Latest News

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᖏᑦᑕ ᑎᒥᖁᑖ ᐃᖅᑲᐃᓯᔪᒪᕗᑦ ᓄᓇᕗᒻᒥᐅᓂᑦ ᐅᑯᓂᖓ ᐊᑐᖃᑦᑕᖁᔭᐅᓪᓗᑎᒃ ᐱᕐᕈᓗᐊᕿᖁᓇᒋᑦ ᐃᓅᔪᓐᓃᖁᓇᒋᓪᓗ ᐊᑦᑕᖕᓇᖅᑐᒦᑦᑕᐃᓕᓗᑎᒡᓗ ᐊᐅᓚᐅᑎᖃᕐᕕᖕᓂᑦ ᐅᐊᔭᖃᕐᕕᐅᔪᓂᒡᓗ:

• ᐊᐅᓚᐅᑎᖃᕐᕕᐊᓗᖕᓃᑉᐸᙱᓪᓗᓯ.
• ᓱᕋᒃᓯᒪᔪᓂᑦ ᑲᑕᒃᓯᒪᔪᓂᓪᓘᓐᓃᑦ ᐅᐊᔭᓃᑉᐸᙱᓪᓗᓯ.
• ᐅᐊᔭᖃᐅᖅᑐᓂᑦ ᐊᐅᓚᐅᑎᖃᕐᕕᐅᓪᓘᓐᓃᑦ ᖃᓂᒋᔮᓂᑦ ᑲᐃᑦᓂᑦ ᖃᖓᑕᑎᑦᑎᕙᙱᓪᓗᓯ. ᐃᓂᒃᓴᖅᓯᐅᖅᐸᒡᓗᓯ ᑭᓱᖃᙱᑦᑐᓂᑦ ᐊᖅᑯᑕᐅᙱᑦᑐᓂᑦ ᒥᕝᕕᐅᙱᑦᑐᓂᒡᓗ.

ᐅᖃᓘᑎᖃᖕᓂᐊᕐᓗᓂ ᓄᑭᓪᓚᐅᑎᓄᑦ ᑐᐊᕕᖕᓇᖅᑐᓄᑦ, ᐅᖄᓚᒋᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᖏᑦᑕ ᑎᒥᖁᑖᑕ ᐅᒃᑯᐃᖓᐃᓐᓇᐅᔭᖅᑐᑦ 24-ᐃᑲᕐᕋᓄᑦ ᑐᐊᕕᖕᓇᖅᑐᓄᑦ ᐅᖄᓚᕝᕕᐊᓄᑦ ᐅᕗᖓ 867-222- 3807.

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᖏᑦᑕ ᑎᒥᖁᑖ ᖁᔭᓕᔪᒪᕗᑦ ᓄᓇᕗᒻᒥᐅᓂᑦ ᐃᑲᔪᐃᓐᓇᖅᐸᖕᓂᖏᓐᓄᑦ ᓄᑕᖅᑲᑦ ᐊᐅᓚᐅᑎᖃᕐᕕᖕᓃᑎᑕᐅᕙᙱᓐᓂᖏᓐᓄᑦ ᐅᐊᔭᓂᒡᓗ.

ᖁᓪᓕᖅ ᐃᑯᒻᒪᖅᑯᑎᓕᕆᔨᒃᑯᑦ ᐸᖕᓂᖅᑑᕐᒥᐅᑦ ᑐᓴᐅᒪᑎᑦᑎᔪᒪᖕᒪᑕ ᓯᕙᑖᕐᕕᖕᒥᑦ, ᔫᓂ 10−ᒥᑦ ᖃᒥᓛᖅᒪᑕ ᐅᓪᓛᒃᑯᑦ 7-ᒥᑦ 10-ᒧᑦ.

ᖃᒥᓐᓂᐊᕐᓂᕆᔭᖓᑦ ᐋᖅᑭᒃᓱᐃᓕᒑᖕᒪᑕ ᓴᓇᔭᐅᓗᓂᓗ ᐊᐅᓚᐅᓯᕆᕝᕕᐊ.

