ᐃᖃᓗᐃᑦ, ᓄᓇᕗᑦ (ᔫᓐ 15, 2020) − ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ (QEC) ᓄᓇᓕᐸᐅᔭᒃᑯᓪᓗ ᐃᖃᓗᓐᓂ ᐊᑎᓕᐅᖅᑐᑦ ᓄᑖᒥ ᐅᖅᑰᓴᐅᑎᓄᑦ ᐊᖏᖃᑎᒌᒍᑎᒥᑦ. ᐄᐳᓗ 6, 2020, ᐃᖃᓗᐃᑦ ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᓂᕈᐊᖅᑕᐅᑦᓱᓂ ᐊᑕᖏᖅᑐᓄᑦ ᓄᑖᒥ ᐊᖏᖃᑎᒌᒍᑎᑖᕐᓂᕐᒧᑦ ᑲᓲᑎᑎᑦᓯᓂᕐᒥᑦ ᐳᐃᔾᔪᕋᕐᕕᒻᒥᑦ, ᐃᒪᕐᒧᑦ ᓴᓗᒻᒪᖅᓴᐃᕕᒃ, ᐃᒥᖅᑕᕐᕕᒃ ᐃᒪᕐᒧᓪᓗ ᐆᓇᖅᑐᖃᐅᑎ ᐊᕙᑎᓄᑦ (20) ᐊᕐᕌᒍᓐᓄᑦ. 

“ᑖᑦᓱᒧᖓ ᑲᑐᔾᔨᖃᑎᒌᓐᓂᕐᒧᑦ ᐱᐅᔪᖅ ᒥᑭᓪᓕᕚᓪᓕᑎᑦᓯᓂᕐᒧᑦ ᐃᖃᓗᐃᑦ ᑐᙵᕕᖃᕐᓂᖓᓄᑦ ᐅᖅᓱᐊᓗᒃᓴᓂᑦ ᑕᑯᑦᓴᐅᑎᑦᓯᓂᕐᒧᑦ ᑲᑐᔾᔨᖃᑎᒌᓐᓂᕐᒥᑦ ᐱᓕᕆᖃᑎᒌᓐᓂᕐᒥᓪᓗ ᐊᔾᔨᒌᖏᑦᑐᓂᑦ ᖁᑦᓯᓐᓂᓕᓐᓂᑦ ᒐᕙᒪᓂᒃ ᑲᔪᓯᑎᑦᓯᒍᓐᓇᖅᑐᑦ ᐱᐅᔪᓂᑦ ᓴᖅᑭᑎᑦᓯᓂᕐᒥᑦ ᓄᓇᓕᓐᓄᑦ,” ᐅᖃᖅᑐᖅ ᑭᐊᓂ ᕕᐅᓪ, ᒪᐃᔭᖓ ᐃᖃᓗᓐᓂᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᑎᑎᕋᕐᕕᖏᑦ ᒪᒃᐱᒃᑲᓐᓂᕐᓂᐊᓕᖅᑐᑦ ᓇᒡᒐᔾᔭ, ᔫᓂ 15−ᒥ ᐃᖅᑲᓇᐃᔭᕐᓇᒃᑯᑦ (8:30−ᒥ ᐅᓪᓛᒃᑯᑦ − 5:00−ᒧᐊᖅᓴᓂᖓᓄᑦ ᐅᓪᓗᒃᑯᑦ ᑲᓇᖕᓇᒥ).  ᐊᑭᓕᖅᓱᐃᔨᓄᑦ ᐱᔨᑦᑎᕋᖅᑎᑦ ᑲᑎᒪᔨᖏᑦ ᐅᑯᓇᓂ ᓄᓇᓕᖕᓃᑦᑐᑦ ᑲᖏᖅᖠᓂᖅ, ᖃᒪᓂ'ᑐᐊᖅ, ᐃᖃᓗᐃᑦ ᐊᒻᒪ ᐃᖃᓗᒃᑑᑦᑎᐊᖅ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑦ ᖃᓄᐃᓕᐅᖁᔭᖏᑦ ᒪᓕᒃᖢᒋᑦ, ᐅᓄᙱᑦᑐᑦ ᐱᔨᑦᑎᕋᖅᑕᐅᕝᕕᖕᒧᑦ ᐃᓯᕈᓐᓇᖅᑎᑕᐅᖃᑦᑕᕐᓂᐊᖅᑐᑦ ᐊᑕᐅᑦᑎᒃᑯᑦ. ᐊᑭᓕᖅᓱᐃᔨᓕᒫᑦ ᑭᒡᓕᒋᑎᑕᐅᔪᓂᒃ ᓈᓚᑲᑕᒡᔫᒥᖁᔭᐅᔪᑦ ᐅᖓᓯᒌᒃᑕᑲᑕᐃᓐᓇᕐᓗᑎᒡᓗ 2 ᒦᑕ (6 ᐃᓯᒃᑲᓄᑦ). ᓯᕗᓪᓕᖅᐹᖅ ᐃᑲᕐᕋᖅ ᐊᐅᓚᓂᕆᔭᐅᔪᓂ ᑐᕌᖓᑎᑕᐅᓂᐊᖅᐳᖅ ᐃᓐᓇᕐᓄᑦ ᐊᓯᖏᓐᓄᓪᓗ ᐊᒃᑐᖅᑕᐅᓴᕋᐃᑦᑐᓄᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᔪᒪᕗᑦ ᐃᖃᓗᖕᒥᐅᓂᒃ ᖃᒥᙶᓛᕐᓂᖏᓐᓂᒃ ᓈᑦᑏᖑᔭᓛᕐᓂᐊᒥ, ᔫᓂ 13 6−ᒥ ᐱᒋᐊᕐᓗᓂ 8-ᒧᐊᕋᓱᖕᓂᖓᓄᑦ ᐅᓪᓛᒃᑯᑦ. ᖃᒥᙶᕐᓂᐊᖅᑐᑦ ᖁᖅᓱᖅᑕᒥᑦ ᓇᓗᓇᐃᖅᓯᒪᕗᑦ ᓄᓇᙳᐊᕐᒥ ᐅᓇᓂ.

