ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑐᓴᐅᒪᖁᔨᕗᑦ ᖃᒪᓂ'ᑐᐊᖅᒥᐅᓂᒃ ᐆᒻᒪᖅᑯᑎ ᖃᒥᙵᓛᕐᓂᖏᓐᓂᒃ ᓯᕙᑖᕐᕕᒃ ᔪᓚᐃ 30 ᐊᒻᒪ ᓈᑦᑎᖑᔭ, ᔪᓚᐃ 31−ᒥ, 7:00−ᒥᑦ 12−ᒧ ᐅᓪᓗᕈᒥᑕᕐᒥᑦ. ᖃᒥᙵᓛᖅᑐᖅ ᖁᖅᓱᖅᑕᒥᑦ ᓇᓗᓇᐃᖅᓯᒪᕗᑦ ᓄᓇᙳᐊᕐᒥ ᐊᑖᓂ.
ᖃᒥᙶᑲᑕᒋᐊᖃᕐᓂᐊᖅᑐᑦ ᓄᑖᙳᕆᐊᖅᑕᐅᓗᑎᒃ ᓴᓇᔭᐅᓗᑎᒡᓗ ᖃᐅᒻᒪᖅᑯᑎᖃᖅᑎᑦᑎᔾᔪᑏᑦ ᐊᒻᒪ ᐊᑐᕈᓐᓇᖅᓯᑎᑕᐅᑦᑎᐊᒃᑲᓐᓂᕐᓗᑎᒃ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᕗᑦ ᓄᓇᓕᖕᒥᐅᓂᑦ ᑐᑭᓯᐅᒪᑦᑎᐊᕐᓂᖏᓐᓄᑦ ᒪᒥᐊᑉᐳᓪᓗ ᐊᑲᐅᙱᓪᓕᐅᖅᑎᑦᑎᓐᓂᕈᑎᒃ.
###
ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:
ᑏᓇ ᓪᓖᔭ
ᑐᑭᒧᐊᑦᑎᑦᓯᔨ, ᐊᐅᓚᑦᓯᕕᒻᒥᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
(867) 979-7534
spapa@qec.nu.ca
ᐃᖃᓗᐃᑦ, ᓄᓇᕗᑦ (ᔫᓂ 24, 2022) − ᒥᓂᔅᑕ ᑲᒪᒋᔭᓕᒃ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ, ᒪᓕᒐᓕᐅᖅᑎ ᑯᕋᐃᒡ ᓯᒪᐃᓚᒃ, ᑎᒃᑯᐊᕐᓯᓚᐅᖅᐳ ᒪᕐᕉᖕᓂᒃ ᓄᑖᓂ ᑲᑎᒪᔨᓂᒃ. ᑮᑦ ᑯᕈᔅ ᒫᔭ ᔨᓚᓕᒥᒡᓗ ᑎᒃᑯᐊᖅᑕᐅᓚᐅᖅᑑᒃ ᐊᕐᕌᒍ ᐱᖓᓱᓄᑦ ᐊᑕᓂᐊᖅᖢᑎᒃ ᒪᐃ 9, 2022−ᒥᑦ ᐱᒋᐊᖅᖢᑎᒃ. ᓇᔅᑖᓂᐊ ᒧᓚᓐ ᕋᒃᓵᓐ ᕈᑎᒍᓗ ᐊᕐᕌᒍᓄᑦ ᐱᖓᓱᓄᑦ ᐊᑕᓚᐅᕐᑑᒃ ᐃᓱᓕᔾᔪᔾᔨᓚᐅᕐᒪᑕ ᐅᑐᐱᕆ 2021−ᖑᑎᓪᓗᒍ ᐅᑲᓕ ᐃᔨᑉᓯᐊᕐᓗ ᓄᖃᓚᐅᕐᖢᓂ ᑲᑎᒪᔨᐅᕕᖕᒥᓂ ᑎᓯᐱᕆ 2021−ᖑᑎᓪᓗᒍ.
