ᐃᓪᓗᕐᔪᐊᓄᑦ ᐊᐅᓚᑦᑎᔨ
ᓈᒻᒪᓛᒃᑯᑦ ᐱᓕᕆᔾᔪᓯᓐᓂᑦ ᐱᓇᓱᐊᒃᑲᐅᓂᖅᐹᑦ ᐱᖁᑎᓂᑦ ᐊᒻᒪ ᐃᓪᓗᖁᑎᒋᔭᐅᔪᓂᑦ ᐊᐅᓚᑦᑎᔨᐅᓂᕐᒥᑦ, ᖃᓄᖅᑑᕈᑎᖃᕈᓐᓇᕐᓗᓂ ᐊᒻᒪ ᐱᕙᒌᔭᕈᓐᓇᓂᕐᒥᑦ ᐃᓱᒪᔅᓴᖅᓯᐅᕈᓐᓇᕐᓗᓂ ᐊᒻᒪ ᓯᕗᓕᖅᑎᐅᓗᓂ ᖃᓄᐃᓐᓂᐅᖃᑦᑕᖅᓯᒪᔪᓂᑦ ᑐᙵᕕᖃᕈᓐᓇᕐᓗᓂ, ᐱᔭᕆᐊᑐᔫᒐᓗᐊᓄᑦ ᑐᙵᓇᑐᐃᓐᓇᖃᑦᑕᑲᕐᓗᓂ ᐊᒻᒪ ᐱᕕᔅᓴᖃᕐᕕᒋᔪᓐᓇᖅᑕᖏᓐᓂᑦ ᑖᔅᓱᒥᖓ ᖁᕕᐊᓇᖅᑐᒻᒪᕆᒻᒥᑦ ᐱᓕᕆᐊᔅᓴᕆᑎᑕᐅᔪᒥᑦ ᐊᑦᑐᐃᓯᒪᔪᖅ ᓄᓇᕗᓕᒫᒥᑦ.
ᐊᐅᓚᐅᑎᖃᕐᕕᖕᒥ ᐊᖓᔪᖅᑳᖅ (ᓴᖅᑭᔮᖅᑎᑕᐅᒃᑲᓐᓂᖅᑐᖅ)
ᐅᖃᕐᕕᖃᕐᓗᓂ ᐊᐅᓚᑦᑎᔨᒃᑯᑦ ᐊᖓᔪᖅᑳᖓᓐᓄᑦ, ᐊᐅᓚᐅᑎᖃᕐᕕᖕᒥ ᐊᖓᔪᖅᑳᖅ ᑲᒪᒋᔭᒃᓴᖃᕐᓂᐊᖅᐳᖅ ᐃᖏᕐᕋᑎᑦᑎᓗᓂ ᐊᑦᑕᕐᓇᙱᑦᑐᓂᒃ ᐃᖏᕐᕋᐃᓐᓇᖅᑐᓂᒡᓗ ᐆᒻᒪᖅᑯᑎᑐᕈᓯᕐᓂᒃ ᐊᒻᒪ ᐆᒻᒪᖅᑯᑎᖃᖅᑎᑦᑎᓂᕐᒥᒃ, ᓈᒻᒪᒃᓯᓕᕐᓗᒋᑦ ᐱᓕᕆᐊᖑᔪᓄᑦ ᐊᒻᒪ ᐋᖅᑭᐅᒪᑎᑕᐅᔪᓄᑦ ᐱᔭᐅᔭᕆᐊᖃᖅᑐᓄᑦ ᐊᐅᓚᐅᑎᓅᖅᑐᓕᒫᓄᑦ ᐆᒻᒪᖅᑯᑎᒨᖅᑐᓕᒫᓪᓗ ᑭᒡᒐᖅᑐᐃᕝᕕᒋᔭᖓᓂ.
ᐃᖅᑲᓇᐃᔮᓕᒃ ᑲᒪᒋᔭᒃᓴᖃᕐᒥᓂᐊᕐᒥᔪᖅ ᐊᐅᓚᑦᑎᔨᒋᔭᐅᓗᓂ ᖃᐅᔨᓴᖅᑎᒋᔭᐅᓗᓂᓗ ᐃᒐᓯᐅᑎᒨᖅᑐᖅ ᐊᐅᓚᐅᑎᖃᕐᕕᖕᒥ ᐊᒃᑐᐊᔪᓂᒡᓗ ᐊᐅᓚᐅᑎᖃᕐᕕᖕᒦᑦᑐᓂᒃ ᐊᑦᑕᕐᓇᙱᑦᑐᓂᒃ, ᑕᑎᒋᔭᒃᓴᐅᔪᓂᒃ ᑲᑉᐳᔾᔭᖅᑐᓅᖅᑐᓂᒃ ᐱᔨᑦᑎᕋᐅᑎᒃᓴᓂᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᐊᑭᓕᖅᓱᐃᔪᓄᑦ ᓄᓇᓕᖕᓂ ᐊᑭᑐᓗᐊᙱᓪᓗᑎᒃ.
