ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᑭᒻᒥᕈᒻᒥᐅᓂᒃ ᑐᓴᐅᒪᖁᔨᕗᑦ ᐸᕐᓇᒃᑕᐅᓯᒪᓪᓗᓂ ᖃᒥᙶᕐᓂᐊᕐᒪᑕ ᓈᑦᑎᖒᔭᒥ, ᒪᐃ 23, 8:00-ᒥᑦ 10:00-ᒧᑦ ᐅᓪᓛᒃᑯᑦ. ᖃᒥᙶᕐᓂᐊᖅᑐᑦ ᓄᓇᙳᐊᒥ ᐊᑖᓂ ᖁᖅᓱᖅᑕᒥᑦ ᓇᓗᓇᐃᖅᓯᒪᕗᑦ.
ᖃᒥᙶᕆᐊᖃᕐᓂᐊᖅᐳᑦ ᐊᑦᑕᕐᓇᖏᑦᑐᒃᑯᑦ ᐊᑦᑕᑕᖅᑎᑦᑎᓂᐊᕐᒪᑕ ᐃᒡᓗᖁᑎᑖᓵᒥᑦ ᐆᒻᒪᖅᑯᑎᖃᖅᑎᑦᑎᔾᔪᑎᖓᓂ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᕗᑦ ᓄᓇᓕᖕᒥᐅᑦ ᑐᑭᓯᐅᒪᔪᓐᓇᕐᒪᑕ, ᒪᒥᐊᑉᐳᓪᓗ ᐊᑲᐅᙱᓕᐅᕈᑕᐅᓐᓂᖅᐸᑦ ᖃᒥᙶᖅᑎᓪᓗᒋᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐴᓱ
ᐊᐅᓚᑦᓯᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7524
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓄᓇᕗᒻᒥᐅᓂᒃ ᑐᓴᖅᑎᑦᑎᔪᒪᕗᑦ ᐊᑭᓕᖅᓱᐃᔨᓂᑦ ᐃᑲᔪᖅᑐᐃᔨᑦ ᐊᑐᐃᓐᓇᐅᖕᒪᑕ ᐊᑭᓕᖅᓱᐃᔨᑦ ᐃᑲᔪᖅᑕᐅᖁᓪᓗᒋᑦ ᓄᕙᒡᔪᐊᕐᓇᖅ-19−ᒥ ᖃᓂᒪᓐᓇᐅᑎᓪᓗᒍ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᓯᔾᔩᔪᓐᓇᖅᑎᑦᑎᓂᐊᖅᐳᑦ ᐊᑭᓕᐅᑕᐅᔪᓐᓇᖅᑐᓂᒃ ᐃᒡᓗᓂᒃ ᐊᒻᒪ ᑮᓇᐅᔭᓕᐅᕋᓱᒃᑎᓂᑦ ᐊᑭᓕᖅᓱᐃᕙᒃᑐᓂᑦ ᑕᒪᐃᓐᓂᒃ ᑕᖅᑭᑕᒫ ᖃᐅᒻᒪᖅᑯᑎᖓᓂᒃ ᐊᑭᓖᔪᓐᓇᙱᑦᑐᓂᒃ. ᖄᖏᐅᑎᔪᑦ ᐊᑭᓕᕆᐊᓕᖕᒥᓂᒃ ᐊᑭᓕᕆᐊᓖᑦ ᖁᔭᓈᖅᑕᐅᓂᐊᕆᕗᑦ ᐊᑭᓕᖅᓱᐃᔨᓄᑦ ᑖᓐᓇ ᐊᑐᕐᓗᒍ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑖᒃᑯᓂᖓ ᐋᖅᑭᒃᓱᖅᓯᒪᔪᓂᒃ ᐊᑐᐃᓐᓇᐅᑎᑦᑎᓚᐅᑲᑐᐃᓐᓇᖅᑐᑦ ᐃᓛᒃᑰᖅᑕᖅᖢᑎᒃ ᐊᑭᓕᖅᓱᐃᔨᑦ ᑮᓇᐅᔭᐃᔭᙱᓐᓂᖅᓴᐅᖁᓪᓗᒋᑦ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᓕᓴᖅᓯᕗᑦ ᑕᒪᓐᓇ ᐊᒃᓱᕈᕐᓇᖅᑐᖅᓯᐅᕈᑕᐅᖕᒪᑦ ᐅᓄᖅᑐᓄᑦ ᓄᓇᕗᒻᒥᐅᓄᑦ ᐊᒻᒪ ᐃᑲᔪᖅᑐᐃᔪᒪᓪᓚᑦᑖᖅᐳᑦ ᐊᑭᓕᖅᓱᐃᔨᓂᑦ ᐊᔪᕐᓇᙱᑦᑕᕌᖓᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑐᒃᓯᕋᐅᑎᓂᒃ ᐱᔪᒪᕙᓪᓕᐊᓕᕐᒥᔪᑦ ᐊᕐᕌᒍᑕᒫᑦ ᐊᑐᖅᑕᐅᖃᑦᑕᖅᑐᖅ ᑯᐊᐳᕇᓴᒃᑯᑦ ᓘᕋ ᐅᓪᓗᕆᐊᖅ ᒍᑎᐊᐃ ᐃᓕᓐᓂᐊᕈᑎᒃᓴᒧᑦ ᑮᓇᐅᔭᑦ.