ᖁᔭᒋᔪᒪᔭᒃᑲ ᑐᙵᓇᑦᑎᐊᖅᑐᑦ ᑲᑎᒪᔩᑦ ᑐᓂᓯᒪᓂᖏᓐᓄᑦ, ᐃᑲᔪᕐᓯᒪᓂᖏᓐᓄᑦ, ᐊᑑᑎᖃᓪᓚᕆᑦᑎᓪᓗᒋᑦ ᑐᑭᓯᐅᒪᓂᖏᑦ,” ᐅᖃᖅᑐ ᒪᓕᒐᓕᐅᖅᑎ ᑯᕋᐃᒡ ᓯᒪᐃᓚᒃ, ᒥᓂᔅᑕ ᐆᒻᒪᖅᑯᑎᓕᕆᔨᒃᑯᓐᓄᑦ. “ᒡᑕᑯᐊ ᑲᑎᒪᔨᖑᕋᑖᖅᑑᒃ ᐃᓚᐅᖃᑕᐅᓕᕇᖅᑑᒃ, ᑲᒪᒋᔭᖃᓕᑦᖢᑎᒃ, ᖃᐅᔨᓴᓗᑎᑦ ᑲᑐᔾᔨᖃᑎᒌ ᐱᓕᕆᐊᕆᔭᖏᑦ ᐱᓕᕆᐊᓴᒥᖕᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐃᖅᑲᐃᓯᔪᒪᕗᑦ ᓄᓇᕗᒥᐅᓂᒃ ᐅᔾᔨᖅᓱᑦᑎᐊᖃᑦᑕᖁᔨᓪᓗᑎᒃ ᓇᑉᐸᖅᑯᑏᑦ ᓴᕕᒐᐅᔭᐃᓪᓗ ᖃᓂᒋᔮᒎᓕᕌᖓᑕ. ᐅᑯᐊ ᐳᐃᒍᖅᑕᐃᓕᓗᒋᑦ ᖃᒥᑦᑐᖃᖁᓇᒍ, ᐋᓐᓂᕐᔪᐊᖅᑐᖃᖁᓇᒍ, ᐃᓅᔪᓐᓃᖅᑐᖃᖁᓇᒍᓘᓐᓃᑦ:
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᐊᕐᕕᐊᕐᒥᐅᑕᓂᒃ ᑐᓴᐅᒪᖁᔨᕗᑦ ᐸᕐᓇᒃᑕᐅᓯᒪᓪᓗᓂ ᖃᒥᙶᕐᓂᐊᕐᒪᑕ ᓈᑦᑎᖒᔭᒥ, ᒪᐃ 14, 7:00-ᒥᑦ 10:00-ᒧᑦ ᐅᓪᓛᒃᑯᑦ. ᖃᒥᙶᕐᓂᐊᖅᑐᑦ ᓄᓇᙳᐊᒥ ᐊᑖᓂ ᖁᖅᓱᖅᑕᒥᑦ ᓇᓗᓇᐃᖅᓯᒪᕗᑦ.
ᖃᒥᙶᕆᐊᖃᕐᓂᐊᖅᐳᑦ ᐊᑦᑕᕐᓇᖏᑦᑐᒃᑯᑦ ᐊᑦᑕᑕᖅᑎᑦᑎᓂᐊᕐᒪᑕ ᐃᒡᓗᖁᑎᑖᓵᒥᑦ ᐆᒻᒪᖅᑯᑎᖃᖅᑎᑦᑎᔾᔪᑎᖓᓂ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᕗᑦ ᑎᑭᕋᕐᔪᐊᕐᒥᐅᓂᒃ ᑐᑭᓯᐅᒪᔪᓐᓇᕐᒪᑕ ᒪᒥᐊᑉᐳᓪᓗ ᐊᑲᐅᙱᓕᐅᖅᑎᑦᑎᓐᓂᖅᐸᑕ ᖃᒥᙶᖅᑎᓪᓗᒋᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐴᓱ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7524
rboucher@qec.nu.ca
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑐᒃᓯᕋᐅᑎᓂᒃ ᐱᔪᒪᕙᓪᓕᐊᓕᕐᒥᔪᑦ ᐊᕐᕌᒍᑕᒫᑦ ᐊᑐᖅᑕᐅᖃᑦᑕᖅᑐᖅ ᑯᐊᐳᕇᓴᒃᑯᑦ ᓘᕋ ᐅᓪᓗᕆᐊᖅ ᒍᑎᐊᐃ ᐃᓕᓐᓂᐊᕈᑎᒃᓴᒧᑦ ᑮᓇᐅᔭᑦ.
