ᖃᒪᓂ'ᑐᐊᖅ, ᓄᓇᕗᑦ – ᓇᓗᓇᐃᒃᑯᑖᑕ ᓇᐃᓴᐅᑖ. QEC-17-037
ᐱᓕᕆᓚᐅᖅᓯᒪᓂᑰᒍᕕᑦ ᖃᕋᓴᐅᔭᓕᕆᓂᕐᒧᑦ ᐃᓚᒃᓴᓄᓪᓗ ᑲᒪᔨᒻᒪᕆᐅᓂᕐᒧᑦ, ᐊᒡᓚᒃᑎᐅᓂᕐᒧᑦ ᐅᕝᕙᓘᓐᓃᑦ ᐊᑐᐊᒐᓕᕆᓂᕐᒧᑦ, ᑕᕝᕙ ᐱᓇᔪᒡᕕᑦᑎᐊᕙᐅᕗᖅ ᑖᓐᓇ ᑐᑭᒧᐊᒃᑎᐅᓇᔭᕐᓂᖅ ᑲᔪᓯᑎᑦᑎᕙᓪᓕᐊᓗᓂ ᐃᑲᔪᖅᑐᐃᓂᕐᒧᑦ ᐊᒻᒪᓗ ᐱᓕᒻᒪᒃᓴᓴᕐᓂᕐᒧᑦ, ᐊᒻᒪᓗ ᐱᓕᕆᕙᓪᓕᐊᕙᒡᓗᓂ ᐱᓕᕆᔾᔪᓯᑦᑎᐊᕙᒃᑎᒍᑦ ᐅᐸᒍᑎᕙᒃᑐᓄᑦ ᐊᒻᒪᓗ ᐱᓕᕆᕝᕕᖃᖅᑐᑦ ᐃᒡᓗᖁᑎᖏᓐᓂᒃ ᐃᒪᐃᑦᑎᐊᖁᔨᓂᕐᒧᑦ ᐊᑲᔪᓯᓂᖃᑦᑎᐊᖅᑐᒃᑯᑦ ᐊᑐᕆᐊᖃᕐᓂᕐᒧᑦ ᖃᕋᓴᐅᔭᓂᒃ ᐱᓕᕆᔾᔪᑕᐅᔪᓂᒃ ᑲᒪᔭᕆᐊᖃᕐᓂᕐᒧᑦ ᐱᓕᕆᐊᒃᓴᓂᒃ ᐱᓕᕆᕝᕕᖕᒥ ᑐᕌᒐᕆᔭᐅᔪᓂᒃ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᑐᓴᖁᔨᕗᑦ ᑎᑭᕋᕐᔪᐊᒥᐅᓂᑦ ᖃᒥᙵᓂᖃᓛᖕᓂᖏᓐᓂᑦ ᐱᖓᔪᐊᑦᒥᑦ, ᐅᑐᑉᐱᕆ 11ᖑᓕᖅᐸᑦ ᐅᓪᓛᑯᑦ 8−ᒥᑦ 12−ᒧᑦ ᐅᓪᓗᒃᑯᑦ.
ᑕᒪᓐᓇ ᖃᒥᙵᔭᕆᐊᖃᖕᒪᑦ ᓴᓇᔭᐅᓂᐊᕐᓂᖏᓐᓄᑦ ᐊᐅᓚᔪᓐᓇᐅᑎᖏᑦ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᖁᔭᓕᔪᒪᕗᑦ ᐃᑉᐱᐊᕐᔪᒻᒥᐅᓂᑦ ᑐᑭᓯᐅᒪᓂᖏᓐᓄᑦ ᒪᒥᐊᑉᐳᓪᓗ ᐊᑲᐅᙱᓕᐅᕈᑕᐅᒃᐸᑦ ᖃᒥᙵᑎᓪᓗᒋᑦ.
