃᓕᐅᖁᔨᓇᔭᕐᓂᕐᓂᒃ ᐃᖏᕐᕌᔾᔪᑏᑦ ᐊᑐᖅᑕᐅᓂᖏᓐᓄᑦ ᐃᓇᖏᖅᑕᐅᓂᖏᓐᓄᓪᓗ.
- ᐃᑲᔪᖅᐸᒃᐳᖅ ᐱᕙᓪᓕᐊᑎᑦᑎᓂᕐᒥᒃ ᑲᒪᒋᔭᖃᕐᓂᕐᒧᑦ ᑮᓇᐅᔭᖁᑎᒋᔭᐅᔪᓂᒃ ᐱᑎᑦᑎᕙᒃᖢᓂ ᐅᖃᐅᓯᖃᕐᓂᕐᒥᒃ ᐊᒃᑐᐊᓂᓕᖕᓂᒃ ᑲᒪᒋᔭᖃᕐᓂᕐᒧᑦ ᐊᑐᖅᓯᓂᕐᒧᓪᓗ.
ᐅᑯᐊ ᐊᔪᙱᑦᑕᕆᐊᓕᖏᑦ:
• ᐊᕕᒃᑐᖅᓯᒪᓂᒐᓚᖕᓄᑦ Red Seal−ᒥᒃ ᓇᓗᓇᐃᒃᑯᑕᖅᑖᖅᓯᒪᓗᓂ ᐃᖏᕐᕋᔾᔪᑎᓄᑦ ᓄᓇᓯᐅᑎᓄᓪᓗ ᐱᓕᕆᔪᓐᓇᕐᓂᕐᒥᓂᒃ, ᐅᕝᕙᓘᓐᓃᑦ ᐊᔾᔨᑲᓴᖓᓂᒃ ᐃᖅᑲᓇᐃᔮᖃᕐᓂᕐᒥᒃ ᐱᔪᓐᓇᐅᑎᖃᕐᓂᕐᒥᒃ
• ᐊᑐᕈᓐᓇᖅᑐᒥᒃ ᐊᖁᑦᑐᓐᓇᐅᑎᖃᕐᓗᓂ ᓈᓴᐅᑎᓕᖕᒥᑦ 3−ᒥᑦ ᓈᒻᒪᒋᔭᐅᔪᒥᓪᓗ ᐊᖁᑦᑐᓐᓇᕐᓗᓂ.
ᐃᑲᔪᕐᓂᖃᕋᔭᖅᑐᑦ:
- ᐊᑐᖃᑦᑕᖅᓯᒪᓗᓂ ᐅᖅᓱᐊᓗᒻᒨᖅᑐᒥᒃ ᐊᐅᓚᐅᑎᖃᕐᕕᒻᒥ ᐃᑲᔪᕐᓂᖃᕋᔭᖅᑐᖅ.
- ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂ, ᐅᖃᐅᓯᖏᓐᓂᑦ ᐊᒻᒪ ᐱᖅᑯᓯᖏᓐᓂᑦ.
ᐅᖃᕈᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ.
ᑮᓇᐅᔾᔭᒃᓴᑦᑎᐊᕋᔭᖅᑐᖅ ᐱᒋᐊᕐᓗᓂ $101,655.46−ᒥ $117,908.52-ᒧ ᐅᑭᐅᖅᑕᖅᑐᒥᐅᑕᓂᕐᒧᓪᓗ ᐃᑲᔫᓯᐊᖅᑖᖅᐸᒡᓗᓂ $18,517.00−ᒥ ᐊᕐᕌᒍᒧᑦ. ᓈᒻᒪᔪᓂᒃ ᐃᑲᔫᓯᐊᖅᑖᖅᑎᑦᑎᖃᑦᑕᕆᕗᒍᑦ ᑲᑎᖅᓱᖅᓯᒪᔪᓂᒃ, ᐅᑯᓂᖓᓗ ᓇᓗᓇᐃᔭᖅᓯᒪᔪᑦ−ᐃᑲᔫᑎᑦ ᐃᓐᓇᖅᓯᐅᑎᑖᕈᑎᑦ. ᑐᔪᕐᒥᕕᒋᓂᐊᖅᑕᖏᑦ ᓲᓕ ᓇᓗᓇᐃᖅᑕᐅᓪᓚᑦᑖᙱᑦᑐᖅ ᒫᓐᓇᐅᔪᖅ. ᓴᓂᕐᕙᒃᑕᐅᓂᐊᖅᐳᑦ ᐊᑐᐃᓐᓇᐅᓕᖅᐸᑦ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᓕᐅᔾᔭᐅᓯᒪᕗᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ.
ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.
ᐱᓇᔪᒍᒪᒍᕕᑦ, ᓇᒃᓯᐅᑎᓗᒍ ᐱᓇᔫᑎᑦ ᐊᐅᓪᓚᖅᑎᓪᓗᒍᓗ ᐃᕐᖐᓐᓈᖅᑕᐅᒃᑯᑦ ᐅᕗᖓ: https://qeccareers.prevueaps.ca/jobs/
ᐅᒃᑯᐃᖓᓂᐊᖅᑐᖅ ᐃᓐᓄᒐᓱᖕᓂᖓᓂ.
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᑦ.
ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓄᑦ; ᑭᓯᐊᓂᑦᑕᐅᖅ, ᓂᕈᐊᖅᑕᐅᔪᑐᐊᑦ ᑐᓴᖅᑎᑕᐅᓇᔭᖅᑐᑦ.