“ᐊᓕᐊᓇᐃᒍᓱᒻᒪᕆᒃᐳᖓ ᑐᓴᖅᑎᑦᑎᔭᕆᐊᒃᓴᖅ ᐱᐊᓂᒃᑕᐅᓂᖏᓐᓂᒃ ᑕᒪᖕᒥᒃ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖᑕ ᐊᑭᑐᔫᑎᓄᑦ ᐱᓕᕆᐊᖏᓐᓂᑦ. ᑕᒪᓐᓇ ᒪᑭᒪᔾᔪᑎ ᐱᒻᒪᕆᐅᖕᒪᑦ ᐱᕙᓪᓕᐊᓂᒃᓴᖓᓄᑦ ᕿᑭᕐᑕᕐᔪᐊᖅ ᓄᓇᕗᓪᓗ,” ᐅᖃᖅᑐᕕᓂᖅ ᒪᓕᒐᓕᐅᖅᑎ ᔮᓂ ᒪᐃᒃ, ᒥᓂᔅᑕ ᑲᒪᒋᔭᓕᒃ ᖁᓪᓕᖅ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ (QEC) ᖃᒪᓂ’ᑐᐊᕐᒥᐅᓂᒃ ᑐᓴᖁᔨᕗᑦ ᖃᒥᙶᓛᕐᓂᖏᓐᓂᑦ ᕿᑎᖅᑰᒥ, ᒫᔾᔨ 16 12−ᒧᐊᖅᐸᑦ ᐅᓄᐊᒃᑯᑦ 2−ᒧᐊᕋᓱᖕᓂᖓᓄᑦ ᐅᓪᓛᒃᑯᑦ.
ᖃᒥᙶᕆᐊᖃᕐᓂᐊᖅᐳᑦ ᓄᑖᙳᕆᐊᖅᑕᐅᑎᓪᓗᒍ ᐊᐅᓚᔪᓐᓇᐅᑎᖏᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᖁᔭᓕᔪᒪᕗᑦ ᖃᒪᓂ’ᑐᐊᕐᒥᐅᓂᒃ ᑐᑭᓯᐅᒪᓂᖏᓐᓄᑦ ᒪᒥᐊᑉᐳᓪᓗ ᐊᑲᐅᙱᓕᐅᕈᑕᐅᒃᐸᑦ ᖃᒥᙶᖅᑎᓪᓗᒋᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ (QEC) ᐊᕐᕕᐊᕐᒥᐅᓂᒃ ᑐᓴᖁᔨᕗᑦ ᖃᒥᙶᓛᕐᓂᖏᓐᓂᑦ ᐱᖓᔪᐊᑦᒥ, ᒫᔾᔨ 15 12−ᒧᐊᖅᐸᑦ ᐅᓄᐊᒃᑯᑦ 2−ᒧᐊᕋᓱᖕᓂᖓᓄᑦ ᐅᓪᓛᒃᑯᑦ.
ᖃᒥᙶᕆᐊᖃᕐᓂᐊᖅᐳᑦ ᓄᑖᙳᕆᐊᖅᑕᐅᑎᓪᓗᒍ ᐊᐅᓚᔪᓐᓇᐅᑎᖏᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᖁᔭᓕᔪᒪᕗᑦ ᖃᒪᓂ’ᑐᐊᕐᒥᐅᓂᒃ ᑐᑭᓯᐅᒪᓂᖏᓐᓄᑦ ᒪᒥᐊᑉᐳᓪᓗ ᐊᑲᐅᙱᓕᐅᕈᑕᐅᒃᐸᑦ ᖃᒥᙶᖅᑎᓪᓗᒋᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ (QEC) ᑐᔅᓯᕋᖅᓯᒪᕗᑦ ᒥᓂᔅᑕᖓᓐᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑲᒪᔪᒥᑦ ᓄᑖᒥᑦ ᐅᖅᓱᐊᓗᖕᒧᑦ ᐊᑭᖏᑦ ᓱᕐᕋᔾᔭᐃᒃᑯᑎᓄᑦ (FSR) ᐅᑎᖅᑎᕝᕕᐅᓂᕐᒧᑦ ᐃᖏᕐᕋᓂᖓ 8.23 ᓴᓐᓰᑦ ᑭᓗᕚᑦ ᐃᑲᕐᕋᒧᑦ (Kwh) ᑐᔅᓯᕋᐅᑕᐅᔪᖅ ᐊᑐᕋᔭᖅᑐᖅ ᐅᓪᓗᖏᓐᓄᑦ ᐱᒋᐊᕐᕕᖃᕐᓗᓂ ᐊᐃᕆᓕ 1, 2017ᒥᑦ ᓰᑏᐱᕆ 30, 2017ᒧᑦ ᑭᓪᓕᖃᕐᓗᓂ.
