ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑐᓴᖅᑎᑦᑎᔪᒪᕗᑦ ᓄᓇᕗᒥᐅᓂᒃ ᑕᒪᒃᑯᐊ ᐱᔨᑦᑎᕋᕐᕕᒋᕙᒃᑕᒥᓄᑦ ᑲᒪᒋᔭᖃᕐᕕᖏᑦ ᑎᑎᕋᕐᕖᑦ ᑕᒫᓂᓕᒫᖅ ᐅᑭᐅᖅᑕᖅᑐᒥ ᒪᑐᓯᒪᓂᐊᕐᓂᖏᓐᓂᑦ ᑐᓴᖅᑎᑦᑎᔪᖃᒃᑲᓐᓂᓚᐅᙱᓐᓂᖓᓂ.
ᐆᒻᒪᖅᑯᑎᓕᕆᔨᒃᑯᑦ ᐊᑦᑕᕐᓇᙱᑦᑐᒥᒃ ᐊᑐᑦᑎᐊᕈᓐᓇᖅᑐᒥᒡᓗ ᐆᒻᒪᖅᑯᑎᖃᖅᑎᑦᑎᔪᒪᓪᓚᑦᑖᖅᐳᑦ ᓄᓇᕗᒻᒥᐅᓕᒫᓄᑦ ᐃᑲᔪᕐᓗᑎᒡᓗ ᓄᕙᒡᔪᐊᕐᓇᖅ-19−ᒥ ᐊᐃᑦᑐᕐᓗᐃᓗᐊᖅᑎᑦᑎᑦᑕᐃᓕᒪᔪᑦ ᓄᓇᓕᖕᓂ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᖑᒻᒪᑏᓐᓇᕐᓂᐊᖅᐳᑦ ᑲᔪᓰᓐᓇᖅᑐᓄᑦ ᐊᓂᒍᖅᑎᓐᓇᓱᒋᐊᖃᖅᐸᒃᑐᓄᑦ ᓄᕙᒡᔪᐊᕐᓇᖅ-19-ᑕᖃᕐᓂᖓᓂ ᓄᓇᕐᔪᐊᓕᒫᒥ.
ᐃᖃᓗᐃᑦ, ᓄᓇᕗᑦ (ᑎᓯᑉᐱᕆ 24, 2021) – ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐱᐊᓂᒃᐳᑦ ᓴᓇᔭᐅᔪᒥᒃ ᖃᐅᔨᓴᖅᑕᐅᔪᒥᓪᓗ ᐊᐅᓚᐅᑎᖃᕐᕕᒃᑖᓵᕐᒥᒃ ᐃᒃᐱᐊᕐᔪᖕᒥ. ᐊᑭᑐᔫᑎᑦ ᐱᓕᕆᐊᒃᓴᑦ ᐱᐊᓂᒡᕕᒃᓴᖓᑕ ᑐᖔᓂ ᐱᐊᓂᒃᑕᐅᓚᐅᖅᐳᖅ ᒫᓐᓇᓗ ᓴᖅᑭᑎᑕᐅᓯᒪᓕᖅᖢᓂ ᐊᑐᑐᐃᓐᓇᕆᐊᖃᓕᖅᖢᓂᓗ.
"ᓄᑖᖅ ᐆᒻᒪᖅᑯᑎᑐᓗᐊᙱᑦᑐᖅ ᒫᓐᓇ ᐆᒻᒪᖅᑯᑎᖃᖅᑎᑦᑎᑦᑎᐊᓕᖅᖢᓂ ᓄᓇᓕᖕᓂ ᐊᑯᓂᐊᓗᒃ ᐃᑲᔫᑕᐅᓂᐊᖅᐳᖅ ᐃᒃᐱᐊᕐᔪᖕᒥᐅᓄᑦ," ᒪᓕᒐᓕᐅᖅᑎ ᔪᐊᓇ ᖁᐊᓴ ᐅᖃᖅᑐᖅ ᒥᓂᔅᑕ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ. "ᖁᓪᓕᒃᑯᑦ ᓱᓕ ᓯᕗᓪᓕᐅᔾᔨᔪᒪᕗᑦ ᓄᑕᐅᔪᓐᓃᖅᐸᓪᓕᐊᔪᓂᒃ ᐊᓯᔾᔩᔪᒪᓪᓗᑎᒃ ᐊᐅᓚᔪᓐᓇᐅᑎᖃᕆᐊᓕᖕᓂᑦ ᐊᙳᒻᒪᑎᔪᒪᓪᓗᑎᒃ ᑕᒪᐃᓐᓂᒃ ᓄᓇᓕᖕᓂ ᓄᓇᕗᒻᒥ."