ᖃᒥᙶᖅᑎᑕᐅᔭᕆᐊᖃᕐᓂᐊᖅᐳᑦ ᐃᓕᐅᖅᑲᖅᑕᐅᓵᓚᐅᖅᑐᑦ ᐊᑦᑕᕐᓇᙱᑦᑐᒃᑯᑦ ᐲᔭᖅᑕᐅᖁᓪᓗᒋᑦ ᓄᓇᓕᖕᓂ ᐃᒡᓗᓕᐅᕐᕕᐅᔪᖅ ᐃᓂᖃᒃᑲᓐᓂᖁᓪᓗᒍ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᒪᒥᐊᑉᐳᑦ ᑕᒪᓐᓇ ᐊᑲᐅᙱᓕᐅᕈᑕᐅᓂᐊᕐᓂᖅᐸᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᕈᓃ ᐳᓲ

ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᐅᒪᔪᓕᕆᔨᒃᑯᓐᓄᑦ

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ

(867) 979-7524

rboucher@qec.nu.ca

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑐᒃᓯᕋᐅᑎᓂᒃ ᐱᔪᒪᕙᓪᓕᐊᓕᕐᒥᔪᑦ ᐊᕐᕌᒍᑕᒫᑦ ᐊᑐᖅᑕᐅᖃᑦᑕᖅᑐᖅ ᑯᐊᐳᕇᓴᒃᑯᑦ ᓘᕋ ᐅᓪᓗᕆᐊᖅ ᒍᑎᐊᐃ ᐃᓕᓐᓂᐊᕈᑎᒃᓴᒧᑦ ᑮᓇᐅᔭᑦ.

ᐱᓇᔫᑎᑦ ᐃᓱᓕᕝᕕᒃᓴᖃᖅᑐᑦ ᐊᕐᕌᒍᓕᒫᒧᑦ $5000−ᒥᒃ ᐃᓕᓐᓂᐊᕈᑎᒃᓴᒧᑦ ᑮᓇᐅᔭᕐᓂᒃ ᐅᖓᕙᕆᐊᖅᑕᐅᓯᒪᓕᖅᑐᖅ ᐋᒡᒌᓯ 31, 2020-ᒧᑦ, ᓄᕙᒡᔪᐊᕐᓇᖅ-19−ᑕᖃᖅᑎᓪᓗᒍ ᐊᒃᓱᕈᕐᓇᕈᓘᔭᓵᖅᑐᑦ ᐱᔾᔪᑕᐅᓪᓗᑎᒃ.