ᐱᓇᔪᖕᓂᐊᕐᓗᓂ ᑭᖑᓪᓕᖅᐹᖅ ᐅᓪᓗᕆᔪᓐᓇᖅᑕᖓ ᐊᕐᕌᒍᑕᒫᑦ $5000−ᓂᒃ ᐃᓕᓐᓂᐊᕈᑎᒃᓴᖅᑖᕆᔭᐅᖃᑦᑕᖅᑐᓂᒃ ᔫᓂ 30, 2021−ᖑᕗᖅ.
ᓄᓇᕗᒻᒥᐅᑦ ᐃᓕᓐᓂᐊᖅᑏᑦ ᐃᓕᓐᓂᐊᖃᑦᑕᖅᑐᑦ ᐃᓕᓐᓂᐊᕕᖕᓂ ᐃᓕᓐᓂᐊᕌᓪᓚᓚᐅᕐᓗᓂ ᐃᓕᓐᓂᐊᒃᑲᓐᓂᕈᒪᓂᕐᒧᑦ ᐱᓕᕆᐊᖑᕙᒃᑐᒧᑦ ᓯᑎᐱᕆ 2021−ᒧᑦ ᐃᓕᓐᓂᐊᕐᓇᒧᑦ ᐊᔪᖅᑎᑕᐅᙱᓚᑦ ᐱᓇᔪᒋᐊᒃᓴᖅ. ᐱᓇᓱᐊᖃᑕᐅᔪᑦ ᓂᕈᐊᖅᑕᐅᓂᖏᑦ ᑐᙵᕕᖃᕐᓂᐊᖅᑐᑦ ᐃᓕᓐᓂᐊᖅᑎᐊᖃᑦᑕᖅᓯᒪᓂᖏᑦ ᐊᒻᒪ ᓄᓇᓕᖕᓂᑦ ᐃᓚᒋᔭᐅᓇᓱᑦᑎᐊᖃᑦᑕᕐᓂᖏᑦ ᐱᓕᕆᑎᑦᑎᔪᖃᖅᑎᓪᓗᒍ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ (QEC) ᑐᓴᖅᑎᑦᑎᔪᒪᕗᑦ ᓄᓇᕗᒻᒥᐅᓂ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᓄᑖᙳᖅᑎᕆᓂᕐᒧᑦ ᐋᖅᑭᐅᒪᑎᑦᓯᓂᕐᒧᓪᓗ ᐱᒋᐊᖅᐸᓪᓕᐊᓯᒪᓕᖅᑐᑦ.
