ᖁᓪᓕᖅ ᐆᒪᖁᑎᓕᕆᔨᒃᑯᑦ ᑎᒥᖓ ᓇᓗᓇᐃᕈᒪᕗᑦ ᓴᓂᑭᓗᐊᕐᒥᐅᑕᓄᑦ ᐸᕐᓇᒃᑕᐅᓯᒪᔪᒥᑦ, ᓄᓇᓕᓕᒫᒥᑦ ᖃᒥᖔ[ᓚᕐᓂᖓᓄᑦ ᓯᕙᑖᕐᕕᒃ, ᔪᓚᐃ 15 8ᒥᑦ ᐅᓪᓛᒃᑯᑦ 10ᒧᑦ ᐅᓪᓛᒃᑯᑦ.
ᓄᓇᓕᖕᓂ ᖃᒥᙶᖅᑎᑕᐅᔭᕆᐊᖃᕐᓂᐊᖅᐳᑦ ᓄᓇᓕᖕᓂ ᐃᒡᓗᓕᕆᔨᒃᑯᑦ ᓯᕐᓗᐊᖓ ᐊᑦᑕᑕᖅᑎᑕᐅᑦᑎᐊᖁᓪᓗᒍ ᐅᐊᔭᖃᕐᕕᖕᒧᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᕗᑦ ᓄᓇᓕᖕᒥᐅᓂᑦ ᑐᑭᓯᐅᒪᑦᑎᐊᕐᓂᖏᓐᓄᑦ ᒪᒥᐊᑉᐳᓪᓗ ᐊᑲᐅᙱᓪᓕᐅᖅᑎᑦᑎᓐᓂᕈᑎᒃ.
###
ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:
ᐱᐱ ᐱᓗᑑ
ᑐᓴᐅᒪᔪᓕᕆᔨ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
(867) 979-7520
bbilodeau@qec.nu.ca
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐃᖅᑲᐃᓯᔪᒪᕗᑦ ᓄᓇᕗᒥᐅᓂᒃ ᐅᔾᔨᖅᓱᑦᑎᐊᖃᑦᑕᖁᔨᓪᓗᑎᒃ ᓇᑉᐸᖅᑯᑏᑦ ᓴᕕᒐᐅᔭᐃᓪᓗ ᖃᓂᒋᔮᒎᓕᕌᖓᑕ. ᐅᑯᐊ ᐳᐃᒍᖅᑕᐃᓕᓗᒋᑦ ᖃᒥᑦᑐᖃᖁᓇᒍ, ᐋᓐᓂᕐᔪᐊᖅᑐᖃᖁᓇᒍ, ᐃᓅᔪᓐᓃᖅᑐᖃᖁᓇᒍᓘᓐᓃᑦ:
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᔪᒪᕗᑦ ᐃᖃᓗᖕᒥᐅᓂᒃ ᖃᒥᙶᓛᕐᓂᖏᓐᓂᒃ ᓈᑦᑎᐅᖑᔭ, ᔫᓂ 25 9−ᒥ ᐱᒋᐊᕐᓗᓂ 1-ᒧᐊᕋᓱᖕᓂᖓᓄᑦ ᐅᓪᓛᒃᑯᑦ. ᑖᓐᓇ ᖃᒥᙶᕐᓂᕆᔭᐅᔪᖅ ᐊᒃᑐᐃᓂᐊᖅᐳᖅ ᒥᑦᑕᕐᕕᑐᖃᐅᑉ ᐅᖁᒪᐃᓐᓂᕐᓂᐊᕐᕕᐅᓪᓗ ᖃᓂᒋᔮᓂᕐᒥᐅᑕᓄᑦ, ᓇᓗᓇᐃᖅᓯᒪᔪᖅ ᖁᖅᓱᖅᑕᒥ ᐃᓚᓕᐅᑎᓯᒪᔪᒥ ᓄᓇᙳᐊᒥ.
ᖃᒥᙶᓚᐅᑲᒋᐊᖃᖅᐳᖅ ᐊᑦᑕᕐᓇᙱᑦᑐᒃᑯᑦ ᐃᓚᓕᐅᔾᔨᔪᒪᓪᓗᑎᒃ ᓄᑖᕐᒥᒃ ᓇᖕᒥᓂᕆᔭᐅᔪᒥᒃ.
ᖃᒥᙶᓚᐅᑲᒋᐊᖃᖅᐳᖅ ᐊᑦᑕᕐᓇᙱᑦᑐᒃᑯᑦ ᐃᓚᓕᐅᔾᔨᔪᒪᓪᓗᑎᒃ ᓄᑖᕐᒥᒃ ᓇᖕᒥᓂᕆᔭᐅᔪᒥᒃ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᕗᑦ ᓄᓇᓕᖕᒥᐅᓂᑦ ᑐᑭᓯᐅᒪᑦᑎᐊᕐᓂᖏᓐᓄᑦ ᒪᒥᐊᑉᐳᓪᓗ ᐊᑲᐅᙱᓪᓕᐅᖅᑎᑦᑎᓐᓂᕈᑎᒃ.
###
ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:
ᐱᐱ ᐱᓗᑑ
ᑐᓴᐅᒪᔪᓕᕆᔨ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
(867) 979-7520
bbilodeau@qec.nu.ca
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓄᓇᕗᒻᒥᐅᓂᒃ ᐃᖅᑲᐃᓯᒋᐊᕈᒪᕗᑦ ᓄᑭᓪᓚᐅᑎᑦ ᐱᔨᑦᑎᕋᖅᑕᐅᔾᔪᑎᑦ ᐱᓇᔫᑎᖓᓂᒃ ᑐᓂᓯᖁᔭᐅᓪᓗᑎᒃ ᓄᑖᒧᑦ ᓄᑖᙳᕆᐊᖅᓯᒪᔪᒧᓪᓘᓐᓃᑦ ᐱᔨᑦᑎᕋᖅᑕᐅᔾᔪᑎᒧᑦ ᐊᐃᕐᕆᓕ 30, 2023 ᑐᖔᓂ, ᑭᖑᕙᕆᐊᖅᑕᐅᖁᓇᒍ ᐱᔨᑦᑎᕋᖅᑕᐅᔾᔪᑎᖓ ᐊᑦᑕᑕᕈᑎᖓᓄᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓯᕗᓂᐊᒍᑦ ᑐᓴᖅᑎᑦᑎᔾᔪᑎᒥᒃ ᐱᔭᕆᐊᖃᖅᐳᑦ ᖃᖓ ᐱᔨᑦᑎᕋᐅᑎᖓ ᐊᑦᑕᑕᖅᑎᑕᐅᓂᐊᕐᒪᖔᑦ ᐸᕐᓇᐃᔭᕆᐊᖃᕐᓂᖏᓐᓄᑦ ᐊᒻᒪ ᑎᑭᓴᐃᔭᕆᐊᖃᖅᖢᑎᒃ ᓱᓇᒃᑯᑖᓂᒃ. ᐊᑦᑕᑕᖅᑎᑕᐅᓂᐊᓕᓵᖅᑐᑦ ᐃᒪᐃᓕᐅᖅᑕᐅᓇᔭᖅᑐᑦ ᓄᑖᓂᒃ ᓇᑉᐸᖅᑯᑎᓂᒃ ᐃᓕᐅᖅᑲᐃᓗᑎᒃ ᓯᓚ ᓂᒡᓚᓱᓗᐊᕈᓐᓃᖅᐸᑦ ᒪᓂᕋᕐᓗ ᐊᐅᒃᐸᓪᓕᐊᓕᖅᐸᑦ. ᐊᖏᓂᖅᓴᑦ ᐱᓕᕆᐊᒃᓴᑦ ᐅᒥᐊᕐᔪᐊᒃᑰᕆᐊᖃᖅᐳᑦ ᐱᖁᑎᖏᑦ, ᐊᑭᓕᖅᓱᐃᕙᒃᑐᑦ ᐱᓇᔫᑎᒥᓂᒃ ᑐᓂᓯᖃᑦᑕᖁᔭᐅᕗᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᐊᕐᕌᒍ ᐊᑕᐅᓯᖅ ᓯᕗᓂᐊᒍᑦ ᐊᑦᑕᑕᖅᑎᑕᐅᕝᕕᒋᓂᐊᕋᓱᒋᔭᖓᑕ ᐅᓪᓗᖓᓂ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓄᓇᕗᒻᒥᐅᓂᒃ ᑐᓴᖅᑎᑦᑎᔪᒪᕗᑦ ᔮᓄᐊᕆᒥ ᕕᕝᕗᐊᕆᒥᓗ ᖃᐅᒻᒪᖅᑯᑎᓄᑦ ᐊᑭᓕᒐᒃᓴᐃᑦ ᑭᖑᕙᕆᐊᖅᓯᒪᖕᒪᑕ, ᐊᑐᖅᑕᐅᔪᓪᓗ ᐅᓄᕐᓂᙱᑦ ᐊᑭᓕᕆᐊᓖᓪᓗ ᐊᔾᔨᒌᙱᑐᐃᓐᓇᕆᐊᖃᖅᖢᓂᒋᑦ.
ᔮᓄᐊᕆᒥ ᐊᑭᓕᒐᒃᓴᐃᑦ ᓄᓇᓕᓕᒫᓄᑦ ᐊᐅᓪᓚᖅᑎᑕᐅᑲᑕᓚᐅᖅᐳᑦ, ᕕᕗᐊᕆᒥᓗ ᐊᑭᓕᒐᒃᓴᐃᑦ ᐊᐅᓪᓚᖅᑎᑕᐅᓛᖅᖢᑎᒃ ᐱᓇᓱᐊᕈᓯᐅᓂᐊᖅᑐᒥ.
ᐊᑭᓕᖅᓱᐃᔨᓄᑦ ᐃᖃᓗᐃᑦ ᓯᓚᑖᓃᑦᑐᓄᑦ, ᖃᐅᒻᒪᖅᑯᑎᒧᑦ ᐊᑭᓕᒐᒃᓴᐃᑦ ᐊᑐᖅᑕᐅᔪᑦ ᐅᓄᕐᓂᖏᓐᓂ ᑕᑯᒃᓴᐅᑎᑦᑎᓂᐊᖅᐳᑦ ᖄᖏᐅᑎᓯᒪᔪᓂᒃ ᐅᕝᕙᓘᓐᓃᑦ ᑐᖓᐅᑦᑎᓯᒪᔪᓂᒃ ᐅᑯᓂᖓ ᐱᔾᔪᑎᖃᕐᓗᑎᒃ:
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᑲᑎᒪᔨᒃᓴᓄᑦ ᐱᓇᔫᑎᓂᒃ ᒫᓐᓇᑯᑦ ᐱᔪᒪᔪᓂᒃ ᐆᒃᑐᕈᓐᓇᖅᓯᓂᕋᐃᔪᑦ. ᑲᑎᒪᔨᙳᖃᑕᐅᔪᑦ ᐊᒃᓱᕉᑎᖃᕐᓂᕐᒥᓂᒃ ᓇᓗᓇᕆᐊᖃᙱᓚᑦ ᑕᐅᑐᙳᐊᒐᙱᑦᑎᒍᑦ, ᐱᔪᒪᓂᖃᕐᓂᒃᑯᑦ, ᓯᕗᓕᖅᑎᐅᔪᓐᓇᖃᑦᑕᕐᓗᑎᒡᓗ ᐱᓕᕆᐊᖑᔭᕆᐊᓕᖕᓄᑦ ᐃᑲᔫᑎᖃᕈᓐᓇᕐᓂᐊᕐᒪᑕ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ.
ᐱᓕᕆᐊᖃᓚᐅᖅᓯᒪᓂᓖᑦ ᖃᐅᔨᒪᓂᖃᑦᑎᐊᖅᑐᓪᓘᓃᑦ ᐃᓱᒪᒃᓴᖅᓯᐊᖑᓪᓚᕆᒐᔭᖅᑐᑦ ᐆᒻᒪᖁᑎᓕᕆᓂᕐᒥᒃ ᐱᓕᕆᐊᖃᖃᑕᐅᓚᐅᖅᓯᒪᒃᐸᑕ. ᖃᐅᔨᒪᓂᖃᕐᓂᖅᑕᐅᖅ ᐃᖅᑲᓇᐃᔭᖅᑐᓕᕆᓂᕐᒥᒃ, ᓴᓇᔪᓕᕆᔨᒻᒪᕆᐅᓂᕐᒥᒃ, ᒪᓕᒐᓕᕆᓂᕐᒥᒡᓘᓃᑦ ᑕᐅᑐᒃᑕᐅᖕᒥᔪᑦ ᐱᐅᔫᓂᖏᓐᓂᒃ ᐃᑲᔫᑎᖃᕈᓐᓇᕐᓂᖏᓐᓂᒡᓗ. ᓂᕈᐊᖅᑕᐅᔪᑦ ᑎᒃᑯᐊᖅᑕᐅᓯᒪᓕᕐᓂᐊᖅᑐᑦ ᐅᑭᐅᓄᑦ ᐱᖓᓱᓄᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ (QEC) ᖃᐅᔨᒃᑲᐃᔪᒪᕗᑦ ᓴᓂᑭᓗᐊᕐᒥᐅᓂᒃ ᐸᕐᓇᑕᐅᓯᒪᔪᒥ ᖃᒥᓛᕐᓂᖏᓐᓂᒃ ᓈᑦᓰᖑᔭᓛᕐᓂᐊᖅᒥ, ᒫᑦᓯ 11 9-ᒥ 11-ᒧᓄ ᐅᓪᓛᒃᑯᑦ.
ᑕᒪᓐᓇ ᖃᒥᙶᕐᓂᕆᔭᐅᔪᖅ ᐊᒃᑐᖅᓯᓂᐊᖅᐳᖅ ᑕᒪᐃᓐᓂᑦᑎᐊᖅ ᓄᓇᓕᖕᓂᒃ, ᑕᐃᒪᐃᑦᑕᕆᐊᖃᖅᖢᑎᒡᓗ ᓄᑖᒥᒃ ᐊᐅᓚᐅᑎᓂᒃ ᑲᑉᐳᔾᔨᔭᕆᐊᖃᕐᒪᑕ ᐊᑐᖅᑕᐅᖃᑦᑕᕐᓂᐊᖅᑐᒥᒃ ᐆᒻᒪᖅᑯᓯᐅᕐᕕᖕᒥ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᕗᑦ ᓄᓇᓕᖕᒥᐅᓂᑦ ᑐᑭᓯᐅᒪᑦᑎᐊᕐᓂᖏᓐᓄᑦ ᒪᒥᐊᑉᐳᓪᓗ ᐊᑲᐅᙱᓪᓕᐅᖅᑎᑦᑎᓐᓂᕈᑎᒃ.
###
ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:
ᐱᐱ ᐱᓗᑎᐅ
ᑐᓴᐅᒪᔪᓕᕆᔨ
ᐆᒻᒪᖅᑯᑎᓕᕆᔨᒃᑯᑦ ᑐᓴᒐᒃᓴᓕᕆᔨᖏᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
(867) 979-7520
bbilodeau@qec.nu.ca
ᐃᖃᓗᐃᑦ, ᓄᓇᕗᑦ (ᒫᔾᔨ 3, 2023) – ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑐᓴᖅᑎᑦᑎᕗᑦ ᑕᑎ ᑳᓇᓕ−ᑲᓛᒃ ᑲᖏᖅᖠᓂᕐᒥᐅᑕᖅ 2022−ᒥ ᓘᕋ ᐅᓪᓗᕆᐊᖅ ᒎᑦᑎᐊᐃ ᐃᓕᓐᓂᐊᕈᓯᐊᕐᒥᒃ ᐅᑭᐅᖑᔪᖅ ᑐᓂᔭᐅᓂᖓᓂᒃ. ᓂᕈᐊᖅᑕᐅᓚᐅᖅᑐᖅ ᐊᒃᓱᕉᑎᖃᕐᓂᖓᓄᑦ ᓂᕿᖃᐃᓐᓇᖅᑎᑦᑎᓂᕐᒥᒃ ᐊᒻᒪ ᓄᓇᓕᓐᓂᑦ ᐊᑭᓕᖅᓱᖅᑕᐅᓇᓂ ᐱᓕᕆᖃᑦᑕᕐᓂᖓᓄᑦ ᓄᓇᕗᒻᒥ. ᒥᔅ ᑳᓇᓕ-ᒃᓛᒃ ᒫᓐᓇᐅᔪᖅ ᐃᓄᓕᕆᔨᐅᓂᕐᒧᑦ ᐃᓕᓐᓂᐊᖅᑐᖅ ᓅᕙ ᓯᑰᓴᒥ ᓄᓇᓕᓐᓂ ᓯᓚᑦᑐᓴᕐᕕᖓᓂ ᐃᓄᓕᕆᔨᙳᕆᐅᖅᓴᓪᓗᓂ. ᐅᑎᓛᕈᒪᔪᖅ ᓄᓇᕗᒻᒧᑦ ᐱᓕᕇᓐᓇᕐᓗᓂᓗ ᓄᓇᓕᖕᓂ ᖃᓄᐃᙱᑦᑎᐊᕐᑐᓕᕆᓂᕐᒧᑦ.
"ᐃᓕᓐᓂᐊᕈᑎᒃᓴᓂᒃ ᓂᕈᐊᖅᑕᐅᕙᓪᓕᐊᑎᓪᓗᒋᑦ, ᐱᔪᒃᓯᑎᑕᐅᖏᓐᓇᖃᑦᑕᖅᐳᖓ ᐃᓕᓐᓂᐊᕐᓂᓕᕆᓂᕐᒧᑦ ᐊᓂᒍᖅᑎᖃᑦᑕᖅᓯᒪᔭᖏᓐᓂᒃ ᓄᓇᕗᒻᒥᐅᑦ," ᒪᓕᒐᓕᐅᖅᑎ ᑯᕋᐃᒡ ᓯᒪᐃᓚᒃ ᐅᖃᖅᑐᖅ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᒥᓂᔅᑕ. "ᐅᐱᒋᕙᕋ ᒥᔅ ᑳᓇᓕ−ᑲᓚᒃ ᖁᕕᐊᒋᔭᖃᕐᓂᖓ ᐱᐅᓯᒋᐊᖅᑎᑦᑎᓂᕐᒥᒃ ᐃᓅᓯᑦᑎᐊᕙᖕᒥᒃ ᐃᓄᖕᓄᑦ, ᐱᕙᓪᓕᐊᑎᓪᓗᒍᓗ ᓯᓚᑐᓂᕐᒥᒃ ᑲᔪᓯᑦᑎᐊᕐᓂᕐᒥᒡᓗ."
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖃᐅᒻᒪᖁᑎᓂᒃ ᐃᑭᑦᑎᒃᑲᓐᓂᖅᓯᒪᓕᖅᑐᑦ ᖃᐅᒻᒪᖁᑎᓂᒃ ᓴᓂᕋᔭᖕᒥ ᓂᕆᐅᓇᙱᑦᑐᒃᑯᑦ ᖃᒥᔾᔪᔾᔨᓚᐅᖅᑎᓪᓗᒋᑦ ᐅᓪᓗᒥ, ᓄᕕᐱᕆ 3, ᐅᓪᓗᑯᑦ 12:45−ᒧᐊᖅᑎᓪᓗᒍ. ᐊᐅᓚᐅᑎᒥᒃ ᐃᖏᕐᕋᑦᑎᐊᖅᑐᖃᕈᓐᓃᕐᓂᕐᒪᑦ ᑕᐃᒫᒡᓗ ᕿᕐᓂᖅᑐᐊᓗᖕᒥᒃ ᐳᔫᓕᕐᓂᖅᐳᖅ ᑕᐃᑲᙵᑦ ᐊᓂᐊᕝᕕᖓᓂ ᓱᓪᓗᒃᑯᑦ. ᐃᑭᑦᑐᖃᓚᐅᙱᑦᑑᒐᓗᐊᖅ ᐊᐅᓚᐅᓯᕆᕝᕕᖕᒥ. ᑕᒪᓐᓇ ᖃᒥᓐᓂᐅᓵᖅᑐᖅ ᐊᒃᑐᐊᓂᖃᙱᑦᑎᐊᓵᖅᑐᖅ ᐱᓇᓱᐊᕈᓯᐅᓚᐅᖅᑐᒥ ᖃᒥᔾᔪᑕᐅᖃᑦᑕᓚᐅᖅᑐᓂᒃ.
ᓴᓇᔨᒃᑲᓐᓂᕐᓂᒃ ᓴᓂᕋᔭᓕᐊᖅᑐᖃᕐᓂᐊᖅᑐᖅ ᖃᐅᔨᓴᕆᐊᖅᑐᕐᓗᑎᒃ ᓄᑕᐅᔪᓐᓃᓗᐊᖅᓯᒪᓕᖅᑐᑦ ᐊᐅᓚᐅᑎᖃᕐᕕᖏᑦ ᐊᓂᐊᕝᕕᖏᓪᓗ ᕿᒥᕐᕈᔭᐅᓂᐊᕐᒪᑕ. ᐃᒻᒪᖄ ᐱᐅᔪᓐᓃᖅᓯᒪᔪᖃᕐᓂᖅᐸᑦ ᓴᓇᔭᐅᑲᐅᑎᒋᔪᓐᓇᕐᓂᐊᖅᖢᓂ ᓄᓇᓕᖕᒥᐅᑦ ᐆᒻᒪᖁᑎᖃᕈᓐᓇᐃᓐᓇᕐᓂᐊᕐᒪᑕ. ᑐᓴᒐᒃᓴᖃᐃᓐᓇᕐᓂᐊᕐᒥᔪᖅ ᖁᓪᓕᒃᑯᑦ ᐃᑭᐊᖅᑭᕕᖁᑖᒍᑦ ᐅᕝᕙᓘᓃᑦ ᕖᔅᐳᒃᑯᑦᑐᐃᑐᒃᑯᓪᓗᒪᒃᐱᖅᑐᒐᖓᑎᒍᑦ.
ᓄᓇᕗᓕᒫᒥ (ᓄᕕᐱᕆ 1, 2022) − ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑐᓴᖅᑎᑦᑎᕗᑦ ᓄᓇᕗᓕᒫᒥ ᐆᒻᒪᖅᑯᑎᑦ ᐊᑭᒋᓂᐊᓕᖅᑕᖏᓐᓂᒃ ᐊᑭᓕᖅᓱᐃᔨᓄᑦ. ᒪᓕᒐᓕᐅᖅᑎ ᑯᕋᐃᒡ ᓯᒪᐃᓚᒃ, ᒥᓂᔅᑕ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ, ᐊᖏᓚᐅᖅᐳᖅ ᐅᑯᓄᖓ ᓄᑖᓄᑦ ᐊᑭᒋᓂᐊᓕᖅᑕᖏᓐᓄᑦ ᐊᑐᓯᒋᐊᖁᔭᐅᓪᓗᓂ ᐅᑐᐱᕆ 1, 2022-ᒥ: