Skip to main content

ᐅᐊᔭᓕᕆᔨ (2 POSITIONS)

Submitted by bukpatiku on
ᐱᔪᓐᓇᕈᕕᑦ ᐅᐊᔭᓕᕆᔨᐅᓗᑎᑦ ᖁᕕᐊᒋᔭᖃᕐᓗᑎᓗ ᓇᒻᒥᓂᖅ ᑲᒪᒍᓐᓇᕐᓗᑎᑦ ᐊᒻᒪᓗ ᐱᓕᕆᖃᑎᖃᕐᓗᑎᑦ, ᐊᐅᓚᑦᑎᒍᓐᓇᕐᓗᑎᑦ ᓇᒻᒥᓂᖅ ᐱᕇᕈᓐᓇᕐᓗᒋᑦ ᓯᕗᓪᓕᖅᐸᐅᑎᔭᕆᐊᓖᑦ ᐆᒻᒪᖅᑯᑎᓕᕆᓂᕐᒥᑦ, ᐊᒻᒪᓗ ᐱᓕᕆᐊᓂᑦ ᒪᓕᒍᓐᓇᕐᓗᑎᑦ ᐃᓱᓕᑦᑕᕐᕕᖏᑦ ᒪᓕᓪᓗᒋᑦ ᐊᒻᒪᓗ ᑮᓇᐅᔭᖅᑐᔅᓴᓕᕆᔪᓐᓇᕐᓗᑎᑦ, ᐊᑏ ᐅᖃᖃᑎᒌᓚᐅᕐᓗ. ᐊᖏᔪᖅᑳᖃᕋᔭᖅᑐᖅ ᑲᒪᒋᔭᕆᐊᓕᓄᑦ ᐊᖏᔪᖅᑳᕐᒥᑦ, ᐋᖅᑭᔅᓱᐃᖃᑦᑕᕋᔭᖅᑐᑎᑦ, ᑲᒪᒋᖃᑦᑕᕐᓗᒋᑦ ᓴᓇᖃᑦᑕᕐᓗᒋᓪᓗ ᐆᒻᒪᖅᑯᑎᓕᕆᓂᕐᒧᑦ ᐅᐊᔭᐃᑦ, ᓇᓂᖃᑦᑕᕐᓗᒋᑦ ᐋᖅᑭᔅᓯᕕᒋᓗᒋᓪᓗᓄᑖᕐᓂᑦ ᐊᒻᒪᓗ ᖃᐅᓴᐅᑎᓂᑦ ᐆᒻᒪᖅᑯᑎᑐᖅᑐᓄᑦ ᐅᖃᓕᒫᖃᑦᑕᕐᓗᒋᑦ, ᖃᖓᓕᒫᕐᓗ ᐊᑦᑕᓇᖅᑕᐃᓕᒪᔪᓕᕇᓐᓇᕐᓗᑎᑦ, ᐅᐊᔭᓂᑦ ᓯᖏᓂᓪᓗ ᓇᓗᓇᐃᒃᑯᑎᖏᓐᓂ ᖃᐅᔨᒪᓗᑎᑦ ᒪᓕᒐᖏᓐᓂᓪᓗ, ᐊᒻᒪᓗ ᑎᒥᐅᔪᑦ ᐱᖁᔭᖏᓐᓂ ᐊᑐᐊᒐᖏᓐᓂᓪᓗ.