ᐅᖅᑰᓇᕐᓂᖅᓴᐅᓕᕋᐃᒻᒪᑦ ᓯᓚ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐱᔭᕇᖅᓯᖃᑦᑕᖅᑐᑦ ᓴᓇᔭᐅᓂᖏᓐᓄᑦ, ᓄᑖᙳᕆᐊᖅᑕᐅᓂᖏᓐᓄᑦ ᐋᖅᑭᐅᒪᑎᑦᓯᓂᕐᒧᓪᓗ ᐆᒻᒪᖅᑯᑎᖃᕐᕕᓐᓂᑦ ᐆᒻᒪᖅᑯᑏᓪᓗ ᐅᐊᔭᖏᓐᓂᑦ ᐊᑐᖅᑕᐅᔪᓂᑦ. ᑖᓐᓇ ᐱᓕᕆᐊᖑᔭᕆᐊᖃᕐᒪᑦ ᓇᓗᓇᐃᖅᓯᓂᕐᒧᑦ ᐆᒻᒪᖅᑯᑎᖃᖅᑏᑦ ᐊᑦᑕᕐᓇᙱᑦᑐᒥ ᑕᑎᒋᔭᒃᓴᐅᔪᒥᓪᓗ ᐆᒻᒪᖅᑯᑎᖃᕐᕕᖃᕐᓂᕐᒥᑦ ᐊᕐᕌᒍᓕᒫᒥ. ᐆᒻᒪᖅᑯᑎᖃᖅᑏᑦ ᖃᐅᔨᒃᑲᖅᑕᐅᖃᑦᑕᕐᓂᐊᖅᑐᑦ ᐆᒻᒪᖅᑯᑏᑦ ᖃᒥᑦᑕᐅᓂᐊᓕᖅᑎᓪᓗᒋᑦ ᓈᓚᐅᑎᒃᑯᑦ, ᐃᓄᓐᓄᑦ ᑐᓴᐅᒪᔾᔪᑎᑎᒍᑦ, ᐃᕐᖐᓐᓈᖅᑕᐅᑎᒃᑯᓪᓗᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑐᓴᖅᑎᑦᑎᔪᒪᖕᒪᑕ ᐅᖅᓱᖅᑑᖕᒥᐅᓂᒃ ᖃᒥᙶᓛᕐᓂᖏᓐᓂᒃ ᓇᒡᒐᔾᔭ, ᒪᐃ 3 1:00−ᒥ 4−ᒧᑦ ᐅᓪᓗᒃᑯᑦ. ᐊᒃᑐᖅᑕᐅᓂᐊᖅᑐᑦ ᓇᓗᓇᐃᖅᓯᒪᕗᑦ ᓄᓇᙳᐊᒥᑦ ᐊᑖᓂ.
ᑕᒪᓐᓇ ᖃᒥᙶᕐᓂᕆᔭᐅᔪᖅ ᑕᐃᒪᐃᑦᑕᕆᐊᖃᖅᐳᖅ ᐱᓕᕆᔪᖃᕐᓂᐊᕐᓂᖓᓄᑦ ᐋᖅᑭᐅᒪᑦᑎᐊᕆᐊᖃᕐᓂᖏᓐᓄᑦ ᐱᐅᓯᕚᓪᓕᕐᓗᑎᑦ ᓱᕋᒃᑕᙱᓐᓂᖅᓴᐅᖁᓪᓗᒋᑦ ᐆᒻᒪᖁᑎᖃᖅᑎᑦᑎᓂᕆᔭᖏᑦ ᑖᒃᑯᓇᙶᖓᔪᑦ ᐃᑯᒪᖏᓐᓂᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐅᖅᓱᖅᑑᕐᒥᐅᓂᒃ ᖁᔭᓕᔪᒪᕗᑦ ᑐᑭᓯᐅᒪᔪᓐᓇᕐᒪᑕ ᒪᒥᐊᑉᐳᓪᓗ ᐊᑲᐅᙱᓪᓕᐅᖅᑎᑦᑎᓐᓂᕈᑎᒃ.