ᑎᓴᒪᒋᓕᖅᑕᖓᓐᓂᑦ ᑕᕝᕙᓂ ᐊᕐᕌᒍᒥᑦ ᐊᕐᕌᒍᑕᒫᑦ ᑕᒪᓐᓇ ᐊᑐᖅᑕᐅᖃᑦᑕᖅᑐᖅ ᐅᕐᓱᐊᓗᖕᒧᑦ ᐊᑭᖏᑦ ᓱᕐᕋᔾᔭᐃᒃᑯᑎᓄᑦ ᐊᑭᖓᓐᓂᑦ ᐅᑎᖅᑎᑦᑎᕕᐅᓂᕐᒧᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑐᔅᓯᕋᐅᑎᒋᓯᒪᔭᖏᓐᓂᑦ ᓅᕖᕝᕙ 2015ᒥᑦ. ᑕᐃᒫᑦᑕᐅᖅ, ᑐᓴᕆᐊᕐᕕᖃᕐᓂᐊᖅᒥᔪᖓ ᓄᓇᕗᒻᒥᑦ ᐆᒻᒪᖅᑯᑏᑦ ᐊᑭᖏᓐᓂᑦ ᕿᒥᕐᕈᔩᑦ ᑲᑎᒪᔨᖏᓐᓂᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑐᔅᓯᕋᐅᑎᖓ ᐱᓪᓗᒍ, "ᐅᖃᖅᑐᖅ ᒪᓕᒐᓕᐅᖅᑎᑦ ᒥᓂᔅᑕ ᔮᓂ ᒪᐃᒃ, ᑲᒪᒋᔭᓕᒃ ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑎᒥᖁᑖᓂᒃ.
ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑎᒥᖁᑎᖓᑦ (QEC) ᒫᓐᓇᐅᔪᒥ ᐱᔪᒪᓕᖅᐳᑦ ᑐᒃᓯᕋᐅᑎᓂᒃ ᐃᓄᖕᓂ ᑲᑎᒪᔨᙳᕈᒪᔪᓄᑦ ᐊᕐᕌᒍᓄᑦ ᐱᖓᓱᓄᑦ ᐊᑯᓂᐅᓂᐅᔪᒥᑦ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦ ᑎᒥᖁᑎᐅᔪᑦ ᐅᑭᐅᖅᑕᖅᑐᒥ ᑎᒥᙳᖅᑎᑕᐅᓯᒪᕗᖅ ᓄᓇᕗᒻᒥ ᒐᕙᒪᒃᑯᓐᓂ. ᑎᒥᖁᑎᐅᔪᑦ ᑲᒪᒋᔭᖃᖅᐳᑦ ᐆᒻᒪᖅᑯᑎᓯᐅᖅᑎᓄᑦ ᐊᒻᒪᓗ ᓇᒧᙶᑎᖅᑕᐅᓂᖏᓐᓂᑦ ᐆᒻᒪᖅᑯᑎᓂᑦ ᓄᓇᕗᒻᒥ.
ᑐᒃᓯᕋᖅᑐᑦ ᓇᒃᓯᐅᔾᔨᓗᑎᑦ ᓯᕗᓂᐊᓂ ᑎᑎᖅᑲᒥᒃ ᐊᒻᒪ ᐃᖅᑲᓇᐃᔭᕐᓂᑯᕕᓂᕐᓂ ᑎᑎᕋᖅᓯᒪᔪᓂ ᐋᓕᒃᓵᑐᕋ ᒋᐊᕆᑦᒧᑦ ᐅᕗᖓ agarrett@qec.nu.ca ᒫᔾᔨ 31, 2017−ᒧᑦ.