ᐱᓇᔫᑎᑦ ᐃᓱᓕᕝᕕᒃᓴᖃᖅᑐᑦ ᐊᕐᕌᒍᓕᒫᒧᑦ $5000−ᒥᒃ ᐃᓕᓐᓂᐊᕈᑎᒃᓴᒧᑦ ᑮᓇᐅᔭᕐᓂᒃ ᐅᖓᕙᕆᐊᖅᑕᐅᓯᒪᓕᖅᑐᖅ ᐋᒡᒌᓯ 31, 2021-ᒧᑦ, ᓄᕙᒡᔪᐊᕐᓇᖅ-19−ᑕᖃᖅᑎᓪᓗᒍ ᐊᒃᓱᕈᕐᓇᕈᓘᔭᓵᖅᑐᑦ ᐱᔾᔪᑕᐅᓪᓗᑎᒃ.
ᓄᓇᕗᒻᒥ ᐃᓕᓐᓂᐊᖅᑏᑦ ᐃᓕᓐᓂᐊᕆᐊᒃᑲᓐᓂᖅᓯᒪᔪᑦ ᓯᓚᑦᑐᓴᕐᕕᖕᒧᑦ ᐊᕐᕌᒍᒧᑦ ᓯᑎᐱᕆ 2021 ᐃᓕᓐᓂᐊᖅᑐᑦ ᐱᓇᓱᐊᖃᑕᐅᔪᓐᓇᖅᑐᑦ ᑐᒃᓯᕋᐅᑎᒧᑦ. ᐱᓇᓱᐊᖃᑕᐅᔪᑦ ᓂᕈᐊᖅᑕᐅᓂᖏᑦ ᑐᙵᕕᖃᕐᓂᐊᖅᑐᑦ ᐃᓕᓐᓂᐊᖅᑎᐊᖃᑦᑕᖅᓯᒪᓂᖏᑦ ᐊᒻᒪ ᓄᓇᓕᖕᓂᑦ ᐃᓚᒋᔭᐅᓇᓱᑦᑎᐊᖃᑦᑕᕐᓂᖏᑦ ᐱᓕᕆᑎᑦᑎᔪᖃᖅᑎᓪᓗᒍ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑎᓕᐅᕆᕗᑦ ᐃᓄᖕᓂᒃ ᑭᐅᑲᑕᖁᓪᓗᒋᑦ ᐆᒻᒪᖅᑯᑎᓕᕆᔨᒃᑯᑦ ᐆᒻᒪᖅᑯᑎᑦ ᐊᑭᖏᓐᓂᒃ ᐊᑭᑦᑐᕆᐊᖁᔨᓂᕐᒧᑦ ᑐᒃᓯᕋᐅᑖᓄᑦ. ᐆᒻᒪᖅᑯᑎᓕᕆᔨᒃᑯᑦ ᑐᒃᓯᕋᐅᒻᒥᒃ ᑐᓂᓯᓚᐅᖅᓯᒪᕗᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᒥᓂᔅᑕᖓᓐᓄᑦ ᐆᒻᒪᖅᑯᑎᓄᑦ ᐊᑭᓕᖅᓱᕆᐊᓕᑦ ᐊᓯᔾᔨᖅᑕᐅᖁᓪᓗᒋᑦ ᐱᒋᐊᕐᓗᒍ ᐅᑐᐱᕆ 1, 2022−ᒥ.
