ᓂᐅᕕᖃᑦᑕᕋᔭᖅᑐᖅ
ᓂᐅᕕᖃᑦᑕᖅᓯᒪᕖᑦ ᑲᒪᒋᔭᖃᓪᓗᐊᑕᕋᔭᖅᑐᖅ ᐊᑭᓪᓗᐊᖏᑎᒍᑦ ᐊᑭᑭᓛᒃᑯᑦ ᓂᐅᕕᕈᓐᓇᕈᓂ ᐱᐅᒋᓛᖑᖏᓗᓃ? ᐱᓕᕆᑦᑎᐊᕈᓐᓇᕐᓗᓂ ᐃᒡᓗᖁᑎ ᓂᐅᕕᐊᑦᓴᓄᑦ ᐊᑑᑎᖃᑦᑎᑦᑎᐊᕐᓗᒍ ᐅᔾᔨᖅᓴᑦᑎᐊᕈᓐᓇᖅᐱᑦ ᓂᐅᕕᕐᕕᐅᕙᑦᑐᑦ ᓂᐅᕕᐊᑦᓴᖃᑦᑎᐊᕋᓗᐊᕐᒪᖔᑦ? ᐄᖑᒃᐸ, ᐱᑖᕈᑎᒋᕙᑦᑕᖏᑎᒍᑦ ᓯᕗᓕᖅᑎᓄᑦ ᐱᓕᕆᒃᑲᐅᓃᑦ ᑐᖓᓱᑦᑎᑕᐅᒐᔭᖅᑐᖅ.
ᖃᒥᙵᓂᐅᓂᐊᖅᑐᑦ ᐃᑉᐱᐊᕐᔪᒻᒥᐅᑦ
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᑐᓴᖁᔨᕗᑦ ᐃᑉᐱᐊᕐᔪᒻᒥᐅᓂᑦ ᖃᒥᙵᓂᖃᓛᖕᓂᖏᓐᓂᑦ ᓈᑦᑎᐅᖑᔭᒥᑦ, ᐃᐳᕈ 23ᖑᓕᖅᐸᑦ ᐅᓪᓛᑯᑦ 8−ᒥᑦ 10−ᒧᑦ ᐅᓪᓗᓗᐊᒃᑯᑦ. ᑲᒥᖓᓂᕆᓂᐊᖅᑕᖏᑦ ᓇᓗᓇᐃᖅᓯᒪᔪᑦ ᖁᖅᓱᖅᑐᒥᑦ ᐊᒥᐊᖅᓯᒪᔪ ᓄᓇᖑᐊᒥᑦ ᐊᑖᓂᑦᑐᒥᒃ.
ᑕᒪᓐᓇ ᖃᒥᙵᔭᕆᐊᖃᖕᒪᑦ ᓴᓇᔭᐅᓂᐊᕐᓂᖏᓐᓄᑦ ᐊᐅᓚᔪᓐᓇᐅᑎᖏᑦ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᖁᔭᓕᔪᒪᕗᑦ ᐃᑉᐱᐊᕐᔪᒻᒥᐅᓂᑦ ᑐᑭᓯᐅᒪᓂᖏᓐᓄᑦ ᒪᒥᐊᑉᐳᓪᓗ ᐊᑲᐅᙱᓕᐅᕈᑕᐅᒃᐸᑦ ᖃᒥᙵᑎᓪᓗᒋᑦ. ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᖁᔭᓕᔪᒪᕗᑦ ᐃᑉᐱᐊᕐᔪᒻᒥᐅᓂᑦ ᑐᑭᓯᐅᒪᓂᖏᓐᓄᑦ ᒪᒥᐊᑉᐳᓪᓗ ᐊᑲᐅᙱᓕᐅᕈᑕᐅᒃᐸᑦ ᖃᒥᙵᑎᓪᓗᒋᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ ᑲᑎᒪᔨᒃᓴᓄᑦ ᑎᒃᑯᐊᖅᑕᐅᔪᑦ
ᐃᖃᓗᐃᑦ, ᓄᓇᕗᑦ (ᐊᐃᕐᕆᓕ 13, 2017) – ᒪᓕᒐᓕᐅᖅᑎ ᔮᓂ ᒪᐃᒃ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ ᒥᓂᔅᑕ (QEC) ᐅᓪᓗᒥ ᑐᓴᖅᑕᐅᑎᑦᑎᖅᑲᐅᕗᖅ ᓂᑰᓪ ᔫᕕᓐ ᑎᒃᑯᐊᖅᑕᐅᓂᖓᓂᒃ ᐆᒻᒪᖅᑯᑎᓕᕆᔨᒃᑯᑦ ᑲᑎᒪᔨᖏᓐᓄᑦ, ᐱᒋᐊᕐᕕᒃᓴᖃᖅᖢᓂ ᒫᔾᔨ 23, 2017-ᒥ.