ᖁᓪᓕᖅ ᐃᑯᒻᒪᖅᑯᑎᓕᕆᔨᒃᑯᑦ ᓄᓇᓕᖕᓂᒥᐅᑦ ᖁᔭᒋᔭᐅᔪᒪᕗᑦ ᑐᑭᓯᐅᒪᔪ1ᓐᓇᕋᒥᑦ ᒪᒥᐊᑉᐳᓪᓗ ᖃᓄᑐᐃᓐᓇᕐᓗ ᐊᕝᕕᐊᕈᑎᖃᕐᓂᕈᑎᑦ ᕿᓄᐃᓵᕈᓐᓇᕋᒥᑦ.

ᖁᓪᓕᖅ ᐃᑯᒻᒪᖅᑯᑎᓕᕆᔨᒃᑯᑦ ᑐᓴᖅᑎᑦᑎᔪᒪᖕᒪᑕ ᓄᓇᕗᒻᒥᐅᓂ ᐋᖅᑭᒃᓱᐃᓕᒑᓕᕐᒥᖕᒪᑕ ᓴᓇᓗᑎᒡᓗ.

ᖁᓪᓕᖅ ᐃᑯᒻᒪᖅᑯᑎᓕᕆᔨᒃᑯᑦ ᐃᑯᒻᒪᖅᑯᑎᖃᖅᐸᒃᑐᓄᑦ ᖃᒥᓛᓕᕐᒥᖕᒪᑕ ᓄᓇᓕᖕᓂᑦ ᑐᓴᖅᑎᑦᑎᕙᒌᕈᒪᖕᒪᑕ ᐅᖄᓪᓚᕝᕕᒃᑯᑦ, ᖃᕋᓴᐅᔭᒃᑯᑦ ᑐᓴᐅᒪᖃᑦᑕᐅᔾᔪᑎᖏᓐᓂᑦ ᐊᒻᒪ ᐃᕐᖏᓇᖅᓯᐅᑎᒃᑯᑦ.

ᐃᑯᒻᒪᖅᑯᑎᖃᖅᐸᒃᑐᑦ ᐊᑦᑕᕐᓇᖅᑐᒦᖁᓇᒋᑦ ᐃᑯᒻᒪᖅᑯᑎᖏᓪᓗ ᑲᒪᒋᔭᐅᑦᑎᐊᕐᓗᑎᑦ, ᖁᓪᓕᖅ ᐃᑯᒻᒪᖅᑯᑎᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᓴᓇᕙᒌᕈᒪᖕᒪᑕ ᓯᓚ ᐅᖅᑰᓯᔾᔪᒥᑎᓪᓗᒍ ᓱᕋᖅᓯᒪᔪᓂᑦ ᐅᐊᔭᖏᑦ ᐅᐊᔭᖃᕐᕕᐅᓯᐅᖑᔪᓪᓗ ᐋᖅᑭᒋᐊᖅᑕᐅᓗᑎᒡᓗ ᐊᒻᒪ ᓴᓇᔭᐅᓛᖅᑐᑦ ᑕᒪᕐᒥᑦ ᐃᑯᒻᒪᖅᑯᑎᓕᕆᔾᔪᑎᑦ.

ᖁᓪᓕᖅ ᐃᑯᒻᒪᖅᑯᑎᓕᕆᔨᒃᑯᑦ ᖁᔭᓕᔪᒪᕗᑦ ᓄᓇᕗᒻᒥᐅᑦ ᑐᑭᓯᔪᓐᓇᕐᒪᑕ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᑐᒃᓯᕋᐅᑎᓂᒃ ᐱᔪᓐᓇᖅᓯᕗᑦ ᐆᒻᒪᖅᑯᑎᓕᕆᔨᒃᑯᑦ ᐊᕐᕌᒍᑕᒫᖅᓯᐅᑦ ᓘᕋ ᐅᓪᓗᕆᐊᖅ ᒐᐅᑎᐅ ᐃᓕᓐᓂᐊᕈᑎᒃᓴᖅᑖᖅᑎᑦᑎᕙᒃᑐᑦ ᑮᓇᐅᔭᓂᒃ.

ᓄᓇᕗᒻᒥᐅᑦ ᐃᓕᓐᓂᐊᖅᑎᑦ ᓯᓚᑦᑐᖅᓴᕐᕕᖕᒧᑦ ᐊᑎᓕᐅᖅᑕᐅᓯᒪᔪᑦ ᐃᓕᓐᓂᐊᖃᑕᐅᓂᐊᖅᑐᑦ ᓯᑎᐱᕆ 2017-ᒥ ᐃᓕᓐᓂᐊᕐᓇᒥ ᐱᓇᔪᒍᓐᓇᖅᐳᑦ. ᓂᕈᐊᖅᑕᐅᓇᓱᒃᑐᓂᑦ ᐱᔪᒥᒋᔭᐅᔪᒥᑦ ᓂᕈᐊᕐᓂᐊᖅᐳᑦ ᐃᓕᓐᓂᐊᕈᑎᓕᕆᔪᓐᓇᑦᑎᐊᖅᑐᑦ ᒪᓕᒃᑕᐅᓗᑎᒃ ᐊᒻᒪ ᓄᓇᓕᖕᓂ ᐃᓚᒋᔭᐅᑦᑎᐊᖃᑦᑕᕐᓂᖓ.

$5000-ᓂᒃ ᐃᓕᓐᓂᐊᕈᑎᒃᓴᒧᑦ ᑐᒃᓯᕋᐅᑏᑦ ᐱᔭᐅᔪᓐᓇᕐᓂᐊᖅᐳᑦ ᔫᓂ 30, 2017−ᒧᑦ ᑎᑭᓪᓗᒍ.

ᑐᑭᓯᒋᐊᒃᑲᓐᓂᕈᒪᒍᕕᑦ ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᐱᓇᔫᑎᒥᒃ ᐱᔪᒪᒍᕕᑦ, ᐅᕗᖓ ᑕᑯᒋᐊᕐᓗᑎᑦ www.qec.nu.ca/about/community-involvement ᐅᕝᕙᓘᓐᓃᑦ ᐅᖄᓚᓗᑎᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑭᓕᖅᓱᐃᕙᒃᑐᓄᑦ ᑲᒪᒋᔭᖃᖅᐸᒃᑐᓄᑦ ᐅᖄᓚᓗᑎᑦ ᐅᕗᖓ 1-866-710-4200.

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᑐᓴᖁᔨᕗᑦ ᐃᑉᐱᐊᕐᔪᒻᒥᐅᓂᑦ ᖃᒥᙵᓂᖃᓛᖕᓂᖏᓐᓂᑦ ᓈᑦᑎᐅᖑᔭᒥᑦ, ᐃᐳᕈ 23ᖑᓕᖅᐸᑦ ᐅᓪᓛᑯᑦ 8−ᒥᑦ 10−ᒧᑦ ᐅᓪᓗᓗᐊᒃᑯᑦ. ᑲᒥᖓᓂᕆᓂᐊᖅᑕᖏᑦ ᓇᓗᓇᐃᖅᓯᒪᔪᑦ ᖁᖅᓱᖅᑐᒥᑦ ᐊᒥᐊᖅᓯᒪᔪ ᓄᓇᖑᐊᒥᑦ ᐊᑖᓂᑦᑐᒥᒃ.

ᑕᒪᓐᓇ ᖃᒥᙵᔭᕆᐊᖃᖕᒪᑦ ᓴᓇᔭᐅᓂᐊᕐᓂᖏᓐᓄᑦ ᐊᐅᓚᔪᓐᓇᐅᑎᖏᑦ.