ᓄᓇᕗᒻᒥ ᐃᓕᓐᓂᐊᖅᑏᑦ ᐃᓕᓐᓂᐊᕆᐊᒃᑲᓐᓂᖅᓯᒪᔪᑦ ᓯᓚᑦᑐᓴᕐᕕᖕᒧᑦ ᐊᕐᕌᒍᒧᑦ ᓯᑎᐱᕆ 2020 ᐃᓕᓐᓂᐊᖅᑐᑦ ᐱᓇᓱᐊᖃᑕᐅᔪᓐᓇᖅᑐᑦ ᑐᒃᓯᕋᐅᑎᒧᑦ. ᐱᓇᓱᐊᖃᑕᐅᔪᑦ ᓂᕈᐊᖅᑕᐅᓂᖏᑦ ᑐᙵᕕᖃᕐᓂᐊᖅᑐᑦ ᐃᓕᓐᓂᐊᖅᑎᐊᖃᑦᑕᖅᓯᒪᓂᖏᑦ ᐊᒻᒪ ᓄᓇᓕᖕᓂᑦ ᐃᓚᒋᔭᐅᓇᓱᑦᑎᐊᖃᑦᑕᕐᓂᖏᑦ ᐱᓕᕆᑎᑦᑎᔪᖃᖅᑎᓪᓗᒍ.

ᐃᖃᓗᐃᑦ, ᓄᓇᕗᑦ (ᒪᐃ 26, 2020) − ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐅᓪᓗᒥ ᑐᓴᖅᑎᑦᑎᖅᑲᐅᕗᑦ ᒪᓕᒐᓕᐅᖅᑎᑦ ᑲᑎᒪᔨᓄᑦ ᐊᖏᖅᓯᖅᑲᐅᓂᖏᓐᓂᒃ ᑲᑎᒪᔨᙳᖅᑎᑕᐅᔪᓂᒃ ᐅᑯᓂᖓ ᓰᓇ ᐊᑯᒪᓕᒃ, ᐅᑲᓕᖅ ᐃᔨᑦᓯᐊᖅ, ᐊᒻᒪ ᒫᕕᓐ ᑎᐋᓐ ᐆᒻᒪᖅᑯᑎᓕᕆᔨᒃᑯᓐᓄᑦ ᑲᑎᒪᔨᓄᑦ. ᓂᑰᓪ ᔮᕕᓐ ᑲᑎᒪᔨᙳᖅᑎᑕᐅᒃᑲᓐᓂᖅᑐᖅ ᒪᓕᒐᓕᐅᖅᑎᑦ ᑲᑎᒪᔨᓄᑦ ᐱᖓᓱᓄᑦ ᐅᑭᐅᓄᑦ.

ᐊᒻᒪ, ᒪᓕᒐᓕᐅᖅᑎᑦ ᑲᑎᒪᔨᑦ ᐊᖏᖅᓯᓚᐅᕐᒥᔪᑦ ᑲᑎᒪᔨᙳᖅᑎᑕᐅᔪᓂᒃ ᑮᑦ ᐲᑕᓴᓐ ᑲᑎᒪᑎᑦᑎᔨᙳᖅᑎᑕᐅᓪᓗᓂ ᐊᒻᒪ ᐋᓐᓄᓘ ᓇᑲᓱᒃ ᑲᑎᒪᑎᑦᑎᔨᒧᑦ ᑐᒡᓕᕆᔭᐅᓕᖅᖢᓂ.  ᑕᒪᕐᒥᒃ ᑲᑎᒪᔩᒃ ᑲᑎᒪᔨᙳᖅᑎᑕᐅᓚᐅᖅᓯᒪᔪᑦ ᐋᒡᒌᓯ 2019-ᒥ ᐅᑭᐅᓄᑦ ᐱᖓᓱᓄᑦ.  ᐋᓐᓄᓘ ᓇᑲᓱᒃ ᑲᑎᒪᑎᑦᑎᔨᒧᑦ ᑐᒡᓕᖅᑖᕆᔭᐅᒃᑲᓐᓂᖅᑐᖅ ᑮᑦ ᐲᑕᓴᓐ ᑐᒡᓕᕆᔭᐅᓚᐅᖅᑑᒐᓗᐊᖅ.