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐴᓱ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ
(867) 979-7524
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐱᓇᔪᒃᓯᒪᓕᖅᑐᑦ ᐅᖅᓱᐊᓗᒃᑖᖅᐸᒃᑐᑦ ᐅᑎᖅᑎᑦᑎᑦᕕᐅᖁᓪᓗᒋᑦ ᐅᖅᓱᐊᓗᖕᒧᑦ ᓱᕐᕋᔾᔭᐃᒃᑯᑎᒥᒃ 1.29 ᓴᓐᓯᒥᑦ ᑭᓗᕚᑦ ᐃᑲᕐᕋᒧᑦ ᐊᐃᕐᕆᓕ 1-ᒥᑦ ᓯᑎᐱᕆ 30−ᒧᑦ, 2021. ᐅᖅᓱᐊᓗᖕᒧᑦ ᐊᑭᖓ ᐊᑭᓕᒃᑲᓐᓂᕆᐊᖃᓲᖑᕗᖅ ᐅᕝᕙᓘᓐᓃᑦ ᐅᑎᖅᑎᒐᒃᓴᐅᓲᖑᕗᖅ ᐊᑭᓕᖅᓱᐃᔨᑦ ᐊᑭᓕᒃᓴᖓᓂᒃ ᐊᔾᔨᒌᙱᓐᓂᖓᓂ ᑕᑯᒃᓴᐅᑎᑦᑎᔪᒪᓪᓗᑎᒃ ᐅᖅᓱᐊᓘᑉ ᐊᑭᖓ ᐆᒻᒪᖅᑯᑎᑦ ᐊᑭᓕᒐᒃᓴᖓᓃᑦᑐᖅ ᐊᑭᓪᓚᑦᑖᖓᓗ ᐊᑭᓕᖅᓱᖅᑕᐅᔪᖅ ᐆᒻᒪᖅᑯᑎᓕᕆᔨᒃᑯᓐᓄᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓇᓚᐅᑦᑖᖅᓯᒪᔪᒥᒃ ᐊᑭᓕᒐᒃᓴᖅᑖᖅᑎᑦᑎᓂᐊᖅᑐᑦ ᑭᙵᕐᒥᐅᓂᑦ ᐊᐃᕐᕆᓕ 1-ᒥᑦ 30-ᒧᑦ ᐊᑭᓕᒃᓴᖅᑖᕆᔭᖓᓄᑦ. ᐆᒻᒪᖅᑯᑎᓄᑦ ᖃᐅᔨᓴᕈᑎᑦ ᐱᓕᕆᐊᖑᔾᔮᙱᑦᑐᑦ ᐆᒻᒪᖅᑯᑎᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᑭᙵᕐᒥᐅᓪᓗ ᓴᐳᔾᔭᐅᓯᒪᖁᓪᓗᒋᑦ ᐆᒻᒪᖅᑯᑎᓕᕆᔨᒃᑯᑦ ᐊᑦᑕᕐᓇᙱᑦᑐᒥᒃ ᐱᕐᔪᐊᓂᒡᓗ ᐱᔨᑦᑎᕋᕆᐊᖃᖅᑎᓪᓗᒋᑦ.
ᓇᓚᐅᑦᑖᖅᓯᒪᔪᑦ ᐆᒻᒪᖅᑯᑎᓄᑦ ᖃᐅᔨᓴᕈᓯᑦ ᖃᐅᔨᓴᖅᑕᐅᓲᖑᕗᑦ ᐊᑐᖅᑕᐅᓪᓗᑎᒃ ᑕᖅᑭᐅᓚᐅᖅᑐᒥᒃ ᐆᒻᒪᖅᑯᑎᑐᕈᑕᐅᓚᐅᖅᑐᑦ. ᓇᓚᐅᑦᑖᖅᓯᒪᔪᑦ ᐊᑭᑐᓂᖅᓴᐅᑐᐃᓐᓇᕆᐊᖃᖅᐳᑦ ᐊᑭᑭᓐᓂᖅᓴᐅᓗᑎᒡᓘᓐᓃᑦ ᐆᒻᒪᖅᑯᑎᑐᕈᑎᖓ, ᑭᓯᐊᓂ ᐊᔾᔨᒌᙱᓐᓂᖓ ᐋᖅᑭᒋᐊᖅᑕᐅᓛᖅᑐᖅ ᑭᖑᓪᓕᕐᒥ ᑕᖅᑭᒥᒃ ᖃᐅᔨᓴᖅᑕᐅᓕᕐᒥᒃᐸᑕ.