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᖁᔭᓕᔪᒪᕗᑦ ᐃᑉᐱᐊᕐᔪᒻᒥᐅᓂᑦ ᑐᑭᓯᐅᒪᓂᖏᓐᓄᑦ ᒪᒥᐊᑉᐳᓪᓗ ᐊᑲᐅᙱᓕᐅᕈᑕᐅᒃᐸᑦ ᖃᒥᙵᑎᓪᓗᒋᑦ. ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᖁᔭᓕᔪᒪᕗᑦ ᐃᑉᐱᐊᕐᔪᒻᒥᐅᓂᑦ ᑐᑭᓯᐅᒪᓂᖏᓐᓄᑦ ᒪᒥᐊᑉᐳᓪᓗ ᐊᑲᐅᙱᓕᐅᕈᑕᐅᒃᐸᑦ ᖃᒥᙵᑎᓪᓗᒋᑦ.

ᐃᖃᓗᐃᑦ, ᓄᓇᕗᑦ (ᐊᐃᕐᕆᓕ 13, 2017) – ᒪᓕᒐᓕᐅᖅᑎ ᔮᓂ ᒪᐃᒃ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ ᒥᓂᔅᑕ (QEC) ᐅᓪᓗᒥ ᑐᓴᖅᑕᐅᑎᑦᑎᖅᑲᐅᕗᖅ ᓂᑰᓪ ᔫᕕᓐ ᑎᒃᑯᐊᖅᑕᐅᓂᖓᓂᒃ ᐆᒻᒪᖅᑯᑎᓕᕆᔨᒃᑯᑦ ᑲᑎᒪᔨᖏᓐᓄᑦ, ᐱᒋᐊᕐᕕᒃᓴᖃᖅᖢᓂ ᒫᔾᔨ 23, 2017-ᒥ.

ᒥᓂᔅᑕ ᒪᐃᒃ ᐃᓚᐃᔾᔭ ᐃᕙᓗᐊᕐᔪᖕᒥ ᑎᒃᑯᐊᖅᓯᒃᑲᓐᓂᓚᐅᖅᐳᖅ ᑲᑎᒪᔨᐅᖃᑕᐅᒃᑲᓐᓂᖁᓪᓗᓂᐅᒃ ᔭᓄᐊᕆ 7, 2017−ᖑᑎᓪᓗᒍ ᐊᐃᑉᐸᖓᓂ ᐅᑭᐅᓄᑦ ᐱᖓᓱᒃᑲᓐᓂᕐᓄᑦ ᑲᑎᒪᔨᐅᖃᑕᐅᒃᑲᓐᓂᕐᓂᐊᖅᖢᓂ. ᐃᓚᐃᔾᔭ ᐃᕙᓗᐊᕐᔪᒃ ᑎᒃᑯᐊᖅᑕᐅᓚᐅᖅᓯᒪᒋᓪᓗᓂ ᑲᑎᒪᑎᑦᑎᔨᙳᖅᑎᑕᐅᓪᓗᓂ ᑲᑎᒪᔨᓄᑦ ᔫᓂ 2016−ᒥ ᑲᑎᒪᑎᑦᑎᔨᐅᓚᐅᖅᐳᖅ.

ᐃᖃᓗᐃᑦ, ᓄᓇᕗᑦ (ᐊᐃᕆᓕ 3, 2017) –ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖᑕ (ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ) ᑭᒡᒐᖅᑐᐃᔨᖏᑦ ᑲᑎᖃᑎᖃᓚᐅᖅᐳᑦ ᓄᓇᓕᖕᒥᐅᑦ ᑭᒡᒐᖅᑐᖅᑎᖏᓐᓂᑦ ᓄᓇᓕᖕᒥᐅᑕᓂᓪᓗ ᐅᓪᓗᒥ ᖁᕕᐊᓲᑎᖃᖕᓂᐊᖅᖢᑎᒃ ᐅᒃᑯᐃᖅᑕᐅᑦᑎᐊᖕᓂᖓ ᓄᑖᖅ ᐸᖕᓂᖅᑑᑉ ᐊᐅᓚᐅᑎᖃᕐᕕᖓᓂ. ᓯᕗᓪᓕᐅᓚᐅᖅᑐᖅ ᐊᐅᓚᐅᑎᖃᕐᕕᒃ, ᓇᑉᐸᖅᑎᑕᐅᓚᐅᖅᑐᖅ 1971−ᒥᑦ, ᐃᑯᒪᒧᑦ ᓇᐅᙳᓚᐅᖕᒪᑦ ᐊᐃᕆᓕ 2015−ᒥᑦ.