ᑐᒃᓯᕋᐅᑦ ᐊᖏᖅᑕᐅᒋᐊᖃᖃᑦᑕᕐᒪᑦ ᐊᓯᔾᔨᕐᓂᐊᓕᕌᖓᑦ ᒫᓐᓇᓕᓴᕐᒥᒃ ᓄᓇᓕᖕᓂ−ᑐᙵᕕᓕᖕᓂᒃ ᐊᑭᖓᓄᑦ ᐋᖅᑭᒃᓯᒪᓂᕆᔭᖓᓄᑦ ᓄᓇᕘᓕᒫᒧᑦ ᐆᒻᒪᖅᑯᑎᓄᑦ ᐊᑭᖓ ᐊᔾᔨᒌᒃᑎᑕᐅᔾᔫᒥᔪᖅ ᐊᑭᓕᖅᓱᐃᔨᓄᑦ. ᑖᒃᑯᐊ ᐋᖅᑭᒃᓯᒪᓂᖓ ᒪᓕᒃᖢᒍ, ᐊᑭᓕᖅᓱᐃᔨᓕᒫᑦ ᐊᔾᔨᒌᒥᒃ ᐊᑭᓕᖅᓱᐃᑎᑕᐅᔪᑦ ᐊᑭᓖᖃᑦᑕᕋᔭᖅᐳᑦ ᐊᔾᔨᒌᒥᒃ ᐆᒻᒪᖅᑯᑎᓄᑦ ᐊᑭᒋᑎᑕᓄᑦ ᓇᓂᒥᐅᑕᐅᖦᖤᕋᓗᐊᖅᐸᑕ ᓄᓇᕗᒻᒥ.
ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᑲᑎᒪᔨᒃᓴᓄᑦ ᐱᓇᔫᑎᓂᒃ ᐱᔪᓐᓇᖅᓯᔪᑦ ᐱᒋᐊᕐᕕᖓ: ᐄᐳᕆ 22, 2022 ᐃᓱᓕᕝᕕᖓ: ᒪᐃ 13, 2022 ᓄᓇᕗᒥᐅᓕᒫᓄᑦ 45 ᑎᑦᑕᑯᓗᐃᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᑲᑎᒪᔨᒃᓴᓄᑦ ᐱᓇᔫᑎᓂᒃ ᒫᓐᓇᒃᑯᑦ ᐱᔪᒪᔪᓂᒃ ᐆᒃᑐᕈᓐᓇᖅᓯᓂᕋᐃᔪᑦ. ᑲᑎᒪᔨᙳᖃᑕᐅᔪᑦ ᐊᒃᓱᕉᑎᖃᕐᓂᕐᒥᓂᒃ ᓇᓗᓇᕆᐊᖃᙱᓚᑦ ᑕᐅᑐᙳᐊᒐᙱᑦᑎᒍᑦ, ᐱᔪᒪᓂᖃᕐᓂᒃᑯᑦ, ᓯᕗᓕᖅᑎᐅᔪᓐᓇᖃᑦᑕᕐᓗᑎᒡᓗ ᐱᓕᕆᐊᖑᔭᕆᐊᓕᖕᓄᑦ ᐃᑲᔫᑎᖃᕈᓐᓇᕐᓂᐊᕐᒪᑕ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ.
ᐱᓕᕆᐊᖃᓚᐅᖅᓯᒪᓂᓖᑦ ᖃᐅᔨᒪᓂᖃᑦᑎᐊᖅᑐᓪᓘᓃᑦ ᐃᓱᒪᒃᓴᖅᓯᐊᖑᓪᓚᕆᒐᔭᖅᑐᑦ ᐆᒻᒪᖁᑎᓕᕆᓂᕐᒥᒃ ᐱᓕᕆᐊᖃᖃᑕᐅᓚᐅᖅᓯᒪᒃᐸᑕ. ᖃᐅᔨᒪᓂᖃᕐᓂᖅᑕᐅᖅ ᐃᖅᑲᓇᐃᔭᖅᑐᓕᕆᓂᕐᒥᒃ, ᓴᓇᔪᓕᕆᔨᒻᒪᕆᐅᓂᕐᒥᒃ, ᒪᓕᒐᓕᕆᓂᕐᒥᒡᓘᓐᓃᑦ ᑕᐅᑐᒃᑕᐅᖕᒥᔪᑦ ᐱᐅᔫᓂᖏᓐᓂᒃ ᐃᑲᔫᑎᖃᕈᓐᓇᕐᓂᖏᓐᓂᒡᓗ. ᓂᕈᐊᖅᑕᐅᔪᑦ ᑎᓕᔭᐅᓯᒪᓂᐊᖅᑐᑦ ᐊᕐᕌᒍᓄᑦ ᐱᖓᓱᓄᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑐᓴᐅᒪᖁᔨᕗᑦ ᑎᑭᕋᕐᔪᐊᕐᒥᐅᓂᒃ ᐆᒻᒪᖅᑯᑎᑦ ᖃᒥᙶᓛᕐᓂᖏᓐᓂᒃ ᓯᕙᑖᕐᕕᖕᒥ, ᕕᕗᐊᕆ 26, ᐊᒻᒪ ᓈᑦᑎᖑᔭᒥ, ᕕᕗᐊᕆ 27−ᒥ, 12:00-ᒥ ᐅᓐᓄᐊᒃᑯᑦ 4:00−ᒧᐊᖅᓴᓂᖓᓄᑦ ᐅᓪᓛᕌᕐᔪᒃᑯᑦ ᓄᓇᓕᖕᓂ ᖃᐅᔨᓴᐅᑖ ᒪᓕᒡᓗᒍ.