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐃᖅᑲᐃᓯᒋᐊᕈᒪᕗᑦ ᓄᓇᕗᒻᒥᐅᓂᑦ ᐅᔾᔨᖅᓱᑦᑎᐊᖃᑦᑕᖁᔨᓪᓗᑎᒃ ᓇᑉᐸᖅᑯᑏᑦ ᓴᕕᒐᐅᔭᓪᓗ ᖃᓂᒋᔮᒎᓕᕌᖓᑕ, ᐱᓗᐊᖅᑐᒥ ᐃᖏᕐᕋᔾᔪᑎᖕᒨᖅᐸᒃᑐᓄᑦ (ᑎᓴᒪᓕᖕᓄᑦ ᖃᒧᑕᐅᔭᓄᓪᓗ). ᐅᑯᐊ ᐳᐃᒍᖅᑕᐃᓕᓗᒋᑦ ᖃᒥᑦᑐᖃᖁᓇᒍ, ᐋᓐᓂᕐᔪᐊᖅᑐᖃᖁᓇᒍ, ᐃᓅᔪᓐᓃᖅᑐᖃᖁᓇᒍᓘᓐᓃᑦ:
· ᐳᐃᒍᖅᑕᐃᓕᒋᑦ ᐱᖓᓱᑦ ᒦᑕᓂᒃ ᐅᖓᓯᒋᔭᕆᐊᖃᕋᕕᒋᑦ ᓴᕕᒐᐅᔭᐃᑦ.
· ᐱᖁᑎᑦ ᐊᑐᖅᑕᐅᔪᑦ ᓇᑉᐸᖅᑯᑎᓄᑦ ᓲᕐᓗ ᓴᕕᒐᐅᔭᑦ ᑭᓱᓪᓘᓐᓃᑦ ᐊᐳᑎᒧᑦ ᓴᐅᓯᒪᑐᐃᓐᓇᕆᐊᖃᕐᒪᑕ. ᓇᑉᐸᖅᑯᑎᑦ ᐅᖓᓯᒋᓗᒋᑦ ᐃᖏᕐᕋᕙᒡᓗᓯ. ᐊᖁᑉᐸᒃᑐᓄᑦ ᑕᑯᔭᐅᔪᓐᓇᖁᓪᓗᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᓕᐅᖅᑲᐃᓚᐅᖅᐳᑦ ᑕᖅᓵᖅᑐᓂᑦ ᓴᕕᒐᐅᔭᕐᓄᑦ ᐊᑐᖅᑕᐅᒐᔪᒃᑐᑎᒍᑦ ᐊᖅᑯᑎᒃᑯᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᒃᐱᐊᕐᔪᖕᒥᐅᓂᒃ ᑐᓴᐅᒪᖁᔨᖕᒪᑕ ᐸᕐᓇᒃᑕᐅᓯᒪᔪᒥᒃ, ᖃᒥᙶᖅᑎᑕᐅᓂᐊᕐᓂᖏᓐᓂᒃ ᓯᕙᑖᕐᕕᖕᒥ, ᑎᓯᐱᕆ 11, 12:00-ᒥ ᐅᓪᓗᕈᒻᒥᑕᕐᓇᒥ 2:00-ᒧᐊᖅᓴᓂᖓᓄᑦ ᐅᓐᓄᒃᓴᒧᑦ. ᓄᓇᓖᑦ ᐊᑕᖏᑦᑎᐊᕐᓗᑎᒃ ᖃᒥᑲᑕᖕᓂᐊᕐᒪᑕᒎᖅ ᕿᓚᒻᒥᐅᑦᑕᕋᓗᐊᕐᓗᑎᒃ ᑭᓯᐊᓂ ᐃᑲᕐᕌᖕᓄᑦ ᒪᕐᕉᖕᓄᑦ.
