Skip to main content

ᐊᑭᓕᐅᑕᐅᔪᓄᑦ ᐊᐅᓚᑦᓯᔨ

Submitted by rbanzet on

ᑖᓐᓇ ᐊᓕᐊᓇᐃᑦᑑᓇᔭᖅᐳᖅ ᐃᖅᑲᓇᐃᔮᒥᑦ ᓅᓪᓗᓂᑦ ᓯᕗᑎᐅᓕᒪᔪᒧᑦ ᑮᓇᐅᔭᓕᕆᔪᓐᓇᕐᓂᖓ ᐊᒻᒪ ᐊᖓᔪᖅᑳᖑᖃᑦᑕᕐᓂᖓ ᐃᑲᔫᑕᐅᓗᓂᑦ ᓴᖅᑭᔮᖅᑐᒃᑯᑦ ᓴᙱᓂᖏᓐᓂᑦ ᑐᓴᐅᒪᖃᑎᒌᒃᓂᒃᑯᑦ ᐊᒻᒪ ᐊᑲᐃᓪᓕᐅᕈᑎᓂᒃ ᑲᒪᒋᔭᖃᕈᓐᓇᕐᓂᕐᒥᑦ.

ᐊᖓᔪᖅᑳᓕᒃ ᐆᒻᒪᖅᑯᑎᖃᖅᑎᓂᑦ ᑲᒪᒋᔭᖃᖅᑏᑦ ᐊᐅᓚᑦᑎᔨᖓᓂ, ᐱᕙᒌᔭᐃᓂᐊᖅᑐᑎᑦ, ᐃᑲᔪᖅᐸᒡᓗᑎᑦ ᐊᒻᒪ ᑲᒪᒋᔭᖃᕐᓗᑎᓗ ᑮᓇᐅᔭᖅᑖᕆᔭᐅᕙᓪᓕᐊᔪᓕᕆᔩᑦ ᐊᒻᒪ ᐊᑭᓕᒃᓴᓕᕆᔩᑦ ᐃᖅᑲᓇᐃᔭᖃᑎᒌᓂᑦ, ᐊᐅᓚᑦᑎᓗᑎᓗ ᐃᖏᕐᕋᓂᕆᔭᐅᔪᓂᑦ ᑕᒪᒃᑯᓂᖓ ᒪᕐᕉᔪᓂᑦ, ᓇᓗᓇᐃᖅᐸᒡᓗᒍᑦ ᑕᒻᒪᖅᑕᙱᓐᓂᖏᓐᓂᒃ ᖃᓄᐃᓕᐅᕈᑕᐅᔪᓕᒫᑦ ᓈᓴᐅᓯᕆᓂᕐᒧᑦ ᐊᒻᒪ ᐱᐅᓯᒋᐊᖅᑎᑦᑎᓇᓱᐊᕐᓗᓂᑦ ᐆᒻᒪᖅᑯᑎᖃᖅᑎᑦ ᑲᒪᒋᔭᐅᓂᖏᓐᓂᑦ, ᒪᓕᒡᓗᓂᑦ ᖁᓪᓕᒃᑯᑦ ᐅᐸᓗᖓᐃᔭᖅᓯᒪᔪᑦ ᑎᑭᐅᑎᔪᒪᔭᖏᓐᓂᑦ ᑐᕌᒐᕆᔭᖏᓐᓂᒡᓗ. ᐊᑕᐅᓯᐅᙱᑦᑐᒥᒃ ᑲᒪᒋᔭᖃᕈᓐᓇᕐᓗᓂᑦ ᐅᔾᔨᖅᓱᑦᑎᐊᖏᓐᓇᕐᓗᓂᑦ, ᐃᑲᔪᕐᓂᐊᕐᒥᔪᑎᑦ ᐆᒻᒪᖅᑯᑎᑲᖅᑎᑦ ᑲᒪᒋᔭᖃᖅᑎᖏᑦ ᐊᐅᓚᑦᑎᔨᖓᓂ, ᐊᑮᑦᑐᓂᑦ ᑲᑎᖅᓱᐃᔨᓂᒃ, ᐊᓯᓕᒫᖏᓪᓗ ᑮᓇᐅᔭᓕᕆᔩᑦ ᑮᓇᐅᔭᓕᐊᖑᕙᓪᓕᐊᔪᓕᕆᔩᑦ ᐊᑮᑦᑐᓕᕆᔩᓪᓗ.

ᐅᐊᔭᓕᕆᔨ

Submitted by rbanzet on

ᐃᓕᓴᕆᔭᐅᓯᒪᔪᒥᒃ ᓇᓪᓕᐅᒃᑯᒫᖃᖅᐲᑦ ᐃᒡᓗᕐᔪᐊᓄᑦ ᐅᐊᔭᓕᕆᔪᓐᓇᕐᓗᑎᑦ ᐱᓕᕆᔪᓐᓇᐅᑎᑎᑦ ᐱᕚᓪᓕᕈᑎᒋᔪᒪᕕᒋᑦ ᐊᔪᙱᓐᓃᓪᓗ? ᐊᑕᐅᑦᑎᒃᑯᑦ ᓇᓕᒧᑎᑦᑐᓐᓇᖅᐱᒋᑦ ᐱᐊᓂᑲᐅᖅᑐᕆᐊᓖᑦ ᒫᓐᓇᑲᐅᑎᒋ ᐊᒻᒪ ᖁᐊᖅᓵᕐᓇᕆᐊᖃᖏᓐᓃᑦ? ᐊᖏᕈᕕᑦ, ᐊᑏ ᐅᖃᐅᓯᕆᖑᐊᔅᖤᕐᓚᕗᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐱᔭᕇᖅᓯᔪᑦ ᐊᐅᓚᐅᑎᖃᕐᕕᖕᓂ ᐊᐅᓱᐃᑦᑐᒥ ᑭᙵᓂᒃᓗ

Submitted by dpenney on

ᐃᖃᓗᐃᑦ, ᓄᓇᕗᑦ (ᔭᓄᐊᕆ 24, 2019) – ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ (QEC) ᐱᔭᕇᖅᓯᔪᑦ ᓴᓇᔭᐅᓂᖓᓂᒃ ᖃᐅᔨᓴᖅᑕᐅᓂᖓᓂᒃᓗ ᐃᖏᕐᕋᑦᑎᐊᕐᒪᖔᑦ ᓄᑖᒃ ᐊᐅᓚᐅᑎᖃᕐᕖᒃ ᐊᐅᓱᐃᑦᑐᒥ ᑭᙵᓂᒃᓗ. ᐊᑭᑐᔪᓄᑦ ᐱᓕᕆᐊᒃᓴᑦ ᐱᔭᕇᖅᑕᐅᓪᓗᑎᒃ ᑎᑭᓚᐅᙱᑎᓪᓗᒍ ᐱᔭᕇᕐᕕᒃᓴᖓ ᑮᓇᐅᔭᖅᑐᕈᑎᒃᓴᖓᒎᕐᖢᓂᓗ.


“ᓯᒥᐅᔪᖅ ᑐᓂᓯᒪᑦᑎᐊᖅᑐᖅ ᐊᓯᔾᔩᓂᕐᒥᒃ ᓄᑕᐅᔪᓐᓃᖅᑐᓂᒃ ᒪᑭᐅᒪᐃᓐᓇᕈᑎᒃᓴᓂᒃ ᐱᖁᓪᓗᒍ ᐆᒻᒪᖅᑯᑎᖃᕆᐊᖃᕐᓂᖅ ᓄᓇᕗᑦ ᓄᓇᓕᓕᒫᖏᓐᓂ,” ᐅᖃᖅᑐᖅ ᒪᓕᒐᓕᐅᖅᑎ ᔩᓂ ᐃHᐊᓗᐊᒃ, ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᒃ. “ᐊᐅᓚᐅᑎᖃᕐᕖᑦ ᐱᖃᕐᒥᔪᑦ ᐊᑐᒃᑲᓐᓂᕈᓐᓇᖅᑐᓂᒃ ᐆᒻᒪᖅᑯᑎᓄᑦ ᐃᓚᓕᐅᑎᕙᓪᓕᐊᔪᓐᓇᖅᑐᓂᒃ, ᐱᕕᖃᖅᑎᑦᑎᓂᐊᕐᖢᓂᓗ ᐱᔭᒃᓴᓂᒃ ᐃᖏᕐᕋᑎᓪᓗᒍ ᓄᓇᕗᑦ ᓴᓗᒪᔪᒧᑦ ᖃᕆᓴᐅᔭᓕᕆᔾᔪᑎᓄᑦ ᑮᓇᐅᔭᖃᖅᑎᑕᐅᔾᔪᑎ ᐊᑐᐃᓐᓇᕈᕋᔭᖅᐸᑦ.”

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ−

Submitted by rbanzet on

ᐃᖃᓗᐃᑦ ᓯᓚᑖᓃᖦᖢᓂ, ᐊᒻᒪ ᐊᐅᓚᐅᓯᕆᔨᑦ ᑐᑭᒧᐊᒃᑎᑦᑎᔨᖓᓄᑦ ᑐᓴᖅᑎᑦᑎᕙᒡᓗᓂ, ᑖᔅᓱᒥᖓ ᐃᖅᑲᓇᐃᔮᓕᒃ ᐊᐅᓚᑦᑎᖃᑦᑕᕐᓂᐊᖅᐳᖅ ᐊᐅᓚᐅᓯᕆᔨᓕᒫᑦ ᐱᓕᕆᕝᕕᖓᓂ ᐅᑯᓂᖓᓗ ᐊᐅᓚᑦᑎᕙᒡᓗᓂ ᐊᑭᑐᔫᑎᓂᑦ ᐱᓕᕆᐊᒃᓴᓂᑦ, ᐊᐅᓚᔾᔪᑎᓄᑦ ᐃᑲᔪᖅᑐᐃᔾᔪᑎᓂᑦ, ᐊᐅᓚᐅᑎᓕᕆᔾᔪᑎᓂᑦ ᖃᐅᔨᓴᖅᐸᒡᓗᓂ ᐊᒻᒪ ᐋᖅᑭᒃᓱᖅᑕᐅᓯᒪᔪᓂ ᐱᓕᕆᖃᑦᑕᕐᓗᓂ.  ᑖᓐᓇ ᐃᖃᓇᐃᔮᒃᓴᖅ ᑲᒪᒋᔭᖃᖅᑐᖅ ᐱᓕᕆᐊᒃᓴᓄᑦ ᐊᐅᓚᑦᑎᓂᕐᒥᒃ, ᑮᓇᐅᔭᑦ ᐊᑐᖅᑐᒃᓴᓂ, ᐱᕙᓪᓕᐊᑎᑦᑎᓂᕐᒥᓗ ᐃᓕᔭᐅᕙᓪᓕᐊᔭᕆᐊᖃᕐᒥᔪᐃᓪᓗ ᐊᐅᓚᐅᑎᓕᕆᓂᕐᒥ ᒪᓕᒃᑕᐅᒋᐊᖃᖅᑐᑦ ᖃᐅᔨᓴᖅᑐᓕᕆᓂᙶᖅᑐᓂᒃ ᐊᑐᖅᑎᑦᑎᔪᓐᓇᖅᑐᓂ.  ᐊᐅᓚᑦᑎᔨᐅ ᐱᕚᓪᓕᖅᑎᑦᑐᓐᓇᖅᑕᖏᑦ ᑐᕌᕆᔭᖃᖅᑐᖅ ᓴᓇᔭᐅᓂᖓ ᑲᔪᓯᑦᑎᑦᑐᓐᓇᕐᓂᖓᓗ ᐊᐅᓚᐅᑎᖃᕐᕕᖏᑦ 25 ᓄᓇᓕᐅᔪᓂ ᐅᖅᓱᐊᓗᑐᐃᓐᓇᕐᒧᑦ ᐊᐅᓚᔪᓐᓇᐅᑏᑦ.

 

ᑖᓐᓇ ᐃᖅᑲᓇᐃᔮᒃᓴᖅ ᒪᑐᐃᖓᐃᓐᓇᕐᓂᐊᖅᑐᖅ ᐃᓂᑖᕆᔭᐅᓇᓱᖕᓂᖓᓂᒃ

ᐆᒻᒪᖅᑯᑎᖃᕐᕕᒻᒥᑦ ᐊᐅᓚᑦᑎᔨᐅᑉ ᐃᑲᔪᖅᑎᖓ

Submitted by jbell on

ᑖᔅᓱᒥᖓ ᐃᖅᑲᓇᐃᔮᔅᓴᒥᑦ ᐃᖅᑲᓇᐃᔮᖃᑲᐃᓐᓇᕐᓂᐊᖅᑐᖅ ᐊᖅᑯᑎᒋᔪᓐᓇᕐᓗᒍᓗ ᐱᕕᔅᓴᖃᖅᑎᑕᐅᓂᕐᒧᑦ ᐊᔪᕈᓐᓃᖅᐸᓪᓕᐊᓂᕐᒥᑦ ᑲᔪᖅᓯᒪᑦᑎᐊᖅᑐᒧᑦ, ᖃᓄᖅᑑᕈᓐᓇᕐᓗᓂ ᐊᒻᒪ ᓴᓇᔪᓐᓇᕐᓂᕐᒥᑦ ᐊᔪᙱᓐᓂᖃᕐᓗᓂ, ᖁᕕᐊᒋᔭᖃᕐᓗᓂ ᓱᑎᒋᕈᓘᔭᕐᓂᕐᒥᑦ ᐃᖅᑲᓇᐃᔮᓐᓂᒃ ᐊᒻᒪ ᐃᓕᓐᓂᐊᕈᒪᕐᓂᕐᓗᓂ ᐆᒻᒪᖅᑯᑎᖃᕐᕕᒻᒥᑦ ᐱᓕᕆᔾᔪᓯᕐᓂᑦ ᐊᒻᒪ ᐊᐅᓚᓂᕆᖃᑦᑕᖅᑕᖏᓐᓂᑦ.

ᐊᐅᓚᑦᑎᔨᐅᑉ ᐃᑲᔪᖅᑎᖓ

Submitted by rbanzet on

ᑖᓐᓇ ᐃᖅᑲᓇᐃᔮᓪᓚᕆᒃ, ᐅᓪᓘᑉ ᓇᑉᐸᖓᓂ (24 ᐃᑲᕐᕋᑦ ᐱᓇᓱᐊᕈᓯᕐᒥᑦ) ᐱᕕᒃᓴᑦᑎᐊᕙᐅᕗᖅ ᐃᖅᑲᓇᐃᔭᖃᑦᑕᕐᓂᑰᔪᒧᑦ ᐱᓕᕆᓕᒪᑦᑎᐊᖅᑐᒥᑦ ᐊᒻᒪᓗ ᑲᒪᒋᔭᖃᕈᓐᓇᑦᑎᐊᖅᑐᒥᑦ ᖃᓄᐃᔾᔪᑕᐅᔪᓂᒃ ᐱᓪᓗᒋᑦ ᐆᒻᒪᖅᑯᑎᖃᖅᑐᑦ ᐅᓐᓂᕐᓘᑎᒋᔭᒥᖕᓂ ᐊᒻᒪ ᐊᐱᖅᑯᑎᒋᓯᒪᔭᒥᖕᓂ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᓇᒃᓯᐅᔾᔨᕗᑦ ᐱᓕᕆᐊᖃᕈᒪᔪᓐᓇᐅᑎᒥᑦ ᓄᑖᒥᑦ ᐊᖓᔪᖅᑳᖃᕐᕕᐅᑉ ᑎᑎᕋᕐᕕᒃᓵᓂᑦ ᖃᒪᓂ'ᑐᐊᒥᑦ

Submitted by sglaeske on

ᐃᖃᓗᐃᑦ, ᓄᓇᕗᑦ (ᔭᓄᐊᕆ 9, 2019) – ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ (ᐆᒻᒪᖅᑯᑎᓕᕆᔨᒃᑯᑦ) ᓇᒃᓯᐅᔾᔨᓚᐅᖅᐳᑦ ᐊᖏᔪᒥᑦ ᐱᓕᕆᐊᖃᕈᒪᔪᓐᓇᐅᑎᒃᓴᒥᑦ ᒪᓕᒐᓕᐅᖅᑎ ᔩᓂ ᐃHᐊᓗᐊᒃ, ᒥᓂᔅᑕ ᑲᒪᒋᔭᖃᖅᑐᖅ ᐆᒻᒪᖅᑯᑎᓕᕆᔨᒃᑯᓐᓄᑦ, ᐊᖏᖅᑕᐅᔪᒪᔪᓂᑦ ᓴᓇᔪᒪᔪᓂᑦ ᓄᑖᒥᑦ ᐊᖓᔪᖅᑳᖃᕐᕕᐅᑉ ᑎᑎᕋᕐᕕᒃᓵᓂᑦ ᖃᓂᒪ'ᑐᐊᒥᑦ.

ᑐᒃᓯᕋᐅᑖ ᐊᖏᖅᑕᐅᒃᐸᑦ, ᓴᓇᒋᐊᕋᔭᖅᑐᑦ ᐊᐅᔭᖓᓂᑦ 2020 ᐱᐊᓂᒃᑕᐅᓯᒪᓂᐊᕋᓱᒋᔭᐅᓪᓗᓂᓗ ᐅᑭᐊᒃᓵᒥᑦ 2021−ᒥᑦ. ᐱᓕᕆᐊᖑᔪᒪᔪᑦ ᐊᑭᖃᖕᓂᐊᕋᓱᒋᔭᐅᔪᖅ $13 ᒥᓕᐊᓐᓂᒃ.

“ᐃᓱᒪᓕᐅᕆᓂᐊᖅᐳᖓ ᕿᒥᕐᕈᐊᓂᒃᑯᒃᑯ ᐆᒻᒪᖅᑯᑎᓕᕆᔨᒃᑯᑦ ᑐᒃᓯᕋᐅᑖ ᐅᖃᖃᑎᖃᓚᐅᕐᓗᖓᓗ ᐆᒻᒪᖅᑯᑎᓄᑦ ᐊᑭᓕᐅᑕᐅᕙᒃᑐᓄᑦ ᕿᒥᕐᕈᓂᕐᒧᑦ ᑲᑎᒪᔨᖏᓐᓂᑦ,” ᐅᖃᖅᑐᕕᓂᑦ ᒪᓕᒐᓕᐅᖅ ᔩᓂ ᐃHᐊᓗᐊᒃ, ᒥᓂᔅᑕ ᑲᒪᒋᔭᓕᒃ ᐆᒻᒪᖅᑯᑎᓕᕆᔨᒃᑯᓐᓂᑦ.

ᑭᙵᕐᓂᑦ ᐆᒻᒪᖅᑯᑎᑦ ᖃᒥᙵᓛᖅᑐᑦ

Submitted by sglaeske on

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑭᙵᕐᒥᐅᓂᒃ ᑐᓴᖅᑎᑦᓯᔪᒪᕗᑦ ᐆᒻᒪᖁᑎᖏᑦ ᖃᒥᙵᖃᑕᓛᕐᒪᑕ ᓯᑕᒻᒥᕐᒥᑦ ᐱᒋᐊᕐᓗᓂ, ᔭᓐᓄᐊᓕ 3, ᓈᑦᓯᖑᔭᒧᓄᑦ ᑎᑭᓪᓗᒍ, ᔭᓐᓄᐊᓕ 20. 5-ᒥᓂᑦᔅᒥᑦ ᐃᑲᕐᕌᓐᓄᑦ ᒪᕐᕉᒃ ᑎᑭᓪᓗᒍ ᖃᒥᙵᖃᑦᑕᓛᖅᑐᑦ 8−ᒥᑦ ᐅᓪᓛᒃᑯᑦ ᐱᒋᐊᕐᓗᓂ 5-ᒧᑦ ᐅᓐᓄᒃᑯᑦ ᑎᑭᓪᓗᒍ.

ᑖᒃᑯᐊ ᖃᒥᖓᑲᐃᓐᓇᖃᑦᑕᕐᓂᐅᔪᑦ ᓄᑖᙳᕆᐊᖅᑕᐅᓗᑎᒃ ᓴᓇᔭᐅᓗᑎᓪᓗ ᖃᐅᒻᒪᖅᑯᑎᖃᖅᑎᑦᓯᔾᔪᑏᑦ ᐊᑐᕈᓐᓇᖅᓯᑎᑕᐅᑦᓯᐊᒃᑲᓐᓂᕐᓗᑎᓪᓗ.

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖁᔭᓕᔪᒪᕗᑦ ᑭᙵᕐᒥᐅᓂᑦ ᑐᑭᓯᐅᒪᓂᖏᓐᓄᑦ ᒪᒥᐊᑉᐳᒍᓪᓗ ᐊᑲᐃᓪᓕᐅᕈᑕᐅᓂᐊᖅᐸᑦ ᖃᒥᙵᑎᓪᓗᒍ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐳᓯᐊᐃ
ᐊᐅᓚᑦᑎᔨᐅᑲᐃᓐᓇᖅᑐᖅ, ᐊᖓᔪᖅᑲᐅᑎᓄᑦ ᑐᓴᐅᒪᖃᑦᑕᐅᑎᓕᕆᔨ
ᖁᓪᓕᖅ ᐆᒻᒪᖅᑯᑎᓕᕆᔨᖏᑕ ᑎᒥᖁᑖ
(867) 979-7524
rboucher@qec.nu.ca

ᑐᑭᒧᐊᒃᑎᑦᑎᔨ ᐱᓕᕆᐊᖑᔪᓄᑦ

Submitted by kaupaluktuq on

ᑐᙵᕕᖃᕐᓗᓂ ᐃᖃᓗᖕᓂ, ᓄᓇᕗᑦ ᐅᖃᕐᐸᒃᓗᓂᓗ ᐃᓱᒪᑕᖓᓄᑦ ᐊᒻᒪ ᐊᖓᔪᖅᑳᖅ ᐊᐅᓚᑦᑎᔨᒻᒪᕆᒃᓗ ᑖᓐᓇ ᐃᖅᑲᓇᐃᔮᒃᓴᖅ ᑐᑭᒧᐊᒃᑎᑦᑎᓗᓂ ᓇᐅᒃᑯᑐᐃᓐᓇᖅ ᐊᐅᓚᓂᕐᓄᑦ ᐃᖅᑲᓇᐃᔭᕐᕕᖕᒥ ᐃᓚᐅᓪᓗᓂ ᑲᒪᑦᑎᐊᕐᓂᖅ ᐊᐅᓚᐅᑎᖃᕐᕕᖕᒥ, ᑐᓂᐅᖅᑲᐃᓂᕐᓂ ᐊᒃᑐᐊᓂᓕᖕᓂᒃᓗ ᖃᓄᐃᓕᐅᕈᑎᓂᑦ ᓄᓇᕘᑉ 25 ᓄᓇᓕᖏᓐᓄᑦ.

ᑖᓐᓇ ᐃᖅᑲᓇᐃᔮᒃᓴᖅ ᒪᑐᐃᖓᐃᓐᓇᕐᓂᐊᖅᑐᖅ ᐃᓂᑖᕆᔭᐅᓇᓱᖕᓂᖓᓂᒃ.

Subscribe to