ᑖᓐᓇ ᖃᒥᓐᓂᐅᓕᒑᔪᖅ ᖃᐅᔨᓴᖅᑕᐅᓕᒑᖕᒪᑕ ᓄᑖ ᐊᐅᓚᐅᑎᑦ ᐊᐅᓚᐅᓯᕆᕝᕕᖕᒥᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᕗᑦ ᑎᑭᕋᕐᔪᐊᕐᒥᐅᓂᒃ ᑐᑭᓯᐅᒪᔪᓐᓇᕐᒪᑕ ᒪᒥᐊᑉᐳᓪᓗ ᐊᑲᐅᙱᓕᐅᖅᑎᑦᑎᓐᓂᖅᐸᑕ ᖃᒥᙶᖅᑎᓪᓗᒋᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐴᓱ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7524
rboucher@qec.nu.ca
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᓇᓚᐅᑦᑖᕐᓂᐊᖅᑐᑦ ᑕᖅᑭᑕᒫᖅᓯᐅᑦ ᐊᑭᓕᒃᓴᓂᑦ ᐃᖃᓗᒃᑑᑦᑎᐊᕐᒧᑦ, ᑲᖏᖅᖠᓂᕐᒧᑦ, ᖃᒪᓂ'ᑐᐊᕐᒧᑦ, ᕿᑭᖅᑕᕐᔪᐊᕐᒧᑦ ᐊᕐᕕᐊᕐᓄᓪᓗ ᑎᓯᐱᕆ 1−ᒥᑦ 31−ᒧᑦ ᐊᑭᓕᒃᓴᖏᓐᓄᑦ. ᐆᒻᒪᖅᑯᑎᓄᑦ ᖃᐅᔨᓴᕈᑎᑦ ᐱᓕᕆᐊᖑᔾᔮᙱᑦᑐᑦ ᐆᒻᒪᖅᑯᑎᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᓄᓇᓕᖕᓂᕐᒥᐅᓪᓗ ᓴᐳᔾᔭᐅᓯᒪᖁᓪᓗᒋᑦ ᐆᒻᒪᖅᑯᑎᓕᕆᔨᒃᑯᑦ ᐊᑦᑕᕐᓇᙱᑦᑐᒥᒃ ᐱᕐᔪᐊᓂᒡᓗ ᐱᔨᑦᑎᕋᕆᐊᖃᖅᑎᓪᓗᒋᑦ.
ᓇᓚᐅᑦᑖᖅᓯᒪᔪᑦ ᐆᒻᒪᖅᑯᑎᓄᑦ ᖃᐅᔨᓴᕈᓯᑦ ᖃᐅᔨᓴᖅᑕᐅᓲᖑᕗᑦ ᐊᑐᖅᑕᐅᓪᓗᑎᒃ ᑕᖅᑭᐅᓚᐅᖅᑐᒥᒃ ᐆᒻᒪᖅᑯᑎᑐᕈᑕᐅᓚᐅᖅᑐᑦ. ᓇᓚᐅᑦᑖᖅᓯᒪᔪᑦ ᐊᑭᑐᓂᖅᓴᐅᑐᐃᓐᓇᕆᐊᖃᖅᐳᑦ ᐊᑭᑭᓐᓂᖅᓴᐅᓗᑎᒡᓘᓐᓃᑦ ᐆᒻᒪᖅᑯᑎᑐᕈᑎᖓ, ᑭᓯᐊᓂ ᐊᔾᔨᒌᙱᓐᓂᖓ ᐋᖅᑭᒋᐊᖅᑕᐅᓛᖅᑐᖅ ᑭᖑᓪᓕᕐᒥ ᑕᖅᑭᒥᒃ ᖃᐅᔨᓴᖅᑕᐅᓕᕐᒥᒃᐸᑕ.