ᒥᓂᔅᑕ ᒪᐃᒃ ᐃᓚᐃᔾᔭ ᐃᕙᓗᐊᕐᔪᖕᒥ ᑎᒃᑯᐊᖅᓯᒃᑲᓐᓂᓚᐅᖅᐳᖅ ᑲᑎᒪᔨᐅᖃᑕᐅᒃᑲᓐᓂᖁᓪᓗᓂᐅᒃ ᔭᓄᐊᕆ 7, 2017−ᖑᑎᓪᓗᒍ ᐊᐃᑉᐸᖓᓂ ᐅᑭᐅᓄᑦ ᐱᖓᓱᒃᑲᓐᓂᕐᓄᑦ ᑲᑎᒪᔨᐅᖃᑕᐅᒃᑲᓐᓂᕐᓂᐊᖅᖢᓂ. ᐃᓚᐃᔾᔭ ᐃᕙᓗᐊᕐᔪᒃ ᑎᒃᑯᐊᖅᑕᐅᓚᐅᖅᓯᒪᒋᓪᓗᓂ ᑲᑎᒪᑎᑦᑎᔨᙳᖅᑎᑕᐅᓪᓗᓂ ᑲᑎᒪᔨᓄᑦ ᔫᓂ 2016−ᒥ ᑲᑎᒪᑎᑦᑎᔨᐅᓚᐅᖅᐳᖅ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᖁᕕᐊᓲᑎᖃᖅᐳᑦ ᓄᑖᒥᑦ ᐊᐅᓚᐅᑎᖃᕐᕕᖕᒥᑦ ᐸᖕᓂᖅᑑᒥᑦ
ᐃᖃᓗᐃᑦ, ᓄᓇᕗᑦ (ᐊᐃᕆᓕ 3, 2017) –ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖᑕ (ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ) ᑭᒡᒐᖅᑐᐃᔨᖏᑦ ᑲᑎᖃᑎᖃᓚᐅᖅᐳᑦ ᓄᓇᓕᖕᒥᐅᑦ ᑭᒡᒐᖅᑐᖅᑎᖏᓐᓂᑦ ᓄᓇᓕᖕᒥᐅᑕᓂᓪᓗ ᐅᓪᓗᒥ ᖁᕕᐊᓲᑎᖃᖕᓂᐊᖅᖢᑎᒃ ᐅᒃᑯᐃᖅᑕᐅᑦᑎᐊᖕᓂᖓ ᓄᑖᖅ ᐸᖕᓂᖅᑑᑉ ᐊᐅᓚᐅᑎᖃᕐᕕᖓᓂ. ᓯᕗᓪᓕᐅᓚᐅᖅᑐᖅ ᐊᐅᓚᐅᑎᖃᕐᕕᒃ, ᓇᑉᐸᖅᑎᑕᐅᓚᐅᖅᑐᖅ 1971−ᒥᑦ, ᐃᑯᒪᒧᑦ ᓇᐅᙳᓚᐅᖕᒪᑦ ᐊᐃᕆᓕ 2015−ᒥᑦ.
“ᖁᔭᓕᔪᒪᕗᖓ ᐸᖕᓂᖅᑑᖕᒥᐅᑕᓂᑦ ᐃᑲᔪᖅᑐᐃᒻᒪᕆᖕᓂᕆᓚᐅᖅᑕᖏᓐᓂᑦ ᕿᓄᐃᓵᖕᓂᕆᓚᐅᖅᑕᖏᓐᓄᓪᓗ ᑖᒃᑯᐊ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦ ᐊᓯᔾᔨᖅᓯᑎᓪᓗᒋᑦ ᑐᙵᕕᐊᓂᑦ ᖁᓛᓄᑦ,” ᐅᖃᓚᐅᖅᑐᖅ ᒪᓕᒐᓕᐅᖅᑎ ᔮᓂ ᒪᐃᒃ, ᑲᒪᒋᔭᓕᒃ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᓐᓂᑦ. “ᐊᓕᐊᓇᐃᒍᓱᑦᑎᐊᖅᑐᖓ ᓄᓇᓕᖕᒥᐅᑦ ᒫᓐᓇ ᖃᓄᐃᙱᑦᑎᐊᖅᑐᒥᑦ ᐊᑐᒐᒃᓴᓂᒡᓗ ᐆᒻᒪᖅᑯᑎᖃᕈᓐᓇᓕᖕᒪᑕ ᐊᑐᖅᑐᒻᒪᕆᒃ ᐸᖕᓂᖅᑑᑉ ᐱᕙᓪᓕᐊᓂᖓᓄᑦ ᖃᓄᐃᙱᑦᑎᐊᖕᓂᖓᓄᓪᓗ.”
