ᐃᖃᓗᐃᑦ, ᓄᓇᕗᑦ (ᒫᑦᓯ 16, 2018) − ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐱᓕᕆᐊᒃᓴᕐᔪᐊᓕᕆᔪᒪᔾᔪᑎᖓ ᐊᓯᔾᔩᓂᐊᕐᓗᑎᑦ ᐊᐅᓚᐅᑎᖃᕐᕕᖕᒥᑦ ᖁᕐᓗᖅᑐᒥᑦ ᐊᖏᖅᑕᐅᓚᐅᖅᐳᖅ ᒥᓂᔅᑕᒧᑦ ᑲᒪᒋᔭᓕᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ.
"ᑖᓐᓇ ᐊᐅᓚᐅᑎᖃᕐᕕᐊ ᐊᑦᑕᖕᓇᙱᑦᑐᓂᑦ ᓈᒻᒪᒃᑐᓂᒡᓗ ᓄᑭᓪᓚᐅᑎᖃᖅᑎᑦᑎᕙᒃᑲᓗᐊᖅᖢᓂ ᓄᓇᓕᖕᓄᑦ ᐊᕐᕌᒍᑦ 50−ᑲᓴᖕᓄᑦ, ᐊᑑᑎᖓ ᐃᓱᓕᓕᖕᒪᑦ ᐊᓯᔾᔨᖅᑕᐅᔭᕆᐊᖃᓕᖅᖢᓂᓗ," ᐅᖃᖅᑐᕕᓂᖅ ᒪᓕᒐᓕᐅᖅᑎ ᔩᓂ ᐃᕼᐊᓗᐊᒃ, ᒥᓂᔅᑕ ᑲᒪᒋᔭᓕᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ. "ᐊᓯᔾᔨᖅᑕᐅᓂᖓ ᐊᐅᓚᐅᑎᖃᕐᕕᐊ ᓴᓇᔭᐅᓯᒋᐊᓛᖅᑐᑦ ᑲᓱᕈᓐᓇᕐᓗᓂ ᐊᓯᖏᓐᓄᑦ ᐆᒻᒪᒃᑯᑎᓄᑦ ᐱᓕᕆᐊᖑᔪᓄᑦ, ᓄᓇᕗᑦ ᐊᑐᓗᐊᕈᓐᓃᖅᐸᓪᓕᐊᓕᕐᓗᑎᑦ ᐅᖅᓱᐊᓗᖕᒥᑦ."
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑐᓴᖅᑎᑦᑎᔪᒪᕗᑦ ᖁᕐᓗᖅᑑᒥᑦ ᐆᒻᒪᖁᑎᖓ ᖃᒥᖔᓛᕐᒪᑦ ᐱᒋᐊᕐᓗᒍ ᓯᕙᑖᕐᕕᒃ, ᒫᔾᔨ 17−ᒥᑦ, ᓇᒡᒐᔾᔭ, ᒫᔾᔨ 19−ᒧᑦ. ᖃᒥᖔᕐᓂᖓ ᐊᑯᓂᐅᑎᒋᔪᓐᓇᖅᑐᖅ 5 ᒥᓂᑦᔅᒥᑦ ᐃᑲᕐᕋᒧᑦ ᐱᒋᐊᕐᓗᒍ 8−ᒥᑦ ᐅᓪᓛᒃᑯᑦ 5-ᒧᑦ ᐅᓐᓄᒃᑯᑦ.
ᖃᒥᖔᕐᓂᐅᓂᐊᖅᑐᒧᑦ ᓄᑖᙳᖅᑎᑕᐅᓂᐊᕐᓂᖓ ᓴᓇᔭᐅᓗᑎᒡᓗ ᓯᐊᒻᒪᒃᑎᕈᑏᑦ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᖁᔭᓕᔪᒪᕗᑦ ᓄᓇᓕᖕᒥᐅᓂᑦ ᑐᑭᓯᐅᒪᓂᖏᓐᓄᑦ ᒪᒥᐊᒃᐳᒍᓪᓗ ᐊᑲᐃᓪᓕᐅᕈᑕᐅᓂᐊᖅᐸᑦ ᑕᒪᓐᓇ ᖃᒥᖓᓂᖅ.