ᑕᖅᑭᑕᒫᑦ ᖃᐅᒻᒪᖅᑯᑎᓄᑦ ᐊᑭᓕᒃᓴᖅᑖᕆᔭᐅᕙᒃᑐᑦ ᐃᖃᓗᖕᓂ ᓱᓕ ᖃᐅᔨᓴᖅᑕᐅᖃᑦᑕᕐᓂᐊᖅᐳᑦ ᖃᕆᓴᐅᔭᒨᑐᒥᒃ ᖃᐅᔨᓴᕈᑎᒥᒃ ᐊᑐᕐᓗᑎᒃ ᐆᒻᒪᖅᑯᑎᑐᕈᓯᖓᓂ ᖃᐅᔨᓇᓱᒋᐊᖃᙱᓪᓗᑎᒃ ᖁᓪᓕᒃᑯᑦ ᐃᖅᑲᓇᐃᔭᖅᑎᖏᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑎᓕᐅᕆᕗᑦ ᐃᓄᖕᓂᒃ ᑭᐅᖁᓪᓗᒋᑦ ᐆᒻᒪᖅᑯᑎᓕᕆᔨᒃᑯᑦ ᑐᒃᓯᕋᐅᑖᓄᑦ ᐆᒻᒪᖅᑯᑎᖃᕐᕖᑦ ᐊᐅᓚᐅᑎᐊᓗᐃᑦ ᐊᓯᔾᔨᖅᑕᐅᒋᐊᖃᕐᓂᖏᓐᓂᒃ ᑰᒑᕈᒃ ᐊᒻᒪᓗ ᐃᒡᓗᓕᒑᕐᔪᖕᒥᑦ.
ᐆᒻᒪᖅᑯᑎᓕᕆᔨᒃᑯᑦ ᐱᓇᓱᐊᖅᑐᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᒥᓂᔅᑕᖓᓄᑦ ᐱᕐᔪᐊᑦ ᐱᓕᕆᐊᒃᓴᖅ ᐊᖏᑦᑕᐅᖁᓪᓗᒋᑦ. ᓄᓇᕗᒻᒥ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ, ᐃᒻᒥᒃᑰᖅᖢᑎᒃ ᐅᖃᐅᔾᔪᐃᔨᑦ, ᕿᒥᕐᕈᓂᐊᖅᐳᑦ ᑭᒃᑯᑐᐃᓐᓇᑦ ᐃᓱᒪᒋᔭᖏᓐᓂᒃ ᑐᓴᖅᑕᐅᔪᓂᒃ ᐊᒻᒪ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᒥᓂᔅᑕᖓᓄᑦ ᐅᖃᐅᔾᔨᓗᑎᒃ ᐱᓇᔫᑎᒋᔭᐅᔪᒥᒃ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑭᒃᑯᑐᐃᓐᓇᓂᒃ ᐃᕐᖐᓐᓈᖅᑕᐅᒃᑯᑦ ᑐᓴᖅᑎᑦᑎᖁᔨᕗᑦ ᐅᕗᖓ URRC@gov.nu.ca 5 ᑐᖔᓂ ᕕᕝᕗᐊᕆ 25, 2022−ᒥ. ᐱᓇᔫᑎᐅᑉ ᒥᒃᓵᓄᑦ ᑐᑭᓯᒋᐊᒃᑲᓐᓂᕈᒪᒍᕕᑦ ᐅᕗᖓ ᑕᑯᒋᐊᕐᓗᑎᑦ www.URRC.gov.nu.ca.
###