###
ᖃᓄᐃᓕᐅᖅᑕᐅᕙᓪᓕᐊᔪᓄᑦ ᖃᐅᔨᒋᐊᕐᕕᒃᓴᖅ:
ᓖᕕᑎ ᐊᑕᒍᔪᒃ
ᑐᓴᐅᒪᑎᑦᑎᓂᕐᒧᑦ ᐱᓕᕆᔨ
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑕ ᑎᒥᖁᑖᓂ
(867) 979-7529
ᖁᕕᐊᒋᔭᖃᕈᕕᑦ ᖃᓄᖅᑑᓂᕐᒥᑦ ᐋᖅᑭᐅᒪᑦᑎᐊᖏᑦᑐᓄᑦ ᐊᐅᓚᐅᑎᓄᑦ ᐋᖅᑭᒍᑎᔅᓴᒥᑦ ᐊᒻᒪ ᐊᓯᖏᓐᓄᑦ ᐱᔭᕐᓂᖏᑦᑐᓄᑦ ᓴᓇᒋᐊᓕᓐᓄᑦ, ᐊᒻᒪ ᐱᔪᓐᓇᑦᑎᐊᕈᕕᑦ ᓇᒻᒥᓂᖅ ᐊᐅᓚᑦᑎᓂᕐᒥᑦ ᐃᖏᕐᕋᓂᕆᔭᖓᓂᒃ ᐃᖅᑲᓇᐃᔭᖅᑎᓪᓗᑎᑦ, ᑖᓐᓇ ᐃᖅᑲᓇᐃᔮᔅᓴᖅ ᐃᓪᓕᓐᓄᑦ ᑐᕌᖓᔪᖅ.
ᑭᓕᐅᕋᓐᔅ ᓯᓈᑦ ᐅᑭᐅᑦ 26 ᐅᖓᑖᓂ ᐅᑭᐅᖅᑕᖅᑐᒥ ᐱᓕᕆᖃᑦᑕᖅᓯᒪᓕᖅᑐᖅ. ᒫᓐᓇ ᐊᖓᔪᖅᑳᕆᔭᐅᔪᖅ ᐊᐅᓚᑦᑎᔨᒻᒪᕆᐅᓪᓗᓂᓗ ᓄᓇᕗᒻᒥ ᐃᒡᓗᓕᐅᖅᑎᑦ ᑮᓇᐅᔭᓕᐅᕋᓱᒃᑎᓂᑦ. ᐅᓄᖅᑐᓂᒃ ᐱᓕᕆᐊᒃᓴᖃᖅᖢᓂ ᓄᓇᕗᒻᒥ ᐃᒡᓗᓕᐅᖅᑎᒃᑯᓐᓂ ᐊᕐᕌᒍᒐᓴᖕᓂ, ᑲᔪᓯᑎᑦᑎᖃᑕᐅᖃᑦᑕᖅᓯᒪᔪᖅ ᑲᑐᔾᔨᖃᑎᒌᑦᑎᐊᖅᑐᓂᒃ ᓄᓇᕘᓕᒫᒥ ᑐᕌᒐᖃᓪᓗᐊᑕᖅᖢᑎᒃ ᐋᓐᓂᐊᖅᑐᓕᕆᓂᕐᒥᒃ ᐊᑦᑕᕐᓇᖅᑕᐃᓕᒪᑎᑦᑎᓂᕐᒥᓪᓗ ᐃᖅᑲᓇᐃᔭᖃᑎᖏᓐᓂᒃ ᐃᖅᑲᓇᐃᔭᖅᑎᖏᓐᓂᒡᓗ. ᓄᓇᓕᖕᓂ ᐃᓚᒋᐅᖃᑦᑕᖅᖢᓂ, ᑭᓕᐅᕋᓐᔅ ᐃᒃᓯᕙᐅᑕᒧᑦ ᑐᒡᓕᕆᔭᐅᕗᖅ ᐃᖃᓗᖕᓂ ᐃᓚᒋᔭᐅᓪᓗᓂ ᓇᔪᖅᑕᐅᔪᑦ ᐃᓅᖃᑎᒌᓄᑦ, ᐊᖓᔪᖅᑳᕆᔭᐅᓪᓗᓂ ᕿᑭᖅᑖᓗᖕᒥ ᓇᖕᒥᓂᖃᖅᑎᐅᔪᑦ ᑲᑎᒪᔨᖏᓐᓄᑦ, ᐊᒻᒪ ᐊᖓᔪᖅᑳᒧᑦ ᑐᒡᓕᕆᔭᐅᓪᓗᓂ ᐱᓕᕆᔪᓐᓇᑦᑎᐊᖅᑐᑦ ᑲᑎᒪᔨᖏᓐᓄᑦ ᓄᓇᕗᒻᒥ. ᐊᐅᐸᖅᑐᒥ ᓇᕿᑕᐅᓯᒪᔪᒥᒃ ᓇᓗᓇᐃᒃᑯᑕᖅᑖᖅᓯᒪᔪᖅ ᓴᓈᒧᑦ ᐃᓕᓴᕆᔭᐅᔾᔪᑎᑖᖅᖢᓂ (ᕿᔪᓕᕆᔨᐅᓂᕐᒧᑦ) ᓯᓚᑦᑐᖅᓴᕐᕕᖕᒥ Atlantic ᐅᐊᖕᓇᖓᓂ. ᑭᓕᐅᕋᓐᔅ ᓯᓈᑦ ᐃᖃᓗᖕᒥᐅᑕᐅᔪᖅ
ᐃᖃᓗᐃᑦ, ᓄᓇᕗᑦ (ᓯᑎᐱᕆ 22, 2017) – ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᐊᓕᐊᓇᐃᒍᓱᒃᑐᑦ ᑐᓂᓯᔭᕆᐊᒃᓴᖅ 2017 ᓘᕋ ᐅᓪᓗᕆᐊᖅ ᖒᑎᐊᐃ ᐃᓕᓐᓂᐊᕆᐊᕈᑖᓂ ᓄᓇᕗᒻᒥᐅᑕᒧᑦ ᐃᓕᓐᓂᐊᕐᑎᒧᑦ. ᓴᖅᑭᑕᐅᓚᐅᖅᓯᒪᓪᓗᓂ 2001−ᒥᑦ, ᑖᓐᓇ $5,000 ᑐᓐᓂᖅᑯᓯᐊᒃᓴᖅ ᑐᓐᓂᖅᑯᑕᐅᕙᒃᐳᖅ ᐊᕐᕌᒍᑕᒫᑦ ᐃᓕᓐᓂᐊᕐᑎᓄᑦ ᐃᓕᓐᓂᐊᒃᑲᓐᓂᕋᓱᒃᑐᓄᑦ.
ᐋᑦ ᓵᑎᐊᓇ ᑲᖏᖅᖠᓂᖕᒥᐅᑕᖅ ᑕᒪᑐᒪᓂ ᐊᕐᕌᒍᒥᑦ ᑐᓂᔭᐅᓂᐊᖅᐳᖅ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖᑕ ᐃᓕᓐᓂᐊᕆᐊᕈᑎᒃᓴᖓᓂ ᒪᓕᒃᖢᓂ ᐱᓕᕆᑦᑎᐊᖕᓂᖓᓂ ᐃᓚᐅᑦᑎᐊᖕᓂᖓᓂᒡᓗ ᓄᓇᓕᖕᓂᑦ. ᐋᑦ ᐃᓕᓐᓂᐊᖅᑐᖅ ᐋᓐᓂᐊᖅᑕᐃᓕᒪᓂᓕᕆᓂᖕᒧᑦ ᐊᑐᐃᓐᓇᐅᔪᓂᑦ ᓯᓚᑦᑐᖅᓴᕐᕕᒡᔪᐊᒥᑦ ᒫᓂᑑᐸᒥ, ᐱᒻᒪᕆᐅᔪᖅ ᐊᑐᖅᑕᖓ ᖃᐅᔨᔾᔪᑎᒋᓪᓗᓂᐅᒃ ᓘᒃᑖᙳᕈᒪᓂᖕᒥᓂᒃ ᓄᓇᕗᒻᒥᑦ.