“ᖁᔭᓕᔪᒪᕗᖓ ᐸᖕᓂᖅᑑᖕᒥᐅᑕᓂᑦ ᐃᑲᔪᖅᑐᐃᒻᒪᕆᖕᓂᕆᓚᐅᖅᑕᖏᓐᓂᑦ ᕿᓄᐃᓵᖕᓂᕆᓚᐅᖅᑕᖏᓐᓄᓪᓗ ᑖᒃᑯᐊ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦ ᐊᓯᔾᔨᖅᓯᑎᓪᓗᒋᑦ ᑐᙵᕕᐊᓂᑦ ᖁᓛᓄᑦ,” ᐅᖃᓚᐅᖅᑐᖅ ᒪᓕᒐᓕᐅᖅᑎ ᔮᓂ ᒪᐃᒃ, ᑲᒪᒋᔭᓕᒃ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᓐᓂᑦ. “ᐊᓕᐊᓇᐃᒍᓱᑦᑎᐊᖅᑐᖓ ᓄᓇᓕᖕᒥᐅᑦ ᒫᓐᓇ ᖃᓄᐃᙱᑦᑎᐊᖅᑐᒥᑦ ᐊᑐᒐᒃᓴᓂᒡᓗ ᐆᒻᒪᖅᑯᑎᖃᕈᓐᓇᓕᖕᒪᑕ ᐊᑐᖅᑐᒻᒪᕆᒃ ᐸᖕᓂᖅᑑᑉ ᐱᕙᓪᓕᐊᓂᖓᓄᑦ ᖃᓄᐃᙱᑦᑎᐊᖕᓂᖓᓄᓪᓗ.”

ᐃᖃᓗᐃᑦ, ᓄᓇᕗᑦ (ᒫᔾᔨ 22, 2017) – ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᐊᓕᐊᓇᐃᒍᓱᑦᑐᑦ ᐊᓯᔾᔨᖅᓯᓛᓕᕐᒪᑕ ᐊᖅᑯᑎᓃᑦᑐᓂ ᖃᐅᒻᒪᖅᑯᑎᓂ ᐃᖃᓗᓐᓂ, ᐃᖃᓗᒃᑑᑦᑎᐊᕐᒥ ᖁᕐᓗᖅᑑᕐᒥᓗ ᓄᑖᖑᓂᖅᓴᐅᔪᓂᒃ ᐆᒻᒪᖅᑯᑎᓂ ᐊᑐᖏᓐᓂᖅᓴᐅᔪᓂ (LED) ᐊᖅᑯᑎᓄᑦ ᖃᐅᒻᒪᖅᑯᑎᓂᑦ 2017 ᐃᓱᓕᓚᐅᙱᓐᓂᖓᓂ.