ᓴᓇᔨᒻᒪᕆᒃ ᐅᕐᓱᐊᓗᑦᑐᖅᑐᓂᑦ ᐊᐅᓚᔾᔪᑎᓂᑦ

Submitted by bukpatiku on
ᖁᕕᐊᒋᔭᖃᕈᕕᑦ ᖃᓄᖅᑑᓂᕐᒥᑦ ᐋᖅᑭᐅᒪᑦᑎᐊᖏᑦᑐᓄᑦ ᐊᐅᓚᐅᑎᓄᑦ ᐋᖅᑭᒍᑎᔅᓴᒥᑦ ᐊᒻᒪ ᐊᓯᖏᓐᓄᑦ ᐱᔭᕐᓂᖏᑦᑐᓄᑦ ᓴᓇᒋᐊᓕᓐᓄᑦ, ᐊᒻᒪ ᐱᔪᓐᓇᑦᑎᐊᕈᕕᑦ ᓇᒻᒥᓂᖅ ᐊᐅᓚᑦᑎᓂᕐᒥᑦ ᐃᖏᕐᕋᓂᕆᔭᖓᓂᒃ ᐃᖅᑲᓇᐃᔭᖅᑎᓪᓗᑎᑦ, ᑖᓐᓇ ᐃᖅᑲᓇᐃᔮᔅᓴᖅ ᐃᓪᓕᓐᓄᑦ ᑐᕌᖓᔪᖅ. ᓴᓇᔨᓄᑦ ᐊᐅᓚᑦᑎᔨᒥᑦ ᐊᖏᔪᖅᑳᖃᕐᓗᓂ, ᐃᖅᑲᓇᐃᔭᕋᔭᖅᑐᑎᑦ ᓴᓇᔨᒻᒪᕇᓐᓄᑦ ᐱᓕᕆᐊᕆᔭᐅᕙᑦᑐᓂᑦ ᑲᒪᖃᑦᑕᕐᓗᑎᑦ ᐊᐅᓚᑎᓂᑦ ᐅᕐᓱᐊᓗᒻᒨᖅᑐᓂᑦ ᐊᒻᒪ ᓱᓇᒃᑯᑖᖏᓐᓂᑦ ᐊᓯᖏᓐᓂᑦ ᑕᐃᒪᐃᑦᑐᓄᑦ ᑐᕌᖓᔪᓄᑦ, ᒥᓪᓗᐊᕈᑎᓂᑦ, ᐳᓪᓚᔅᓴᐅᑎᓂᑦ, ᓂᓪᓕᖅᑎᕈᑎᖏᓐᓂᑦ, ᐆᓇᕐᓂᖓᓄᑦ ᖃᒥᒋᐊᕈᑎ, ᐅᕐᓱᖅᑎᕈᑎᒨᖅᑐᑦ, ᐅᕐᓱᐊᓘᒻᒨᖅᑐᑦ, ᓂᓪᓕᑦᑎᕈᑏᑦ, ᐃᖏᕐᕋᔾᔪᑏᑦ ᐊᒻᒪ ᐊᓯᖏᑦ ᐊᐅᓚᐅᑏᑦ ᓱᓇᒃᑯᑖᑦ.

ᑭᒃᑯᓕᒫᓄᑦ ᐊᑦᑕᕐᓇᖅᑕᐃᓕᒪᓂᖅ ᐊᖁᓪᓗᑎᑦ ᓄᓇᓯᐅᒻᒥᑦ ᓇᑉᐸᖅᑯᑎᑦ ᓴᕕᒐᐅᔭᓪᓗ ᐊᑯᓐᓂᖓᒍᑦ

Submitted by sglaeske on

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐃᖅᑲᐃᓯᒋᐊᕈᒪᕗᑦ ᓄᓇᕗᒻᒥᐅᓂᑦ ᐅᔾᔨᖅᓱᑦᑎᐊᖃᑦᑕᖁᔨᓪᓗᑎᒃ ᓇᑉᐸᖅᑯᑎᑦ ᓴᕕᒐᐅᔭᓪᓗ ᐊᑯᓐᓂᖓᒍᑦ ᐃᖏᕐᕋᓗᑎᒃ ᐊᐅᓚᐅᑎᓕᖕᓂᑦ (ᑎᓴᒪᓖᓪᓗᑦᑕᐅᖅ ᖃᒧᑕᐅᔭᓪᓗ). ᐅᑯᐊ ᒪᓕᒡᓗᒋᑦ ᖃᒥᔾᔪᔾᔨᖁᓇᒃ, ᐋᓐᓂᖁᓇᒃ, ᑐᖁᖁᓇᒡᓘᓐᓃᑦ:

ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᓪᓚᑦᑎ

Submitted by bukpatiku on
ᓴᓐᖏᔪᐊᓘᕖᑦ ᐱᔨᑦᑎᕋᕈᓐᓇᕐᓃᑦ ᐊᒻᒪᓗ ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐱᓕᒻᒪᔅᓯᒪᕕᑦ ᐊᐅᓚᑦᑎᒍᓐᓇᕐᓗᑎᑦ ᑲᒪᒋᔭᕆᐊᓕᓐᓂᓪᓗ ᑲᒪᖃᑦᑕᕐᓗᑎᑦ ᒪᑐᕕᖏᑦ ᒪᓕᓪᓗᖏᑦ ᖃᕋᐅᓴᔭᓕᕆᓂᒃᑯᑦ? ᐱᔪᓐᓇᐃᓕᖅᑲᔪᓂᑦ ᑲᒪᔪᓐᓇᖅᑭᑦ ᐅᐸᔅᓯᒪᔭᓐᓄᑦ ᐊᓯᐊᓄᓪᓘᓐᓃᑦ? ᐄᖑᑉᐸᑦ, ᑖᓐᓇ ᐃᖅᑲᓇᐃᔮᔅᓴᓪᓚᕇᑦ. ᐊᖏᔪᖅᑳᖃᕐᓗᑎᑦ ᖃᕋᓴᐅᔭᓕᕆᔨᒥᑦ ᐊᖏᔪᖅᑳᖓᓂ, ᑲᒪᖃᑦᑕᕐᓗᑎᑦ ᖃᕋᓴᐅᔭᓕᕆᔾᔪᓯᖏᓐᓂ ᖁᓪᓕᒃᑯᑦ, ᑐᓴᐅᒪᖃᑦᑕᐅᑎᓕᕆᓂᖓᓐᓂ ᑕᒪᒃᑯᓇᓐᖓᑦ, ᐃᑲᔪᖅᑐᐃᖃᑦᑕᕐᓗᑎᓪᓗ ᐃᓕᓐᓂᐊᑎᑦᑎᖃᑦᑕᕐᓗᑎᓪᓗ ᖁᓪᓕᒃᑯᑦ ᐃᖅᑲᓇᐃᔭᖅᑎᖏᓐᓂ ᖃᕋᓴᐅᔭᓕᕆᓂᕐᒨᖓᔪᓂᑦ ᐃᓚᒍᑕᖏᓐᓂ ᐊᔾᔨᒌᓐᖏᑦᑐᓂᑦ, ᐅᖄᓚᐅᑎᖏᓐᓂ ᖃᕋᓴᐅᔭᓕᕆᓂᕐᒧᓪᓗ ᑲᑉᐳᔭᖅᑐᕈᔪᖏᓐᓂ. ᓇᒻᒥᓂᖅ ᑲᒪᒍᓐᓇᕐᓗᓂ ᖃᕋᓴᐅᔭᓕᕆᓂᕐᒥᑦ, ᐊᖏᔪᖅᑳᓕᔭᐃᓐᓇᖃᑦᑕᕋᔭᓐᖏᑦᑐᑎᑦ ᓇᒻᒥᓂᖅ ᓴᓇᖃᑦᑕᕐᓗᑎᑦ ᐊᖏᔫᑎᐅᓗᐊᓐᖏᑦᑐᓂᑦ ᖃᖃᓴᐅᔭᕐᒨᖓᔪᓄᑦ ᐃᒪᒍᑕᖏᓐᓂ, ᒪᓕᓪᓗᑎᓪᓗ ᒪᓕᒐᕐᓂᑦ.