ᐊᐅᓚᑦᑎᔨ, ᐅᐊᔭᓕᖅᓱᐃᔨᓕᕆᓂᕐᓄᑦ
ᑖᓐᓇ ᐱᔭᐅᔪᓐᓇᕐᖢᓂ ᐱᕕᒃᓴᐅᔪᖅ ᐅᐊᔭᓕᖅᓱᐃᔨᓕᕆᓂᕐᓄᑦ ᓯᕗᓕᕐᓗᒍ ᐃᖅᑲᓇᐃᔭᕐᕕᒃ ᐱᑎᑦᑎᓲᓂ ᐅᐊᔭᓕᕆᓂᕐᓂ ᐱᔨᑦᑎᕋᐅᑎᑦ ᐊᑭᑐᔪᓄᑦ ᐱᓕᕆᐊᒃᓴᓄᑦ, ᐊᐅᓚᓂᕐᓄᑦ ᐃᑲᔪᖅᓱᐃᓂᖅ, ᑐᓂᐅᖅᑲᐃᓂᕐᒥ ᐊᑐᖃᑦᑕᖅᑐᓂ ᖃᐅᔨᓴᕐᓂᖅ ᐊᒻᒪ ᐋᖅᑭᒃᓯᒪᓂᕐᓄᑦ ᐱᓕᕆᐊᖅ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂ.
ᐅᖃᕐᐸᒃᓗᓂ ᑐᑭᒧᐊᒃᑎᑦᑎᔨ ᐅᐊᔭᓕᕆᓂᕐᓄᑦ, ᓯᕗᓕᕐᓗᓂᓗ ᓲᕐᓗ ᐱᓕᕆᖃᑎᒌᓂᑦ ᐊᕙᑎᓕᖕᒥᑦ, ᑲᒪᒋᔭᖃᕐᓂᐊᖅᑐᑎᑦ ᐃᖅᑲᓇᐃᔭᖅᑎᓂᑦ, ᐱᓕᕆᐊᒃᓴᓄᑦ ᐊᐅᓚᑦᑎᓂᖅ, ᐱᓕᕆᐊᒃᓴᓄᑦ ᑮᓇᐅᔭᖅᑐᕈᑎᒃᓴᑦ ᐱᕙᓪᓕᐊᑎᑦᑎᓂᕐᓗ ᐊᑐᓕᖅᑎᑦᑎᓂᕐᓗ ᑐᓂᐅᖅᑲᐃᓂᕐᓄᑦ ᒪᓕᒃᑕᐅᒋᐊᖃᖅᑐᓂᑦ. ᐊᐅᓚᑦᑎᔨᐅᓗᓂ ᐅᐊᔭᓕᖅᓱᐃᔨᓕᕆᓂᕐᓄᑦ ᐃᖅᑲᓇᐃᔭᕐᕕᖓᓂ, ᑲᒪᔨᐅᖃᑦᑕᕐᓗᑎᑦ ᐃᑲᔪᖅᐸᒃᓗᑎᓪᓗ ᑐᓂᐅᖅᑲᐃᓂᕐᓂ ᖃᕋᓴᐅᔭᓕᕆᔾᔪᑎᓂᑦ ᐅᐊᔭᓕᕆᔨᓂᒃᓗ ᐱᓕᕆᖃᑎᒌᒃᑎᑦᑎᔪᑦ ᐃᓚᐅᑎᑦᑎᔪᓐᓇᕐᖢᓂ ᐃᓗᐊᓂ ᐊᒻᒪᓘᓐᓃᑦ ᓯᓚᑖᓂ ᑭᒡᒐᖅᑐᐃᓂᕐᓂ, ᖃᐅᔨᓴᖅᐸᒃᓗᓂ ᓄᑖᒥᒃ ᐱᓕᕆᐊᒃᓴᓄᑦ ᐊᑐᒐᒃᓴᓂᑦ, ᐱᕙᓪᓕᐊᓂᕐᓂ, ᐱᖁᑎᖏᓐᓂᑦ, ᓱᓇᒃᑯᑖᓂᒃ ᐊᒻᒪᓘᓐᓃᑦ ᒪᓕᒋᐊᓕᖕᓂᑦ.
