ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ (QEC) ᓄᓇᕗᒻᒥᐅᓂᒃ ᑐᓴᐅᒪᖁᔨᕗᑦ ᐅᖃᓘᑎᒃᑯᑦ ᐱᕋᔭᒃᓯᔪᖃᑲᑕᖕᓂᖓᓂ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᐊᑭᓕᖅᓱᐃᕙᒃᑐᓄᑦ. ᑕᐃᒃᑯᐊ ᐅᖃᓗᑲᑕᒃᑐᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᐱᓕᕆᔨᐅᓂᕋᖅᖢᑎᒃ ᑕᕝᕙᙵᔅᓴᐃᓐᓇᖅ ᐊᑭᓖᖁᔨᑲᑕᒃᖢᑎᒃ ᐊᑭᓖᙱᑐᐊᖅᐸᑕ ᐆᒻᒪᖅᑯᑎᖏᑦ ᓇᑲᑕᐅᓂᐊᕐᓂᕋᑲᑕᒃᖢᓂᔾᔪᒃ.
ᐆᒻᒪᖅᑯᑎᓄᑦ ᐊᑭᓕᒃᓴᑦ ᖄᖏᐅᑎᓯᒪᔭᕌᖓᑕ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᐱᓕᕆᔨᐅᔪᑦ ᐅᖃᓘᑎᒃᑯᑦ ᑐᓴᖅᑎᑦᑎᓇᓱᓲᑦ ᑎᑎᖅᑲᑎᒍᓪᓗ ᑭᖑᓂᐊᒍᑦ ᓇᒃᓯᐅᔾᔨᕕᐅᕙᒃᖢᑎᒃ. ᐆᒻᒪᖅᑯᑎᓄᑦ ᐊᑭᓕᖅᓱᐃᕙᒃᑐᑦ ᐸᓴᓇᖅᑐᒥᒃ ᐅᖃᓗᒡᕕᐅᓐᓂᖅᐸᑕ, ᐅᖃᓘᑦ ᐃᓕᖃᑦᑕᕐᓂᐊᖅᐸᓯᐅᒃ ᐆᒻᒪᖅᑯᑎᓕᕆᔨᒃᑯᓐᓄᑦ ᖃᐅᔨᒃᑲᐃᕙᒡᓗᓯ ᐅᕗᖓ ᓈᓴᐅᑎᒧᑦ
1-866-710-4200. ᐱᓕᕆᔨᐅᔪᒥᒃ ᓇᓗᓇᐃᖅᓯᔪᖃᕋᔭᖅᐳᖅ ᐅᖃᓗᒍᑕᐅᓵᖅᑐᖅ ᐱᕋᔭᒍᑕᐅᓇᓱᖕᒪᖔᑦ ᐋᒃᑲᓘᓐᓃᑦ.
ᐃᖃᓗᐃ, ᓄᓇᕗᑦ (ᐅᑐᑉᐱᕆ 21, 2016−ᒥᑦ) − ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ (ᖁᓪᓕᒃᑯᑦ) ᑐᒃᓯᕋᖅᓯᒪᕗᑦ ᒥᓂᔅᑕᒧᑦ ᐱᔭᒃᓴᖃᖅᑐᒥᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᐱᖓᔪᒋᓕᖅᑕᖓᓂ ᐅᖅᓱᐊᓗᖕᒧᑦ ᐊᑭᖏᑦ ᓱᕐᕋᔾᔭᐃᒃᑯᑎᓄᑦ ᐅᑎᖅᑎᕝᕕᐅᓂᕐᒧᑦ ᐃᖏᕐᕋᓂᖓ 5.26 ᓴᓐᓰᑦ ᑭᓗᕚᑦ ᐃᑲᕐᕋᒧᑦ (Kwh).
