ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑐᓴᖅᑎᑦᑎᔪᒪᕗᑦ ᖃᒪᓂ'ᑐᐊᕐᒥᐅᓂᒃ ᐱᔨᑦᑎᕋᖅᑕᐅᕝᕕᖓ ᑎᑎᕋᕐᕕᒃ ᒪᑐᓯᒪᓂᐊᓕᕐᓂᖓᓂᒃ ᐅᖃᐅᓯᐅᒃᑲᓐᓂᓚᐅᙱᓐᓂᖓᓂ. ᑯᐊᐳᕇᓴᒃᑯᑦ ᐊᑦᑕᕐᓇᙱᑦᑐᒥᒃ ᐊᑐᑦᑎᐊᕈᓐᓇᖅᑐᒥᒡᓗ ᐆᒻᒪᖅᑯᑎᖃᖅᑎᑦᑎᔪᒪᓪᓚᑦᑖᖅᐳᑦ ᓄᓇᕗᒻᒥᐅᓕᒫᓄᑦ ᐃᑲᔪᕐᓗᑎᒡᓗ ᓄᕙᒡᔪᐊᕐᓇᖅ-19−ᒥ ᐊᐃᑦᑐᕐᓗᐃᓗᐊᖅᑎᑦᑎᑦᑕᐃᓕᒪᔪᑦ ᓄᓇᓕᖕᓂ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᓱᓕ ᐊᒃᓱᕈᕐᓇᖅᑐᒥᒃ ᐱᓕᕆᐊᖃᕋᓱᒃᐳᑦ ᓄᕙᒡᔪᐊᕐᓇᖅ-19-ᒥ ᖃᓂᒪᓐᓇᒥ. ᐊᑭᓕᖅᓱᐃᔩᑦ ᐅᖄᓚᖃᑦᑕᖁᔭᐅᕗᑦ 1-866-710-4200−ᒧᑦ ᐅᕝᕙᓘᓐᓃᑦ ᐃᕐᙲᓐᓈᖅᑕᐅᒃᑯᑦ ᑎᑎᕋᕐᓗᑎᒃ ᐅᕗᖓ customercare@qec.nu.ca ᐊᐱᖅᑯᑎᒃᓴᖃᑐᐊᕈᑎᒃ ᐃᓱᒫᓘᑎᖃᕈᑎᒡᓘᓐᓃᑦ ᐊᑭᓕᒃᓴᖃᐅᑎᖓᓂ. ᐊᑭᓕᒃᓴᔅᓯᓐᓂᒃ ᐊᒻᒪ ᐊᑭᓕᖅᓱᕆᐊᓕᖕᓂᒃ ᖃᐅᔨᔪᒪᒍᔅᓯ ᐆᒻᒪᖅᑯᑎᓕᕆᔨᒃᑯᑦ ᐃᑭᐊᖅᑭᕕᖓᓐᓄᐊᕐᓗᓯ ᖃᐅᔨᒋᐊᕈᓐᓇᖅᐳᓯ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᑭᐊᖅᑭᕕᖓᓄᑦ ᐅᕗᖓ, www.qec.nu.ca.
Latest News
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑐᓴᖅᑎᑦᑎᔪᒪᕗᑦ ᑲᖏᖅᖠᓂᕐᒥᐅᓂᒃ ᓄᓇᓕᖕᒥᐅᓄᑦ ᐊᑐᖅᑎᐅᕙᒃᑐᓄᑦ ᑲᒪᒋᔭᖃᖅᐸᖕᓂᕐᒧᑦ ᑎᑎᕋᕐᕕᖓᑦ ᒪᑐᓯᒪᓂᐊᓕᕐᓂᖓᓂᒃ ᐅᖃᐅᓯᐅᒃᑲᓐᓂᓚᐅᙱᓐᓂᖓᓂ.
ᑯᐊᐳᕇᓴᒋᔭᐅᔪᖅ ᐱᓕᕆᐊᖃᒻᒪᕆᒍᒪᕗᖅ ᐱᑎᑦᑎᕙᖕᓂᕐᒥᒃ ᖁᐊᖅᓵᕐᓇᙱᑦᑐᒥᒃ ᐊᑐᖅᑕᐅᑦᑎᐊᕈᓐᓇᖅᑐᒥᒡᓗ ᐆᒻᒪᖅᑯᑎᖃᕐᓂᕐᒥᒃ ᓄᓇᕗᒻᒥᐅᓕᒫᓄᑦ, ᑕᐃᒪᐃᓕᐅᕐᓂᕐᒥᓂᓗ ᐃᑲᔪᕐᓗᑎᒃ ᐃᓱᓕᑦᑕᖅᑎᑦᑎᓗᑎᒃ ᓯᐊᒻᒪᒃᐸᓪᓕᐊᓇᔭᕐᓂᖓᓂᒃ ᓄᕙᒡᔪᐊᕐᓇᖅ-19 ᑕᕝᕙᓂ ᓄᓇᓕᖕᓂ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᖑᒻᒪᑎᖃᑦᑕᐃᓐᓇᕐᓂᐊᖅᐳᑦ ᑲᔪᓰᓐᓇᖅᑐᓄᑦ ᐊᓂᒍᖅᑎᓐᓇᓱᒋᐊᖃᖅᐸᒃᑐᓄᑦ ᑕᒪᑐᒧᖓ ᓄᕙᒡᔪᐊᕐᓇᖅ-19−ᒧ ᓄᓇᕐᔪᐊᒦᓕᒫᓕᖅᑐᒧᑦ.
ᐃᖃᓗᐃᑦ, ᓄᓇᕗᑦ (ᐅᑐᐱᕆ 23, 2020) − ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ (QEC) ᑐᓂᓯᔪᑦ 2020 ᓘᕋ ᐅᓪᓗᕆᐊᖅ ᒎᑎᐊᐃ ᐃᓕᓐᓂᐊᕈᑎᒃᓴᓄᑦ ᐃᑲᔫᓯᐊᕐᒥᒃ ᔨᐊᓇ ᕿᓚᕝᕙᕐᒧᑦ ᐸᖕᓂᖅᑑᕐᒥᐅᑕᒧᑦ. ᔨᐊᓇ ᕿᓚᕝᕙᖅ ᐅᑭᐅᖅ ᐊᐃᑉᐸᖓᓂ ᐃᓕᓐᓂᐊᖃᑕᐅᓕᖅᑐᖅ ᓄᓇᕗᒻᒥ ᐃᓕᓴᐃᔨᙳᕆᐅᖅᓴᔪᓂᒃ ᓄᓇᕗᒻᒥ ᓯᓚᑦᑐᖅᓴᕐᕕᖕᒥ.
"ᐃᓕᓐᓂᐊᖅᑎᕗᑦ ᐱᕚᓪᓕᖅᑎᓐᓇᓱᒡᓗᒋᑦ, ᑐᕌᒐᖃᖅᐳᖅ ᐊᔾᔨᒌᙱᓐᓂᓖᑦ ᑲᑎᑉᐸᓪᓕᐊᔪᒪᓪᓗᒋᑦ ᐅᓪᓗᒥ ᐃᓕᓐᓂᐊᖅᑐᓕᕆᔾᔪᑎᖓ ᐊᒻᒪ ᓄᓇᕗᒻᒥ ᐃᓄᐃᑦ ᖃᐅᔨᒪᔭᑐᖃᖏᑦ," ᐅᖃᓚᐅᖅᐳᖅ ᒪᓕᒐᓕᐅᖅᑎ ᔩᓂ ᐃᕼᐊᓪᓗᐊᖅ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᒥᓂᔅᑕᖓ. "ᐃᓕᓐᓂᐊᑦᑎᐊᖏᓐᓇᖁᒐᓗᐊᖅᐸᕋ ᓯᕗᒻᒧᐊᒃᑎᑦᑎᕙᓪᓕᐊᑎᓪᓗᒍ ᐃᓕᓐᓂᐊᖅᑎᓄᑦ."
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᑐᓴᖅᑎᑦᑎᔪᒪᔪᑦ ᑭᙵᕐᒥᐅᓂᒃ ᐸᕐᓇᒃᑕᐅᓯᒪᓪᓗᓂ ᖃᒥᙵᖅᑎᑕᐅᓚᕐᒪᑕ ᓯᕙᑖᕐᕕᖕᒥ, ᐋᒃᑑᕝᕙ 26−ᒥ 8-ᒥ ᐱᒋᐊᕐᓗᓂ 10-ᒧᐊᕋᓱᕐᓂᖓᓂᑦ ᐅᓪᓛᒃᑯᑦ. ᖃᒥᙵᕐᓂᐊᖅᑐᑦ ᖁᖅᓱᖅᑕᒥᑦ ᓇᓗᓇᐃᖅᓯᒪᕗᑦ ᓄᓇᙳᐊᕐᒥ ᐊᑖᓂ.
ᑖᒃᑯᐊ ᖃᒥᙶᑲᐃᓐᓇᕆᐊᖃᕐᒪᑕ ᓄᑖᙳᕆᐊᖅᓯᔪᒪᓪᓗᑎᒃ ᐆᒻᒪᖅᑯᑎᖃᕈᑎᖏᓐᓂᒃ ᑲᑎᑕᐅᔪᒪᓪᓗᓂᓗ ᐋᓐᓂᐊᕕᒃᑖᓵᒧᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᕗᑦ ᑐᑭᓯᐅᒪᔪᓐᓇᕐᒪᑕ ᒪᒥᐊᑉᐳᓪᓗ ᐊᑲᐅᙱᓕᐅᕈᑕᐅᑐᐃᓐᓇᕆᐊᖃᖅᐸᑦ ᖃᒥᙶᖅᑎᓪᓗᒋᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐳᓲ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
(867) 979-7524
rboucher@qec.nu.ca
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᔪᒪᕗᑦ ᐃᖃᓗᒃᑐᑦᑎᐊᒥᐅᓂᒃ ᖃᒥᙶᓛᕐᓂᖏᓐᓂᒃ ᓯᕙᑖᕐᕕᖕᒥ, ᐅᑐᐱᕆ 24, 7−ᒥ ᐅᓪᓚᒃᑯᑦ ᐱᒋᐊᕐᓗᓂ 12-ᒧᐊᕋᓱᖕᓂᖓᓄᑦ ᐅᓪᓗᕈᒻᒥᓴᕐᓇᒧᑦ. ᖃᒥᙵᕐᓂᐊᖅᑐᑦ ᖁᖅᓱᖅᑕᒥᑦ ᓇᓗᓇᐃᖅᓯᒪᕗᑦ ᓄᓇᙳᐊᕐᒥ ᐊᑖᓂ.
ᖃᒥᙵᑎᑕᐅᔭᕆᐊᖃᕐᒪᑕ ᖃᐅᒻᒪᖅᑯᑎᖃᖅᑎᑦᑎᔾᔪᑎᖓ ᐊᑦᑕᑕᖅᑎᑕᐅᔭᕆᐊᖃᕐᒪᑦ ᓅᑕᒧᑦ ᐊᕉᕋ ᐃᒡᓗᖃᕐᕕᒃᓴᒧᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᕗᑦ ᑐᑭᓯᐅᒪᔪᓐᓇᕐᒪᑕ ᒪᒥᐊᑉᐳᓪᓗ ᐊᑲᐅᙱᓕᐅᕈᑕᐅᑐᐃᓐᓇᕆᐊᖃᖅᐸᑦ ᖃᒥᙶᖅᑎᓪᓗᒋᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐳᓲ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
(867) 979-7524
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑐᓴᖅᑎᑦᑎᔪᒪᕗᑦ ᑲᖏᖅᖠᓂᕐᒥᐅᓂᒃ ᐊᕙᑎᕗᑦ ᖃᐅᔨᓴᖅᑕᐅᓂᐊᖓ ᑭᕙᓪᓕᖅ ᐊᖅᑯᑖᓂ ᐱᐊᓂᒃᑕᐅᓯᒪᓕᕐᓂᖓᓂᒃ. ᖁᐊᕈᓐᓇᙱᑦᑐᖅ ᐅᖅᑰᓴᐅᑎᑉ ᐃᒪᖓ ᖃᐅᔨᓴᕐᕕᖕᒥ ᖃᐅᔨᔾᔪᑎᒃᓴᐅᑉ ᑐᖔᓃᓚᐅᕐᒪᑦ ᐃᔾᔪᕐᒦᑦᑐᖅ, ᐃᒪᖅᓱᕐᒦᑦᑐᖅ ᐊᒻᒪ ᓄᓇᐅᑉ ᖄᖓᓃᑦᑐᖅ ᐃᒪᖅ ᖃᐅᔨᓴᖅᑕᐅᓚᐅᖅᑐᓂᒃ.
ᐊᕙᑎᕗᑦ ᖃᐅᔨᓴᖅᑕᐅᓂᖓ ᐱᐊᓂᒃᑕᐅᓚᐅᖅᐳᖅ ᐃᕐᖓᖅᑐᖄᓪᓚᓚᐅᖅᑎᓪᓗᒍ ᐆᒻᒪᖅᑯᑎᓕᕆᔨᒃᑯᑦ ᐅᖅᑰᓴᐅᑎᖃᕐᕕᖓᓐᓂᒃ 2019-ᒥ ᐅᑭᐊᒃᓵᒃᑯᑦ. ᐃᒻᒪᖄ 30,000-ᒥ 40,000−ᒧᑦ ᓖᑕᓂᒃ ᖁᐊᕈᓐᓇᙱᑦᑐᖅ ᐅᖅᑰᓴᐅᑎᑉ ᐃᒪᖓ ᐊᒻᒪ ᐃᒪᕐᒥᒃ ᐃᓚᓯᒪᔪᖅ ᐃᕐᖓᓕᓚᐅᕐᒪᑦ ᓱᓪᓗᓕᐅᑉ ᐃᓚᖓᓐᓂᒃ ᐊᒃᑐᐊᔪᒧᑦ ᑭᕙᓪᓕᕐᒥ ᐋᓐᓂᐊᕕᖕᒧᑦ ᐱᖁᑎᒥᒃ ᓱᕋᒃᑐᖄᓪᓚᓚᐅᖅᑎᓪᓗᒍ. ᓄᓇ ᖁᐊᖑᓚᐅᕐᓂᖓᓄᑦ ᖃᐅᔨᓴᖅᑕᐅᔪᓐᓇᓚᐅᙱᓚᖅ ᑭᓯᐊᓂ ᐊᐅᔭᙳᖅᑎᓪᓗᒍ 2020−ᒥ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᔪᒪᕗᑦ ᐃᖃᓗᒻᒥᐅᓂᒃ ᖃᒥᙶᓛᕐᓂᖏᓐᓂᒃ ᐊᐃᑉᐹᑦ, ᐅᑐᐱᕆ 13−ᒥᑦ, 6−ᒥ ᐱᒋᐊᕐᓗᓂ 8-ᒧᐊᕋᓱᐊᕐᓂᖓᓄᑦ ᐅᓪᓛᒃᑯᑦ. ᖃᒥᙵᕐᓂᐊᖅᑐᑦ ᖁᖅᓱᖅᑕᒥᑦ ᓇᓗᓇᐃᖅᓯᒪᕗᑦ ᓄᓇᙳᐊᕐᒥ ᐊᑖᓂ.
ᖃᒥᙶᕐᓂᕆᔭᐅᓂᐊᕐᑐᖅ ᐱᔭᕆᐊᖃᕐᐳᖅ ᐊᑦᑕᕐᓇᖅᑐᒦᑎᑦᑎᑦᑕᐃᓕᒪᓂᕐᒧᑦ ᐃᓕᔭᐅᕙᓪᓕᐊᑎᓪᓗᒋᑦ Navigator ᑐᔪᕐᒥᕕᒃ ᐃᓂᖃᕐᖢᓂ ᕿᑭᖅᑖᓂ ᐋᓐᓂᐊᕐᕕᐅ ᖃᓂᒋᔮᓂ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖁᔭᓕᕗᑦ ᑐᑭᓯᐅᒪᔪᓐᓇᕐᒪᑕ ᒪᒥᐊᑉᐳᓪᓗ ᐊᑲᐅᙱᓕᐅᕈᑕᐅᑐᐃᓐᓇᕆᐊᖃᖅᐸᑦ ᖃᒥᙶᖅᑎᓪᓗᒋᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐳᓲ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
(867) 979-7524
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓴᓂᕋᔭᖕᒥᐅᓂᒃ ᑐᓴᐅᒪᖁᔨᕗᑦ ᐸᕐᓇᒃᑕᐅᓯᒪᓗᓂ ᖃᒥᙶᑲᑕᑐᐃᓐᓇᕆᐊᖃᕐᓂᐊᕐᒪᑕ ᐅᑐᐱᕆ 8-ᒥᑦ 12-ᒧᑦ ᑎᑭᓪᓗᒍ ᐅᐊᔭᓕᕆᔩᑦ ᐆᒻᒪᖅᑯᑎᖃᕐᕕᖕᒥ ᐊᒻᒪ ᖃᐅᒻᒪᖅᑯᑎᖃᖅᑎᑦᑎᔾᔪᑎᖏᓐᓂᒃ ᐋᖅᑭᒃᓱᖅᑕᐅᔪᓂᑦ ᐱᐊᓂᒐᓱᒃᑎᓪᓗᒋᑦ.
ᐊᐃᑉᐹᓂ ᐱᒋᐊᖅᖢᓂ, ᐅᑐᐱᕆ 6, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᓄᓇᓕᖕᓂ ᐅᖓᓯᒃᑐᒥᓪᓗ ᐱᓕᕆᐊᖑᑲᑕᒃᓯᒪᖕᒪᑦ ᓄᓇᓕᖕᓂ ᖃᐅᒻᒪᖅᑯᑎᑦ ᐃᑭᑎᑕᐅᒃᑲᓐᓂᕋᓱᒃᖢᑎᒃ. ᓯᓚᕈᔫᓂᖓᓄᑦ ᓱᕋᒃᓯᒪᔪᓕᕆᔩᑦ ᓴᕕᒐᐅᔭᓕᕆᔩᓪᓗ ᐃᖃᓗᖕᓂ ᖃᖓᑦᑕᕈᓐᓇᐃᓪᓕᓚᐅᖅᐳᑦ ᐃᑲᔪᕆᐊᕋᓱᒃᑐᑦ ᐋᖅᑭᒋᐊᖅᑕᐅᒃᑲᓐᓂᕋᓱᒃᑎᓪᓗᒍ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᔪᒪᕗᑦ ᐃᖃᓗᒃᑐᑦᑎᐊᒥᐅᓂᒃ ᖃᒥᙶᓛᕐᓂᖏᓐᓂᒃ ᓯᕙᑖᕐᕕᖕᒥ, ᐅᑐᐱᕆ 10, 8−ᒥ ᐅᓪᓚᒃᑯᑦ ᐱᒋᐊᕐᓗᓂ 12-ᒧᐊᕋᓱᖕᓂᖓᓄᑦ ᐅᓪᓗᕈᒻᒥᓴᕐᓇᒧᑦ, ᓴᓇᑦᑕᐃᓕᒥᓗ, ᐅᑐᐱᕆ 11, 7-ᒥ ᐅᓪᓛᒃᑯᑦ ᐱᒋᐊᕐᓗᓂ 1-ᒧᐊᕋᓱᖕᓂᖓᓄᑦ ᐅᓐᓄᒃᓴᒃᑯᑦ. ᖃᒥᙶᓛᖅᑐᑦ ᖁᖅᓱᖅᑕᒥᑦ ᓇᓗᓇᐃᖅᓯᒪᕗᑦ ᓄᓇᙳᐊᕐᒥ ᐊᑖᓂ.
ᖃᒥᙵᖅᑎᑕᐅᔭᕆᐊᖃᕐᓂᐊᖅᐳᑦ ᐊᑦᑕᕐᓇᙱᑦᑐᒥᒃ ᐊᑦᑕᑕᖅᑎᑦᑎᕙᓪᓕᐊᔪᒪᓪᓗᑎᒃ ᖃᐅᒻᒪᖅᑯᑎᖃᖅᑎᑦᑎᔾᔪᑎᖓᓂᒃ ᓄᑕᒧᑦ ᐊᕉᕋ ᐃᒡᓗᖁᑕᓄᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖁᔭᓕᕗᑦ ᑐᑭᓯᐅᒪᔪᓐᓇᕐᒪᑕ ᒪᒥᐊᑉᐳᓪᓗ ᐊᑲᐅᙱᓕᐅᕈᑕᐅᑐᐃᓐᓇᕆᐊᖃᖅᐸᑦ ᖃᒥᙶᖅᑎᓪᓗᒋᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐳᓲ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᐅᒪᔪᓕᕆᔨᒃᑯᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
(867) 979-7524
ᐆᒻᒪᖅᑯᑎᓕᕆᔨᒃᑯᑦ ᐱᓇᔪᒃᓯᒪᓕᖅᑐᑦ ᐅᖅᓱᐊᓗᒃᑖᖅᐸᒃᑐᑦ ᐊᑭᓕᖅᓱᖁᓪᓗᒋᑦ ᐅᖅᓱᐊᓗᒃᑖᖅᑐᑦ ᐊᑭᓕᖅᓱᐃᔭᕆᐊᖃᓕᕐᓗᑎᒃ $1.25-ᐃᑲᕐᕋᒧᑦ ᐅᑐᐱᕆ 1−ᒥᑦ ᒫᑦᓯ 31, 2021-ᒧᑦ. ᐱᓇᔫᑕᐅᔪᖅ ᑐᓐᓂᖅᑯᑕᐅᓚᐅᖅᐳᖅ ᐆᒻᒪᖅᑯᑎᓕᕆᔨᒃᑯᑦ ᒥᓂᔅᑕᖓᓐᓄᑦ, ᖃᐅᔨᓇᓱᒋᐊᖃᕐᓂᐊᖅᑐᖅ ᐆᒻᒪᖅᑯᑎᑦ ᐊᑭᖏᓐᓄᑦ ᕿᒥᕐᕈᔩᑦ ᑲᑎᒪᔨᖏᓐᓄᑦ ᖃᓄᐃᓕᐅᖁᔭᐅᖕᒪᖔᖏᑦ.
ᐅᖅᓱᐊᓗᖕᒧᑦ ᐊᑭᖓ ᐊᑭᓕᒃᑲᓐᓂᕆᐊᖃᓲᖑᕗᖅ ᐅᕝᕙᓘᓐᓃᑦ ᐊᑭᓕᖅᓱᖅᑕᐅᔪᓄᑦ ᐅᑎᖅᑎᒐᒃᓴᐅᓲᖑᕗᖅ ᐊᑭᓕᖅᓱᐃᔨᑦ ᐊᑭᓕᒐᒃᓴᖏᓐᓂᒃ ᑕᑯᒃᓴᐅᑎᑦᑎᔭᕆᐊᖃᖅᑐᖅ ᐊᔾᔨᒌᙱᓐᓂᖓᓂ ᐅᖅᓱᐊᓘᑉ ᐊᑭᖓ ᐆᒻᒪᖅᑯᑎᑐᕈᓯᑦ ᐊᑭᖏᓐᓂᒃ ᐊᑭᓪᓚᑦᑖᖓᓗ ᐊᑭᓕᖅᓱᖅᑕᐅᔪᖅ ᐆᒻᒪᖅᑯᑎᓕᕆᔨᒃᑯᓐᓄᑦ.
ᑐᑭᓯᒋᐊᒐᒃᓴᖅᑕᖃᒃᑲᓐᓂᖅᑐᖅ ᐆᒻᒪᖅᑯᑎᓕᕆᔨᒃᑯᑦ ᐅᖅᓱᐊᓗᖕᒧᑦ ᐊᑭᖓᓂᒃ ᐅᕗᙵᕐᓗᓯ www.qec.nu.ca.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕈᓃ ᐳᓲ