ᖃᒥᙶᖅᑎᑕᐅᒋᐊᖃᓚᐅᑲᖕᓂᐊᕐᒪᑕ ᓄᑖᖅ ᐆᒻᒪᖁᑎᓕᕆᕝᕕᒃ ᐃᑭᑕᐅᓗᓂ ᓄᓇᓖᑦ ᐊᑐᓂ ᐃᒡᓗᓄᑦ ᑲᑉᐳᔾᔨᕕᖏᑦ ᒪᑭᑕᐅᔭᕆᐊᖃᕐᒪᑕ ᐃᒻᒥᑰᖓᓕᕐᓗᑎᒡᓗ ᐆᒻᒪᖁᑎᓕᕆᔾᔪᑎᓂᒃ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᕗᑦ ᐃᒃᐱᐊᕐᔪᖕᒥᐅᓂᒃ ᑐᑭᓯᐅᒪᔪᓐᓇᕐᒪᑕ ᒪᒥᐊᑉᐳᓪᓗ ᐊᑲᐅᙱᓕᐅᖅᑎᑦᑎᓐᓂᖅᐸᑕ ᖃᒥᙶᖅᑎᓪᓗᒋᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐴᓱ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7524
rboucher@qec.nu.ca
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᓴᓂᑭᓗᐊᕐᒥᐅᓂᒃ ᖃᐅᔨᒃᑲᐃᔪᒪᔪᑦ ᓄᓇᓕᓕᒫᑦᑎᐊᖅ ᖃᒥᙶᓛᕐᓂᖓᓂ ᐱᖓᔪᐊᓂ, ᓄᕕᐱᕆ 17, 7−ᒥ 10-ᒧᑦ ᐅᓪᓛᒃᑯᑦ.
ᖃᒥᙶᕆᐊᖃᕐᓂᐊᖅᐳᑦ ᐊᑦᑕᕐᓇᖏᑦᑐᒃᑯᑦ ᐊᑦᑕᑕᖅᑎᑦᑎᓂᐊᕐᒪᑕ ᑐᐊᕕᕐᓇᖅᑐᓄᑦ ᐊᐅᓚᐅᑎᖃᕐᕕᖕᒥ ᖃᐅᒻᒪᖅᑯᑎᖃᖅᑎᑦᑎᔾᔪᑎᖓᓄᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᕗᑦ ᓴᓂᑭᓗᐊᕐᒥᐅᓂᒃ ᑐᑭᓯᐅᒪᔪᓐᓇᕐᒪᑕ ᒪᒥᐊᑉᐳᓪᓗ ᐊᑲᐅᙱᓕᐅᖅᑎᑦᑎᓐᓂᖅᐸᑕ ᖃᒥᙶᖅᑎᓪᓗᒋᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐴᓱ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7524
rboucher@qec.nu.ca
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᑲᖏᖅᖠᓂᕐᒥᐅᓂᒃ ᑐᓴᐅᒪᖁᔨᕗᑦ ᐸᕐᓇᒃᑕᐅᓯᒪᓪᓗᓂ ᖃᒥᙶᓛᕐᓂᖏᓐᓂᒃ ᓈᑦᑏᖑᔭᒥ, ᓄᕕᐱᕆ 14, 7:00-ᒥ 11:00-ᒧᑦ ᐅᓪᓛᒃᑯᑦ. ᖃᒥᙶᓛᖅᑐᑦ ᓄᓇᙳᐊᒥ ᐊᑖᓂ ᖁᖅᓱᖅᑕᒥᑦ ᓇᓗᓇᐃᖅᓯᒪᕗᑦ.
