ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᑐᓴᖁᔨᕗᑦ ᑰᒑᕈᒥᐅᓂᑦ ᖃᒥᙵᓂᖃᓛᖕᓂᖏᓐᓂᑦ, ᐅᑐᑉᐱᕆ 27 ᐅᓪᓛᑯᑦ 9−ᒥᑦ 10:30−ᒧᑦ ᐅᓪᓚᒃᑯᑦ. ᑲᒥᖓᓂᕆᓂᐊᖅᑕᖏᑦ ᓇᓗᓇᐃᖅᓯᒪᔪᑦ ᖁᖅᓱᖅᑐᒥᑦ ᐊᒥᐊᖅᓯᒪᔪ ᓄᓇᖑᐊᒥᑦ ᐊᑖᓂᑦᑐᒥᒃ.

ᑖᒃᑯᐊ ᖃᒥᙶᖅᑎᑕᐅᓃᑦ ᑕᐃᒪᐃᑦᑕᕆᐊᖃᖅᐳᑦ ᐃᓕᐅᖅᑲᐅᔪᖃᕐᓂᐊᕐᓂᖓᓄᑦ ᓄᑖᒥᒃ ᓴᙱᓗᐊᖅᑕᐃᓕᒪᔾᔪᑎᒥᒃ ᐆᒻᒪᖅᑯᒻᒧᑦ ᐱᓕᕆᔪᖃᕐᓂᐊᕐᓂᖓᓄᓪᓗ ᓄᑖᙳᕆᐊᖅᑎᑦᑎᓂᕐᒥᒃ ᐆᒻᒪᖅᑯᒻᒥᒃ ᓇᒧᙵᐅᕙᓪᓕᐊᑎᑦᑎᔾᔪᑕᐅᕙᒃᑐᒥᒃ.

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᖁᔭᓕᔪᒪᕗᑦ ᐃᑉᐱᐊᕐᔪᒻᒥᐅᓂᑦ ᑐᑭᓯᐅᒪᓂᖏᓐᓄᑦ ᒪᒥᐊᑉᐳᓪᓗ ᐊᑲᐅᙱᓕᐅᕈᑕᐅᒃᐸᑦ ᖃᒥᙵᑎᓪᓗᒋᑦ.

###

ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃᓴᖅ:
ᓖᕕᑎ ᐊᑕᒍᔪᒃ
ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐅᖃᐅᔨᒋᐊᖅᑎ/ ᑐᓴᐅᒪᔪᓕᕆᔨ
ᖁᓪᓕᖅ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ
(867) 979-7529

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᑐᓴᖁᔨᕗᑦ ᑎᑭᕋᕐᔪᐊᒥᐅᓂᑦ ᖃᒥᙵᓂᖃᓛᖕᓂᖏᓐᓂᑦ ᐱᖓᔪᐊᑦᒥᑦ, ᐅᑐᑉᐱᕆ 11ᖑᓕᖅᐸᑦ ᐅᓪᓛᑯᑦ 8−ᒥᑦ 12−ᒧᑦ ᐅᓪᓗᒃᑯᑦ.

ᑕᒪᓐᓇ ᖃᒥᙵᔭᕆᐊᖃᖕᒪᑦ ᓴᓇᔭᐅᓂᐊᕐᓂᖏᓐᓄᑦ ᐊᐅᓚᔪᓐᓇᐅᑎᖏᑦ.

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᖁᔭᓕᔪᒪᕗᑦ ᐃᑉᐱᐊᕐᔪᒻᒥᐅᓂᑦ ᑐᑭᓯᐅᒪᓂᖏᓐᓄᑦ ᒪᒥᐊᑉᐳᓪᓗ ᐊᑲᐅᙱᓕᐅᕈᑕᐅᒃᐸᑦ ᖃᒥᙵᑎᓪᓗᒋᑦ.

###

ᖃᓄᐃᓕᐅᖅᑕᐅᕙᓪᓕᐊᔪᓄᑦ ᖃᐅᔨᒋᐊᕐᕕᒃᓴᖅ:
ᓖᕕᑎ ᐊᑕᒍᔪᒃ
ᑐᓴᐅᒪᑎᑦᑎᓂᕐᒧᑦ ᐱᓕᕆᔨ
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑕ ᑎᒥᖁᑖᓂ
(867) 979-7529