###
ᑐᓴᒐᒃᓴᓕᕆᔨᑦ:
ᕇᓂ ᐳᓯᐊᐃᕐ
ᐊᐅᓚᑦᑎᔨ, ᐊᖓᔪᖅᑲᐅᑎᓄᑦ ᑐᓴᐅᒪᖃᑦᑕᐅᑎᓕᕆᔨ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ
(867) 979-7524
rboucher@qec.nu.ca
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑐᔅᓯᕋᐅᑎᓕᐅᕐᕕᔅᓴᐅᓕᕐᒥᔪᑦ ᐊᕐᕌᒍᑕᒫᖅ ᐊᑐᖅᑕᐅᖃᑦᑕᖅᑐᖅ ᑯᐊᐳᕇᓴᒃᑯᑦ ᓚᐅᕋ ᐅᓪᓗᕆᐊᒃ ᒍᓘᑎᐊᐃ ᐃᓕᓐᓂᐊᕈᑎᔅᓴᒧᑦ ᑮᓇᐅᔭᑦ.
ᓄᓇᕗᒻᒥ ᐃᓕᓐᓂᐊᖅᑏᑦ ᐃᓕᓐᓂᐊᕆᐊᒃᑲᓐᓂᖅᓯᒪᔪᑦ ᓯᓚᑦᑐᓴᕐᕕᒻᒥᑦ ᐊᕐᕌᒍᒧᑦ ᓰᑏᑉᐱᕆ 2018 ᐃᓕᓐᓂᐊᖅᑐᑦ ᐱᓇᓱᐊᖃᑕᐅᔪᓐᓇᖅᑐᑦ ᑐᔅᓯᕋᐅᑎᒃᑯᑦ. ᐱᓇᓱᐊᖃᑕᐅᔪᑦ ᓂᕈᐊᖅᑕᐅᓂᖏᑦ ᑐᙵᕕᖃᕐᓂᐊᖅᑐᑦ ᐃᓕᓐᓂᐊᖅᑎᐊᖃᑦᑕᖅᓯᒪᓂᖓ ᐊᒻᒪ ᓄᓇᓕᒻᒥᑦ ᐃᓚᒋᔭᐅᓇᓱᑦᑎᐊᖃᑦᑕᖅᓯᒪᓂᖓᓄᑦ.
ᑐᒃᓯᕋᐅᑏᑦ ᑮᓇᐅᔭᓂᑦ ᐱᔭᐅᓇᓱᑦᑐᑦ $5000 ᐃᓕᓐᓂᐊᕈᑎᔅᓴᒧᑦ ᑮᓇᐅᔭᑦ ᒪᑐᐃᖓᑎᑕᐅᔪᑦ ᔫᓂ 30, 2018ᒧᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ ᐅᕙᓗ ᑐᔅᓯᕋᐅᑎ ᖃᕆᓴᔭᐅᒃᑯᑦ ᐱᔪᒪᒍᕕᐅᒃ, ᐅᕗᙵᕐᓗᑎᑦ www.qec.nu.ca/about/community-involvement ᐅᕙᓘᓐᓃᑦ ᐅᖄᓚᓗᑎᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᐅᕗᖓ 1-866-710-4200.
###
ᑐᓴᒐᒃᓴᓕᕆᔨᑦ:
ᐊᖓᔪᖅᑳᖃᕐᓗᓂ ᐊᐅᓚᑦᓯᔩᑦ ᐊᖓᔪᖅᑳᖓᓂᑦ, ᐃᑲᔪᕐᓂᐊᖅᑐᑎᑦ ᐱᓕᕆᔩᑦ ᑲᒪᔨᒻᒪᕆᖓᓂᑦ ᐱᓕᕆᐊᖃᕐᓂᕐᒥᑦ ᐊᑦᑕᕐᓇᖏᑦᑐᒥᑦ ᐆᒻᒪᖅᑯᑎᖃᐃᓐᓇᑎᑦᓯᓂᕐᒥᑦ ᑐᓂᐅᖅᑲᐃᓂᕐᒥᓪᓗ, ᐊᒻᒪ ᐊᑕᖏᖅᑎᑦᓯᓂᕐᒥᑦ ᓴᓇᔭᐅᓂᖏᓐᓂᑦ ᐋᖅᑭᒪᐃᓐᓇᕈᑎᓄᑦ ᐱᔭᕆᐊᓕᓐᓂᑦ ᐃᓘᓐᓇᖏᓐᓂᑦ ᐊᐅᓚᐅᑏᑦ ᐆᒻᒪᖅᑯᑏᓪᓗ ᐱᖁᑎᖏᑦ ᐊᐅᓚᑦᓯᕕᖓᓂᑦ. ᐊᐅᓚᑦᓯᔨᐅᑉ ᐃᑲᔪᖅᑎᖓ, ᓂᕆᐅᒋᔭᐅᓂᐊᖅᑐᑎᑦ ᐊᐅᓚᑦᓯᓂᕐᒥᑦ ᖃᐅᔨᓴᕐᓂᕐᒥᓪᓗ ᐃᒐᓯᐅᑎᐅᑉ ᐆᒻᒪᖁᑎᖃᕐᕕᖓᓂᑦ ᐊᑦᑐᐊᓂᓕᓐᓄᓪᓗ ᐊᑐᖅᑕᐅᖃᑦᑕᖅᑐᓄᑦ ᐊᑐᐃᓐᓇᐅᑎᑦᓯᓂᕐᒥᑦ ᐊᑦᑕᕐᓇᖏᑦᑐᒥᑦ, ᑕᑎᒋᔭᐅᔪᒥᑦ ᐊᑭᑐᓗᐊᖏᑦᑐᒥᓪᓗ ᐆᒻᒪᖅᑯᑎᓂᑦ ᐱᔨᑦᓯᕋᕐᓂᕐᒥᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᐊᑭᓕᖅᑐᐃᔨᖏᓐᓄᑦ ᓄᓇᓕᓐᓂᑦ, ᐊᐅᓚᑦᓯᓂᕐᒥᓪᓗ ᐃᓇᖏᖅᓯᖃᑦᑕᓂᕐᒥᑦ ᐱᓕᕆᔩᑦ ᑲᒪᔨᒻᒪᕆᖓᓂᑦ ᐅᐸᑦᓯᒪᑎᓐᓇᒍ ᐱᔭᕆᐊᖃᕋᐃᑉᐸᓘᓐᓃᑦ.
ᐊᔪᙱᓐᓂᖃᖅᐲᑦ ᕿᔪᓕᕆᔨᒻᒪᕆᐅᓂᕐᒥᒃ, ᐃᖢᐊᕆᔭᖃᖅᖢᓂ ᐱᓕᕆᖃᑎᖃᕆᐊᒃᓴᖅ ᐅᓄᖅᑐᓂᒃ ᓇᖕᒥᓂᖃᖃᑎᒌᒃᑐᓂ − ᐊᑐᖅᑐᐊᖅᑎᓂᒃ ᐊᒻᒪ ᐃᖅᑲᓇᐃᔭᖃᑎᒌᖕᓂᒃ ᐊᖏᖃᑎᒌᒍᑎᒃᑰᖅᓯᒪᔪᓂᒃ ᐊᒻᒪ ᐱᖁᑎᑖᖅᑎᑦᑎᔨᓂᒃ? ᑐᙵᓱᒃᑎᑦᑎᕖᑦ ᐊᒃᓱᕈᕐᓇᖅᑐᓂᒃ ᐃᑲᔪᕐᓂᕐᒥᒃ ᐱᖁᑎᓂᒃ ᐊᐅᓚᑦᑎᓂᕐᒧᑦ ᐱᔨᑦᑎᕋᐅᑎᓂᒃ ᓄᓇᕗᓕᒫᒧᑦ? ᐄᖑᒍᓂ, ᐱᕙᒌᔭᓕᕆᑦ ᐃᖅᑲᓇᐃᔮᖅᑖᕐᓂᐊᕐᓂᕐᒧᑦ ᐊᐅᓚᔾᔭᐃᓂᕐᒥᒃ.
ᓇᖕᒥᓂᖅ−ᐱᓇᔪᒍᓐᓇᑦᑎᐊᕈᕕᑦ, ᐋᖅᑭᒃᓯᒪᑎᑦᑎᑦᑎᐊᕈᓐᓇᕐᓗᑎᑦ ᐊᒻᒪ ᑲᒪᑦᑎᐊᕈᓐᓇᕐᓗᑎᑦ ᐱᔨᑦᑎᕋᖅᑕᐅᔪᓂᑦ, ᐃᖅᑲᓇᐃᔭᖃᑎᖕᓂᑦ ᐊᒻᒪ ᓂᐅᕕᕐᕕᐅᓲᓂᑦ, ᐊᒻᒪ ᐊᑐᓕᕈᒪᓗᑎᑦ ᓯᕐᓗᐊᓕᕆᓂᕐᒧᑦ ᐃᓕᓐᓂᐊᖅᓯᒪᔭᕐᓂᒃ ᐊᒻᒪ ᐱᓕᕆᖃᑦᑕᖅᓯᒪᔭᕐᓂᒃ, ᑖᓐᓇ ᐱᓕᕆᐊᒃᓴᖅ ᐃᓕᖕᓄᑦ ᑐᕌᖓᕗᖅ.