ᑕᖅᑭᑕᒫᑦ ᖃᐅᒻᒪᖅᑯᑎᓄᑦ ᐊᑭᓕᒃᓴᖅᑖᕆᔭᐅᕙᒃᑐᑦ ᐃᖃᓗᖕᓂ ᓱᓕ ᖃᐅᔨᓴᖅᑕᐅᖃᑦᑕᕐᓂᐊᖅᐳᑦ ᖃᕆᓴᐅᔭᒨᑐᒥᒃ ᖃᐅᔨᓴᕈᑎᒥᒃ ᐊᑐᕐᓗᑎᒃ ᐆᒻᒪᖅᑯᑎᑐᕈᓯᖓᓂ ᖃᐅᔨᓇᓱᒋᐊᖃᙱᓪᓗᑎᒃ ᖁᓪᓕᒃᑯᑦ ᐃᖅᑲᓇᐃᔭᖅᑎᖏᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᐃᓕᓐᓂᐊᖅᑎᓂᑦ ᐊᐅᔭᒃᑯᑦ ᐃᖅᑲᓇᐃᔭᓚᐅᑲᒍᒪᔪᑦ ᐱᓇᔫᑎᖏᓐᓂᒃ ᐱᔪᓐᓇᖅᓯᕗᑦ. ᐃᓕᓐᓂᐊᖅᑏᑦ ᐃᓕᓐᓂᐊᕐᕕᐊᓗᖕᒥ, ᓯᓚᑦᑐᖅᓴᕐᕕᖕᒥ ᓯᓚᑦᑐᖅᓴᕐᕕᒡᔪᐊᕐᒥᓪᓘᓐᓃᑦ ᐃᓕᓐᓂᐊᕐᓂᐊᖅᑐᑦ ᐅᑭᐊᒃᓵᖅ 2021−ᒥ ᐱᓇᔪᒍᓐᓇᖅᐳᑦ.
ᐊᐅᔭᒃᑯᑦ ᐃᓕᓐᓂᐊᖅᑎᓂᑦ ᐃᖅᑲᓇᐃᔭᖅᑎᑦᑎᓚᐅᑲᖃᑦᑕᖅᑐᑦ ᐃᓕᓐᓂᐊᖅᑎᓂᑦ ᑲᑎᙵᑎᑦᑎᖃᑦᑕᖅᐳᑦ ᓴᓇᕕᖕᓂ ᐱᓕᕆᔨᒻᒪᕆᖕᓂᑦ ᐃᑲᔪᖅᑐᐃᔪᓂᒃ ᖃᐅᔨᕙᓪᓕᐊᓪᓗᑎᒃ, ᐊᔪᕈᓐᓃᖅᓴᖅᖢᑎᒃ ᐱᓕᕆᔪᓐᓇᖅᓯᕙᓪᓕᐊᓪᓗᑎᒡᓗ ᐱᔭᕆᐊᓕᖏᓐᓂᒃ ᐃᖅᑲᓇᐃᔭᖅᑎᙳᖅᐸᓪᓕᐊᓂᐊᕐᓗᑎᒃ.
ᑐᑭᓯᒋᐊᒃᑲᓐᓂᕈᒪᒍᕕᑦ ᖃᕆᓴᐅᔭᒃᑯᓪᓗ ᐱᓇᔫᑎ ᐱᔪᒪᒍᕕᐅᒃ, ᐅᕗᖓ ᑕᑯᒋᐊᕐᓗᑎᑦ, www.qec.nu.ca.
ᐱᓇᔪᒍᒪᒍᕕᑦ, ᑎᑎᕋᓚᐅᕐᓗᒍ ᐱᓇᔫᑎ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᑎᑎᕋᖅᓯᒪᔪᑦ ᐅᕗᖓ ᓇᒃᓯᐅᑎᓗᒋᑦ: summeremployment@qec.nu.ca ᒪᐃ 7, 2021 ᑐᖔᓂ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑐᓴᖅᑎᑦᑎᔪᒪᕗᑦ ᐃᖃᓗᖕᒥᐅᓂᒃ ᐱᔨᑦᑎᕋᖅᑕᐅᕝᕕᖓ ᑎᑎᕋᕐᕕᒃ ᒪᑐᓯᒪᓂᐊᓕᕐᓂᖓᓂᒃ ᐅᖃᐅᓯᐅᒃᑲᓐᓂᓚᐅᙱᓐᓂᖓᓂ.