ᐃᖅᑲᓇᐃᔭᓕᖅᑎᑦᑎᓂᕐᒧᑦ ᐊᐅᓚᑦᑎᔨ
ᐱᕕᒃᓴᑦᑎᐊᕙᒃ ᐃᖅᑲᓇᐃᔭᓕᖅᑎᑦᑎᓂᕐᒧᑦ ᓯᕗᓕᖅᑎᒧᑦ ᐱᓕᕆᐊᖃᖅᐸᒡᓗᓂ ᑎᒥᐅᔪᒨᖓᔪᑦ ᐊᖏᖃᑎᒌᒍᑎᒃᑯᑦ ᐊᒻᒪ ᐃᖅᑲᓇᐃᔭᓕᖅᑎᑦᑎᓂᕐᒧᑦ ᐊᑐᖅᑕᐅᔾᔪᓯᖏᑦ ᒪᓕᒃᑲᓗᐊᕐᒪᖔᑦ ᐱᓕᕆᕝᕕᖕᒥ ᒪᓕᒃᑕᐅᕙᒃᑐᓂᒃ ᐊᒻᒪ ᓈᒻᒪᓛᒃᑯᑦ ᐱᓕᕆᔾᔪᓯᓂᒃ.
ᐅᖃᕐᕕᖃᖅᐸᒡᓗᓂ ᐱᖁᑎᖃᖅᑎᑦᑎᔨᒧᑦ ᐊᐅᓚᑦᑎᔨᒧᑦ, ᐱᕙᒌᔭᐃᓂᐊᖅᐳᑎᑦ, ᐋᖅᑭᒃᓱᐃᓗᑎᑦ, ᐊᐅᓚᑦᑎᓗᑎᑦ ᐊᒻᒪ ᑲᒪᒋᔭᖃᕐᓗᑎᑦ ᐊᖏᖃᑎᒌᒍᑎᒃᑰᖅᓯᒪᔪᓂᒃ ᐊᒻᒪ ᐃᖅᑲᓇᐃᔭᓕᖅᑎᑦᑎᓂᕐᒥᒃ ᐊᔾᔨᒌᙱᑦᑐᓂᒃ ᐱᖁᑎᒋᔭᐅᔪᓂᒃ ᐊᒻᒪ ᐱᔨᑦᑎᕋᐅᑎᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ ᓄᓇᕗᓕᒫᒥ, ᒪᓕᒡᓗᓂ ᓄᓇᕗᒻᒧ ᐊᖏᖃᑎᒌᒍᑦ ᓄᓇᑖᕈᑎᓄᑦ (ᑎᑎᕋᖅᓯᒪᓂᓕᒃ 24) ᐊᒻᒪ ᓄᓇᕗᒻᒥ ᓇᖕᒥᓂᖃᖅᑐᓂᒃ ᐃᑲᔫᑎᓄᑦ ᐊᑐᐊᒐᕐᒥ. ᐱᓕᕆᐊᕆᓪᓗᐊᑕᖃᑦᑕᕐᓂᐊᖅᑕᑎᑦ ᐅᖃᐅᔾᔨᒋᐊᕐᓂᐅᔪᑦ ᐱᓕᕆᕝᕕᖕᒥ ᐱᓕᕆᔨᒻᒪᕆᖕᓄᑦ ᐊᒻᒪ ᐃᖅᑲᓇᐃᔭᖅᑎᓄᑦ ᐃᖅᑲᓇᐃᔭᓕᖅᑎᑦᑎᓂᕐᒧᑦ ᐱᔾᔪᑕᐅᕙᒃᑐᓂᒃ, ᐃᑲᔪᖅᓱᐃᕙᒡᓗᑎᑦ ᐊᔪᕆᖅᓯᐅᔾᔨᕙᒡᓗᑎᓪᓗ ᐃᖅᑲᓇᐃᔭᓕᖅᑎᑦᑎᓂᕐᒨᖓᔪᓕᒫᓂᑦ.
