ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᑮᓇᐅᔭᓕᕆᔨᒃᑯᖏᑦ, ᐊᑐᖅᑕᐅᔭᕆᐊᓖᑦ ᓂᐅᕕᐊᕆᔭᐅᖃᑦᑕᕐᓂᖏᑕ ᐊᐅᓚᑦᑎᔨᖏᑦ ᐃᖅᑲᓇᐃᔮᕆᔭᐅᖃᑦᑕᖅᑐᒥᓂᕐᓂᑦ ᐃᓕᓐᓂᐊᖅᓯᒪᔭᒥᓂᐅᔪᓂᓪᓗ ᑎᑎᕋᖅᓯᒪᓂᖏᓐᓂᑦ ᐱᔪᒪᓕᕆᕗᑦ ᓂᐅᕕᖅᑕᐅᖃᑦᑕᕆᐊᓕᖕᓄᑦ ᐊᐅᓚᑦᑎᔨᐅᒐᔭᖅᑐᒧᑦ ᐃᖅᑲᓇᐃᔭᖅᑎᒋᔭᐅᑲᐃᓐᓇᕋᔭᖅᑐᖅ ᑎᓴᒪᓄᑦ ᑕᖅᑭᓄᑦ ᐊᑯᓂᐅᓂᖅᓴᖅ ᐃᖅᑲᓇᐃᔭᕈᓐᓇᕋᔭᖅᑐᓂᓗ. ᐃᖅᑲᓇᐃᔭᕋᔭᖅᑐᖅ ᐃᑲᔪᖃᑦᑕᕋᔭᕐᒪᑦ ᐊᑐᓕᖅᑎᑕᐅᓗᓂ ᓄᓇᕗᒻᒥ ᓇᖕᒥᓂᖃᖅᑐᓂᒃ ᐃᑲᔫᑎᑉ ᐊᑐᐊᒐᖓᓂᒃ. ᐱᓕᒻᒪᓴᖅᑎᑕᐅᒐᔭᖅᑐᑦ ᐃᖅᑲᓇᐃᔮᖅᑖᖅᑐᖅ ᑕᒪᐃᓐᓂᓕᒫᑦᑎᐊᖅ ᓄᓇᕗᒻᒥ ᓇᖕᒥᓂᖃᖅᑐᓂᒃ ᐃᑲᔫᑎᑉ ᐊᑐᐊᒐᖓᑕ ᒥᒃᓵᓄᑦ. ᐊᐅᓪᓚᑲᐃᓐᓇᖃᑦᑕᕋᔭᖅᑐᒃᓴᐅᕗᖅ ᐊᕕᑦᑐᖅᓯᒪᔪᒥ ᐃᖃᓗᓐᓂ ᐃᖅᑲᓇᐃᔮᖃᕐᓗᓂ.

ᐊᖓᔪᖅᑳᖃᕐᓗᓂ ᐊᐅᓚᑦᓯᔩᑦ ᐊᖓᔪᖅᑳᖓᓂᑦ, ᐃᑲᔪᕐᓂᐊᖅᑐᑎᑦ ᐱᓕᕆᔩᑦ ᑲᒪᔨᒻᒪᕆᖓᓂᑦ ᐱᓕᕆᐊᖃᕐᓂᕐᒥᑦ ᐊᑦᑕᕐᓇᖏᑦᑐᒥᑦ ᐆᒻᒪᖅᑯᑎᖃᐃᓐᓇᑎᑦᓯᓂᕐᒥᑦ ᑐᓂᐅᖅᑲᐃᓂᕐᒥᓪᓗ, ᐊᒻᒪ ᐊᑕᖏᖅᑎᑦᓯᓂᕐᒥᑦ ᓴᓇᔭᐅᓂᖏᓐᓂᑦ ᐋᖅᑭᒪᐃᓐᓇᕈᑎᓄᑦ ᐱᔭᕆᐊᓕᓐᓂᑦ ᐃᓘᓐᓇᖏᓐᓂᑦ ᐊᐅᓚᐅᑏᑦ ᐆᒻᒪᖅᑯᑏᓪᓗ ᐱᖁᑎᖏᑦ ᐊᐅᓚᑦᓯᕕᖓᓂᑦ. ᐊᐅᓚᑦᓯᔨᐅᑉ ᐃᑲᔪᖅᑎᖓ, ᓂᕆᐅᒋᔭᐅᓂᐊᖅᑐᑎᑦ ᐊᐅᓚᑦᓯᓂᕐᒥᑦ ᖃᐅᔨᓴᕐᓂᕐᒥᓪᓗ ᐃᒐᓯᐅᑎᐅᑉ ᐆᒻᒪᖁᑎᖃᕐᕕᖓᓂᑦ ᐊᑦᑐᐊᓂᓕᓐᓄᓪᓗ ᐊᑐᖅᑕᐅᖃᑦᑕᖅᑐᓄᑦ ᐊᑐᐃᓐᓇᐅᑎᑦᓯᓂᕐᒥᑦ ᐊᑦᑕᕐᓇᖏᑦᑐᒥᑦ, ᑕᑎᒋᔭᐅᔪᒥᑦ ᐊᑭᑐᓗᐊᖏᑦᑐᒥᓪᓗ ᐆᒻᒪᖅᑯᑎᓂᑦ ᐱᔨᑦᓯᕋᕐᓂᕐᒥᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᐊᑭᓕᖅᑐᐃᔨᖏᓐᓄᑦ ᓄᓇᓕᓐᓂᑦ, ᐊᐅᓚᑦᓯᓂᕐᒥᓪᓗ ᐃᓇᖏᖅᓯᖃᑦᑕᓂᕐᒥᑦ ᐱᓕᕆᔩᑦ ᑲᒪᔨᒻᒪᕆᖓᓂᑦ ᐅᐸᑦᓯᒪᑎᓐᓇᒍ ᐱᔭᕆᐊᖃᕋᐃᑉᐸᓘᓐᓃᑦ.

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑎᖏᑦ ᐱᖁᑎᒋᔭᐅᔪᓂᒃ ᐊᐅᓚᑦᑎᔨᖏᑦᑕ ᐱᔨᑦᑎᕋᖅᑎᖏᑦ ᐱᔪᓐᓇᖅᓯᖕᒪᑕ ᐃᖅᑲᓇᐃᔮᒧᑦ
ᐱᔪᒥᓴᐅᑎᓂᒃ ᐃᖅᑲᓇᐃᔭᕐᕕᖕᒥ ᐊᐅᓚᑦᑎᔨᒧᑦ ᓂᕈᐊᖅᑕᐅᓛᖅᑐᒥᒃ ᐃᖅᑲᓇᐃᔭᓚᐅᑲᒍᓐᓇᖅᑐᒥᒃ ᑕᖅᑭᓄᑦ ᑎᓴᒪᓄᑦ ᑎᑭᓪᓗᒍ.
ᐱᕕᖃᑐᐃᓐᓇᕆᐊᖃᖅᐳᑦ ᐃᖅᑲᓇᐃᔭᓚᐅᑲᒃᑐᑦ ᐅᖓᕙᕆᐊᖅᑕᐅᔪᓐᓇᕆᐊᒃᓴᖅ ᑭᖑᓂᐊᒍᑦ. ᑖᒃᑯᐊ ᐃᓂᐅᔪᑦ
ᐱᓕᕆᖃᑎᖃᖃᑦᑕᕐᓂᐊᖅᐳᑦ ᐋᖅᑭᒃᓱᐃᓲᓂᒃ ᐊᒻᒪ ᐊᖏᔫᑎᓄᑦ ᐱᓕᕆᐊᒃᓴᓂᒃ ᓄᓇᓕᖕᓄᑦ, ᑮᓇᐅᔭᓕᐅᕐᕕᐅᕙᒃᑐᓂ
ᐃᓂᒋᔭᐅᔪᓂᒡᓘᓐᓃᑦ ᓇᓗᓇᐃᖅᓯᒪᑦᑎᐊᖅᑐᓂ ᓄᓇᕗᒻᒥ; ᐊᑕᐅᓯᖅ (1) ᓇᓗᓇᐃᖅᓯᒪᔪᖅ ᐃᓗᐊᓃᑦᑐᑦ 12−ᓂᒃ ᓄᓇᓖᑦ
ᕿᑭᖅᑖᓘᑉ ᐊᕕᒃᑐᖅᓯᒪᓂᖏᓐᓂᒃ ᐊᓯᖏᓪᓗ ᐃᓗᐊᓃᑦᑐᑦ 9−ᓂᒃ ᓄᓇᓕᖕᓂᒃ ᕿᑎᕐᒥᐅᓪᓗ ᑭᕙᓪᓕᐅᓪᓗ
ᐊᕕᒃᑐᖅᓯᒪᔪᖁᑎᖏᓐᓂᒃ. ᐊᐅᓪᓚᒐᔪᖕᓂᖃᕐᓂᐊᖅᑐᖅ ᓄᓇᓕᖕᓄᑦ ᐊᕕᒃᑐᖅᓯᒪᔪᓄᑦ ᑐᙵᕕᒋᓗᓂᐅᒃ ᐃᖃᓗᐃᑦ.

ᑖᓐᓇ ᓯᕗᓕᖅᑎᐅᓂᕐᒧᑦ ᓴᓈᒃᓴᖅ ᐱᕕᖃᖅᑎᑦᑎᕗᖅ ᐊᔪᙱᑦᑐᒥ ᐊᖏᔪᖅᑳᒥᑦ ᐅᕝᕙᓘᓐᓃᑦ ᓯᕗᓕᖅᑎᒥ ᐆᒻᒪᖅᑯᑎᓕᕆᓂᑰᓪᓚᕆᑦᑐᒥᒃ ᐋᖅᑭᒃᓱᐃᓂᕐᒥᓪᓗ ᐆᒻᒪᖅᑯᑎᓂ, ᐊᓕᐊᓇᐃᒋᔭᖃᕐᓗᓂ ᓴᓇᓂᕐᒥᑦ ᐃᒻᒥᓂ ᑲᒪᒋᔭᖃᖅᑐᒃᑯᑦ ᐃᒻᒥᓂᓗ ᐃᓱᒪᓕᐅᕆᑦᑎᐊᕈᓐᓇᕐᓗᓂ.

ᐃᖅᑲᓇᐃᔭᖃᑦᑕᕈᒪᒍᕕᑦ ᖃᐅᑕᒫᖅ ᑲᒪᔨᖃᖏᓗᑎᑦ ᐊᒻᒪ ᐊᔾᔨᒌᖏᑦᑐᓂᒃ ᐃᓕᓴᕆᔭᐅᓯᒪᔪᒥᒃ ᐅᐊᔭᓕᕆᔨᓂᒃ ᐅᐊᔭᖃᕐᕕᐅᑎᓂᒃ ᐃᖅᑲᓇᐃᔭᓕᒪᓗᑎᒃ, ᐃᖅᑲᓇᐃᔭᕐᕕᑦᑎᓐᓄᑦ ᐃᑲᔫᑎᐅᕐᔪᐊᕋᔭᖅᐳᑎᑦ.

ᐊᔾᔨᐅᖏᑦᑐᒥ ᐱᕕᔅᓴᖃᖅᑐᑎᑦ ᐊᑦᑕᓇᖏᑦᑐᒥ ᐸᕐᓇᐃᓂᕐᒥᑦ ᐊᒻᒪ ᑳᓐᑐᕌᑎᓂ ᐊᑦᑕᓇᐃᖅᓯᒪᓂᕐᒧᑦ ᐊᐅᓚᑦᑎᓂᕐᒧᑦ ᓴᖅᑮᓯᓐᓈᖅᑐᓂ “ᐊᑦᑕᓇᐃᖅᓯᒪᓂᖅ ᓯᕗᓪᓕᖅ” ᐱᖅᑯᓯᒥ ᐊᑐᖅᑕᐅᒐᔪᓐᓂᐊᖅᑐᑦ QEC−ᑯᓐᓂᑦ.