ᑯᐊᐳᕇᓴᒃᑯᑦ ᐊᑦᑕᕐᓇᙱᑦᑐᒥᒃ ᐊᑐᑦᑎᐊᕈᓐᓇᖅᑐᒥᒡᓗ ᐆᒻᒪᖅᑯᑎᖃᖅᑎᑦᑎᔪᒪᓪᓚᑦᑖᖅᐳᑦᓄᓇᕗᒻᒥᐅᓕᒫᓄᑦ ᐃᑲᔪᕐᓗᑎᒡᓗ ᓄᕙᒡᔪᐊᕐᓇᖅ-19−ᒥ ᐊᐃᑦᑐᕐᓗᐃᓗᐊᖅᑎᑦᑎᑦᑕᐃᓕᒪᔪᑦᓄᓇᓕᖕᓂ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᖑᒻᒪᑎᖃᑦᑕᐃᓐᓇᕐᓂᐊᖅᐳᑦ ᑲᔪᓰᓐᓇᖅᑐᓄᑦ ᐊᓂᒍᖅᑎᓐᓇᓱᒋᐊᖃᖅᐸᒃᑐᓄᑦ ᑕᒪᑐᒧᖓ ᓄᕙᒡᔪᐊᕐᓇᖅ-19−ᒧ ᓄᓇᕐᔪᐊᒦᓕᒫᓕᖅᑐᒧᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑎᓕᐅᕆᕗᑦ ᐃᓄᖕᓂᒃ ᑭᐅᖁᓪᓗᒋᑦ ᐆᒻᒪᖅᑯᑎᓕᕆᔨᒃᑯᑦ ᑐᒃᓯᕋᐅᑖᓄᑦ ᐆᒻᒪᖅᑯᑎᖃᕐᕖᑦ ᐊᐅᓚᐅᑎᐊᓗᐃᑦ ᐊᓯᔾᔨᖅᑕᐅᒋᐊᖃᕐᓂᖏᓐᓂᒃ ᐅᑯᓇᓂ ᓄᓇᓕᖕᓂ ᐅᖅᓱᖅᑑᖅ, ᐃᖃᓗᒃᑑᑦᑎᐊᖅ ᐊᒻᒪ ᐃᒡᓗᓕᒃ, ᐊᒻᒪ ᐊᐅᓚᐅᑎᐊᓗᐃᑦ ᐊᓯᔾᔨᖅᑕᐅᓗᑎᒃ ᐃᖃᓗᖕᓂ.
ᐆᒻᒪᖅᑯᑎᓕᕆᔨᒃᑯᑦ ᐱᓇᓱᐊᖅᑐᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᒥᓂᔅᑕᖓᓄᑦ ᐱᕐᔪᐊᑦ ᐱᓕᕆᐊᒃᓴᖅ ᐊᖏᑦᑕᐅᖁᓪᓗᒋᑦ. ᓄᓇᕗᒻᒥ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ, ᐃᒻᒥᒃᑰᖅᖢᑎᒃ ᐅᖃᐅᔾᔪᐃᔨᑦ, ᕿᒥᕐᕈᓂᐊᖅᐳᑦ ᑭᒃᑯᑐᐃᓐᓇᑦ ᐃᓱᒪᒋᔭᖏᓐᓂᒃ ᑐᓴᖅᑕᐅᔪᓂᒃ ᐊᒻᒪ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᒥᓂᔅᑕᖓᓄᑦ ᐅᖃᐅᔾᔨᓗᑎᒃ ᐱᓇᔫᑎᒋᔭᐅᔪᒥᒃ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑭᒃᑯᑐᐃᓐᓇᓂᒃ ᐃᕐᖐᓐᓈᖅᑕᐅᒃᑯᑦ ᑐᓴᖅᑎᑦᑎᖁᔨᕗᑦ ᐅᕗᖓ URRC@gov.nu.ca, 5 ᑐᖔᓂ ᒪᐃ 14, 2021−ᒥ. ᑐᓴᒃᑲᓐᓂᕈᒪᒍᕕᑦ ᑖᔅᓱᒧᖓ ᐱᓇᓱᐊᕐᓂᕐᒧᑦ, ᐅᕗᖓ ᑕᑯᒋᐊᕐᓗᑎᑦ, www.qec.nu.ca.
###