“ᑖᓐᓇ ᐱᖓᔪᒋᓕᖅᐹ ᐅᖅᓱᐊᓗᖕᒧᑦ ᐃᖏᕐᕋᓂᖓ ᐅᑎᖅᑎᕝᕕᐅᓂᖅ ᖁᓪᓕᒃᑯᑦ ᑐᒃᓯᕋᖅᓯᒪᕗᑦ ᑕᐃᑲᙵᓂ ᓄᕕᑉᐱᕆ 2015−ᒥᑦ, ᓂᕈᐊᒃᐳᒍᑦ ᐃᓄᓕᒫᖅᑎᑦᑎᓛᕐᒪᑕ ᐃᑯᒻᒪᖅᑯᑎᓂ ᐊᑭᖏᓐᓄᑦ ᕿᒥᕐᕈᔩᑦ ᐱᓪᓗᒋᑦ ᑖᒃᑯᐊ ᑐᒃᓯᕋᖅᑕᖓᓂ”, ᐅᖃᖅᐳᖅ ᒪᓕᒐᓕᐅᖅᑎ ᔮᓂ ᒪᐃᒃ, ᒥᓂᔅᑕ ᐱᔭᒃᓴᖃᖅᑐᖅ ᖁᓪᓕᒃᑯᓐᓄᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ (QEC) ᐆᒻᒪᖅᑯᑎᓄᑦ ᐊᑭᓕᖅᓱᐃᕙᒃᑐᓂᒃ ᑐᓴᖁᔨᕗᑦ ᑖᒃᑯᐊ ᐆᒻᒪᖅᑯᑎᓕᕆᔨᒃᑯᑦ ᐊᑭᓕᖅᓱᐃᕙᒃᑐᓂᒃ ᐊᐱᖅᓱᑲᑕᓛᕈᒪᖕᒪᑕ ᐅᖃᓘᑎᒃᑯᑦ ᐅᑐᐱᕆ 17, 2016-ᒥ ᓄᕕᐱᕆ 5, 2016-ᒧᑦ. ᐊᐱᖅᓱᖅᑕᐅᖃᑦᑕᓛᖅᑐᑦ ᐃᒻᒪᖄ 5 ᒥᓂᑦ−ᒥ 10-ᒥᓂᑦᒧᑦ ᑎᑭᓪᓗᒍ ᐊᑕᖏᕐᓗᒋᑦ ᐊᐱᖅᓱᕈᑕᐅᔪᑦ.
ᐆᒻᒪᖅᑯᑎᓂᒃ ᐊᑭᓕᖅᓱᐃᔨᑦ ᑎᓕᐅᖅᑕᐅᕗᑦ ᐅᖃᐅᓯᒃᓴᒥᓂᒃ ᐅᖃᕈᓐᓇᖁᔭᐅᓪᓗᑎᒃ ᐊᐱᖅᓱᖅᑎᓄᑦ ᑭᐅᔾᔪᑕᐅᔪᑦ ᐊᑐᖅᑕᐅᖃᑦᑕᓛᕐᒪᑕ ᐃᑲᔫᑕᐅᓗᑎᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᐱᐅᓯᕚᓪᓕᕈᑕᐅᓗᑎᒃ ᐱᔨᑦᑎᕋᐅᑎᒋᕙᒃᑕᖏᓐᓂᒃ ᐊᑭᓕᖅᓱᐃᕙᒃᑐᓄᑦ.
ᐆᒻᒪᖅᑯᑎᓄᑦ ᐊᑭᓕᖅᓱᐃᕙᒃᑐᑦ ᐊᐱᖅᓱᖅᑕᐅᔪᑦ ᐊᐱᖅᓱᖅᑕᐅᕌᓂᒃᑳᖓᑕ ᐊᑎᖏᑦ ᐃᓕᔭᐅᑲᐅᑎᒋᖃᑦᑕᓛᖅᑐᑦ ᐊᒧᔭᐅᔪᒃᓴᓄᑦ, ᐊᒧᔭᐅᔫᒃ ᒪᕐᕉᒃ ᓵᓚᒃᓴᓛᖅᑑᒃ $500 ᓂᐅᕕᕈᓐᓇᐅᑎᒥᒃ ᓂᐅᕕᖅᑎᒃᑯᓐᓂ ᐅᕝᕙᓘᓐᓃᑦ ᑯᐊᐸᒃᑯᓐᓂ. ᐊᒧᔭᐅᔪᕕᓃᑦ ᑐᓴᖅᑎᑕᐅᓛᖅᑐᑦ ᐅᖃᓗᒡᕕᐅᓗᑎᒃ ᑎᓯᐱᕆ 1, 2016-ᖑᓕᖅᐸᑦ.
ᐃᖃᓗᐃᑦ, ᓄᓇᕗᑦ (ᔫᓐ 24, 2016) – ᓯᕗᓕᖅᑎ ᐲᑕ ᑕᑉᑑᓇ ᐅᓪᓗᒥ ᑐᓴᖅᑎᑦᑎᖅᑲᐅᕗᖅ ᐊᓯᔾᔨᖕᓂᐅᔪᓂᑦ ᓄᓇᕗᑦ ᒐᕙᒪᒃᑯᖏᑦᑕ ᐊᖓᔪᖅᑲᐅᑎᑦ ᐊᐅᓚᑦᑎᕕᖕᒥᐅᓂᑦ, ᐊᖓᔪᖅᑳᙳᖅᑎᑦᑎᓪᓗᓂᓗ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ.
“ᓄᒃᑕᖅᑕᐅᒃᑲᓐᓂᖕᓂᖏᑦ ᐊᖓᔪᖅᑲᐅᑎᑦ ᑲᑎᒪᔨᖏᑦ, ᐊᓯᔾᔨᖕᓂᓪᓗᐊᑕᐅᔪᑦ ᒐᕙᒪᑦᑕ ᐊᖓᔪᖅᑲᐅᑎᑦ ᐊᐅᓚᑦᑎᕕᐊᓂᑦ ᓈᒻᒪᐃᓐᓇᖕᓂᐊᖅᐳᑦ ᐊᑐᓕᖅᑎᑕᐅᑦᑎᐊᕐᓗᑎᒡᓗ ᓯᕗᓕᖅᑎᐅᓂᖕᒥᑦ ᓯᕗᒧᑦ ᐊᑉᓗᖅᑕᒧᑦ,” ᐅᖃᑦᑐᕕᓂᖅ ᓯᕗᓕᖅᑎ ᑕᑉᑑᓇ. “ᑖᒃᑯᐊ ᐱᔭᒃᓴᖅᑖᑎᑕᑦ ᐃᑲᔪᖅᑐᐃᕗᑦ ᖃᐅᔨᒪᓂᕆᔭᓂ ᐊᔪᙱᓐᓂᕆᔭᓂᒡᓗ ᑭᒃᑯᓕᒫᓄᑦ ᓯᕗᓕᖅᑎᑦᑎᓐᓄᑦ, ᐊᓕᐊᓇᐃᒍᓱᒃᐳᖓᓗ ᐃᓕᒃᑲᓐᓂᕆᐊᖏᑦ ᓴᙱᓂᕆᔭᑦ ᐱᓕᕆᕕᕝᕕᑦᑎᓐᓂᑦ.”
ᐃᖃᓗᐃᑦ, ᓄᓇᕗᑦ (ᔫᓂ 24, 2016) – ᒪᓕᒐᓕᐅᖅᑎ ᔪᐊᔾ Hᐃᒃᔅ, ᒥᓂᔅᑕ ᑲᒪᒋᔭᓕᒃ ᖁᓪᓕᖅ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖᓂ (ᖁᓪᓕᒃᑯᑦ) ᐅᓪᓗᒥ ᓇᓗᓇᐃᕆᕗᖅ ᑲᑎᒪᑎᑦᓯᔨ ᔫᓕ-ᐋᓐ ᒥᓘᑉ ᓄᖅᑲᕐᓂᕆᔭᖓᓂ ᖁᓪᓕᒃᑯᑦ ᑲᑎᒪᔨᖏᓐᓂᒃ ᔫᓂ 20, 2016-ᒥ.
ᐃᓚᐃᔾᔭ ᐃᕙᓗᐊᕐᔪᒃ ᑎᓕᔭᐅᓯᒪᔪᖅ ᑲᑎᒪᑎᑦᓯᔨᐅᓂᕐᒧᑦ ᔫᓂ 20, 2016-ᒥ. ᐃᕙᓗᐊᕐᔪᒃ ᐃᒡᓗᓕᖕᒥᐅᑕᐅᓪᓗᓂ ᑲᑎᒪᔨᐅᓂᑰᔪᖅ ᔮᓐᓄᐊᓕ 2014-ᒥᓂ, ᑲᑎᒪᑎᑦᓯᔨᒧᑦ ᑐᓪᓕᒋᔭᐅᓂᑰᓪᓗᓂ ᑕᐃᒪᙵᓂ ᕖᕝᕗᐊᓕ 2015-ᒥ. ᖃᐅᔨᒪᓂᖃᒻᒪᕆᑦᑐᖅ ᐊᐅᓚᑦᓯᕐᔪᐊᕐᓂᕐᒥᑦ ᑎᒥᐅᔪᒥᑦ ᓄᓇᕘᒥ, ᑲᑎᒪᔨᐅᖃᐅᑕᐅᒋᓪᓗᓂ ᕿᑭᖅᑖᓗᒻᒥᑦ ᐱᓕᕆᕝᕖᑦ ᐱᕙᓪᓕᐊᑎᑕᐅᓂᖏᓐᓄᑦ ᑲᑐᔾᔨᖃᑎᒌᒃᑯᖏᓐᓄᑦ ᐊᒻᒪ ᓄᓇᕗᒻᒥ ᓇᒻᒥᓂᖃᖅᑐᓄᑦ ᑮᓇᐅᔭᖅᑖᕐᕕᐅᑉ ᑲᑐᔾᔨᖃᑎᒌᒃᑯᖏᓐᓄᑦ.