ᐃᓱᒪᓕᐅᕐᓂᐅᔪᖅ ᐊᑐᖔᕐᓂᕐᒥᑦ ᐆᒻᒪᖅᑯᑎᓂ ᐊᑐᖏᓐᓂᖅᓴᐅᔪᓂ ᖃᐅᒻᒪᖅᑯᑎᓂ ᑕᐃᒪᐃᓕᖓᓕᓚᐅᖅᑐᖅ ᐆᑦᑐᖅᑳᓚᐅᖅᑐᑎ ᐱᓕᕆᐊᒥᑦ 2015ᒥ ᖃᐅᔨᓴᖅᑳᓚᐅᕐᒪᑕ ᖃᓄᑎᒋ ᐆᒻᒪᖅᑯᑎᓂ ᐊᑐᖏᓐᓂᖅᓴᐅᒐᔭᕐᒪᖔᑦ ᐊᖅᑯᑎᒦᑦᑐᑦ ᖃᐅᒻᒪᖅᑯᑎᓂ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖃᐅᔨᑎᑦᑎᔪᒪᕗᑦ ᐸᓐᓂᖅᑑᕐᒥᐅᓐᒃ ᐆᒻᒪᖅᑯᑎᖏᑦ ᖃᒥᖔᖃᑦᑕᓚᐅᑲᓛᕐᒪᑕ ᐱᕙᒌᔭᖅᑕᐅᓯᒪᔪᒃᑯᑦ ᐅᑯᓇᓂ ᐅᓪᓗᓂ:

ᐅᓪᓗᑐᐃᓐᓇᖅ, ᒫᑦᓯ 24, 5 –ᒥᑦ ᐅᓐᓄᒃᓴᒃᑯᑦ 9-ᒧᐊᕋᓱᖕᓂᖓᓂ
ᓯᕙᑖᕐᕕᒃ, ᒫᑦᓯ 25, 1-ᒥᑦ ᐅᓐᓄᒃᓴᒃᑯᑦ 5-ᒧᐊᕋᓱᖕᓂᖓᓂ
ᓈᑦᑏᖑᔭ, ᒫᑦᓯ 26, 1-ᒥᑦ 5-ᒧᐊᕋᓱᖕᓂᖓᓂ

ᖃᒥᓐᓂᐅᑲᑕᓛᖅᑐᑦ ᐱᔭᕆᐊᖃᖅᑎᑕᐅᔪᑦ ᖃᐅᔨᓴᖅᓯᔭᕆᐊᖃᖅᑎᓪᓗᒋᑦ ᓄᑖᓂᒃ ᐆᒻᒪᖅᑯᑎᖃᐅᑎᑖᓂᒃ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᔪᒪᕗᑦ ᓄᓇᓕᖕᒥᐅᓂᒃ ᑐᑭᓯᐅᒪᓂᖏᓐᓄᑦ ᐊᒻᒪᓗ ᒪᒥᐊᑉᐳᑦ ᐊᑲᐅᙱᓪᓕᐅᕈᑎᖃᖅᑐᖃᕋᔭᖅᐸᑦ ᑕᐃᒪᐃᓕᐅᖅᑎᓪᓗᒋᑦ.

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑐᓴᖅᑎᑦᑎᔪᒪᔪᑦ ᐅᖅᓱᖅᑑᖕᒥᐅᑕᓂᑦ ᖃᒥᙵᓛᖕᓂᖓᓂ ᐃᓚᖓᓐᓂᑦ ᓄᓇᓖᑦ ᐱᖓᔪᐊᓐᓂᑦ ᒫᑦᓯ 22 2−ᒥᑦ 3−ᒧᑦ ᐅᓐᓄᐊᒃᑯᑦ. ᓇᓕᐊᒃ ᖃᒥᓐᓂᐊᖕᒪᖔᖏᑦ ᓇᓗᓇᐃᔭᖅᓯᒪᕗᑦ ᓄᓇᙳᐊᒥᑦ ᐊᑕᔪᒥᑦ.

ᖃᒥᑕᐅᔭᕆᐊᖃᖕᒪᑕ ᓴᓇᔭᐅᓂᐊᕐᓂᖓ ᐊᐅᓚᐅᑎᖃᕐᕕᒃ.

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᔪᒪᕗᑦ ᖁᕐᓗᖅᑑᖕᒥᐅᓂᑦ ᑐᑭᓯᐊᓂᖏᓐᓄᑦ ᒪᒥᐊᑉᐳᒍᓪᓗ ᐊᑲᐃᓪᓕᐅᕈᑕᐅᓂᐊᖅᐸᑦ ᖃᒥᙵᑎᓪᓗᒋᑦ.