ᖃᐅᔨᓴᑦᑎᐊᓲᖑᕖᑦ ᖃᐅᔨᓴᖅᑎᐅᓪᓗᑎᑦ ᐊᑐᕐᓗᒋᑦ ᐊᔪᖏᓐᓂᕆᔭᑎᑦ ᐊᔾᔨᒌᖏᑦᑐᓄᑦ ᓇᓗᓇᐃᖅᑕᐅᓯᒪᔪᓄᑦ ᐱᔾᔪᑕᐅᔪᓄᓪᓗ, ᐃᓛᓐᓂ ᓇᓗᓇᖃᑦᑕᖅᑐᑦ ᐊᒻᒪ ᐊᑦᑐᐃᓂᖃᑦᑕᐅᑎᒋᓪᓗᑎ ᐊᑐᐊᒐᕐᓂᑦ ᐊᒻᒪ ᒪᓕᒐᕐᓂᑦ? ᐃᖑᒍᓂ ᐅᖃᓕᒫᒃᑭᑦ.
ᐊᖏᔪᖅᑳᖃᖅᑐᓂ ᐊᐅᓚᑦᑎᔨᒥᑦ ᐊᑐᐊᒐᓕᕆᔨᒃᑯᑦ ᐸᕐᓇᐃᔨᒃᑯᓪᓗ ᐃᖅᑲᓇᐃᔭᖃᑎᖃᑦᑎᐊᖅᑐᓂ ᐊᑐᒐᓕᕆᔨᓂᑦ ᐃᖅᑲᓇᐃᔭᖅᑎᓂᑦ, ᐱᑕᖃᕆᐊᖃᖅᑐᓂᑦ ᐱᔨᑦᑎᓂᐊᖅᑐᑎᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐊᐅᓚᑦᑎᓂᕐᒥᑦ QEC−ᑯᑦ ᐸᕐᓇᐃᓂᕐᒧᑦ, ᐊᑐᐊᒐᕐᓂᑦ ᐊᒻᒪ ᓗᓕᑦᑕᐅᔭᕆᐊᓕᓐᓂᑦ, ᐊᒻᒪ ᐊᑦᑐᐊᓂᓖᑦ ᖃᐅᔨᓴᓂᕐᒧᑦ ᑕᒪᓐᓇ ᐃᓱᒪᓕᖃᑕᐅᔪᓐᓇᑎᑦᑎᔪᖅ ᐊᒻᒪ ᐊᑐᓕᖁᔭᓕᐅᑦᑎᐊᕐᓗᓂ ᑐᓐᖓᓂᖃᖅᑐᓂᑦ ᐃᔾᕕᑦ ᖃᐅᔨᓴᖅᑕᖏᓐᓂᑦ ᐊᒻᒪ ᒫᓐᓇᐅᔪᒥᑦ ᐱᓕᕆᐊᖑᔪᓂᑦ, ᐊᓯᔾᔨᖃᑦᑕᕐᓂᖏᑦ ᐊᒻᒪ ᓂᕈᐊᖅᑕᐅᓯᒪᔪᓕᕆᓂᕐᒧᑦ ᓯᕗᓪᓕᐅᔾᔭᐅᔭᕆᐊᓖᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ (QEC) ᖃᐅᔨᒃᑲᐃᔪᒪᔪᑦ ᐃᖃᓗᖕᒥᐅᓂᒃ ᐸᕐᓇᒃᑕᐅᓯᒪᔪᒥᒃ ᖃᒥᙵᕐᓂᐊᕐᓂᖏᓐᓂ ᓄᓇᓕᐸᐅᔭᐅᑉ ᐃᓚᖓᓂ ᓈᑦᑎᐅᖑᔭ, ᓯᑎᐱᕆ 24, 8−ᒥ ᐅᓪᓛᒃᑯᑦ ᐱᒋᐊᕐᓗᓂ ᐅᓪᓗᕈᒻᒥᓴᕐᓇᒧᑦ ᑎᑭᓪᓗᒍ. ᐊᒃᑐᖅᑕᐅᓂᐊᖅᑐᑦ ᐃᓚᖏᑦ ᓄᓇᙳᐊᒥᒃ ᑕᑯᒃᓴᐅᑎᑕᐅᔪᑦ.
ᖃᒥᙶᖅᑎᑕᐅᔭᕆᐊᖃᕐᓂᐊᖅᐳᑦ ᓄᑖᓂᒃ ᓴᕕᒐᐅᔭᕐᓂᒃ ᐃᓕᐅᖅᑲᐃᔭᕆᐊᖃᕐᓂᐊᕐᒪᑕ ᐊᐅᓚᐅᑎᓄᑦ ᐊᑐᖃᑦᑕᖅᑐᓄᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᒪᒥᐊᑉᐳᑦ ᐊᑲᐅᙱᓕᐅᕈᑎᖃᖅᑎᑦᑎᓐᓂᖅᐸᑕ ᖃᒥᙶᖅᑎᓪᓗᒋᑦ.
###
ᐱᕙᓪᓕᐊᔪᓂᑦ ᖃᐅᔨᒋᐊᕐᕕᒃᓴᖅ:
ᓰᓚ ᐸᐸ
ᐊᐅᓚᑦᑎᔨ, ᐆᒻᒪᖅᑯᑎᓕᕆᔨᒃᑯᓐᓂ ᑐᓴᐅᒪᑎᑦᑎᔨᑦ
ᖁᓪᓕᖅ ᐊᐅᓚᔪᓐᓇᐅᑎᓕᕆᔨᒃᑯᑦ
(867) 979-7534
spapa@qec.nu.ca
ᐃᖃᓗᐃᑦ, ᓄᓇᕗᑦ (ᓯᑎᐱᕆ XX, 2017) – ᖁᓪᓕᒃᑯᑦ ᐆᒻᒪᖅᑯᑎᔨᓕᕆᔨᖏᑕ ᑎᒥᖁᑖ (QEC−ᑯᑦ) ᒥᓂᔅᑕᒧᑦ QEC−ᑯᓐᓄᑦ ᑲᒪᒋᔭᖃᖅᐸᒃᑐᒧᑦ ᐱᓇᔪᒃᐳᑦ ᓄᑖᒧᑦ ᐅᖅᓱᐊᓘᑉ ᐊᑭᖓᓄᑦ ᓱᕐᕋᔾᔭᐃᒃᑯᑎᒥᒃ (FSR−ᒥᒃ) ᐅᑎᖅᑎᑦᑎᕝᕕᐅᔪᓐᓇᕐᓂᕐᒥᒃ 5.41−ᓂᒃ ᓴᔅᓯᓂᒃ ᐊᑕᐅᓯᕐᒧᑦ ᑭᓗᕚᑦ ᐃᑲᕐᕋᒧᑦ. ᐊᑐᖅᑕᐅᔪᒪᔪᖅ ᐅᑎᖅᑎᑦᑎᕝᕕᐅᔪᒪᓪᓗᓂ ᐅᑐᐱᕆ 1, 2017−ᒥᑦ ᒫᑦᓯ 31, 2018−ᒨᖓᕗᖅ.
“ᑖᓐᓇ ᑕᓪᓕᒪᒋᕙᐅᒃ ᑭᖑᓕᕇᓂ FSR−ᒋᔭᐅᔪᖅ QEC−ᑯᓐᓂ ᐱᓇᔪᒍᑎᒋᔭᖓᑕ ᓄᕕᐱᕆ 2015−ᖑᓚᐅᕐᓂᖓᓂᑦ. ᓂᕆᐅᒋᔭᖃᑦᑎᐊᖅᐳᖓ ᐅᖃᖃᑎᖃᕐᓂᐊᕐᓂᕐᒥᒃ ᐆᒻᒪᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓂᒃ, ᐱᔾᔪᑎᖃᕐᓗᑕ QEC−ᑯᑦ ᐱᓇᔪᒍᑎᒋᔭᖓᓂᒃ,” ᑕᐃᒪᓐᓇ ᒪᓕᒐᓕᕆᔭᐅᔪᖅ ᔮᓂ ᒪᐃᒃ, QEC−ᑯᓐᓄᑦ ᒥᓂᔅᑕᙳᖅᑎᑕᐅᓯᒪᔪᖅ ᐅᖃᖅᖢᓂ.