ᑐᑭᒧᐊᖅᑎᑦᑎᔨ ᓴᓇᓯᒪᔪᓕᕆᓂᕐᒥᑦ
ᐊᑦᑐᕐᓂᖃᕈᓐᓇᖅᑐᒥᑦ ᑐᕌᒐᖃᖅᑐᖅ ᓴᓇᓯᒪᔪᓕᕆᔨᐅᓗᓂ ᐊᐅᓚᑦᑎᔪᓐᓇᑎᐊᖅᑐᖅ ᐊᒻᒪ ᐱᒃᑲᐅᓛᖑᔪᖅ ᐱᐅᓛᓂᑦ ᐊᑐᖅᑕᐅᔪᓂᑦ, ᐊᒻᒪᐊ ᖏᔪᖅᑳᖑᖃᑦᑕᖅᓯᒪᓪᓗᓂ ᓯᕗᓕᖅᑎᐅᓗᓂ ᓴᓇᓯᒪᔪᓕᕆᔨᓂᑦ ᐃᖅᑲᓇᐃᔭᖅᑎᓂᑦ ᑎᑭᓐᓂᐊᕐᓗᒋᑦ ᐱᓕᕆᕕᒻᒧᑦ ᐱᓕᕆᐊᖑᓂᐊᖅᑐᓂᑦ ᐸᕐᕼᐅᑎᓂᑦ, QEC−ᑯᑦ ᑐᕌᒐᖏᑦ ᐊᒻᒪ ᐆᒻᒪᖅᑯᑎᓕᕆᓂᕐᒧᑦ ᐊᑐᖅᑕᐅᒋᐊᓖᑦ. ᐊᖏᔪᖅᑳᑲᖅᑐᓂ ᐊᖏᔪᖅᑳᖓᓐᓂ ᐊᒻᒪ CEO, ᑐᑭᒧᐊᖅᑎᑦᑎᓂᐊᖅᑐᑎᑦ ᓴᓇᓯᒪᔪᓕᕆᓂᕐᒧᑦ ᐱᓕᕆᕕᐅᔪᒥᑦ ᐆᒻᒪᖅᑯᑏᑦ ᐊᑐᖅᑕᐅᒋᐊᓖᑦ ᓄᓇᕗᒻᒧᑦ ᐊᑐᖅᑕᐅᒋᐊᓖᑦ ᓈᑦᑎᐊᖏᓐᓇᖁᓪᓗᒋᑦ ᐊᒻᒪ ᓇᒧᖓᖃᑦᑕᕐᓂᖏᓐᓄᑦ ᓄᓇᕗᒻᒥ ᕿᓂᖅᓯᓈᕐᓗᓂ ᓄᑖᓂᑦ ᐆᒻᒪᖅᑯᑎᓕᐅᕈᑎᔅᓴᓂᑦ, ᑐᕌᒐᖃᐃᓐᓇᖅᑐᓂ ᓈᒻᒪᑦᑐᓂᑦ ᓄᓇᕗᒻᒥᐅᑕᐃᑦ, ᑕᑎᒋᔭᔅᓴᐅᔪᓂᑦ ᐆᒻᒪᖅᑯᑎᓕᕆᓂᕐᒧᑦ ᐱᔨᑦᑎᖅᑕᓂᑦ.
ᐊᑦᑕᖕᓇᖅᑕᐃᓕᒪᖃᑦᑕᖕᓂᖅ ᐊᐅᓚᐅᑎᖃᕐᕕᐊᓗᖕᓂᑦ ᐅᐊᔭᖃᕐᕕᐅᔪᓂᓪᓗ
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᖏᑦᑕ ᑎᒥᖁᑖ ᐃᖅᑲᐃᓯᔪᒪᕗᑦ ᓄᓇᕗᒻᒥᐅᓂᑦ ᐅᑯᓂᖓ ᐊᑐᖃᑦᑕᖁᔭᐅᓪᓗᑎᒃ ᐱᕐᕈᓗᐊᕿᖁᓇᒋᑦ ᐃᓅᔪᓐᓃᖁᓇᒋᓪᓗ ᐊᑦᑕᖕᓇᖅᑐᒦᑦᑕᐃᓕᓗᑎᒡᓗ ᐊᐅᓚᐅᑎᖃᕐᕕᖕᓂᑦ ᐅᐊᔭᖃᕐᕕᐅᔪᓂᒡᓗ:
- ᐊᐅᓚᐅᑎᖃᕐᕕᐊᓗᖕᓃᑉᐸᙱᓪᓗᓯ.
- ᓱᕋᒃᓯᒪᔪᓂᑦ ᑲᑕᒃᓯᒪᔪᓂᓪᓘᓐᓃᑦ ᐅᐊᔭᓃᑉᐸᙱᓪᓗᓯ.
ᐅᖃᓘᑎᖃᖕᓂᐊᕐᓗᓂ ᓄᑭᓪᓚᐅᑎᓄᑦ ᑐᐊᕕᖕᓇᖅᑐᓄᑦ, ᐅᖄᓚᒋᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᖏᑦᑕ ᑎᒥᖁᑖᑕ ᐅᒃᑯᐃᖓᐃᓐᓇᐅᔭᖅᑐᑦ 24-ᐃᑲᕐᕋᓄᑦ ᑐᐊᕕᖕᓇᖅᑐᓄᑦ ᐅᖄᓚᕝᕕᐊᓄᑦ ᐅᕗᖓ 1-867-222-3807.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᖏᑦᑕ ᑎᒥᖁᑖ ᖁᔭᓕᔪᒪᕗᑦ ᓄᓇᕗᒻᒥᐅᓂᑦ ᐃᑲᔪᐃᓐᓇᖅᐸᖕᓂᖏᓐᓄᑦ ᓄᑕᖅᑲᑦ ᐊᐅᓚᐅᑎᖃᕐᕕᖕᓃᑎᑕᐅᕙᙱᓐᓂᖏᓐᓄᑦ ᐅᐊᔭᓂᒡᓗ.
###