ᖃᒥᙶᖅᑎᑕᐅᓂᐊᓚᐅᖅᑑᒐᓗᐊᑦ ᓄᕕᐱᕆ 7−ᖑᓕᖅᐸᑦ, ᑭᓯᐊᓂᓕ ᐅᓪᓗᖅ ᐊᓯᔾᔨᖅᑕᐅᒋᐊᖃᓚᐅᕐᒪᑦ ᐸᕐᓇᒃᑕᐅᓯᒪᙱᑦᑐᒥᒃ ᖃᒥᙶᖅᑐᖃᓚᐅᕐᓂᖓᓄᑦ ᐊᓯᐊᓂ ᓄᓇᓕᖕᓂ. ᖃᒥᙶᖅᑎᑕᐅᔭᕆᐊᖃᕐᒪᑕ ᐊᑦᑕᕐᓇᙱᑦᑐᒥᑦ ᐊᐅᓪᓛᖅᑎᑦᑎᔪᓐᓇᖁᓪᓗᒋᑦ ᐆᒻᒪᖅᑯᑎᓄᑦ ᐅᐊᔭᖏᑦ ᑲᓱᖅᑎᑕᐅᓗᑎᑦ ᓄᑖᕐᒧᑦ ᐱᓕᕆᔾᔪᑎᖓᓐᓄᑦ ᓄᓇᓕᖕᒥ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᕗᑦ ᑲᖏᖅᖠᓂᕐᒥᐅᓂᒃ ᑐᑭᓯᐅᒪᔪᓐᓇᕐᒪᑕ, ᒪᒥᐊᑉᐳᓪᓗ ᐊᑲᐅᙱᓕᐅᖅᑎᑦᑎᓐᓂᖅᐸᑕ ᖃᒥᙶᖅᑎᓪᓗᒋᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐴᓱᕐ
ᐊᐅᓚᑦᑎᔨᐅᑲᐃᓐᓇᖅᑐᖅ, ᐆᒻᒪᖅᑯᑎᓕᕆᔨᒃᑯᑦ ᑐᓴᐅᒪᔪᓕᕆᔨᒃᑯᖏᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᔪᒪᔪᑦ ᖃᐅᓱᐃᑦᑐᕐᒥᐅᓂᒃ ᓄᓇᓕᓕᒫᑦᑎᐊᖅ ᖃᒥᙶᓛᕐᓂᖓᓂ ᓯᕙᑖᕐᕕᖕᒥᑦ, ᓄᕕᐱᕆ 13, 10−ᒥ ᐅᓪᓛᒃᑯᑦ 2-ᒧᑦ ᐅᓪᓗᕐᒧᑦ ᑎᑭᓪᓗᒍ.
ᖃᒥᙶᕆᐊᖃᕐᒪᑕ ᐊᑦᑕᕐᓇᙱᑦᑐᒥᑦ ᓄᑖᙳᕆᐊᖅᑕᐅᔪᒃᓴᑦ ᐆᒻᒪᖅᑯᑎᖃᕈᑎᖓᓂᙶᖅᑐᑦ ᐱᐅᓯᕚᓪᓕᖁᓪᓗᒋᑦ ᐃᑯᒪᖃᕈᓐᓇᕐᓂᖏᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖁᔭᓕᕗᑦ ᓄᓇᓕᖕᒥᐅᑦ ᑐᑭᓯᐅᒪᔪᓐᓇᕐᒪᑕ, ᒪᒥᐊᑉᐳᓪᓗ ᐊᑲᐅᙱᓕᐅᖅᑎᑦᑎᓐᓂᖅᐸᑕ ᖃᒥᙶᖅᑎᓪᓗᒋᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐴᓱ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7524
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᔪᒪᔪᑦ ᐃᒃᐱᐊᕐᔪᖕᒥᐅᓂᒃ ᓄᓇᓕᓕᒫᑦᑎᐊᖅ ᖃᒥᙶᓛᕐᓂᖓᓂ ᓯᕙᑖᕐᕕᖕᒥᑦ, ᓄᕕᐱᕆ 13, 6−ᒥ 7-ᒧᑦ ᐅᓪᓛᒃᑯᑦ.
ᖃᒥᙶᖅᑎᑕᐅᔭᕆᐊᖃᖅᐳᑦ ᖃᐅᔨᓴᖅᑕᐅᔭᕆᐊᖃᕐᓂᖓᓄᑦ ᑲᒪᒋᔭᐅᓗᓂᓗ ᖃᐅᒻᒪᖅᑯᑎᖃᖅᑎᑦᑎᔾᔪᑎᖓ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᕗᑦ ᐃᒃᐱᐊᕐᔪᖕᒥᐅᓂᑦ ᑐᑭᓯᐅᒪᔪᓐᓇᕐᒪᑕ, ᒪᒥᐊᑉᐳᓪᓗ ᐊᑲᐅᙱᓕᐅᖅᑎᑦᑎᓐᓂᖅᐸᑕ ᖃᒥᙶᖅᑎᓪᓗᒋᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐴᓱᕐ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7524
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᖁᕐᓗᖅᑑᕐᒥᐅᓂᒃ ᖃᐅᔨᒃᑲᐃᔪᒪᕗᑦ ᐸᕐᓇᒃᑕᐅᓯᒪᓗᓂ ᖃᒥᙶᕐᓂᐊᕐᒪᑕ ᖁᕐᓗᖅᑑᕐᒥᐅᑦ ᓴᓇᑦᑕᐃᓕᐊᕈᓯᖅ, ᓄᕕᑉᐱᕆ 6 ᐊᒻᒪ ᓴᓇᑦᑕᐃᓕᒥ, ᓄᕕᑉᐱᕆ 7, 7−ᒥ ᐅᓪᓛᒃᑯᑦ ᐱᒋᐊᕐᓗᓂ 11−ᒧᐊᕋᓱᖕᓂᖓᓄᑦ ᐅᓪᓗᒃᑯᑦ. ᖃᒥᙶᕐᓂᐊᖅᑐᑦ ᖁᖅᓱᖅᑕᒥᑦ ᓇᓗᓇᐃᖅᓯᒪᕗᑦ.
ᖃᒥᙶᖅᑎᑕᐅᔭᕆᐊᖃᕐᒪᑕ ᐊᑦᑕᕐᓇᖏᑦᑐᒥᑦ ᐊᐅᓪᓛᖅᑎᑦᑎᔪᓐᓇᖁᓪᓗᒋᑦ ᐆᒻᒪᖅᑯᑎᓄᑦ ᐅᐊᔭᖏᓐᓂᑦ ᑲᓱᖅᑎᑕᐅᓗᑎᑦ ᓄᑖᕐᒧᑦ ᐱᓕᕆᔾᔪᑎᖓᓐᓄᑦ ᓄᓇᓕᖕᒥ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᕗᑦ ᑰᒑᕐᔪᖕᒥᐅᓂᑦ ᑐᑭᓯᐅᒪᔪᓐᓇᕐᒪᑕ, ᒪᒥᐊᑉᐳᓪᓗ ᐊᑲᐅᙱᓕᐅᖅᑎᑦᑎᓐᓂᖅᐸᑕ ᖃᒥᙶᖅᑎᓪᓗᒋᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐴᓱ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7524
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᑰᒑᕐᔪᖕᒥᐅᓂᒃ ᑐᓴᖅᑎᑦᑎᔪᒪᕗᑦ ᖃᒥᙶᓛᕐᓂᖏᓐᓂᒃ ᓯᕙᑖᕐᕕᖕᒥ, ᐅᑐᐱᕆ 30, (ᓄᓇᙳᐊᖅ A), ᐊᒻᒪ ᓴᓇᑦᑕᐃᓕᒥ, ᐅᑐᐱᕆ 31 (ᓄᓇᙳᐊᖅ B) 7-ᒥ ᐅᓪᓛᒃᑯᑦ ᐱᒋᐊᕐᓗᓂ 12-ᒧᐊᕋᓱᖕᓂᖓᓄᑦ ᐅᓪᓗᕈᒻᒥᓴᕐᓇᒥ. ᖃᒥᙶᓛᖅᑐᑦ ᖁᖅᓱᖅᑕᒥᑦ ᓇᓗᓇᐃᖅᓯᒪᕗᑦ.
ᖃᒥᙶᕆᐊᖃᕐᓂᐊᖅᐳᑦ ᐊᑦᑕᕐᓇᙱᑦᑐᒥᑦ ᐊᑦᑕᑕᖅᑎᑦᑎᖁᓪᓗᒋᑦ ᐃᒡᓗᖃᕐᕕᒃᓴᓄᑦ, ᓇᐅᑦᑎᐅᒪᔪᒥᒃ ᐊᐅᓚᐅᑎᕋᓛᒥᒃ ᐃᓕᓯᓗᑎᒃ, ᓄᒃᑭᒃᓴᖅᑕᐅᒃᑲᓐᓂᕐᓗᑎᒡᓗ ᐊᖅᑯᑎᒃᑯᑦ ᖃᐅᒻᒪᖅᑯᑎᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᕗᑦ ᑰᒑᕐᔪᖕᒥᐅᓂᑦ ᑐᑭᓯᐅᒪᔪᓐᓇᕐᒪᑕ, ᒪᒥᐊᑉᐳᓪᓗ ᐊᑲᐅᙱᓕᐅᖅᑎᑦᑎᓐᓂᖅᐸᑕ ᖃᒥᙶᖅᑎᓪᓗᒋᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐴᓱ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7524