ᖁᓪᓕᖅ ᐆᒻᒪᖅᑯᓯᕆᔨᒃᑯᑦ ᐱᖃᑦᑕᐸᓪᓕᐊᓕᖅᑐᑦ ᑐᑦᓯᕋᐅᑎᓂᒃ ᓯᕿᕐᖑᔭᐅᔭᕐᒨᖓᔪᓄᑦ ᐊᐅᓚᓂᐅᔪᓄᑦ

Submitted by sglaeske on

ᐃᖃᓗᐃᑦ, ᓄᓇᕗᑦ (ᐄᑉᐳᕉᓪ 10, 2018) − ᖁᓪᓕᖅ ᐆᒻᒪᖅᑯᓯᕆᔨᒃᑯᑦ ᐱᖃᑦᑕᐸᓪᓕᐊᓕᖅᑐᑦ ᑐᑦᓯᕋᐅᑎᓂᒃ ᓯᕿᕐᖑᔭᐅᔭᕐᒨᖓᔪᓄᑦ ᐊᓚᓂᐅᔪᓄᑦ. ᓄᑖᖅ ᐊᐅᓚᓂᐅᔪᓄᖅ ᐱᕕᖃᖅᑎᑦᓯᓂᐊᖅᑐᖅ ᐊᖏᕐᕋᖃᖅᑐᓂᒃ ᐊᒻᒪᓗ ᐊᑕᐅᓯᕐᒥᒃ ᓄᓇᓕᓐᓂ ᕼᐋᒻᒪᓚᒃᑯᑦ ᑎᒥᖁᑎᖓᓐᓃᙶᖅᑐᖅ ᐊᑎᓂᑦ ᓄᓇᓕᓐᓂ ᓇᒻᒥᓂᖅ ᐊᐅᒪᓕᐅᕈᓐᓇᕐᓗᑎᒃ ᐊᑐᕐᓗᑎᒃ ᒥᑭᔫᑎᓂᒃ ᐊᐅᒪᓕᐅᕈᑎᓂᒃ ᐊᐅᓪᓚᑎᑦᓯᓗᑎᓪᓗ ᐊᒥᐊᒃᑯᒥᓂᒃ ᐆᒻᒪᖅᑯᑎᓂᒃ ᐊᐅᓚᑦᓯᒍᑕᐅᓗᓂ ᖁᓪᓕᒃᑯᑦ ᐊᐅᒪᓕᐅᕈᑎᖏᓐᓄᑦ. ᑕᐅᖅᓰᒍᑕᐅᓗᓂ, ᓯᕿᕐᖑᔭᐅᔭᒃᑰᖅᑐᑦ ᖁᒥᐅᑎᑕᐅᕙᓐᓂᐊᖅᑐᖅ ᓯᕗᓂᑦᑎᓐᓂ ᐊᐅᒪᓂᒃ ᐊᑐᕈᑦᓴᖏᓐᓂᒃ.

ᐊᖓᔪᖅᑳᖅ, ᐸᕐᓇᓂᕐᒧᑦ ᕿᒥᕐᕈᓂᕐᒧᓪᓗ

Submitted by bukpatiku on
ᑖᓐᓇ ᖁᕕᐊᓇᖅᑐᓪᓚᕆᒃ ᑎᓕᓯᔾᔪᑕᐅᓯᒪᔪᖅ ᐃᑲᔪᖅᓯᓂᖃᖅᓱᓂ ᐱᓇᓱᐊᕐᕕᒻᒥ ᐃᖅᑲᓇᐃᔭᖅᑎᒻᒪᕆᒃ, ᐅᐸᓗᖓᐃᔭᑦᓯᐊᕐᓗᓂ ᐃᓱᒪᑦᓴᖅᓯᐅᕈᓐᓇᖅᑐᖅ ᑕᑯᑦᓴᐅᑎᑦᓯᒍᓐᓇᕐᓗᓂ ᐊᐅᓚᔾᔭᒋᐊᕈᑕᐅᓯᒪᔪᓂᒃ ᓴᙱᔫᓗᓂ ᐃᓱᒻᒪᓯᖓ, ᕿᒥᕐᕈᑦᓯᐊᕐᓗᓂ ᐸᕐᓇᒍᓐᓇᕐᓗᓂ, ᑲᒪᒍᓐᓇᕐᓗᓂ ᑮᓇᐅᔭᓅᖓᔪᓂᒃ ᐊᐅᓚᓂᕐᒧᓪᓗ ᐃᓱᒫᓘᑕᐅᔪᓂᒃ ᐃᑲᔪᖅᑐᐃᑦᓯᐊᕐᓗᓂ ᖃᓄᖅᑑᑦᓯᐊᕐᓂᕐᒥᒃ. ᐊᖓᔪᖅᑳᖃᕐᓗᑎᑦ ᑮᓇᐅᔭᓕᕆᔨᒻᒪᕆᒻᒥᒃ, ᑎᑎᖅᑑᔭᕐᓗᑎᑦ, ᐊᑐᓕᖅᑎᑦᓯᓗᑎᓪᓗ ᕿᒥᕐᕈᓗᑎᓪᓗ ᒪᓕᒐᖅᑎᒍᑦ ᐅᓂᒃᑳᖑᒋᐊᓕᓐᓂᒃ ᐃᓗᐊᓐᓂ ᑮᓇᐅᔭᓕᕆᔩᑦ ᐊᑦᑐᐊᔪᓄᑦ ᐊᐅᓚᔾᔪᑎᓂᒃ ᐃᑖᔪᓄᑦ ᐊᑦᑐᐊᔪᓄᓪᓗ ᑮᓇᐅᔭᖅᑑᑎᑦᓴᓄᑦ ᓯᕗᓂᕐᒥᓗ ᓂᕆᐅᒋᔭᐅᒍᓐᓇᖅᑐᓂᒃ. ᑕᓐᓇ ᐱᕕᑦᓴᖃᕐᓂᐅᔪᖅ ᐊᑑᑎᖃᖅᓱᓂ ᐱᕙᓪᓕᐊᑎᑦᓯᓂᕐᒧᑦ ᐊᑭᖏᑦᑕ ᐋᖅᑭᑦᓯᒪᓂᖏᑦᑕ ᐊᐅᓚᓂᖏᓐᓂᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᐃᑲᔫᑕᐅᓗᑎᒃ ᐅᑎᖅᑎᑦᓯᑦᓯᐊᕐᓂᕐᒧᑦ ᖃᑭᒪᓇᓱᐊᕈᑎᓄᑦ ᐊᑭᒋᔭᐅᔪᓂᒃ ᐊᑐᐃᓐᓇᐅᑎᑦᓯᓂᒃᑯᑦ ᐱᔨᑦᓯᕋᐅᑎᓂᒃ.

ᐊᐅᓚᑦᓯᔨᐅᑉ ᐃᑲᔪᖅᑎᖓ

Submitted by bukpatiku on
ᐊᖓᔪᖅᑳᖃᕐᓗᓂ ᐊᐅᓚᑦᓯᔩᑦ ᐊᖓᔪᖅᑳᖓᓂᑦ, ᐃᑲᔪᕐᓂᐊᖅᑐᑎᑦ ᐱᓕᕆᔩᑦ ᑲᒪᔨᒻᒪᕆᖓᓂᑦ ᐱᓕᕆᐊᖃᕐᓂᕐᒥᑦ ᐊᑦᑕᕐᓇᖏᑦᑐᒥᑦ ᐆᒻᒪᖅᑯᑎᖃᐃᓐᓇᑎᑦᓯᓂᕐᒥᑦ ᑐᓂᐅᖅᑲᐃᓂᕐᒥᓪᓗ, ᐊᒻᒪ ᐊᑕᖏᖅᑎᑦᓯᓂᕐᒥᑦ ᓴᓇᔭᐅᓂᖏᓐᓂᑦ ᐋᖅᑭᒪᐃᓐᓇᕈᑎᓄᑦ ᐱᔭᕆᐊᓕᓐᓂᑦ ᐃᓘᓐᓇᖏᓐᓂᑦ ᐊᐅᓚᐅᑏᑦ ᐆᒻᒪᖅᑯᑏᓪᓗ ᐱᖁᑎᖏᑦ ᐊᐅᓚᑦᓯᕕᖓᓂᑦ. ᐊᐅᓚᑦᓯᔨᐅᑉ ᐃᑲᔪᖅᑎᖓ, ᓂᕆᐅᒋᔭᐅᓂᐊᖅᑐᑎᑦ ᐊᐅᓚᑦᓯᓂᕐᒥᑦ ᖃᐅᔨᓴᕐᓂᕐᒥᓪᓗ ᐃᒐᓯᐅᑎᐅᑉ ᐆᒻᒪᖁᑎᖃᕐᕕᖓᓂᑦ ᐊᑦᑐᐊᓂᓕᓐᓄᓪᓗ ᐊᑐᖅᑕᐅᖃᑦᑕᖅᑐᓄᑦ ᐊᑐᐃᓐᓇᐅᑎᑦᓯᓂᕐᒥᑦ ᐊᑦᑕᕐᓇᖏᑦᑐᒥᑦ, ᑕᑎᒋᔭᐅᔪᒥᑦ ᐊᑭᑐᓗᐊᖏᑦᑐᒥᓪᓗ ᐆᒻᒪᖅᑯᑎᓂᑦ ᐱᔨᑦᓯᕋᕐᓂᕐᒥᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᐊᑭᓕᖅᑐᐃᔨᖏᓐᓄᑦ ᓄᓇᓕᓐᓂᑦ, ᐊᐅᓚᑦᓯᓂᕐᒥᓪᓗ ᐃᓇᖏᖅᓯᖃᑦᑕᓂᕐᒥᑦ ᐱᓕᕆᔩᑦ ᑲᒪᔨᒻᒪᕆᖓᓂᑦ ᐅᐸᑦᓯᒪᑎᓐᓇᒍ ᐱᔭᕆᐊᖃᕋᐃᑉᐸᓘᓐᓃᑦ.
Subscribe to