ᐃᖃᓗᐃᑦ, ᓄᓇᕗᑦ (ᓯᑎᐱᕆ 22, 2017) – ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᐊᓕᐊᓇᐃᒍᓱᒃᑐᑦ ᑐᓂᓯᔭᕆᐊᒃᓴᖅ 2017 ᓘᕋ ᐅᓪᓗᕆᐊᖅ ᖒᑎᐊᐃ ᐃᓕᓐᓂᐊᕆᐊᕈᑖᓂ ᓄᓇᕗᒻᒥᐅᑕᒧᑦ ᐃᓕᓐᓂᐊᕐᑎᒧᑦ. ᓴᖅᑭᑕᐅᓚᐅᖅᓯᒪᓪᓗᓂ 2001−ᒥᑦ, ᑖᓐᓇ $5,000 ᑐᓐᓂᖅᑯᓯᐊᒃᓴᖅ ᑐᓐᓂᖅᑯᑕᐅᕙᒃᐳᖅ ᐊᕐᕌᒍᑕᒫᑦ ᐃᓕᓐᓂᐊᕐᑎᓄᑦ ᐃᓕᓐᓂᐊᒃᑲᓐᓂᕋᓱᒃᑐᓄᑦ.

ᐋᑦ ᓵᑎᐊᓇ ᑲᖏᖅᖠᓂᖕᒥᐅᑕᖅ ᑕᒪᑐᒪᓂ ᐊᕐᕌᒍᒥᑦ ᑐᓂᔭᐅᓂᐊᖅᐳᖅ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖᑕ ᐃᓕᓐᓂᐊᕆᐊᕈᑎᒃᓴᖓᓂ ᒪᓕᒃᖢᓂ ᐱᓕᕆᑦᑎᐊᖕᓂᖓᓂ ᐃᓚᐅᑦᑎᐊᖕᓂᖓᓂᒡᓗ ᓄᓇᓕᖕᓂᑦ. ᐋᑦ ᐃᓕᓐᓂᐊᖅᑐᖅ ᐋᓐᓂᐊᖅᑕᐃᓕᒪᓂᓕᕆᓂᖕᒧᑦ ᐊᑐᐃᓐᓇᐅᔪᓂᑦ ᓯᓚᑦᑐᖅᓴᕐᕕᒡᔪᐊᒥᑦ ᒫᓂᑑᐸᒥ, ᐱᒻᒪᕆᐅᔪᖅ ᐊᑐᖅᑕᖓ ᖃᐅᔨᔾᔪᑎᒋᓪᓗᓂᐅᒃ ᓘᒃᑖᙳᕈᒪᓂᖕᒥᓂᒃ ᓄᓇᕗᒻᒥᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ (QEC) ᖃᐅᔨᒃᑲᐃᔪᒪᔪᑦ ᐃᖃᓗᖕᒥᐅᓂᒃ ᐸᕐᓇᒃᑕᐅᓯᒪᔪᒥᒃ ᖃᒥᙵᕐᓂᐊᕐᓂᖏᓐᓂ ᓄᓇᓕᐸᐅᔭᐅᑉ ᐃᓚᖓᓂ ᓈᑦᑎᐅᖑᔭ, ᓯᑎᐱᕆ 24, 8−ᒥ ᐅᓪᓛᒃᑯᑦ ᐱᒋᐊᕐᓗᓂ ᐅᓪᓗᕈᒻᒥᓴᕐᓇᒧᑦ ᑎᑭᓪᓗᒍ. ᐊᒃᑐᖅᑕᐅᓂᐊᖅᑐᑦ ᐃᓚᖏᑦ ᓄᓇᙳᐊᒥᒃ ᑕᑯᒃᓴᐅᑎᑕᐅᔪᑦ.

ᖃᒥᙶᖅᑎᑕᐅᔭᕆᐊᖃᕐᓂᐊᖅᐳᑦ ᓄᑖᓂᒃ ᓴᕕᒐᐅᔭᕐᓂᒃ ᐃᓕᐅᖅᑲᐃᔭᕆᐊᖃᕐᓂᐊᕐᒪᑕ ᐊᐅᓚᐅᑎᓄᑦ ᐊᑐᖃᑦᑕᖅᑐᓄᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᒪᒥᐊᑉᐳᑦ ᐊᑲᐅᙱᓕᐅᕈᑎᖃᖅᑎᑦᑎᓐᓂᖅᐸᑕ ᖃᒥᙶᖅᑎᓪᓗᒋᑦ.

###

ᐱᕙᓪᓕᐊᔪᓂᑦ ᖃᐅᔨᒋᐊᕐᕕᒃᓴᖅ:
ᓰᓚ ᐸᐸ
ᐊᐅᓚᑦᑎᔨ, ᐆᒻᒪᖅᑯᑎᓕᕆᔨᒃᑯᓐᓂ ᑐᓴᐅᒪᑎᑦᑎᔨᑦ
ᖁᓪᓕᖅ ᐊᐅᓚᔪᓐᓇᐅᑎᓕᕆᔨᒃᑯᑦ
(867) 979-7534
spapa@qec.nu.ca