###
ᓯᐊᒻᒪᖅᑎᑦᑎᒧᑦ ᖃᐅᔨᒋᐊᕐᕕᒃᓴᖅ:
ᓰᓚ ᐸᐸ
ᐊᐅᓚᑦᑎᔨ, ᑎᒥᖁᑎᐅᔪᓄᑦ ᐋᔩᖃᑎᒌᖕᓂᕐᒧᑦ
ᖁᓪᓕᖅ ᐆᒻᒪᖁᑎᓕᕆᔨᒃᑯᑦ
(867) 979-7534
ᖁᓪᓕᖅ ᐆᒻᒪᖅᑯᑎᓕᕐᔨᒃᑯᑦ ᖃᐅᔨᑎᑦᑎᔪᒪᕗᑦ ᑭᒻᒥᕈᒻᒥᐅᓂᒃ ᐆᒻᒪᖅᑯᓯᕆᔨᒃᑯᑦ ᐱᓕᕆᓂᐊᕐᒪᑕ ᐱᐅᓯᑎᑦᑎᒋᐊᕐᓗᑎᒃ ᐆᒻᒪᖅᑯᓯᓕᕆᕝᕕᖕᒥ ᐆᒻᒪᖅᑯᑎᓂᒃ ᐱᖓᔪᐊᓐᓂᑦ, ᕕᕝᕗᐊᕆ 22-ᒥᑦ ᕕᕝᕗᐊᕆ, 24-ᒧᑦ ᐅᓪᓗᑐᐃᓐᓇᕐᒧᑦ, ᐅᑯᐊ ᐃᑲᕐᕋᑦ ᐊᑯᓐᓂᖏᓐᓂ 8-ᐅᓛᖅ 6-ᒧᐊᕋᓱᖕᓂᖓᓄᑦ ᐅᓐᓄᖕᒧᑦ.
ᑖᒃᑯᐊ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖃᓄᐃᓕᖓᑎᑦᑎᓇᓱᐊᔾᔮᖏᑦᑐᑦ ᓄᓇᓕᖕᓂ ᐆᒻᒪᖅᑯᑎᖏᓐᓂᒃ, ᖃᒥᓚᐅᑲᑲᑕᖃᑦᑕᕐᓂᐊᖅᑑᒐᓗᐊᑦ ᕿᓚᒻᒥᐅᑦᑕᖅᑐᒃᑯᑦ ᐋᖅᑭᒃᓯᓇᓱᒃᑎᓪᓗᒋᑦ ᐊᑦᑕᑕᖅᑎᑦᑎᓇᓱᒡᓗᑎᒃ ᓄᑖᓂᒃ ᐆᒻᒪᖅᑯᑎᖃᐅᑎᓂᒃ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᕗᑦ ᓄᓇᓕᖕᒥᐅᓂᒃ ᑐᑭᓯᐅᒪᓂᖏᓐᓄᑦ ᑕᒪᑐᒥᖓ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ ᒪᒥᐊᑦᑐᒪᖕᒪᑕ ᑭᒻᒥᕈᒻᒥᐅᓄᑦ ᓂᕆᐅᒋᔭᐅᙱᑦᑐᑯᑦ ᖃᐅᒻᒪᖅᑯᑎᑦ ᖃᒥᙶᖃᑦᑕᓚᐅᕐᓂᖏᓐᓄ ᑕᕝᕙᓂ ᓄᓇᓕᖕᓂ.
ᐆᒻᒪᖅᑯᑎᒋᔭᐅᔪᑦ ᖃᒥᙶᓚᐅᑲᖃᑦᑕᓚᐅᕐᒪᑕ ᐱᓇᓱᐊᕈᓯᐅᓵᖅᑐᒥ ᑕᐃᒪᐃᔾᔪᑎᖃᖅᖢᑎᒃ ᓂᕆᐅᓇᙱᑦᑐᒃᑯᑦ ᐆᒪᖅᑯᒻᒧᑦ ᐃᓱᒪᒋᔭᒃᓴᖅᑕᖃᖃᑦᑕᓚᐅᕐᓂᖓᓄᑦ ᖃᐅᔨᓴᖅᑕᐅᑎᓪᓗᒋᑦ ᓄᑖᑦ ᐊᐅᓚᐅᑎᒋᔭᐅᓂᐊᓕᖅᑐᑦ. ᓄᑖᙳᕆᐊᖅᑕᐅᓂᖏᑦ ᐆᒻᒪᖅᑯᑎᖃᕐᕕᒋᔭᐅᔪᒥ ᐊᑐᖅᑕᐅᕙᒃᑐᑦ ᓂᕆᐅᒋᔭᐅᕗᑦ ᐱᔭᕇᖅᑕᐅᓛᕋᓱᒋᔭᐅᓪᓗᑎᒃ ᕕᕗᐊᕆ ᐃᓱᓕᑉᐸᑦ.
ᐋᖅᑭᒃᑕᐅᓯᒪᕙᒌᖅᑐᒥᒃ ᖃᒥᙶᖅᑎᑦᑎᔪᖃᕆᐅᖃᕐᓂᐊᖅᐸᑦ ᐱᔭᕇᖅᓯᔪᒪᓗᓂ ᓄᑖᙳᕆᐊᖅᑎᑕᐅᔭᕆᐊᓕᖕᓂᒃ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ ᓄᓇᓕᖕᒥᐅᓂᒃ ᑐᓴᖅᑎᑦᑎᓕᕋᔭᖅᑐᑦ ᓯᕗᓂᐊᒍᑦ ᓈᓚᐅᑎᒃᑯᑦ, ᑭᒃᑯᑐᐃᓐᓇᓄᑦ ᑐᓴᖅᕕᐅᔪᓐᓇᖅᐸᒃᑐᓄᑦ, ᖃᕆᑕᐅᔭᒃᑯᓪᓗ ᑎᑎᕋᖃᑦᑕᐅᑎᕝᕕᒃᑯᑦ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ ᖁᔭᓕᔪᒪᕗᑦ ᑭᒻᒥᕈᒻᒥᐅᓂᒃ ᑕᒪᑐᒥᖓ ᑐᑭᓯᐅᒪᓂᖏᓐᓂᒃ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ (QEC) ᑲᖏᖅᖠᓂᕐᒥᐅᓂᑦ ᐆᒻᒪᖅᑯᑎᓅᖅᑐᓄᑦ ᐊᑐᓗᐊᖅᑕᐃᓕᖁᔭᐅᓂᖓ ᐃᓱᓕᑦᑐᖅ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓴᓇᔨᖏᑦ ᓴᓇᔭᕆᐊᓕᓐᓂᑦ ᐱᐊᓂᒃᑐ ᐊᒻᒪᓗ ᖃᐅᔨᓴᖅᑕᐅᓂᖏᑦ ᐊᖏᓂᖅᐹᖏ ᐊᐅᓚᐅᑏᑦ ᑲᖏᖅᖠᓂᕐᒥ. ᓯᑕᒪᑦ ᑕᓪᓕᒪᓂᑦ ᐊᐅᓚᐅᑎᓂᑦ ᐊᐅᓚᓕᖅᑐᑦ ᓄᓇᓕᓐᓄᑦ ᓈᒪᑦᓯᔪᖅ ᓄᑭᓪᓚᐅᑎᖃᕈᓐᓇᕐᓂᖓ. ᓄᓇᓕᐅᔪᑦ ᐱᐅᓱᐊᕆᐊᖃᕈᓐᓃᖅᑐᑦ ᓄᑭᓪᓚᐅᑎᓂᑦ ᐊᐅᓚᐅᑏᑦ ᓂᕿᑦᑖᕆᐊᖃᔾᕙᔪᓐᓃᖅᑐᑦ ᖃᒥᖃᑦᑕᕐᓂᖓᓄᑦ.
ᖁᓪᓕᖅ ᐆᒻᒪᖁᓕᕆᔨᒃᑯᑦ ᖁᔭᓕᔪᑦ ᓄᓇᓕᓐᓂᑦ ᒪᓕᒍᓐᓇᑦᑎᐊᕐᓂᖏᓐᓄᑦ ᐊᑐᖁᔭᐅᔪᓂᑦ ᒫᓐᓇ ᐊᒻᒪ ᑐᑭᓯᓯᒪᔪᓐᓇᕐᓂᖏᓐᓄᑦ ᓄᑭᓪᓚᐅᑎᓂᒃ ᐊᑐᓗᐊᖅᑕᐃᓕᒪᑎᓪᓗᒋᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ (QEC) ᑲᖏᖅᖠᓂᕐᒥᐅᓂᑦ ᓱᓕ ᐊᑐᓗᐊᖅᑕᐃᓕᖁᔨᔪᑦ
ᐆᒻᒪᖅᑯᑎᓅᖅᑐᓂᑦ ᖃᒥᑲᑕᑦᑎᓪᓗᒋᑦ ᐆᒻᒪᖅᑯᑎᖏᑦ ᓇᓪᓕᑭᑕᕆᐊᑐᓂᐊᖏᒻᒪᑕ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐱᖓᓱᓂ ᐆᒻᒪᖁᑎᖏᓐᓂᑦ ᐊᑐᖅᑐᑦ ᑕᓪᓕᒪᐅᒻᒪᑕ ᐆᒻᒪᖅᑯᑏᑦ.
ᑕᐃᒃᑯᐊ ᐱᖓᓱᐃᑦ ᐆᒻᒪᖁᑏᑦ ᐊᐅᓚᑎᑕᐅᓂᐊᖅᑐᑦ ᓄᓇᓕᒃ ᐆᒻᒪᖁᑎᖃᖁᓪᓗᒍ ᑕᐃᒃᑯᐊᒃ
ᐊᐃᑉᐸᖏᒃ ᓴᓇᔭᐅᑎᓪᓗᒋᒃ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑐᓴᖅᑎᑦᑎᖃᑦᑕᓂᐊᕐᒥᔪᑦ ᖃᕆᓴᔭᐅᒃᑯᑦ ᑭᒃᑯᑐᐃᓐᓇᕐᓄᑦ
ᑕᑯᔭᔅᓴᐅᔪᓐᓇᖅᑐᓂᑦ ᐊᒻᒪ ᓄᓇᓕᖓᓐᓂᑦ ᑐᓴᐅᑎᖓᒍᑦ.
ᖁᓪᓕᖅ ᐆᒻᒪᖁᓕᕆᔨᒃᑯᑦ ᖁᔭᓕᔪᑦ ᓄᓇᓕᓐᓂᑦ ᒪᓕᒍᓐᓇᑦᑎᐊᕐᓂᖏᓐᓄᑦ ᐊᑐᖁᔭᐅᔪᓂᑦ
ᒫᓐᓇ ᐊᒻᒪ ᑐᑭᓯᓯᒪᔪᓐᓇᕐᓂᖏᓐᓄᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ (QEC) ᕿᓂᓕᖅᐳᑦ ᑲᑎᒪᔨᒃᓴᓂᒃ ᐅᑭᐅᓂᒃ ᐱᖓᓱᓂᒃ ᐊᑕᓇᔭᖅᑐᓂᒃ ᔮᓄᐊᕆ 7, 2017−ᒥ ᐱᒋᐊᕐᓗᓂ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᓄᓇᕘᓕᒫᒥ ᑯᐊᐳᕇᓴᒋᔭᐅᕗᑦ ᓄᓇᕗᑦ ᒐᕙᒪᖓᓂ ᓇᖕᒥᓂᕆᔭᐅᓪᓗᑎᒃ.
ᓄᓇᕗᒻᒥᐅᑦ ᐱᓕᕆᖃᑦᑲᑕᖅᓯᒪᔪᑦ ᓴᓇᔭᐅᓂᐊᖅᑐᓄᑦ ᐋᖅᑭᒃᓱᐃᔨᐅᓂᕐᒧᑦ, ᑮᓇᐅᔭᓕᕆᓂᕐᒧᑦ, ᐊᒻᒪ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᓇᔪᖁᔭᐅᕗᑦ.
ᐱᓇᔪᒍᒪᔪᑦ ᐃᕐᙲᓐᓈᖅᑕᐅᒃᑯᑦ ᓇᒃᓯᐅᔾᔨᖁᔭᐅᕗᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᑕ ᐅᓂᒃᑳᖓᓂᒃ ᐊᒻᒪ ᑎᑎᕋᖅᓯᒪᔪᒥᒃ ᐊᓕᒃᓵᓐᑐᕋ ᒋᐅᕋᑦᒧᑦ ᐅᕗᖓ agarrett@qec.nu.ca ᑎᓯᐱᕆ 30, 2016 ᑐᖔᓂ.