ᐊᖓᔪᖅᑳᖅ
ᐃᓱᒪᒃᓴᖅᓯᐅᕈᓐᓇᑦᑎᐊᕐᓗᑎᑦ ᖃᐅᔨᒪᔭᐅᓗᑎᑦ ᐃᓅᖃᓐᓂᕐᓂᒃ, ᑕᑎᒋᔭᒃᓴᐅᓂᕐᓂᒃ, ᐃᓱᒪᑐᓂᕐᓂᒃ, ᐱᓕᕆᔪᓐᓇᑦᑎᐊᕐᓂᕐᓂᒃ ᐊᔪᙱᓐᓂᕐᓄᓪᓗ ᐃᖅᑲᓇᐃᔭᕐᕕᐅᑉ ᐃᓗᐊᓂ ᓯᓚᑖᓂᓗ ᐋᖅᑭᒃᓱᐃᔨᐅᔪᓐᓇᕐᓂᕐᓄᑦ, ᑖᓇ ᐃᖅᑲᓇᐃᔮᒃᓴᖅ ᐱᓇᔪᒍᓐᓇᑦᑎᐊᖅᐸᑦ ᖃᐅᔨᒪᖁᓪᓗᒋᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐱᓕᕆᐊᒃᓴᖃᕐᓂᖏᓐᓂᒃ ᒪᓕᒋᐊᖃᖅᑕᖏᓐᓂᒡᓗ ᐊᑐᐃᓐᓇᖅᑕᖃᕐᓂᖏᓐᓂᒃ ᐃᑲᔫᑎᒃᓴᓂᒡᓗ ᐱᓪᓚᕆᒃᑐᓂᒃ ᐱᓕᕆᐊᒃᓴᓂᒃ ᐊᑐᓕᖅᑎᑦᑎᓂᕐᒥᒃ ᑕᒻᒪᖅᓯᒪᔪᖅᓯᐅᕈᓐᓇᑦᑎᐊᕐᓗᑎᓪᓗ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᐃᑲᒪᑐᙱᓐᓂᖅᓴᐅᔪᓂ ᐊᖅᑯᑎᓂ ᖃᐅᒪᖅᑯᑎᖃᖅᑎᑦᑎᔪᑦ ᓄᓇᕘᒥ
ᐃᖃᓗᐃᑦ, ᓄᓇᕗᑦ (ᒫᔾᔨ 22, 2017) – ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᐊᓕᐊᓇᐃᒍᓱᑦᑐᑦ ᐊᓯᔾᔨᖅᓯᓛᓕᕐᒪᑕ ᐊᖅᑯᑎᓃᑦᑐᓂ ᖃᐅᒻᒪᖅᑯᑎᓂ ᐃᖃᓗᓐᓂ, ᐃᖃᓗᒃᑑᑦᑎᐊᕐᒥ ᖁᕐᓗᖅᑑᕐᒥᓗ ᓄᑖᖑᓂᖅᓴᐅᔪᓂᒃ ᐆᒻᒪᖅᑯᑎᓂ ᐊᑐᖏᓐᓂᖅᓴᐅᔪᓂ (LED) ᐊᖅᑯᑎᓄᑦ ᖃᐅᒻᒪᖅᑯᑎᓂᑦ 2017 ᐃᓱᓕᓚᐅᙱᓐᓂᖓᓂ.
ᐃᓱᒪᓕᐅᕐᓂᐅᔪᖅ ᐊᑐᖔᕐᓂᕐᒥᑦ ᐆᒻᒪᖅᑯᑎᓂ ᐊᑐᖏᓐᓂᖅᓴᐅᔪᓂ ᖃᐅᒻᒪᖅᑯᑎᓂ ᑕᐃᒪᐃᓕᖓᓕᓚᐅᖅᑐᖅ ᐆᑦᑐᖅᑳᓚᐅᖅᑐᑎ ᐱᓕᕆᐊᒥᑦ 2015ᒥ ᖃᐅᔨᓴᖅᑳᓚᐅᕐᒪᑕ ᖃᓄᑎᒋ ᐆᒻᒪᖅᑯᑎᓂ ᐊᑐᖏᓐᓂᖅᓴᐅᒐᔭᕐᒪᖔᑦ ᐊᖅᑯᑎᒦᑦᑐᑦ ᖃᐅᒻᒪᖅᑯᑎᓂ.
ᖃᐅᔨᓴᖅᓯᓂᖅ ᐆᒻᒪᖅᑯᑎᑖᖑᓵᖅᑐᒥᒃ ᐸᓐᓂᖅᑑᒥ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖃᐅᔨᑎᑦᑎᔪᒪᕗᑦ ᐸᓐᓂᖅᑑᕐᒥᐅᓐᒃ ᐆᒻᒪᖅᑯᑎᖏᑦ ᖃᒥᖔᖃᑦᑕᓚᐅᑲᓛᕐᒪᑕ ᐱᕙᒌᔭᖅᑕᐅᓯᒪᔪᒃᑯᑦ ᐅᑯᓇᓂ ᐅᓪᓗᓂ:
ᐅᓪᓗᑐᐃᓐᓇᖅ, ᒫᑦᓯ 24, 5 –ᒥᑦ ᐅᓐᓄᒃᓴᒃᑯᑦ 9-ᒧᐊᕋᓱᖕᓂᖓᓂ
ᓯᕙᑖᕐᕕᒃ, ᒫᑦᓯ 25, 1-ᒥᑦ ᐅᓐᓄᒃᓴᒃᑯᑦ 5-ᒧᐊᕋᓱᖕᓂᖓᓂ
ᓈᑦᑏᖑᔭ, ᒫᑦᓯ 26, 1-ᒥᑦ 5-ᒧᐊᕋᓱᖕᓂᖓᓂ
ᖃᒥᓐᓂᐅᑲᑕᓛᖅᑐᑦ ᐱᔭᕆᐊᖃᖅᑎᑕᐅᔪᑦ ᖃᐅᔨᓴᖅᓯᔭᕆᐊᖃᖅᑎᓪᓗᒋᑦ ᓄᑖᓂᒃ ᐆᒻᒪᖅᑯᑎᖃᐅᑎᑖᓂᒃ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᔪᒪᕗᑦ ᓄᓇᓕᖕᒥᐅᓂᒃ ᑐᑭᓯᐅᒪᓂᖏᓐᓄᑦ ᐊᒻᒪᓗ ᒪᒥᐊᑉᐳᑦ ᐊᑲᐅᙱᓪᓕᐅᕈᑎᖃᖅᑐᖃᕋᔭᖅᐸᑦ ᑕᐃᒪᐃᓕᐅᖅᑎᓪᓗᒋᑦ.
ᖃᒥᓐᓂᐅᓂᐊᖅᑐᖅ ᐅᖅᓱᖅᑑᖅ
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑐᓴᖅᑎᑦᑎᔪᒪᔪᑦ ᐅᖅᓱᖅᑑᖕᒥᐅᑕᓂᑦ ᖃᒥᙵᓛᖕᓂᖓᓂ ᐃᓚᖓᓐᓂᑦ ᓄᓇᓖᑦ ᐱᖓᔪᐊᓐᓂᑦ ᒫᑦᓯ 22 2−ᒥᑦ 3−ᒧᑦ ᐅᓐᓄᐊᒃᑯᑦ. ᓇᓕᐊᒃ ᖃᒥᓐᓂᐊᖕᒪᖔᖏᑦ ᓇᓗᓇᐃᔭᖅᓯᒪᕗᑦ ᓄᓇᙳᐊᒥᑦ ᐊᑕᔪᒥᑦ.
ᖃᒥᑕᐅᔭᕆᐊᖃᖕᒪᑕ ᓴᓇᔭᐅᓂᐊᕐᓂᖓ ᐊᐅᓚᐅᑎᖃᕐᕕᒃ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᔪᒪᕗᑦ ᖁᕐᓗᖅᑑᖕᒥᐅᓂᑦ ᑐᑭᓯᐊᓂᖏᓐᓄᑦ ᒪᒥᐊᑉᐳᒍᓪᓗ ᐊᑲᐃᓪᓕᐅᕈᑕᐅᓂᐊᖅᐸᑦ ᖃᒥᙵᑎᓪᓗᒋᑦ.