ᐃᖃᓗᐃᑦ, ᓄᓇᕗᑦ (ᔫᓂ 17, 2016) – ᓯᕗᓕᖅᑎ ᐲᑕ ᑕᑉᑑᓇ ᓇᓗᓇᐃᖅᓯᓯᒪᓕᖅᑐᖅ ᐊᓯᔾᔨᖅᑕᐅᓂᖏᓐᓂᒃ ᓄᓇᕗᒻᒥ ᐊᐅᓚᑦᓯᔩᑦ ᑲᑎᒪᔨᖏᑦ, ᓇᓗᓇᐃᖅᑕᐅᓯᒪᖁᓪᓗᒍ ᖃᓄᖅᑑᕈᑎᖃᖅᓯᒪᓂᒃᑯᑦ ᓯᕗᓕᖅᑎᐅᓂᕐᒧᑦ ᐱᔭᕇᖅᑕᐅᒍᓐᓇᖁᓪᓗᒋᑦ ᑐᕌᒐᖏᑦ ᓯᕗᒧᑦ ᐊᑉᓗᖅᑕ. ᐊᓯᔾᔨᖅᑕᐅᔪᑦ ᐊᑐᓕᓛᖅᑐᑦ ᔫᓂ 24, 2016.
“ᐱᓕᕆᖃᑎᒋᓚᐅᖅᑐᑎᒍ ᒥᓂᔅᑕᑖᖅᑲᐅᕗᑦ ᖃᐅᔨᓴᖅᐸᓪᓕᐊᓚᐅᖅᑐᑕᓗ ᐊᔾᔨᒌᙱᑦᑐᓂᒃ ᓴᙱᓂᖃᕐᓂᖏᓐᓂᒃ ᐊᑐᓂᑦ ᒥᓂᔅᑕᐃᑦ, ᐋᖅᑭᒋᐊᖅᓯᒪᔭᒃᑲ ᒥᓂᔅᑕᐅᕕᐅᔪᑦ ᒪᑭᑉᐹᓪᓕᒃᑲᓐᓂᖁᓪᓗᑕ ᑲᑐᔾᔨᖃᑎᒌᓕᒃᑲᓐᓂᕈᒪᓪᓗᑕᓗ,” ᐅᖃᖅᓯᒪᔪᖅ ᓯᕗᓕᖅᑎ ᑕᑉᑑᓇ.
ᒥᓂᔅᑕᐅᕕᐅᓂᐊᖅᑐᑦ ᐃᒪᐃᓕᖓᓂᐊᖅᑐᑦ:
ᓯᕗᓕᖅᑎ ᐲᑕ ᑕᑉᑑᓇ
ᐃᖃᓗᐃᑦ, ᓄᓇᕗᑦ (ᐊᐃᕆᓕ 5, 2016) – ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᑐᒃᓯᕋᓕᖅᐳᑦ ᐱᓇᔪᖁᔨᓪᓗᑎᒃ ᑐᒡᓕᐊᓂ ᐅᖅᓱᐊᓘᑉ ᐊᑭᖏᓐᓄᑦ ᓱᕐᕋᔾᔭᐃᒃᑯᑎᓄᑦ ᐅᑎᖅᑎᕕᐅᔾᔪᑎᒃᓴᓂᒃ 3.07¢ ᑭᓗᕚᑦ ᐃᑲᕐᕋᒧᑦ. ᐅᑎᖅᑎᕕᐅᔾᔪᑎᖃᓕᓚᐅᖅᐳᑦ ᐊᑭᒃᖠᕙᓪᓕᐊᖏᓐᓇᕐᓂᖓᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐅᖅᓱᐊᓗᖓᑕ ᐊᑭᖏᑦ.
“ᑐᒡᓕᐊᓂ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐅᖅᓱᐊᓗᖕᒧᑦ ᓱᕐᕋᔾᔭᐃᒃᑯᑎᒥᑦ ᐅᑎᖅᑎᕕᐅᔾᔪᑎᒃᓴᓄᑦ ᑐᒃᓯᕋᓕᖅᐳᑦ ᓄᕕᐱᕆ 2015-ᒥᑦ ᐱᒋᐊᖅᖢᓂ, ᓂᕆᐅᒃᐳᖓᓗ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓂᒃ ᐅᖃᓪᓚᖃᑎᖃᕈᒪᓪᓗᖓ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑐᒃᓯᕋᐅᑎᖓ ᐱᔾᔪᑎᒋᓗᒍ,” ᒪᓕᒐᓕᐅᖅᑎ ᔪᐊᔾ ᕼᐃᒃᔅ ᐅᖃᖅᑐᖅ, ᒥᓂᔅᑕ ᑲᒪᒋᔭᓕᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ.