ᖃᐅᒻᒪᖅᑯᑏᑦ ᖃᒥᖓᑎᓪᓗᒋᑦ ᐊᑐᐃᓐᓇᐅᓂᖅ

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ (QEC) ᐱᓕᕆᑦᑎᐊᕐᓂᐊᕐᓂᕋᖅᓯᒪᖕᒪᑕ ᐃᒪᐃᑦᑎᐊᖁᔨᓂᕐᒧᑦ ᖃᓄᐃᙱᑦᑐᒃᑯᑦ ᐊᒻᒪᓗ ᑕᑎᒋᔭᐅᔪᓐᓇᕐᓗᑎᒃ ᐆᒻᒫᖁᑎᖃᕈᑎᖏᓐᓄᑦ ᑲᒪᒋᔭᖏᓐᓄᑦ ᓄᓇᓕᖁᑎᑦᑎᓐᓄᑦ. ᑭᓯᐊᓂ, ᐃᓅᒐᑦᑕ ᐊᕙᑎᖃᖅᖢᑕ ᐅᒻᒪᖁᑎᖃᕈᓐᓇᐅᑎᕗᑦ ᓄᖅᑲᕈᓐᓇᖅᖢᑎᒃ ᖃᖓᑐᐃᓐᓇᒃᑯᑦ ᐊᒻᒪᓗ ᐊᑯᓂᐅᓂᕆᓇᔭᖅᑕᖏᑦ ᓇᓗᓇᖅᐸᒃᖢᑎᒃ. ᖃᒥᙶᕆᐊᖃᖅᑎᓪᓗᒋᑦ, ᐅᒻᒪᖅᑯᑎᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐊᒃᓱᕈᖅᖢᑎᒃ ᐱᓕᕆᕙᒃᐳᑦ ᖃᐅᔨᓇᓱᒃᖢᑎᒃ ᐱᔾᔪᑎᐅᔪᒥᒃ ᐊᒻᒪᓗ ᐋᖅᑭᑲᐅᖅᑐᕋᓱᒃᐸᒃᖢᒍ ᕿᓚᒻᒥᐅᓛᒃᑯᑦ.

ᓄᓇᕘᒥ ᐅᒻᒪᖅᑯᑎᓂᑦ ᖃᒥᓐᓂᐅᕙᒃᑐᑦ ᐱᔾᔪᑎᖃᖅᐸᖕᒪᑕ ᐊᒥᓱᓂᒃ ᐊᒥᓱᑎᒍᓪᓗ ᖃᓄᐃᓕᐅᕐᓂᐅᔪᑎᒍᑦ ᐱᓂᖃᖅᐸᒃᖢᑎᒃ ᒪᑯᓄᖓ: ᐱᖅᓯᕐᓂᕐᒥᑦ, ᐊᓄᕆᕐᔪᐊᓄᑦ, ᐃᖏᕐᕋᔪᑎᓄᑦ ᖃᓄᐃᓕᕐᓗᖕᓂᕐᒥᑦ (ᖃᒧᑕᐅᔭᕐᓄᑦ, ᑎᓴᒪᓖᑦ ᓄᓇᓯᐅᑎᓄᓪᓘᓐᓃᑦ), ᓂᕐᔪᑎᓪᓘᓐᓃᑦ ᓄᑮᓚᐅᑎᓄᑦ ᐊᐳᓚᑎᔪᓄᑦ. ᖃᒥᔾᔪᑕᐅᖃᑦᑕᖅᑐᑦ ᐱᔾᔪᑕᐅᒍᓐᓇᕐᒥᔪᑦ ᐊᑕᐅᖏᓪᓕᐅᕈᑎᓄᑦ ᑐᓂᐅᖅᑲᐃᓂᕐᒧᑦ ᐊᑐᖅᑕᐅᖃᑦᑕᖅᑐᓂᑦ ᐆᒻᒪᖅᑯᑎᓕᕆᕕᑦᑎᓐᓂᓪᓘᓐᓃᑦ. ᖃᒥᙶᕐᓂᐊᕐᓂᕐᒧᑦ, ᐱᕙᒌᔭᖅᓯᒪᔭᕆᐊᖃᖅᐳᑎᑦ ᒥᑭᓐᓂᖅᓴᒃᑯᑦ ᐊᑲᐅᙱᓪᓕᐅᕈᑎᖃᕋᔭᕋᕕᑦ ᖃᒥᖔᕐᓂᕐᒧᑦ ᐊᒃᑐᖅᑕᐅᓂᕆᔭᓯ, ᐃᓚᓯ ᐊᒻᒪᓗ ᐃᒡᓗᒥᐅᖑᖃᑎᒋᔭᓯ.

ᖃᒥᓚᐅᖅᑎᓐᓇᒋᑦ

1. ᖃᒥᖓᓂᐊᕐᓂᕐᒧᑦ ᐱᕙᒌᔭᖅᓯᒪᒋᑦ ᐃᓪᓗᒥᐅᖃᑎᓕᒫᑎᓪᓗ.
2. ᓄᓇᓕᓐᓂᑦ ᑐᐊᕕᕐᓇᖅᑐᓕᕆᓂᕐᒧᑦ ᓈᓴᐅᑎᖏᓐᓂᑦ ᐊᑐᐃᓐᓇᐅᑎᑦᓯᒋᑦ, ᐃᓚᒋᔭᐅᓗᑎᒃ ᓄᓇᓕᓐᓂᑦ ᑐᐊᕕᕐᓇᖅᑐᓕᕆᓂᕐᒧᑦ ᐱᔨᑦᓯᕋᖅᑎᓂᑦ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ ᑐᐊᕕᕐᓇᖅᑐᓕᕆᔨᒃᑯᑦ ᓈᓴᐅᑎᖓᓂᑦ (1-867-222-3807) ᐅᖄᓚᐅᑏᓪᓗ ᓈᓴᐅᑎᖏᓐᓂᑦ ᐃᓚᑉᐱᑦ ᐱᖃᑏᓪᓗ.
3. ᐱᓯᒪᑦᓯᖏᓐᓇᕆᑦ ᐅᖄᓚᐅᑎᒥᑦ ᐊᑕᐅᓯᕐᒥᑦ ᐊᑭᓐᓇᕐᒧᑦ ᑲᑉᐳᑎᒍᓐᓇᖅᑐᒥᑦ. ᑕᐃᒪᐃᑦᑐᖅ ᐅᖄᓚᐅᑎ ᐱᔪᓐᓇᖏᓐᓇᓚᖓᔪᖅ ᖃᒥᖓᓕᕋᓗᐊᖅᑎᓪᓗᒍ, ᑭᓯᐊᓂ ᑎᒍᒥᐊᒐᖅ ᐅᖄᓚᐅᑎ (ᓄᒃᑭᑦᓴᕆᐊᖃᖃᑦᑕᖅᑐᑦ ᓄᒃᑭᑦᓴᐅᑎᖓᓂᑦ) ᐱᔪᓐᓇᓲᖑᖏᑦᑐᑦ.
4. ᑲᑎᖅᓱᐃᓗᓯ ᑐᐊᕕᕐᓇᖅᑐᓕᕆᔪᑎᒃᓴᓂᒃ ᐊᒻᒪᓗ ᐃᒡᓗᒥᐅᖑᖃᑎᒋᔭᓯ ᖃᐅᔨᒪᑎᓪᓗᒋᑦ ᑐᐊᕕᕐᓇᖅᑐᖅᓯᐅᑎᑦ ᑲᑎᓯᒪᔭᓯ ᓇᓃᓐᓂᖏᓐᓂᒃ. ᓇᕿᓪᓗᒍ ᑖᓐᓇ ᖃᐅᔨᓂᐊᕐᓗᑎᑦ ᓱᓇᓂᑦ ᐃᓚᒋᔭᐅᑎᑦᓯᒋᐊᖃᕐᒪᖔᖅᐱᑦ ᖃᒥᖓᑎᓪᓗᒍ ᐊᑐᕋᔭᖅᑐᓂᑦ.
5. ᓴᐳᑎᓗᒋᑦ ᐅᐊᔭᒨᖅᑐᑦ ᐱᖁᑏᑦ ᐋᖅᑭᑦᓱᐃᓗᑎᑦ ᓴᐳᔾᔨᔾᔪᑎᓂᑦ ᐱᖁᑎᓄᑦ ᓲᕐᓗ ᑲᑉᐳᔭᖅᑐᓄᑦ ᓴᐳᔾᔨᔾᔪᑎᓂᑦ.
6. ᐃᓚᒋᔭᔅᓯᓐᓂ ᐋᓐᓂᐊᕐᓂᕐᒧᑦ ᐃᑲᔪᖅᑕᐅᔭᕆᐊᖃᖅᑐᖃᖅᐸᑦ, ᖃᐅᔨᑎᓪᓗᒋᑦ ᓄᓇᓕᓐᓂᑦ ᐋᓐᓂᐊᕐᕕᖕᒥᐅᑕᑦ ᐅᖃᐅᔾᔪᖅᑕᐅᓂᕐᒥᑦ ᖃᓄᖅ ᐱᐅᓂᖅᐹᒃᑯᑦ ᐃᑲᔪᕋᔭᕐᓂᕐᒥᒃ ᖃᒥᖓᑎᓪᓗᒍ.

ᖃᒥᖓᓕᖅᑎᓪᓗᒍ

1. ᖁᐊᒃᑯᕕᒃᓯ ᖁᐊᖅᓰᕕᒃᓯᓗ ᒪᑐᓯᒪᑎᑦᑎᐊᕐᓗᒋᑦ ᐃᓗᐊᓃᑦᑐᑦ ᓂᖀᑦ ᐱᐅᔪᓐᓃᖤᕐᓂᐊᕐᒪᑕ. ᒪᑐᓯᒪᑏᓇᕆᐊᕐᓗᒋᑦ ᐊᔪᕐᓇᖏᑉᐸᑦ.
2. ᐊᑐᕐᓗᑎᑦ ᖃᐅᒻᒪᖅᑕᔫᒥᑦ ᖃᒥᖓᑎᓪᓗᒍ, ᐊᑦᑕᕐᓇᖏᓐᓂᖅᓴᐅᒻᒪᑕ ᐸᑎᐅᔭᕐᓂᑦ. ᐸᑎᐅᔭᕐᓂᑦ ᐊᑐᕈᕕᑦ, ᐱᓕᒻᒪᖅᓴᕐᓗᑎᑦ ᐅᔾᔨᕈᓱᓐᓂᕐᒥᑦ ᑭᒪᒃᑕᐃᓕᓗᒋᓪᓗ ᐃᑭᒪᑎᓪᓗᒋᑦ.
3. ᓱᐴᔪᕐᒥᑦ ᐃᒐᐅᑎᒥᓪᓘᓐᓃᑦ ᐊᑐᖃᑦᑕᕆᐊᖃᖏᑦᑐᑦ ᐃᓘᑉ ᐃᓗᐊᓂ. ᑐᖁᓐᓇᑐᐃᓐᓇᕆᐊᓖᑦ, ᑎᐱᖃᖏᑦᑐᑦ ᐅᖅᓱᐊᓗᒻᒦᖔᖅᑐᑦ ᐱᕙᓪᓕᐊᒍᓐᓇᕐᒪᑕ ᐋᓐᓂᕈᑕᐅᓗᑎᓪᓗ ᑐᖁᑦᓯᒍᓐᓇᖅᑐᓪᓘᓐᓃᑦ ᐃᓕᓐᓂᑦ.

ᖃᒥᖓᒍᓐᓃᖅᑎᓪᓗᒍ

1. ᖃᐅᔨᒋᐊᕈᒃ ᖁᐊᖃᐅᑏᑦ ᖁᐊᒃᑯᕖᓪᓗ ᐆᒻᒪᖅᑯᑎᖃᕋᓗᐊᕐᒪᖔᑕ.
2. ᓯᕿᙳᔭᓯ ᐋᖅᑭᒋᐊᕐᓗᒋᑦ, ᑐᐹᖅᓴᐃᔾᔪᑏᓪᓗ.
3. ᑐᐊᕕᕐᓇᖅᑐᖅᓯᐅᑎᓯ ᐃᓚᖓᕈᔅᓯᐅᒃ ᐃᓇᖏᕐᓗᒋᑦ ᐊᑐᖅᑕᖃᕐᓂᕈᔅᓯ ᑕᐃᑲᙵᑦ ᖃᒥᓚᐅᖅᑎᓪᓗᓯ.

ᖃᕆᓴᐅᔭᒃᑯᑦ ᐱᔪᒪᒍᕕᒃ ᖃᒥᑳᓪᓚᑐᐃᓐᓇᕆᐊᓕᖕᒧᑦ ᐅᐸᓗᖓᐃᔭᖅᓯᒪᓂᕐᒧᑦ ᐅᖃᓕᒫᒐᕐᒥᒃ, ᐅᓇ ᓇᕿᓪᓗᒍ